rilindja.albeniplast.com

Tag: Qeveria Kurti

  • Kurti: Kemi rritje ekonomike historike, hapëm 40 mijë vende pune – po ia thyejmë rekordin vetes

    Në mbledhjen e Qeverisë, kryeministri Albin Kurti ka numëruar të arriturat e qeverisjes së tij.

    Ai thotë se qeveria Kurti ia ka thyer rekordin vetes për të arritura, duke numëruar këtu edhe 40 mijë të punësuar.

    “Kemi premtuar që do të zhvillojmë politika cilësore. Dukuritë negative që janë evidentuar dhe ndaluar në të gjithë kabinetin qeveritar. Janë ndalur ndërhyrjet politike në proceset e emërimeve. Janë ngrirë mbi 3 milionë euro në kuadër të hetimeve për financim të paligjishëm dhe shpëlarje të parave. Kemi arritur më shumë suksese se çdo qeveri përpara. Një vit e gjysmë rritje dhe anti korrupsion. Qeverisje social demokrate. Kemi ulur borxhin publik kundrejt bruto-produkteve për 27 për qind”.

    “Kemi ofruar mbi 750 milionë euro mbështetje për qytetarët dhe bizneset. Kemi rritje ekonomike historike në vendin tonë me 10.7 për qind në vitin që shkoi. Kemi rritje enorme të të hyrave buxhetore në vitin 2021 me trend të ngjashëm për rritje në vitin 2022. Viti 2021 me të arritura i suksesshëm e në vitin 2022 jemi duke thyer rekordet e vetes”, thotë ai.

  • Qeveria deklarohet për thirrjet e sindikatave: Dialogu me kushtëzime dhe kërcënime nuk është dialog

    Sindikatat për grevën në arsim dhe administratë po kërkojnë zgjidhje për kërkesat e tyre.

    Ato kanë kërkuar që të ketë dialog me Qeverinë dhe të gjendet zgjidhje për atë se çfarë ato kërkojnë.

    Lidhur me grevën dhe mundësinë e dialogut, për Gazeta Blic ka folur zëdhënësi i Qeverisë, Përparim Kryeziu, derisa ka treguar se qeveria ka qenë në takime dhe komunikime të vazhdueshme me përfaqësuesit e sindikatave.

    “Ne kemi pasur takime dhe kemi qenë në komunikim të vazhdueshëm me përfaqësuesit e sindikatave. Kryeministri Kurti ka takuar disa herë kryetarin e Bashkimit të Sindikatave të Pavarura të Kosovës, Atdhe Hykolli. Ngjashëm kanë vepruar edhe ministrat Murati, Nagavci, Latifi dhe Sveçla, duke takuar drejtuesit e degëve sindikale të BSPK-së. Pra, komunikimi ka ekzistuar. Për çdo kërkesë të sindikatave, ka pasur një përgjigje dhe qëndrim të qeverisë”, thotë ai.

    Kryeziu thekson se sindikatat e shpallën grevën 8 ditë pasi MPB njoftoi se Ligji për Paga është proceduar dhe sipas tij, kërkesa sindikale për Ligjin për Paga u zhvendos dhe u zëvendësua me kërkesën për 100 euro shtesë deri në miratimin e ligjit, duke kushtëzuar me këtë kërkesë ndalimin e grevës, sidomos asaj në arsim.

    “Përgjatë shumicës së kohës kërkesa kryesore e sindikatave ka qenë procedimi i Ligjit të Pagave për Zyrtarët Publikë. Ata kanë qenë të njoftuar për progresin në hartimin e ligjit. Megjithatë, sindikatat shpallën grevën e tyre me 25 gusht, 8 ditës pas njoftimit nga Ministria e Punëve të Brendshme se Ligji për Paga është proceduar në Konsultime Paraprake. Kërkesa e kamotshme sindikale për Ligjin për Paga u zhvendos dhe u zëvendësua me kërkesën për 100 euro shtesë deri në miratimin e ligjit, duke kushtëzuar me këtë kërkesë ndalimin e grevës, sidomos në arsim, pavarësisht se:

    – Mësimdhënësit në projektligjin e ri parashihet të kenë koeficientin më të lartë ndonjëherë

    – Projektligji siguron trajtim të barabartë të mësuesve klasorë dhe lëndorë në arsimin e mesëm të ulët

    – Projektligji eliminon padrejtësitë në të gjitha kategoritë e mësimdhënësve dhe stafit tjetër,

    – Dhe parasheh shtesa në paga në bazë të kualifikimit dhe përgjegjësive menaxheriale”, potencon zëdhënësi i Qeverisë.

