rilindja.albeniplast.com

Tag: Isa Mustafa

  • Qeveria Mustafa në vitin 2015 refuzoi 500 milionë euro për rindërtimin e blloqeve në KEK – do të siguronin rrymë për 30 vjet

    Qeveria Mustafa në vitin 2015 refuzoi 500 milionë euro për rindërtimin e blloqeve në KEK – do të siguronin rrymë për 30 vjet

    Ish-eksperti i Kosovës në Korporatën Energjetike të Kosovës (KEK), Avni Kurshumliu (tani i ndjerë), në vitin  2015 pati treguar se si qeveria e Kosovës pati refuzuar një investim 500 milionësh, qeveri kjo që udhëhiqej nga Isa Mustafa, atë kohë ish-presidenti Thaçi ishte ministër i Punëve të Jashtme dhe zëvendësi i Mustafës.

    Pikërisht për këtë refuzim, ish qeveria Mustafa ishte kritikuar nga
    kancelaria gjermane, Angela Merkel, për mos-seriozitet.

    Kurshumliu pati treguar se në ofertën e kompanisë gjermane për rindërtimin e katër blloqeve ekzistuese në vlerë prej 800 milionë euro, ku Kosova do të duhej t’i siguronte vetëm 300 milionë euro, ndërkohë pjesën tjetër BERZH-i.

    Siç pati thënë eksperti, sasia e prodhimit pa rindërtimit të oshte 815mw, brenda gjashtë vitesh, rrjedhimisht i bie që në vitin 2022 do të ishin të gatshme për prodhim.

    Eksperti i KEK-ut pati thënë se të gjitha blloqet do të bëheshin me pajisje të reja dhe me jetëgjatësi prej 30 vjetësh.

  • Mustafa: Deklaratat e Kurtit, tipike folklorike të destinuara për ‘analfabetët funksional

    Kryeministri i Kosovës, Albin Kurti, dje ka nxitur reagime të shumta pasi u paraqit në mbledhjen e Këshillit të Stabilizim-Asociimit mes Bashkimit Evropian dhe Republikës së Kosovës, duke përfaqësuar Kosovën me fusnotë.

    Kjo për shkak se Kurti sa ishte në opozitë e kishte kundërshtuar vendosjen e fusnotës duke e cilësuar atë ‘tradhti shtetërore’.

    Ish-kryetari i Lidhjes Demokratike të Kosovës, njëherësh edhe ish-kryeministër i vendit, Isa Mustafa, në një prononcim për lajmi.net ka deklaruar se edhe ai vetë nuk ishte pajtuar me fusnotën dhe për këtë shkak ishte cilësuar si antiamerikan dhe antievropian në atë kohë nga përfaqësues të caktuar diplomatik.

    Por, ai ka thënë se si kryeministër i Kosovës i ka respektuar marrëveshjet e shtetit të tij, ashtu siç ka bërë edhe me fusnotën.

    “Fusnotën e kam kundërshtuar edhe unë si Kryetar i LDK-së. Publikisht s’jam pajtuar me fusnotën. Kjo ka qenë shkas që përfaqësues të caktuar diplomatik në atë kohë të më cilësonin se unë dhe LDK kishim qëndrime antiamerikane dhe antievropiane. Por, si Kryeministër kam respektuar marrëveshjet e shtetit tim. Edhe fusnotën. Zoti Kurti ka kundërshtuar fusnotën dhe e ka shpallur akt të tradhtisë. Deklarata të tilla dhe etiketime nga ana e tij janë të shumta, tipike folklorike të destinuara për ‘analfabetët funksional’ nga programi i tij politik. Tani ai nuk ia sheh për të madhe vetes së tij që ulet me mbishkrimin e Kosovës me fusnotë para tij, por atyre që i kanë besuar se nuk do ta bëjë, që në fakt ka të drejtë”, ka deklaruar Mustafa.

    Tutje, ai ka thënë se nëse dikush ka besuar se Kurti si kryeministër nuk do të respektojë fusnotën ashtu siç është definuar, atëherë ka jetuar në iluzione.

    “Z. Kurti ka luftuar për pushtet jo për parime. Shihet qartë se zotit Kurti po i pëlqen më shumë pushteti sesa deklaratat dhe qëndrimet që i ka demonstruar si opozitar”, ka përfunduar Mustafa.

