Një kontigjent i Forcës së Sigurisë së Kosovës ka mbërritur në Turqi, në operacionin e kërkim-shpëtimit në zonat e prekura nga tërmeti.
Fondacioni SETA në Uashington ka publikuar pamje nga momenti kur ekipi i Kosovës ka arritur në Adana dhe është pritur me duartrokitje nga vullnetarët turq.
<blockquote class=”twitter-tweet”><p lang=”en” dir=”ltr”>Kosovo team headed to Adana receives applause from Turkish volunteers waiting for their own flights to the region <a href=”https://twitter.com/hashtag/earthquake?src=hash&ref_src=twsrc%5Etfw”>#earthquake</a> <a href=”https://twitter.com/hashtag/deprem?src=hash&ref_src=twsrc%5Etfw”>#deprem</a> <a href=”https://twitter.com/hashtag/Turkiye?src=hash&ref_src=twsrc%5Etfw”>#Turkiye</a> <a href=”https://t.co/LYocbtAO7E”>pic.twitter.com/LYocbtAO7E</a></p>— The SETA Foundation at Washington DC (@SETADC) <a href=”https://twitter.com/SETADC/status/1622789014007738370?ref_src=twsrc%5Etfw”>February 7, 2023</a></blockquote> <script async src=”https://platform.twitter.com/widgets.js” charset=”utf-8″></script>
Forcat e Sigurisë së Kosovës kanë realizuar me sukses një aktivitet stërvitor “KFOR 30”, të mbajtur në Bazën Ushtarake amerikane në Hohenfels të Gjermanisë, ka njoftuar ministri i Mbrojtjes, Armend Mehaj.
Ai shkroi në Facebook se ushtarakët e Kosovës “dëshmuan performancë me profesionalizëm të lartë, duke u vlerësuar shumë lartë nga forcat tona aleate amerikane dhe forcat tjera partnere bashkëpjesëmarrëse në stërvistje”.
“Vazhdojmë drejtë sukseseve të reja për avancimin e mëtejmë të forcave të ndërveprueshme me forcat aleate”, shkroi Mehaj në Facebook.
Komuna e Prishtinës ka marrë vendim që të liroi nga pagesa e transportit publik të gjithë ushtarët e FSK-së.
Kjo është bërë e ditur sot gjatë një takimi që kryetari i Prishtinës, Përparim Rama, ka pasur me ministrin e Mbrojtjes, Armen Mehaj.
“Me qëllim të mbështetjes së ushtarakëve të FSK-së dhe lehtësimit në funksionalitetin institucional të FSK-së, kryetari Rama nënshkroi sot vendimin për lirimin nga pagesa e ushtarakëve të FSK-së nga pagesa e udhëtimit me sistemin e transportit urban që menaxhohet nga Komuna e Prishtinës”, ka shkruar Mehaj,.
Mehaj tha se me Kryetarin Rama, gjithashtu u dakorduam që, pas një analize dhe vlerësimi nga dyja palët, të arrijmë edhe Memorandumin e Bashkëpunimit në fusha tjera të interesit të përbashkët.
Presidentja e Kosovës, Vjosa Osmani, ka emëruar gjeneralmajorin Bashkim Jashari, komandant të ri të Forcës së Sigurisë së Kosovës, pas dorëheqjes së Rrahman Ramës.
Siç ka njoftuar Presidenca, emërimi ka ardhur siç parashihet në ligjin për FSK-në, pas propozimit të ministrit të Mbrojtjes dhe rekomandimit të kryeministrit të Republikës së Kosovës.
“Para emërimit të komandantit të ri të FSK-së, Presidentja e Republikës së Kosovës, mbështetur në dispozitat ligjore, ka dekretuar lirimin nga detyra të komandantit të deritanishëm të FSK-së, gjenerallejtënant Rrahman Rama, pas paraqitjes së dorëheqjes nga ana e tij”, thuhet në njoftim.
Kosova ka nënshkruar kontratën me Turqinë për blerjen e 14 automjeteve ushtarake të blinduara me pajisje të armatimit, kanë konfirmuar për Radion Evropa e Lirë burime zyrtare brenda Forcës së Sigurisë së Kosovës (FSK).
Agjencia shtetërore e lajmeve Anadolu, gjithashtu ka njoftuar se eksporti i parë i makinave turke të blinduara të tipit Vuran, të prodhuara në bashkëpunim me firmat e mbrojtjes në Turqi, do të arrijnë në Kosovë.