    – Dhe parasheh shtesa në paga në bazë të kualifikimit dhe përgjegjësive menaxheriale”, potencon zëdhënësi i Qeverisë.

    Ai për Gazeta Blic shton se MASHT-i i ka plotësuar edhe kërkesat e tjera të sindikës për arsim, duke ndarë buxhet për atë.

    “Për më tepër paraprakisht, MASHTI po ashtu ka adresuar edhe disa çështje tjera që janë ngritur nga sindikata e Arsimit. Me kërkesë të tyre për herë të parë janë ndarë 1.7 milionë euro për rreth 300 mësimdhënës me sëmundje të rënda. Është ndarë buxhet shtesë për mësimdhënësit që konsiderohen tepricë ashtu që mos të mbesin pa punë, si dhe 1600 mësimdhënësve u janë ruajtur normat ndërkohë që për vitin 2023 tashmë janë planifikuar që t’u ruhen normat 2209 punëtorëve të arsimit. Kurse të shtunën prezantuam pakon e re për përballje me inflacionin, në kuadër të së cilës të gjithë punëtorët e sektorit publikë do të marrin shtesë prej 50 euro deri në fund të këtij viti fiskal duke filluar nga muaji shtator”, thotë Kryeziu.

    Krejt në fund, ai ka thënë se qeveria synon trajtim dhe zgjidhje sistematike të sfidave të sistemit të arsimit dhe se dialogu me kushtëzime dhe kërcënime nuk është dialog.

    Ai ka bërë thirrje që mësimi të nis sa më parë në të gjitha shkollat e vendit.

    “Këto janë dëshmi të forta se Qeveria është partnere e arsimit në Kosovë dhe punëtorëve të arsimit. Ne synojmë trajtim dhe zgjidhje sistematike të sfidave të sistemit të arsimit. Synimet dhe planet tona nuk mund të pengohen e kushtëzohen nga kërkesa arbitrare. Dialogu me kushtëzime dhe kërcënime nuk është dialog. Mësimi duhet të fillojë sa më parë në të gjitha shkollat e vendit”, deklaron Përparim Kryeziu./GB

  • Arben Gashi: Grenell na tha që ta rrëzojmë Kurtin për 7 ditë

    Shefi i Grupit të Kuvendit të LDK-së, Arben Gashi, ka treguar se ish i Dërguari Special i Shtëpisë së Bardhë për dialogun Kosovë-Serbi, Richard Grenell, u kishte dhënë LDK-së 7 ditë kohë që ta rrëzojnë qeverinë Kurti 1.

    Ai tregon se ka pasur mesazh të qartë nga Grenell drejtuar LDK-së për këtë çështje dhe se sa herë kalonin ditët pa ndodhur gjë, presioni rritej.

    “Ne kemi pasur në mënyrë të saktë dhe të qartë të shkruar se kemi 7 ditë për të rrëzuar qeverinë. Dhe cdo ditë ka ardhur mesazh, 7, 6 , 5 nuk ka asgjë të re dhe mezi i kemi nxjerrë tri ditë të reja. E ka thënë vetë ambasadori amerikan se ata kanë bërë presion për ta rrëzuar”, thotë Gashi,

    Ai tutje tregon se qasja e Qeverisë Kurti është arrogante ndaj opozitës. Ai thotë se sa herë që dalin me propozime në Kuvend, marrin akuza nga pozita por që thotë se sjellje të tilla të dërgojnë drejt rënies së besimit nga populli

    “Tashmë ne ke kemi marrë çmimin për atë punë., e kemi paguar. I takon të shkuarës. Kthehemi në ditët e sotme. Zoti Kurti ka një qeveri me një rezultat të jashtëzakonshëm si pasojë e atyre që ndodhën. Ne kemi marrë mësimin tonë. Mendoj se qasje e tyre ndaj opozitës në Kuvend është agresive. Sa herë dalim me ndonjë propozim ata na thonë se juve ju ka treguar populli ku e keni vendin. Po në rregull ne kemi këtë rezultat prej 13#, por 13% e popullit janë me në. 5% i kanë fituar ata por 50% është në anën tjetër. Por mos të harrojmë se me këso sjellje edhe ne kemi rënë dhe besoj edhe këta”, përfundon ai.