    Kujtojmë se kryeministri Kurti ishte kritikuar edhe më parë për “thyerjen” e parimeve, pasi që gjatë fushatës zgjedhore dhe kohës sa ishte në opozitë kishte dhënë premtime për të cilat është kritikuar se nuk i ka mbajtur pasi erdhi në pushtet.

    Para se të vinte në pushtet, Kurti kishte deklaruar se kur të bëhej kryeministër, dialogu me Serbinë nuk do të vazhdonte pa u kërkuar falje për krimet dhe gjenocidin në Kosovë dhe pa marrjen e përgjegjësisë nga shteti serb për dëmet e luftës dhe pa kthimin e të pagjeturve.

    Megjithatë, dialogu Kosovë-Serbi ka vazhduar edhe pse me vështirësi pas kundërshtimeve që të dy palët kanë pasur në takimet e kaluara. Një takim i ardhshëm Kosovë-Serbi pritet të ndodhë gjatë këtij muaji, ose në fillim të vitit tjetër.

  • Rama dhe Haradinaj bëjnë paqe? Kryeministri shfaqet në një tavolinë me Mustafën, Limajn dhe Haradinajn

    Rama dhe Haradinaj bëjnë paqe? Kryeministri shfaqet në një tavolinë me Mustafën, Limajn dhe Haradinajn

    Tavolinës së tyre në hotelin Pinea, të cilin e inaguroi kryeministri Rama, iu bashkuan edhe kryetari i PDK-së Enver Hoxhaj. Në foto kryeministri Edi Rama duket që bisedon me Isa Mustafën, ndërkohë që Haradinaj ndodhet përballë tyre.

    Kujtojmë se marrëdhënia mes Ramës dhe Haradinajt nuk ka qenë e mirë, për shkak të padisë së kryeministrit shqiptar ndaj ish-kryeministrit të Kosovës, por duket se të dy kanë bërë paqe.

  • Mustafa i bie pishmon, kërkon kthimin e Vjosa Osmanit në LDK

    Mustafa i bie pishmon, kërkon kthimin e Vjosa Osmanit në LDK

    Mustafa thotë se edhe njerëz të tjerë para Osmanit ishin larguar e kthyer pastaj në LDK.

    ‘’Ne kemi praktiku edhe më parë që njerëzit të shkonë dhe t’i pranojmë që të kthehen. Kemi Nexhad Dacin.

    S’kam asnjë kundërshtim që zonja Osmani të kthehet në LDK dhe kurrë s’ka pasë arsye që ajo të largohet kështu sic është larguar. Se kemi përjashtuar.

    S’ka pranu që Hoti të zgjidhet kryeministër dhe kjo ka qenë arsyeja pse e kemir espejktuar një dispozitë të statusin, por nuk e kemi përjashtuar’’, ka thënë Mustafa në një emision shqiptar.

  • Isa Mustafës nuk i pëlqen vendimi i Kushtetueses, thotë se vendimi për ta rrëzuar qeverinë Hoti i padrejtë dhe jo profesional

    Isa Mustafës nuk i pëlqen vendimi i Kushtetueses, thotë se vendimi për ta rrëzuar qeverinë Hoti i padrejtë dhe jo profesional

    Kryetari i Lidhjes Demokratike të Kosovës, Isa Mustafa ka thënë se vendimi i Gjykatës Kushtetuese për rrëzimin e Qeverisë Hoti duke u bazuar në votën e deputetit të dënuar Etem Arifi ka qenë i padrejtë dhe jo profesional.

    Mustafa tha se Arifi ka votuar edhe Qeverinë Kurti dhe Kryesinë e Kuvendit, por askush nuk është marrë me këtë rast.Megjithatë Mustafa thotë se ata do ta respektojnë këtë vendim, ani pse si të tillë e quajnë të dëmshëm për vendin.