Vuran në FSK, në fillim të vitit të ardhshëm
Sipas burimeve brenda Forcës së Sigurisë së Kosovës, të cilat kanë folur për Radion Evropa e Lirë, FSK-ja ka kontraktuar blerjen e katër automjeteve të tipit Vuran me tërheqje 4×4, ndërkaq që dhjetë të tjerat janë të së njëjtës kompani, por të tipit KIRPI, të pajisura me armatime.
“Të gjitha këto automjete të blinduara janë pajisje shumëfunksionale. Një pjesë e tyre pritet të arrijnë në Kosovë në fillim të vitit të ardhshëm”, i ka thënë Radios Evropa e Lirë burimi nga FSK-ja.
Sipas informacioneve që ka siguruar agjencia shtetërore e lajmeve, Anadolu, Kosova do të jetë shteti i parë i huaj që do të përdorë këto automjete të blinduara me tërheqje të tipit 4×4.
Në njoftimin e agjencisë Anadolu, thuhet se në fazën e parë, dy njësi të automjeteve të blinduara do të prodhohen dhe do të dërgohen në Kosovë.
Automjetet Vuran prodhohen nga kompania komerciale turke për makina ushtarake, BMC Otomotiv në bashkëpunim me firmën më të madhe për pajisjet e mbrojtjes, Aselsan.
Këto automjete përdoren tash e një kohë nga forcat e sigurisë së Turqisë dhe ato kanë lëvizshmëri dhe qëndrueshmëri të lartë, si dhe mund të operojnë në kushte të rënda klimatike dhe terrene të vështira.
Investimet në FSK, më të voglat në rajon
Në dhjetor të vitit 2018, Kuvendi i Kosovës miratoi ndryshimet ligjore, për të ndryshuar mandatin e FSK-së. Kësaj force është thënë se do t’i nevojitet një periudhë kohore prej dhjetë vjetësh për t’u transformuar në ushtri me kapacitete të plota.
Programi i transformimit parasheh tri faza. Faza e parë do të përfshijë tre vjet, e dyta katër vjet dhe e fundit sërish tre vjet.
Kapacitet e plota operacionale parashihen që të arrihen në fazën e tretë. Por, aktualisht Kosova po shkon drejt përfundimit të fazës së parë.
Njohësi i çështjeve të sigurisë, Nuredin Ibishi, ish-deputet në Kuvendin e Kosovës, thotë për Radion Evropa e Lirë se në përputhje me fazat e transformimit të FSK-së janë duke u zhvilluar edhe trajnimet dhe edukimi i kuadrove brenda kësaj force, por edhe ngritja e kapaciteteve teknike të saj.
Sipas tij, Qeveria e Kosovës ka arritur që për vitet 2020, 2021 dhe 2022 të planifikojë ngritjen e buxhetit për FSK-në, i cili i plotëson nevojat e saj dhe krijon mundësi investimi në këtë forcë. Në vitin 2020, buxheti i ndarë për FSK-në ishte rreth 63 milionë euro. Në vitin 2021, buxheti i FSK-së është 67 milionë euro.
Por, Ibishi, vlerëson se krahasuar me vendet fqinje, Kosova ndan më pak buxhet për ushtrinë.
“Do të thotë, investimet në forcat e armatosura janë diku rreth 1 për qind e Bruto Produktit Vendor apo GDP-së, që janë deri diku mirë, por jo edhe mjaftueshëm në krahasim me disa vende të rajonit, të cilat e kanë kaluar edh 2 për qind të Bruto Produktit Vendor. Pra, ka të bëjë me disa vende të rajonit, të cilat kanë bërë një debalancë në krahasim me vet kapacitetet e veta, qoftë në aspektin e territorit, popullatës, por edhe rreziqet e kërcënimeve çfarë janë realisht në rajon, sidomos po flas për Republikën e Serbisë”, tha Ibishi.
Autoblindat blihen me paratë e donacionit të Turqisë
Burimi i Radios Evropa e Lirë brenda FSK-së, ka thënë se FSK-ja merr nga Turqia rreth 100 milionë lira turke (9.7 milionë euro) në vit si donacion, e të cilat i shfrytëzon për të kontraktuar blerjen e pajisjeve ushtarake po ashtu nga Turqia. Kontratat bëhen në dollarë dhe shuma e tyre lëvizë varësisht nga kursi i këmbimit të lirave turke në dollarë, për shkak se kontratat e blerjes së pajisjeve ushtarake bëhen me dollarë amerikanë.
Sigurimi i pajisjeve ushtarake të FSK-së nga shteti i Turqisë, bëhen në bazë të kërkesës së FSK-së për llojin e pajisjeve, ndërkaq që të gjitha procedurat tjera i kryen shteti turk.