  • Kosnetti pas takimit me Kurtin: SHBA-ja do ta ndihmojë qeverinë e ardhshme

    Kosnetti pas takimit me Kurtin: SHBA-ja do ta ndihmojë qeverinë e ardhshme


    Ambasadori i SHBA-së, Philip Kosnett, ka takuar sot kreun e Lëvizjes Vetëvendosje, Albin Kurti.

    Kosnetti ka thënë se SHBA-ja mbetet e përkushtuar për të ndihmuar qeverinë e ardhshme të ketë sukses dhe të sigurojë vendin e saj si e barabartë në arenën ndërkombëtare.

    “Sot gjatë ditës takova Albin Kurtin dhe ekipin e tij, pjesë e një serie diskutimesh mbi përparësitë e përbashkëta SHBA – Kosovë. Ne mbetemi të përkushtuar për të ndihmuar qeverinë e ardhshme të ketë sukses dhe të sigurojë vendin e saj si një partner i barabartë në Evropë dhe brenda bashkësisë ndërkombëtare”, ka shkruar Kosnetti në Twitter.

    Ai shtoi se takimi i sotëm me Kurtin është përqendruar në investimet e energjisë.

    “Diskutimi i sotëm u përqendrua në investimet e energjisë dhe diversifikimin, duke përfshirë opsione të qëndrueshme dhe të rinovueshme që do të ushqente rritjen e ardhshme ekonomike të Kosovës”, ka shtuar ambasadori i SHBA-së.

  • Sa ministre gra do të ketë Qeveria e re? Deklarohet Albin Kurti

    Sa ministre gra do të ketë Qeveria e re? Deklarohet Albin Kurti

    Kreu i Lëvizjes Vetëvendosje, Albin Kurti ka folur në ditën e gruas për numrin e grave që do të jenë ministre në Qeverinë e re.

    Kurti para gazetarëve ka thënë se kjo ditë duhet të na kujtojë sa duhet të punohet për gratë.

    “Kjo ditë duhet të na përkujtojë se duhet të punojmë për ditë për gratë”, ka thënë ai.

    Shefi i LVV-së ka treguar edhe për numrin e ministreve që do të jenë në Qeverinë e re.

    “Ne për asnjë gjë nuk do të bimë më poshtë se që kemi qenë, ju e keni parasysh se në qeverinë e mirë të pranverës 2020-të, më pak se 5 nuk do të kemi, do të shikojmë se çka do të bëjmë edhe më shumë”, shtoi i njëjti teksa përmendi kuotën gjinore në Kuvend të Kosovës.

    “Nga 58 deputetë sa do t’i ketë grupi ynë parlamentar, asnjë grua nuk ka pasur nevojë për kuotën gjinore, populli i Kosovës e ka bërë përfaqësuese të qytetarëve. 14 shkurti nuk kanë qenë një palë zgjedhje, kanë qenë referendum”, tha Kurti.

  • Mustafës nuk i pëlqen raporti i Parlamentit Europian, e lidhë rrëzimin e “Qeverisë Kurti” me amerikanët

    Mustafës nuk i pëlqen raporti i Parlamentit Europian, e lidhë rrëzimin e “Qeverisë Kurti” me amerikanët

    Kryetari i Lidhjes Demokratike të Kosovës, Isa Mustafa ka reaguar ndaj studimit të publikuar së fundmi nga Bashkimi Evropian e ku ka konstatuar se amerikanët përmes dezinformatave kanë rrëzuar qeverinë e Albin Kurtit.

    Mustafa ka shkruar se ky studim është manipulim pasi që siç ka thënë ai është studim i bashkëmendimtarëve të Kurtit.

    ” Disa bashkëmendimtarë të majtë evropianë të tashmë forcës kryesore politike të së majtës në Kosovë (Lëvizjes Vetëvendosje të Albin Kurtit), në një “studim” që paskan bërë për efektin e lajmeve të rreme në politikëbërje, përfshirë edhe Kosovën, më paska “akuzuar” si prodhues të lajmeve të rreme me qëllim rrëzimin e qeverisë së koalicionit ndërmjet Vetëvendosjes dhe LDK-së ! “, ka shkruar ai në “Facebook”.