    Madje ai thotë se Gjykata Kushtuese nuk ka të drejtë të shpallë zgjedhje dhe se sa herë që po i kërkohet mendim ajo po shkruan pjesë të Kushtetutës që nuk e kanë nën kompetencë.“Ne nuk kemi pritur fare që Gjykata Kushtetuese do të dalë me një vendim të tillë sepse janë marrë masa dhe nuk është alarmuar ligjshmëri me kohë ndaj deputetit Etem Arifaj. Ai është zgjedhur deputet në këtë mandate. Vepra për të cilën është dënuar ai i takon legjislacionit të kaluar dhe rrjedhimisht ai ka bërë mandatin në legjislacionin e kaluar. Ai ka marrë pjesë dhe ka votuar për të gjitha organet që kanë dal nga zgjedhjet e 6 tetorit të vitit të kaluar edhe për Kuvendin edhe për Kryesinë e Kuvendit edhe për Qeverinë Hoti dhe Qeverinë Kurti dhe askush nuk e ka sinjalizuar se ai nuk ka të drejtë ta bëjë këtë. Dhe tash është çështja vetëm te votimi i Qeverisë Hoti. Do të lihen anash votat për të tjerët”.“Mendoj se është një koncentrim i paarsyeshëm i Gjykatës Kushtetuese nëse Gjykata Kushtetuese ka konstatuar që ky nuk ka pasur mandat që nga fillimi sepse ka qenë i dënuar atëherë duhet mandati i tij të zbritet nga mandatet e 120 deputetëve dhe mbetet që qeveria prapë është votuar me shumicën e deputetëve dhe poashtu nuk shoh asnjë arsye kushtetuese që Gjykata Kushtetuese t’i shpallë zgjedhjet. Nuk është në mandatin as në rolin e Gjykatës Kushtetuese që t’i shpallë zgjedhjet. Ajo mund të konstatojë në aktgjykim dobësitë ose lëshimet ligjore të cilat kanë ndodhur, por nuk është ajo që i shpallë zgjedhjet. Unë mendoj që nuk ka qenë as i drejtë dhe as profesional”.

    “Por unë nuk e kontestojë tani vendimin si të tillë sepse ne jemi shprehur si LDK që do ta pranojmë vendimin dhe do të sillemi sipas këtij vendimi. Por unë mendoj se vendimet e tilla nuk i bëjnë mirë vendit sepse asnjë gjykatë në Kosovë nuk duhet të dalë dhe të sillet si organ suprem i shtetit të Kosovës dhe ai pastaj ndan drejtësinë sepse është Kushtetuta që i ka përcaktuar rregullat e sjelljes dhe nuk mundet Gjykata Kushtetuese në çdo rast të shkruaj pjesë të Kushtetutës ashtu siç po ndodh tek ne”.Mustafa e vlerëson të mirë qeverisjen e kryeministrit Hoti, duke shtuar se ka qeverisur në një periudhë të rëndë, sa i përket menaxhimit të pandemisë dhe luftës kundër korrupsionit.Prandaj, sipas tij, Kosovës i nevojitet Qeveri e cila respekton edhe Kushtetutën edhe ligjet.“Unë mendoj se Qeveria Hoti ka qeverisur mire. Por jam i bindur poashtu që ka qeverisur në një periudhë krejtësisht të rëndë sepse ka pasur një koalicion të shumicës nganjëherë edhe në mungesë të shumicës veçmas prej periudhës që është arrestuar deputeti Arifi edhe më parë por ka punuar shumë sa i përket menaxhimit të pandemisë dhe luftës kundër pandemisë. Ka dhënë rezultate shumë të mira në komunikim ndërkombëtar sepse është rikthyer komunikimi me ShBA-në. Mirëpo për gjashtë muaj është e pamundur që të bëhet ndonjë punë tepër e madhe e cila do të shënojë një epokë të qeverisë Hoti por ajo që kam parë zotëri Hoti si kryeministër ka punuar me ndërgjegje të plotë. Nuk është cilësuar si një kryeministër që ka bërë shkelje as të Qeverisë. Prandaj na nevojitet kësi Qeveri e cila respekton edhe Kushtetutat edhe ligjet e Kosovës”.Mustafa thotë se para se të shkohet në zgjedhje duhet të miratohet buxheti dhe të ratifikohen marrëveshjet ndërkombëtare.“Mendoj që është rrezik shumë i madh. Nëse nuk miratohet buxheti dhe në këtë rast bëjë apel te të gjitha subjektet politike që ato të mobilizohen dhe ta thërrasin një seancë të Kuvendit para shpalljes së zgjedhjeve në mënyrë që buxheti të miratohet të ratifikohen marrëveshjet ndërkombëtare të cilat ndërlidhen edhe me buxhetin e ardhshëm. Dhe posa të kryhet kjo ne s’jemi fare kundër që të shkohet në zgjedhje që ushtruesja e detyrës së presidentes t’i shpallë ato dhe vendi të shkojë në zgjedhje”./EO

  • Mustafa: LDK do të dalë edhe më e fuqishme në zgjedhjet e ardhshme

    Mustafa: LDK do të dalë edhe më e fuqishme në zgjedhjet e ardhshme

    Lidhja Demokratike e Kosovës sot shënon 31 vjetorin e themelimit të saj.