Në këtë mënyrë janë siguruar edhe 14 automjetet e blinduara të tipit Vuran dhe KIRPI.
Më herët Turqia i ka dhuruar FSK-së si donacion automjete të blinduara të tipit Cobra. Ndërkohë që gjatë tre vjetëve, FSK-ja ka siguruar pajisje individuale, në vlerën e donacioneve vjetore që i jep shteti turk.
Në muajin gusht arrijnë 50 autoblinda amerikane Humvee
Përveç Turqisë, Forca e Sigurisë, deri më tash ka siguruar pajisje ushtarake të llojllojshme nga Shtetet e Bashkuara të Amerikës, Gjermania, Britania e Madhe, por edhe nga vende të tjera, të cilat janë pjesë e aleancës së NATO-s.
Burimi i Radios Evropa e Lirë nga FSK-ja ka konfirmuar se në fillim të muajit gusht Forcat e Sigurisë së Kosovës do të marrin edhe 50 automjete të tjera të blinduara të tipit Humvee, si donacion nga Shtetet e Bashkuara të Amerikës.
Forca e Sigurisë së Kosovës tashmë posedon me 68 të tilla, ku 27 kanë qenë donacion, kurse pjesa tjetër është blerë nga buxheti i Kosovës.
Arritja e mundshme e objektivave para afatit
Eksperti i çështjeve të sigurisë, Nuredin Ibishi, thotë se aktualisht në Kosovë janë të pranishme forcat e KFOR-it, të cilat kanë mandatin të kujdesen për aspektin e sigurisë dhe mbrojtjes në gjithë territorin e saj.
Gjatë kësaj kohe, siç thotë Ibishi, FSK-ja në tri fazat e saj të transformimit mund të zhvillojë kapacitetet e plota operacionale dhe ka mundësinë shtesë që t’i arrijë objektivat e parashikuara, madje edhe para kohës së përcaktuar prej dhjetë vjetësh për transformim.
Qeveria e Kosovës është zotuar që në vitin 2022 do të ndajë mbi 100 milionë euro për FSK-në.
Ibishi thotëse rritja e buxhetit gjatë viti 2021 për FSK-në, si dhe rritja eventuale edhe në vitin e ardhshëm, do të jetë shumë e mirëseardhur për këtë forcë.
“Pra (këtë vit) arrin diku mbi 80 milionë euro, prej diku më pak se 60 milionë apo saktësisht 57 milionë. Kjo tregon që është një interesim i Qeverisë së re të Kosovës që FSK-në, por edhe sektorin e sigurisë, ta mbështesë në aspektet e zhvillimeve të brendshme transformuese, por edhe në aspektet tjera integruese. Natyrisht edhe pajisjen e saj, edukimi dhe shkollimi në akademitë prestigjioze në Evropë dhe në Shtetet e Bashkuara të Amerikës, i jep një mundësi shtesë FSK-së, që në afatin optimal ajo t’i zhvillojë kapacitetet e plota operacionale”, theksoi Ibishi.
Forca e Sigurisë së Kosovës u themelua më 2009 në bazë të Planit të Ahtisaarit, dokument që çoi drejt pavarësimit të Kosovës. Kjo forcë është ngritur nën mbikëqyrjen e NATO-s, por misioni dhe kapacitetet e saj, nuk përkuan me ambicien e institucioneve, që Kosova ta ketë ushtrinë e saj.
Pas luftës së armatosur të vitit 1999, në marrëveshje me NATO-n, ishin formuar Trupat Mbrojtëse të Kosovës, si forcë për emergjenca. Kjo trupë më pas ishte shndërruar në Forcën e Sigurisë së Kosovës.
Ministria e Mbrojtjes ka shpallur konkursin për rekrutimin e kadetëve të rinj për vitin akademik 2021/2022.
Konkursi është shpallur për pranim të kadetëve në këto qendra ushtarake: Akademia e Mbrojtjes, Qendra për Studime Universitare e FSK-së dhe Universitetin Amerikan në Kosovë, Akademia Ushtarake e Forcave Tokësore në Republikën e Turqisë, Akademia Ushtarake në Republikën e Kroacisë -menaxhimi dhe udhëheqja ushtarake, Akademia Ushtarake në Republikën e Maqedonisë së Veriut.
Siç njofton ministria, konkursi do të jetë i hapur nga data 31 maj deri më 11 qershor 2021.
Aplikimi bëhet online në uebfaqen e ministrisë, duke klikuar KËTU.