     Mustafa poashtu ka thënë se si kryetar i LDK-së, do ti drejtohet partive partnere të  LDK-së në EPP (Partitë Popullore Evropiane) me sqarimet e nevojshme për ta hedhur poshtë këtë “studim”, siç e ka quajtur ai  tendencioz dhe të motivuar ideologjikisht ndaj LDK-së.

    ” Meqë ky “studim” qenka bërë për nevojat e Komitetit për Politikë të Jashtme të Parlamentit Evropian, si kryetar i LDK-së, do t’u drejtohem partive simotra të LDK-së në EPP (Partitë Popullore Evropiane) me sqarimet e nevojshme për ta hedhur poshtë këtë “studim” tendencioz dhe të motivuar ideologjikisht ndaj LDK-së. “, ka shkruar ndër të tjera Mustafa.

    Postimi i plotë i tij:

    Të dashur miq,

    “Studimi” i bashkëmendimtarëve të Albin Kurtit është manipulim !

    Disa bashkëmendimtarë të majtë evropianë të tashmë forcës kryesore politike të së majtës në Kosovë (Lëvizjes Vetëvendosje të Albin Kurtit), në një “studim” që paskan bërë për efektin e lajmeve të rreme në politikëbërje, përfshirë edhe Kosovën, më paska “akuzuar” si prodhues të lajmeve të rreme me qëllim rrëzimin e qeverisë së koalicionit ndërmjet Vetëvendosjes dhe LDK-së !

    Meqë ky “studim” qenka bërë për nevojat e Komitetit për Politikë të Jashtme të Parlamentit Evropian, si kryetar i LDK-së, do t’u drejtohem partive simotra të LDK-së në EPP (Partitë Popullore Evropiane) me sqarimet e nevojshme për ta hedhur poshtë këtë “studim” tendencioz dhe të motivuar ideologjikisht ndaj LDK-së.

    E vërteta e bashkëqeverisjes  mes LDK-së dhe Vetëvendosjes është e qartë dhe e pastër.

    LDK-ja i dha shans Vetëvendosjes për të punuar bashkërisht për të mirën e Kosovës.

    Vetëvendosje, përveç që tentoi ta keqpërdorte partneritetin dhe kontruktivitetin e LDK-së, duke u kthyer në shtratin e saj ideologjik dhe gjenezën izolacioniste, filloi ta rrezikonte partneritetin e Kosovës me aleatët e saj kryesorë, para se gjithash me Shtetet e Bashkuara të Amerikës.

    LDK-ja nuk mund të duronte nëpërkëmbjen e saj nga një parti tjetër dhe taman puna të rrinte duke e soditur  Vetëvendosjen teksa po shkarkonte ministra të LDK-së duke e shkelur marrëveshjen dhe po rrezikonte partneritetin e Kosovës me SHBA-të !

    Prandaj, LDK-ja reagoi. Dhe do të reagoj ndaj kujtdo në Kosovë që e quan veten aq të rëndësishëm e të fortë sa të shpërfillë thirrjet telefonike nga Shtëpia e Bardhë e Departamenti Amerikan i Shtetit.

    Që organizon fushata denigruese ndaj zyrtarëve amerikanë dhe Shtëpinë e Bardhë e portretizon si një vend ku copëtohet Kosova.

    LDK-ja, si partia e parë politike në Kosovë dhe si trasuesja e orientimit pro-perëndimor të Kosovës, e ka obligim të kujdeset për të mos lejuar asnjëherë tendencat për shmangie nga ky orientim.

    Sepse, partneriteti me SHBA-të dhe demokracinë perëndimore, është orientim natyror dhe sepse është rruga e vetme për Kosovën.

    Autorët e “studimit”, shpresoj shumë se do të ballafaqohen me mbështetësit e Kosovës në Parlamentin Evropian dhe “studimi” i tyre do të përfundoj si një përpjekje e dëshpëruar për manipulimin e së vërtetës.

    I.M.