    Me këtë rast, kryetari i kësaj partie Isa Mustafa derisa ka uruar strukturat e kësaj partie, anëtarët dhe simpatizantët ka theksuar edhe se themelimi i LDK-së shënon një ndër ngjarjet më të rëndësishme për vendin.

    Mustafa ka theksuar se Kosova këto ditë po përballet me sfidën e pandemisë, ku LDK-ja së bashku me kuadrot më të mirë, po mundohet që të japë maksimumin për ta tejkaluar edhe këtë gjendje.

    “LDK-ja aktualisht udhëheq me Qeverinë dhe do të jetë përgjegjëse dhe e përkushtuar që t’i kryej detyrat kushtetuese deri në rezultatet e zgjedhjeve të ardhshme. LDK pati guximin dhe vetëdijen për të dalë në ballë të proceseve të mëdha, në kohët më të vështira, prandaj jam shumë i sigurt që në zgjedhjet e ardhshme në bashkëpunim me të gjitha strukturat elektorati i LDK-së do të angazhohet për rezultatin më të suksesshëm. Nga këto zgjedhje LDK do të del edhe më e fuqishme, duke e respektuar votën dhe vullnetin qytetar”, ka thënë Mustafa.

    Komunikata e plotë:

    Kryetari i LDK-së, Isa Mustafa, me rastin e 31 vjetorit të themelimit të Lidhjes Demokratike të Kosovës, iu drejtohet anëtarësisë me këtë komunikatë:

    “Të nderuara struktura të LDK-së, anëtarë, aktivistë dhe ju simpatizantë,

    Urime të gjithë juve dhe qytetarëve të Kosovës dita e themelimit të partisë së parë me vlera demokratike dhe orientim perëndimor.
    Themelimi i LDK-së shënon një ndër ngjarjet më të rëndësishme për vendin tonë, një grup intelektualësh më 23 dhjetor të vitit 1989 në Shtëpinë e Shkrimtarëve në Prishtinë vendosën të themelonin lëvizjen, partinë e cila do të bëhej boshti kryesor rreth së cilës zhvilloheshin të gjitha proceset historike për Kosovën. Ajo ishte partia e parë që bëri bazat e pluralizmit politik jo vetëm në Ballkan por edhe më gjerë.

    Në krye të kësaj partie që nga themelimi e deri në vdekje, ishte shkrimtari, studiuesi i letërsisë, presidenti historik Dr. Ibrahim Rugova.
    Për gjatë këtyre tre dekadave Lidhja Demokratike e Kosovës ishte komponentja që vizionin dhe qëllimin e saj kryesor dikur kishte trinomin liri, pavarësi dhe demokraci, ndërsa sot forcimin dhe zhvillimin e vendit.

    LDK-ja si parti e qendrës së djathtë, anëtare e Partive Popullore Evropiane dhe partia kryesore në politik bërjen kosovare është angazhuar pa ndalur për shtet ndërtim dhe konsolidimin e demokracisë së brendshme. Proceset nëpër të cilat ka kaluar Kosova, që nga okupimi serb, liria, shpallja e pavarësisë dhe tashmë sfidat e forcimit të shtetit janë pa shmangshëm të lidhura ngushtë me LDK-në.

    Kosova këto ditë po përballet me sfidën e pandemisë, ku LDK-ja së bashku me kuadrot më të mirë, po mundohet që të japë maksimumin për ta tejkaluar edhe këtë gjendje.

    LDK-ja aktualisht udhëheq me Qeverinë dhe do të jetë përgjegjëse dhe e përkushtuar që t’i kryej detyrat kushtetuese deri në rezultatet e zgjedhjeve të ardhshme.

    LDK pati guximin dhe vetëdijen për të dalë në ballë të proceseve të mëdha, në kohët më të vështira, prandaj jam shumë i sigurt që në zgjedhjet e ardhshme në bashkëpunim me të gjitha strukturat elektorati i LDK-së do të angazhohet për rezultatin më të suksesshëm. Nga këto zgjedhje LDK do të del edhe më e fuqishme, duke e respektuar votën dhe vullnetin qytetar.

