rilindja.albeniplast.com

Tag: Peticioni

  • Dorëzohet peticioni për Trustin, organizatorët: Kuvendi dhe Qeveria të përshpejtojnë procedurat ku lejohet tërheqja e parave

    21 mijë nënshkrime të qyetatarëve të Kosoëvs zyrtarisht janë dorëzuar në Kuvendin e Kosovës, e ku përmes tyre po këkrkohet që qytetarëve të Kosovës t`u lejohet tërheqja e një shumë të parave nga Trusti.

    Adnan Jashari iniciator i peticionit për Nismen Legjislative Qytetare i ka bërë thirje Qeverisë dhe Kuvendit që të përshpejtohen procedurat në mënyrë që të mundësohet tërheja e një shume të parave nga Trusti.

    Njoftimi i plotë:

    Sot në cilësine e Iniciatorit të peticionit për Nismen Legjislative Qytetare, që lejon tërheqjen e kursimeve deri 30%, së bashku me disa nga vullnetarët e grupit nga e gjithë Kosova, që na kanë ndihmuar në mbledhjen e nënshkrimeve, si dhe me deputetin e Kuvendit të Kosoves z.Bekim Haxhiu, dorëzuam 21.398 nënshkrimet e qytetarëve të Kosovës, në Kuvendin e Republikës së Kosovës.

    Ne i bëjmë thirrje Kuvendit dhe Qeverisë, që t’i përshpejtojnë procedurat për riprocedim të Projektligjit që lejon tërheqjen e kursimeve deri 30 %, dhe mos të hezitojnë që të votojne pro kësaj kërkese.

    Kërkesa e qytetarëve është urgjente për shkak të gjendjes së rënduar, me çmimet e larta të produkteve dhe inflacionit tepër të lartë.

    Kësaj radhe kërkesa ka ardhur si Nismë Legjislative, përmes nënshkrimeve të qytetarëve të Kosovës, prandaj nuk ka arsye që deputetët e Kosovës mos të jenë pro kësaj kërkese.

    Shfrytëzoj rastin që t’i falenderoj edhe njëherë të gjithë qytetarët e Kosovës, që kanë shprehur gatishmërinë e tyre për të nënshkruar Peticionin, dhe falenderim për të gjithë vullnetarët e grupit që kanë mbledhur nënshkrime në çdo qytet të Kosoves.
    I juaji Adnan Jashari

  • Inicohet peticion për largimin e Ardian Kastratit nga Universiteti i Prishtinës

    Inicohet peticion për largimin e Ardian Kastratit nga Universiteti i Prishtinës

    Gjuha mizogjiniste e Ardian Kastratit në raport me presidenten e zgjedhur të Kosovës, Vjosa Osmani, ka inicuar një peticion në internet për largimin e deputetit të PDK-së nga funksioni që mban në Universitetin e Prishtinls.

    Peticioni kërkon largimin e Kastratit nga pozita e profesorit në Fakultetin Filozofik në Universitetin e Prishtinës, pas “shkrimit ofendues ndaj gruas dhe vajzave”.

    “Pas shkrimit ofendues te Prof. Adrian Kastratit ndaj gruas dhe vajzave, kerkojme nga Rektorati i UP te largoj urgjentisht nga stafi akademik profesorin ne fjale”, thuhet në peticion.null

    Rreth gjysmë orë pas inicimit, peticioni është nënshkruar nga më shumë se 100 njerëz.

    Përmes një shkrimi në Facebook, deputeti Kastrati ofendoi në baza gjinore Vjosa Osmanin, presidenten e zgjedhur sot në Kuvendin e Kosovës.

    “Gjithmonë më ka pëlqyer shumë satira e Faik Konicës. Në një shkrim të botuar në ‘ Gazeta Dielli’ mes tjerash gjeta këtë përshkrim satirik të Konicës (për një ish zyrtare të lartë të Stambollit) që sonte më bëri të qesh me lot: ‘…një fshatarake me një bark si kadë e me këmbë si magje, me një palë duar të trasha e të pjekura, e me një fytyrë të fryrë e të kuqe si piper t’Ohrit’”, shkroi Kastrati në Facebook.