  • Studimi i bërë për Parlamentin Evropian: Dezinformatat rrëzuan Qeverinë Kurti

    Studimi i bërë për Parlamentin Evropian: Dezinformatat rrëzuan Qeverinë Kurti

    Një studim mbi rolin e lajmeve të rreme në Ballkanin Perëndimor, i prezantuar në Parlamentin Evropian (PE) thotë se fenomeni i dezinformimit në Kosovë ka pasur implikime të drejtpërdrejta politike që shkaktuan edhe rënien e qeverisë së Albin Kurtit.

    “Vetë koalicioni ishte jetëshkurtër dhe u rrezua nga një operacioni dezinformues amerikan”, thuhet në studimin e publikuar, i cili u bë nga disa autorë evropianë, të porositur për nevojat e Komitetit të Politikës së Jashtme të PE (AFET).

    Ky studim tregon për trendet dhe modelet kryesore të dezinformatave dhe luftën kundër dezinformatave në gjithë rajonin në periudhën nga viti 2018 deri më 2020.

    Dokumenti shpjegon angazhimin e presidentit të Shteteve të Bashkuara, Donald Trump dhe emërimin e të dërguarit të tij të posaçëm për bisedimet ndërmjet Serbisë dhe Kosovës, Richard Grenell.

    “I frustruar nga ajo që ai e pa si pengesë nga kryeministri i Kosovës, Albin Kurti, ambasadori Grenell si duket aranzhoi që senatori David Perude dhe djalin e presidentit amerikan, Donald Trump Jr. të bënin një deklaratë në Twitter që sugjeronte se trupat amerikane do të tërhiqeshin nga Kosova. Ambasadori Grenell vazhdoi ta mbante këtë kërcënim – i cili nuk ishte bërë nga asnjë zyrtar amerikan – në negociatat me partnerët e koalicionit të Kurtit, duke bërë që të ngrihej një mocion mosbesimi që rrëzoi Qeverinë Kurti. Kjo lëvizje gjerësisht është dënuar në Evropë, përfshirë edhe përmes një demarshi të përbashkët të ambasadorëve të Francës dhe Gjermanisë në Prishtinë. Ky shembull tregon se si një aktor i huaj ishte në gjendje të prodhonte një kërcënim krejtësisht të trilluar dhe në këtë mënyrë të shtynte drejt ndryshimit të qeverisë”, thuhet në studim.

    Më 20 prill, teksa ishte kryeministër në detyrë, Albin Kurti, gjatë një konference online për mediat ndërkombëtare deklaroi se mocionin e mosbesimit LDK-ja e kishte bërë në koordinim me Grenellin, duke argumentuar se qeveria e tij u rrëzua vetëm pse Grenellit po i ngutet “që të nënshkruajë marrëveshje me Serbinë”.

    Sipas pretendimeve në këtë dokument, të cilat janë bërë sipas analizës së mediave sociale, si mediat ashtu edhe politikanët u përfshin në këtë fushatë, të cilën studimi i identifikon si “kanale kryesore të dezinformimit në Kosovë”. Në dokument përmenden media të caktuara me ndikim në Kosovë, si dhe kryetari i Lidhjes Demokratike të Kosovës, Isa Mustafa, dhe (tani ish) kryetari i Partisë Demokratike të Kosovës, Kadri Veseli.

    “Mesazhet në rrjetet sociale që vinin nga Mustafa dhe Veseli, posaçërisht kanë nxitur mashtrimin e aferës Grenell”, thuhet në dokument.null

    Autorët e studimit pretendojnë se çështja e Kosovës ilustron më së miri kompleksitetin e fenomenit lajmeve të rreme dhe se ky është një rast i rrallë ku ky “rezultat politik mund të atribuohet drejtpërdrejt keqinformim”.

    Më 25 mars, Kuvendi i Kosovës me 82 vota rrëzoi Qeverinë Kurti pas mocionit të ngritur nga partnerja e koalicionit, Lidhja Demokratike e Kosovës.
    LDK-ja argumentoi se deri te mocioni erdhi për shkak të pozicionimit “jokonstruktiv” të Kurtit karshi partnerëve, në veçanti SHBA-së.

    Qeveria Kurti ishte zgjedhur më 3 shkurt.

    Dezinformimi, “epidemi në Ballkanin Perëndimor”