    LDK-ja i përkujton dhe u është përherë mirënjohëse të gjithë veprimtarëve të cilët nuk kursyen as jetën e tyre për të mbrojtur bindjet dhe idealin e tyre për një shtet të lirë dhe demokratik.

    Lidhja Demokratike e Kosovës do të vazhdoj të jetë formacioni kryesor politik në vend. Të gjitha interesat e shtetit të Kosovës do të jenë prioriteti kryesor i politik bërjes së LDK-së, prandaj krejt në fund urime të gjithë anëtarësisë dhe qytetarëve të Kosovës.
    Zoti e bekoftë Republikën e Kosovës,
    Zoti e bekoftë LDK-në.

  • MUSTAFA: VV-JA SHEH ËNDRRA SE MUND T’I FITOJË 50 PËR QIND TË VOTAVE

    MUSTAFA: VV-JA SHEH ËNDRRA SE MUND T’I FITOJË 50 PËR QIND TË VOTAVE

    Kreu i LDK-së, Isa Mustafa ka thënë se raportet me Ramush Haradinajn dhe Fatmir Limajn janë normale.

    “Ne flasim çdoherë, janë raporte normale. Kemi punuar bashkarisht edhe për ligjin për rimëkëmbje. Jemi duke biseduar edhe ligjin për buxhetin, për presidentin. Sepse nëse nuk e gjejmë tash zgjidhjen për president, prap duhet të ulemi dhe të bisedojmë. Ta kemi një tryezë ku flasim hapur”, ka thënë Mustafa në emisionin “Debat” të RTK-së.

    Ai ka thënë se shpreson që krerët e partive të takohen brenda këtij viti dhe të bisedojmë për presidentin.

    “Kam menduar që ta takohemi javën e kaluar, por ata i kanë arsyet e veta dhe i shikojnë rrjedhat nga këndvështrimi i vet. Por ne duhet ta kemi një tryezë pa kushte. Nëse arrijmë marrëveshje mirë, nëse jo tentojmë prap”, ka thënë Mustafa.

    Sipas tij, gjendja nuk është dramatike, edhe nëse shkohet në zgjedhje.

    “Këtu jemi, bashkë jemi, ndajmë edhe interesat e përbashkëta. Legjitimiteti popullor është zhargon politikë, sepse gjithmonë thirremi në ata. Qytetarët e meritojnë votën e tyre. Në asnjë rast qytetari s’mund ta rëndojmë, sepse qytetari të ka besuar në zgjedhje. Këto probleme duhet t’i zgjidhim ne vet dhe jo çdo moment të kthehemi tek qytetari. S’ka nevojë që zgjedhjet të mbahen çdo vit ose çdo gjashtë muaj”, ka thënë kryetari i LDK-së.

    Mustafa ka thënë se sheh zgjidhje për presidentin. “Në qoftë se tash s’kemi vullnet për zgjedhjen e presidentit, atëherë shohin ëndrra ata që thonë se VV-ja do t;i fitojë 50 për qind të votove në zgjedhje. Edhe 50 t’i fitonte s’do të mund ta zgjidhte presidentin. Mundesh t’i fitosh 50 për qind në komuna, por jo në zgjedhje të përgjithshme. Ku do t’i marrin ata ato vota?”, ka thënë Mustafa. /RTKLive/

  • Gjermania e Franca të zhgënjyer me Isa Mustafën, zgjedhje së shpejti në Kosovë

    Gjermania e Franca të zhgënjyer me Isa Mustafën, zgjedhje së shpejti në Kosovë

    Zgjedhje në Kosovë mund të ketë edhe më shpejtë se sa që pritet.

    Kjo pasi Qeveria Hoti nuk e ka përkrahjen e një numri të madh të shteteve të fuqishme evropiane.

    Madje, Infokusi mëson nga burime të sigurta që një prej arsyeve kryesore që shtete si Gjermania e Franca nuk e përkrahin më Qeverinë Hoti është pikërisht marrëveshja e Uashingtonit nënshkruar në Shtëpinë e Bardhe në prani të Presidentit Donald Trump.

    Dy shtetet e fuqishme evropiane kishin kundërshtuar edhe mocionin e mosbesimit ndaj Albin Kurtit por që LDK e Isa Mustafa nuk e kishin përfillur kërkesën e tyre.

