Tag: Labinot Tahiri

Edhe pse është larguar nga skena politike, me humanitetin që po vazhdon të ketë, synon të bëhet edhe president i ardhshëm i vendit.

Bëhet fjalë për këngëtarin Labinot Tahirin, i cili ka shpalosur të pathënat e deritanishme për qëllimet e tij në politikë.

“Shpresoj se do të vijë ajo ditë, edhe do të ndodhë! Sepse kjo është dëshmuar me qëllimet e mija të mira. Unë i kam shërbyer vendit me kontribut human. Në punën që e bëjë nuk i ndalë angazhimet për t’i ndihmuar njerëzve. Duhet të punojmë për qytetarët si familjen tonë. Shumë gjëra ndodhin të padrejta që qytetarët nuk i shikojnë. Ky vend ka nevojë për motiv politik. Qeveritë tona punojnë me inati. Unë i kam parë gjërat, ndryshe flitet e ndryshe janë. Albin Kurti më len përshtypje se nuk është I korruptuar por nuk e di se çfarë ka pas vetës,” –  tha Tahiri në “N’NEJË”. 

Këngëtari, Labinot Tahiri ende i qëndron prapa deklaratës së tij.

Së fundi, ka reaguar me disa postime në rrjete sociale për fushatat e mbajtura nga politikanët në të cilat po shkaktohet një grumbullim i madh i njerëzve.

Reagimi i tij ishte se përse nuk i lejojnë mbajtjen e dasmave dhe ahengjeve përderisa fushatat po lejohen, lidhur me këtë postim një ndjekës i ka shkruar një mesazh se policia i kanë dënuar vetëm se kanë qenë 10 persona duke festuar ditëlindjen.

““Po de po!! Na kem 10 veta tu festu ditëlindje u dënum ka 35 euro e kur i përmendem këta na qiten jasht policët haj ishalla”, ka shkruar ndjekësi, ndërsa Labi i ka kthyer përgjigje.

“Mësohuni me luftu padrejtësinë që ua shkakton politika e mbrohuni nga vetvetja juaj gjithmonë me njëri-tjetrin. Dje me polici i varrosnin të dashurit e juaj pa fije mëshire , sot dalin nëpër fushata të njëjtit polic nepër dubime pa asnjë fije mëshire! O njerëz, sot ndoshta ju dukem jo i drejtë por nesër do ta shihni vetë se si do ju trajtojnë . Pa dyshim se një lloj sëmundje ishte që infektonte njerëzit por pse nuk vdiq asnjë njeri shtetëror as në perëndim as tek ne Zoti ju bekoftë Labi”, ka shkruar ai.