rilindja.albeniplast.com

Tag: Mimoza Kusari-Lila

  • “Pushteti nuk do t’i procedojë pagat për grevistët”

    Ministria e Financave nuk do t’i kompensojë pagat për punonjësit e sektorit publikë që kanë mbajtur grevë gjatë muajit të kaluar, ka bërë të ditur shefja e Grupit Parlamentar të Lëvizjes Vetëvendosje, Mimoza Kusari-Lila.

    Kusari-Lila ka thënë sot se moskompensimi financiar për punonjësit në grevë, mbështetet në ligj.

    “Po e qartë, megjithatë Ligji për Grevën e përcakton saktë edhe kompensimin  apo moskompensimin për ata që janë pjesë në grevë. Kjo ka qenë një komunikim mes Ministrisë së Financave dhe agjencioneve buxhetore edhe për muajin e kaluar kur janë kërkuar azhurnimi i listave për punëtorët të cilët kanë qenë në grevë”, tha Kusari-Lila.

    “Me ligj parashihet që punëtorët e sektorit publik, por edhe privat, parashihet që sipas rregullave të përcaktuara për grevën, nuk kompensohen për ditët të cilët nuk janë në vendin e punës”.

    Shefja e Grupit Parlamentar të Lëvizjes Vetëvendosje ka bërë të ditur se pushteti është në pritje të azhurnimit të listave të punonjësve të cilët kanë qenë në grevë nga organizatat buxhetore, kryesisht komunat.

    “Është përgjegjësi e agjencioneve buxhetore në këtë rast që të bëjnë azhurnimin e listës”, përfundoi ajo.

    Pas një muaji grevë në arsim, të hënën ka filluar procesi mësimor në Kosovë.

  • Kusari-Lila arsyeton veprimin e zv.ministrit për taksën 5 euro, ishte gabim, do të zbardhet gjithçka deri te nënshkrimi i kësaj kontrate

    Kusari-Lila arsyeton veprimin e zv.ministrit për taksën 5 euro, ishte gabim, do të zbardhet gjithçka deri te nënshkrimi i kësaj kontrate

    Shefja e Grupit Parlamentar të Lëvizjes Vetëvendosjes (LVV), Mimoza Kusari-Lila ka thënë se thënë se vendimi për tiketën ngjitëse është marrë pa qenë ministri Liburn Aliu në Kosovë.

    Kusari-Lila në “Debat Plus” ka thënë se brenda Ministrisë së Infrastrukturës ka pasur dy interpretime të ndryshme sa i përket taksës për tiketën ngjitëse.null

    “Njëri grup e ka mbështetur, derisa grupi tjetër e ka kundërshtuar këtë vendim”, tha ai, përcjell Telegrafi.

    Ajo thotë se brenda Grupit Parlamentar të LVV-së pothuajse kanë qenë të një mendimi se vendimi për tiketën ngjitëse duhej të tërhiqej.

    “Ka qenë konsensus pothuajse i plotë në Grupin e LVV-së se kjo [taksë] duhej tërhequr. Pos faktit të pezullimit të tiketës duhet të zbardhen hapat që çuan deri te ky vendim”.

    Kusari-Lila ka thënë se që nga fillimi e ka ditur që vendimi për taksën prej 5 euro ka qenë një “gabim apo nguti”.

    “E vlerësoj që ka pasur një reagim nga vet ministri Liburn Aliu. E dyta do të zbardhen dhe të priten vendimet tjera për të parë të gjitha hapat që e kanë shtyrë zëvendësministrin Durmishi për të nënshkruar  këtë marrëveshje”.

    Shefja e Grupit Parlamentar të Lëvizjes Vetëvendosjes thotë se është pozitive që marrëveshja nuk ka filluar të zbatohet.

  • Kusari: Hoti deklaroi “s’keni parë gjë akoma”, ditën tjetër u vodhën 2.1 milionë

    Kusari: Hoti deklaroi “s’keni parë gjë akoma”, ditën tjetër u vodhën 2.1 milionë

    Deputetja Mimoza Kusari Lila ka thënë se paratë që janë marrë nga Thesari i Shtetit duhet të kthehen.

    Ajo në emisionin DPT te Fidani në T7 ka thënë se kanë kaluar më shumë se një muaj që janë zhdukur 2.1 milionë euro nga Thesari ndërkohë që ende nuk ka asgjë konkrete.

    “Po të shkoni në secilën bankë sot, e pyesni ata ju tregojnë. Kur kryhet një transaksion, e posaçërisht një transaksion prej institucioneve, atëherë ekziston mundësia e rikthimit të fondeve apo anulimit. Ne nuk e kemi parë këtë. Paratë kanë humbur. Askush nuk ka marrë përgjegjësi ndërsa askush nuk është arrestuar”, thotë ajo.

    “Hoti deklaroi “s’keni parë gjë akoma”, ditën tjetër u vodhën 2.1 milionë. Me të vërtetë nuk kishim parë asgjë. Ndodhën edhe skandalet tjera një pas një”, shtoi ajo.