    Gazeta Infokus ka marrë vesh edhe për disa prapaskena të këtyre ngjarjeve.

    Infokusi mëson se asokohe vet Isa Mustafa ishte njoftuar nga këto shtete të fuqishme evropiane, se trupat amerikane nuk do të tërhiqeshin nga Kosova, pavarësisht kërcënimeve të Richard Grenell e djalit të Donald Trump.

    Ky fakt tani është përmendur edhe në  studimin e Parlamentit Evropian të porositur për nevojat e Komitetit të Politikës së Jashtme të PE, ku u shtjellua gjer e gjatë për implikimet e administratës Trump në Kosovë.

    Një fakt që tani përmendet është se zyrtarë gjerman e francez pasi kishin diskutuar me zyrtarë nga State Department i ShBA-ve, kishin njoftuar kreun e LDK-se Isa Mustafën që trupat amerikane nuk do të tërhiqeshin dhe të mos votohet rrëzimi i Qeverisë.

    Por, pavarësisht kësaj, Mustafa nuk i kishte dëgjuar, gjë që kishte shkaktuar indinjim të thellë tek gjermanët e francezët, shkruan Gazeta inFokus.

    Burime të sigurta i kanë thënë Infokusit se tani kjo çështje lidhet edhe me liberalizimin e vizave, dhe se sipas të gjitha gjasave pengesat kryesisht nga Franca e Gjermania do të tërhiqen pas rrëzimit të Qeverisë aktuale.

    Një dit më parë Ambasadori i Gjermanisë në Kosovë, Jorn Rohde tha se janë disa vende anëtare të Bashkimit Europian, që ky nuk ua përmendi emrin, të cilat nuk po binden që t’i thonë “PO” heqjes së regjimit të vizave për shtetasit e Kosovës.

    “Gjithmonë i kemi thënë qeverisë kosovare se është e rëndësishme që të ulet së bashku me këto vende dhe t’i bindë ato. Në këtë aspekt, Kosova duhet të punojë. Bashkimi Europian përbëhet nga 27 vende anëtare dhe për vendime të gjitha duhet të jenë në bord. Ne po punojmë që kjo të ndodhë, por unë s’e besoj që kjo do të ndodhë para Krishtlindjeve”, ka deklaruar Rohde.

  • Mustafës nuk i pëlqen raporti i Parlamentit Europian, e lidhë rrëzimin e “Qeverisë Kurti” me amerikanët

    Mustafës nuk i pëlqen raporti i Parlamentit Europian, e lidhë rrëzimin e “Qeverisë Kurti” me amerikanët

    Kryetari i Lidhjes Demokratike të Kosovës, Isa Mustafa ka reaguar ndaj studimit të publikuar së fundmi nga Bashkimi Evropian e ku ka konstatuar se amerikanët përmes dezinformatave kanë rrëzuar qeverinë e Albin Kurtit.

    Mustafa ka shkruar se ky studim është manipulim pasi që siç ka thënë ai është studim i bashkëmendimtarëve të Kurtit.

    ” Disa bashkëmendimtarë të majtë evropianë të tashmë forcës kryesore politike të së majtës në Kosovë (Lëvizjes Vetëvendosje të Albin Kurtit), në një “studim” që paskan bërë për efektin e lajmeve të rreme në politikëbërje, përfshirë edhe Kosovën, më paska “akuzuar” si prodhues të lajmeve të rreme me qëllim rrëzimin e qeverisë së koalicionit ndërmjet Vetëvendosjes dhe LDK-së ! “, ka shkruar ai në “Facebook”.

     Mustafa poashtu ka thënë se si kryetar i LDK-së, do ti drejtohet partive partnere të  LDK-së në EPP (Partitë Popullore Evropiane) me sqarimet e nevojshme për ta hedhur poshtë këtë “studim”, siç e ka quajtur ai  tendencioz dhe të motivuar ideologjikisht ndaj LDK-së.

    ” Meqë ky “studim” qenka bërë për nevojat e Komitetit për Politikë të Jashtme të Parlamentit Evropian, si kryetar i LDK-së, do t’u drejtohem partive simotra të LDK-së në EPP (Partitë Popullore Evropiane) me sqarimet e nevojshme për ta hedhur poshtë këtë “studim” tendencioz dhe të motivuar ideologjikisht ndaj LDK-së. “, ka shkruar ndër të tjera Mustafa.

