rilindja.albeniplast.com

Tag: Pagat

  • Kurti zotohet: Filloi puna për rritjen e pagës minimale

    Kurti zotohet: Filloi puna për rritjen e pagës minimale

    Kryeministri Albin Kurti është zotuar se ka nisur punën për rritjen e pagës minimale.

    “Filloi puna drejt rritjes së pagës minimale, drejt përmbushjes së një tjetër zotimi. Për vite të tëra, punëtorët e sektorit privat janë lënë anash. Me qeverisjen tonë, kjo ndryshon. Atyre do t’ua sigurojmë pragun e të hyrave që u mundëson një jetë të dinjitetshme.

    Ende pa i mbushur një vit në qeverisje, kemi filluar ndërmarrjen e hapave të nevojshëm drejt rritjes së pagës minimale”, shkroi Kurti.

    Si hap i parë, thotë Kurti, është rregullimi i kornizës ligjore, në mënyrë që të evitohen të gjitha pasiguritë ligjore ekzistuese në lidhje me rritjen e pagës minimale.

    Ministria e Financave, Punës dhe Transfereve veçse ka përgatitur projektligjin i cili shpejt do të dalë në konsultime publike.

    “Krahas kësaj, në koordinim me Këshillin Ekonomiko-Social, së shpejti do të propozohet edhe niveli i pagës minimale. Propozimi pastaj miratohet në Qeveri dhe kësisoj përmbyllet procesi”, përfundoi Kurti.

  • Si iu ekzekutuan pagat 20 zyrtarëve serbë në ministri, pa dalë fare në punë

    Si iu ekzekutuan pagat 20 zyrtarëve serbë në ministri, pa dalë fare në punë

    Njëzet punëtorë të komunitetit serb kanë marrë paga për një vit rresht nga buxheti i shtetit, ani pse s’kishin dalë as edhe një ditë në punë. Sipas Auditorit, për pagat e tyre janë shpenzuar mbi 100 mijë euro.

    Në Kosovë po del se mund të marrësh pagë edhe pa punuar asnjë ditë. Këtë “mundësi” e kanë shfrytëzuar 20 zyrtarë të komunitetit serb, të cilët është dashur të sistemohen nga ish Minisrtria e Administratës Publike, që tash funksionon në kuadër të Ministrisë së Punëve të Brendshme.

    Asnjë prej këtyre zyrtarëve nuk ishin paraqitur në vendin e punës gjatë vitit të kaluar, por ministria kishte bërë pagesën e pagave të tyre.

    Sipas Auditorit, shkaku i mosparaqitjes në punë të këtyre zyrtarëve ishte moskrijimi i kushteve të duhura për punë, kontrolli i dobët dhe mosmonitorimi i tyre nga menaxhmenti i ministrisë.

    “Zyrtarët e lartcekur, në vitin 2020, nuk ishin paraqitur në vendin e punës, përderisa ministria kishte bërë pagesën e pagave të tyre në vlerë totale 100,583€. Shkaku i mos paraqitjes në punë të këtyre zyrtarëve ishte mos krijimi i kushteve të duhura për punë, kontrolli i dobët dhe mos monitorimi i tyre nga menaxhmenti i ministries”, thuhet në raport.

    ZKA’ja ka dalë në përfundim se pagesa e pagave pa vijueshmëri në punë shkakton dëmtim të buxhetit dhe njëkohësisht ndikon në mosarritjen e objektivave të përcaktuara me marrëveshje, derisa ka dalë edhe me disa rekomandime për Ministrin.

    “Ministri duhet të ndërmarrë të gjitha veprimet e nevojshme për të siguruar krijimin e kushteve për vijueshmërinë e rregullt në punë të komunitetit serb, kompensimin e tyre me pagë vetëm pas paraqitjes së rregullt në punë duke bërë monitorimin e tyre të vazhdueshëm ashtu siç parashihet me aktet nënligjore”, thuhet në raportin e ZKA’së.

  • Njofton Rukiqi: Tregon se kur dalin paratë për bizneset e mbyllura nga masa e fundit dhe se kush 

    Njofton Rukiqi: Tregon se kur dalin paratë për bizneset e mbyllura nga masa e fundit dhe se kush 

    Kryetari i Odës Ekonomike të Kosovës, Berat Rukiqi, ka njoftuar se pas një takimi me ministrin e Financave Hekuran Murati janë pajtuar që të subvencionohen 50 për qind e pagave të punëtorëve dhe 50 për qind e shpenzimeve të qirasë për sektorët të cilët janë ndikuar drejtpërdrejtë nga masat e fundit.

    Rukiqi ka thënë se mjetet do të ndahen, në fund të muajit prill, ose më së largu në fillim të muajit maj.

    “Gjithashtu do të ndërmerren veprime shtesë për përkrahje të sektorëve me specifika të veçanta, përfshirë sektorin e transportit, pas diskutimeve që do të zhvillohen me këta sektorë. Falënderojmë ministrin Murati për veprimin e shpejtë, në lehtësimin e gjendjes jo të lehtë të sektorëve të ndikuar nga masat e fundit kufizuese”, ka shkruar ai.