FSK-ja tani do ta ketë në dorë një prej kodrave më të larta në Rajonin e Veriut, ‘Kodrën e Cërrnushës’ që ka pamje mbi 4 komuna dhe dhjetëra fshatra.
Me vendimin e Kuvendit Komunal të Mitrovicës, kjo kodër do t’i jepet sot FSK-së.
Siç është mësuar, aty do të ndërtohet një kamp i madh ushtarak, ku pritet të vendosen edhe njësite të ushtrive amerikane dhe të shteteve të tjera që janë pjesë e NATO-s, shkruan reporteri.
Dhënien e kësaj toke e ka konfirmuar kryetari Agim Bahtiri, i cili proceduar këtë çështje në Kuvendin Komunal me arsyetimin se kjo çështje është në strategjinë e mbrojtjes së Kosovës.null
E një konfirmim për këtë çështje veçse e ka dhënë Komuna, pasi ka kaluar në Komitetin për Politikë dhe Financa para dy ditësh dhe është vendosur të procedohet në seancë.
“Në Komitetin për Politikë dhe Financa ka kaluar propozim-vendimi për dhënien e pronës së paluajtshme të Komunës në shfrytëzim për Ministrinë e Mbrotjes për nevoja të FSK-së, i cili tash këtë të premte do të del për miratim përfundimtar në Kuvendin Komunal të Mitrovicës. Kjo tokë komunale në fshatin Cërrnushë do të shfrytëzohet nga FSK-ja për ndërtimin e një baze ushtarake në parcelën prej 191 hektarësh”, ka thënë Bahtiri.
Kështu, seanca e jashtëzakonshme ku do të vendoset për t’ia dhënë FSK-së këtë Kodër, mbahet sot dhe siç mësohet të gjitha grupet janë PRO.
Duhet theksuar se Kodra e Cërrnushës është e lartë 1010 metra, dhe nga aty shihet si në pëllëmbë të dorës qyteti i Vushtrrisë, qyteti i Mitrovicës, qyteti i Mitrovicës së Veriut, Zvecani si dhe një pjesë e Zubin Potokut.
Rrugëtimi historik i Republikës së Kosovës drejt kontributit për paqe në botë filloj sot formalisht përmes ceremonisë së organizuar në bazën ushtarake Camp Dodge të Gardës Nacionale të Iowa-së në qytetin Johnston.
Kjo u bë e ditur përmes një njoftimi nga Konsullata e Kosovës në Des Moines. “Autoritete ushtarake si dhe civile të nivelit federal si dhe lokal të Shteteve të Bashkuara të Amerikës si dhe Shtetit të Iowa-së ju drejtuan ushtarëve që do të shërbejnë në këtë mision”.
Senatorja e Shteteve të Bashkuara të Amerikës Joni Ernst, e vuri theksin te rëndësia e pjesëmarrjes së ushtarëve tanë në këtë zbarkim. Ernst e cilësoi si arritje historike e Popullit të Kosovës.
Gjithashtu edhe Gjenerali Corell nga Garda Nacionale e Iowa-së u shpreh shumë i kënaqur me zhvillimin e këtij projekti.
“Në ndërkohë nga ana Kosovare, prezent ishin Atasheu ushtarak i Republikës së Kosovës në Washington DC, Kolonel Ilir Qeriqi, dhe Shefi i Misionit të Konsullatës së Republikës së Kosovës në Iowa, Artan Duraku. Kolonel Qeriqi ju drejtua ushtarëve të IOWA-së i cili edhe përcolli mesazhet e Gjeneral Rrahman Ramës, Komandant i Forcave të Sigurisë së Kosovës”, njofton Konsullata e Kosovës në Des Moines përcjell Klan Kosova.
“Ushtarët tanë do të shërbejnë së bashku me kolegët e tyre me të cilët paraprakisht janë trajnuar dhe kanë përvetësuar shkathësit e nevojshme për përmbushjen e misioninit. Republika e Kosovës është e bekuar me miqësinë me Shtetet e Bashkuara të Amerikës”.
Ministria e Mbrojtjes ka njoftuar kandidatët për rekrut (OR-1) në Forcën e Sigurisë së Kosovës, për rezultatet fillestare të testit fizik, që është realizuar nga data 28 shtator 2020 deri me 28 tetor 2020.
Testin e kanë kaluar qindra rekrutë.
Në njoftim nuk janë publikuar emrat por vetëm shifrat dhe gjysma e numrit personal.
Këtu mund ta gjeni likun me kandidatët që e kanë kaluar testin fizik.