    Postimi i plotë i tij:

    Të dashur miq,

    “Studimi” i bashkëmendimtarëve të Albin Kurtit është manipulim !

    Disa bashkëmendimtarë të majtë evropianë të tashmë forcës kryesore politike të së majtës në Kosovë (Lëvizjes Vetëvendosje të Albin Kurtit), në një “studim” që paskan bërë për efektin e lajmeve të rreme në politikëbërje, përfshirë edhe Kosovën, më paska “akuzuar” si prodhues të lajmeve të rreme me qëllim rrëzimin e qeverisë së koalicionit ndërmjet Vetëvendosjes dhe LDK-së !

    Meqë ky “studim” qenka bërë për nevojat e Komitetit për Politikë të Jashtme të Parlamentit Evropian, si kryetar i LDK-së, do t’u drejtohem partive simotra të LDK-së në EPP (Partitë Popullore Evropiane) me sqarimet e nevojshme për ta hedhur poshtë këtë “studim” tendencioz dhe të motivuar ideologjikisht ndaj LDK-së.

    E vërteta e bashkëqeverisjes  mes LDK-së dhe Vetëvendosjes është e qartë dhe e pastër.

    LDK-ja i dha shans Vetëvendosjes për të punuar bashkërisht për të mirën e Kosovës.

    Vetëvendosje, përveç që tentoi ta keqpërdorte partneritetin dhe kontruktivitetin e LDK-së, duke u kthyer në shtratin e saj ideologjik dhe gjenezën izolacioniste, filloi ta rrezikonte partneritetin e Kosovës me aleatët e saj kryesorë, para se gjithash me Shtetet e Bashkuara të Amerikës.

    LDK-ja nuk mund të duronte nëpërkëmbjen e saj nga një parti tjetër dhe taman puna të rrinte duke e soditur  Vetëvendosjen teksa po shkarkonte ministra të LDK-së duke e shkelur marrëveshjen dhe po rrezikonte partneritetin e Kosovës me SHBA-të !

    Prandaj, LDK-ja reagoi. Dhe do të reagoj ndaj kujtdo në Kosovë që e quan veten aq të rëndësishëm e të fortë sa të shpërfillë thirrjet telefonike nga Shtëpia e Bardhë e Departamenti Amerikan i Shtetit.

    Që organizon fushata denigruese ndaj zyrtarëve amerikanë dhe Shtëpinë e Bardhë e portretizon si një vend ku copëtohet Kosova.

    LDK-ja, si partia e parë politike në Kosovë dhe si trasuesja e orientimit pro-perëndimor të Kosovës, e ka obligim të kujdeset për të mos lejuar asnjëherë tendencat për shmangie nga ky orientim.

    Sepse, partneriteti me SHBA-të dhe demokracinë perëndimore, është orientim natyror dhe sepse është rruga e vetme për Kosovën.

    Autorët e “studimit”, shpresoj shumë se do të ballafaqohen me mbështetësit e Kosovës në Parlamentin Evropian dhe “studimi” i tyre do të përfundoj si një përpjekje e dëshpëruar për manipulimin e së vërtetës.

    I.M.

  • Mjeku i QKUK’së i komenton Isa Mustafës në postim: “Gërxhul, gjallë je a?”

    Mjeku i QKUK’së i komenton Isa Mustafës në postim: “Gërxhul, gjallë je a?”

    Mjeku i Qendrës Klinike Universitare të Kosovës në Qendrën Emergjente, Ibrahim Maliqi, ka përdorur gjuhë fyese ndaj kreut të LDK-së, Isa Mustafës, duke iu referuar si “gërxhul”.

    Maliqi, në postimin ku Mustafa reagoi pas përleshjes ndërmjet aktivistëve të LDK-së dhe të VV-së, komentoi duke thënë “gërxhul, gjalle je a”.

    “Llapjanët kanë ditur çdoherë të dallojnë ata që punojnë nga ata që bëjnë zhurmë. Zhurmat dhe tollovitë; dhuna dhe mentaliteti arkaik nuk janë veçori e familjeve, e grave, burrave, të rinjëve dhe të rejave të Llapit. Sjelljet dhe mentaliteti i tillë që demonstron LVV dhe kandidati i tyre për kryekomunar nuk na shërbejnë për të mirë, janë degraduese dhe na këthejnë mbrapa”, kishte shkruar Mustafa sot në Facebook.