    Pas reagimeve dhe denoncimit të gjuhës që ai përdori, Kastrati u pendua për veprimet e tij. E fshiu postimin mizogjinist kundër presidentes Osmani.

    Në këtë link mund ta hapni peticionin e inicuar ndaj Ardian Kastratit: PETICIONI

  • “Ti nuk më përfaqëson”- Nis peticioni për shkarkimin e Driton Selmanajt pas deklaratave ofenduse ndaj Saranda Bogujevcit

    “Ti nuk më përfaqëson”- Nis peticioni për shkarkimin e Driton Selmanajt pas deklaratave ofenduse ndaj Saranda Bogujevcit

    Një peticion online në moton “Ti nuk më përfaqëson” për shkarkimin e zëvendëskryeministrit Driton Selmanajt është hapur pas deklaratave të tij të fundit ndaj të mbijetuares së masakrës ndaj familjes Bogujevci në Podujevë, Saranda Bogujevci, e cila është edhe deputete e Vetëvendosjes.

    Selmanaj u akuzua ndaj deklaratës së tij për të pagjeturit. Deri tash, peticioni është nënshkruar nga mbi 1,100 persona.

    Gjatë debateve të interpelancës së kryeministrit të Republikës së Kosovë, Avdullah Hoti, ku diskutohej çështja “Trajtimi i dëmshëm i temës së të pagjeturve në zotimet e 4 shtatorit, duke e kushtëzuar me personat e zhvendosur”, zëvendëskryeministri i Kosovës Driton Selmanaj, u tha deputetëve se po bëjnë politikë mbi kufoma, jemi lodhur nga këto gjëra”.

    Kjo deklaratë e tij u pasua me akuza të shumta edhe nga shoqëria civile, të cilët si përfaqësues të këtyre familjeve me viktima dhe të pagjetur po konsiderojnë që Selmanaj nuk e ka vendin në Qeverinë e Kosovës.

    Më poshtë gjeni përshkrimin e peticionit si dhe linkun:


    Kosova ende vazhdon të jetojë në terrin e të pagjeturve. Ende mbetet plagë e hapur mos vënia e drejtësisë për krimet e masakrat, për gratë viktima të dhunës seksuale gjatë luftës së fundit në Kosovë.


    Andaj si qytetarë, si familjarë të personave të pagjetur, të atyre të vrarë, të grave viktima të dhunës seksuale dhe gjithë atyre që kanë parë krimet me sy dhe kanë përjetuar masakrat në lëkurën e tyre, jemi thellësisht të indinjuar nga deklaratat e zëvendëskryeministrit të Kosovës Driton Selmanajt. Ky njeri dhe ky emër nuk paraqet person fizik por përfaqëson institucionet e Republikës së Kosovës dhe si e tillë është e rrezikshme të kemi në udhëheqje një përfaqësues që i konsideron çështjen e të pagjeturve, masakrat dhe krimet e kryera në Kosovë si çështje që është konsumuar dhe ezauruar.


    Prandaj, ky peticion është protesta jonë!


    U bëjmë thirrje të gjithë qytetarëve të Republikës së Kosovës të nënshkruajnë peticionin përmes së cilit kërkojmë nga kryeministri i Republikës së Kosovës z. Avdullah Hoti shkarkimin e Driton Selmanajt nga pozita e zëvendëskryeministrit. Ndërsa Driton Selmanaj e ftojmë të japë dorëheqje nga çdo pozitë zyrtare në institucionet e Republikës.

    Ti nuk më përfaqëson!

    https://www.change.org/p/kryeministri-i-kosov%C3%ABs-z-avdullah-hoti-historia-q%C3%AB-harrohet-p%C3%ABrs%C3%ABritet-shkarkim?recruiter=false&utm_source=share_petition&utm_medium=facebook&utm_campaign=psf_combo_share_initial&utm_term=share_petition&recruited_by_id=833f79e0-2b52-11eb-b238-0de0ef775a6f&utm_content=fht-25934136-en-us%3A0