rilindja.albeniplast.com

Tag: Targat

  • Von der Leyen për vendimin për targat: Rregullat duhet të respektohen në çdo shtet

    Presidentja e Komisionit Evropian, Ursula von der Leyen, ka folur për afatin e 31 tetorit që është vendosur për kthimin e targave nga ato ilegalet që qarkullojnë në Kosovë, në RKS.

    Ajo, pas takimit që pati sot me presidenten Vjosa Osmani në një konferencë për media, deklaroi se rregullat është e domosdoshme të respektohen.

    “Rregullat janë të qarta duhet të respektohen në çdo shtet. Në të njëjtën kohë nëse ka periudhë tranzitore, tranzicioni duhet të jetë përfshirës, duhet të shkojë siç duhet”, është shprehur ajo.

    “Unë e di se është duke u punuar për t’i gjetur një zgjidhje dhe gjithashtu ju uroj për përpjekjet dhe për të gjitha gjërat që janë duke u bërë në kuadër të dialogut”, ka thënë Von der Leyen.

  • Nuk do të ketë më automjete me targa “PR”, “KM”, “GL”…,Qeveria merr vendim për largimin e tyre

    Qeveria e Kosovës ka miratuar vendimin për të mundësuar regjistrimin e automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “ĐA”, si dhe vendimin për kalimin e kufirit shtetëror nga qytetarët me dokumente personale të lëshuara nga autoritetet e Serbisë.

    Sipas komunikatës me vendimin e parë të miratuar nga Qeveria e Republikës së Kosovës në mbledhjen e sotme, është mundësuar që pronarëve të automjeteve të pajisura me targa “PR”, “KM”, “PZ”, “GL”, “UR”, “PE”, “DA” apo “ĐA” nga 10 qershori 1999 deri më datë 21 prill 2022, t’u mundësohet regjistrimi i mjeteve me targa RKS.

    “Sipas këtij vendimi, regjistrimi do të fillojë me datë 01.08.2022 dhe do të zgjasë deri më 31.09.2022. Vendimi ka karakter të papërsëritshëm pas përfundimit të periudhës së vlefshmërisë. Vendimi obligon Ministrinë e Punëve të Brendshme që të ndërmarrë të gjitha veprimet dhe masat e nevojshme me qëllim të realizimit të këtij procesi”, thuhet në njoftim.

    Më tej thuhet se “miratimin e kabinetit qeveritar e mori edhe vendimi sipas të cilit çdo person që paraqitet për kalim të kufirit shtetëror me dokument të identifikimit personal të lëshuar nga autoritetet e Serbisë, të pajiset në pikë-kalimet kufitare me një fletë-deklarim që përkohësisht e zëvendëson përdorimin e dokumentit të tillë. Fletë-deklarimi do të krijojë bazë për qarkullim në territorin e Republikës së Kosovës dhe për shfrytëzim brenda institucioneve shtetërore”.

    “Gjithashtu, sipas vendimit, automjetet me targa të regjistrimit të Serbisë që paraqiten për kalim të kufirit shtetëror dhe kanë për qëllim të lëvizin në territorin e Republikës së Kosovës, duhet të kenë të vendosur ngjitësin në pjesën e simboleve dhe emërtimit shtetëror, nga data 01.08.2022. Mekanizmi i tillë do të vlejë deri me 31.10.2022”.

    Sipas komunikatës, ky mekanizëm është pa paragjykim ndaj afatit maksimal të qëndrimit të automjeteve të tilla në territorin e Republikës së Kosovës.

    Pas dështimit të arritjes së një marrveshjeje me palën serbe lidhur me targat, përkundër disa takimeve në Bruksel, Qeveria e Kosovës kishte njoftuar se ka bërë gati një plan të cilin do ta votoj ditëve në vijim, me anë të së cilit po tenton ta zgjidhë çështjen e targave.

    Detajet ekzekutivi akoma nuk i ka bërë të ditura, mirëpo kanë theksuar se pas dështimit për një marrëveshje në Bruksel, janë duke ndërmarrë këtë veprim të njëanshëm.

    Vendimi për këtë plan, sipas Qeverisë është bërë në dakordim me Bashkimin Evropian.

  • Gazetat zvicerane: Albin Kurti ne Veri të Kosovës veproi konform reciprocitetit të Brukselit

    Për shkak të rregullës së targës. Tensionet mes Kosovës dhe Serbisë (“Wegen Auto-Kennzeichen-Regel Spannungen zëischen Kosovo und Serbien“)  me ketë titull mediat botërore ashtu edhe zvicerane sot dhe dje janë marrë me Kosovën, respektivisht qëndrimet e fundit të qeverise së Albin Kurtit karshi Serbisë, raporton gazeta zvicerane në shqip Le Canton27.ch

    Qeveria e Vuçiqit nuk i njeh targat e veturave nga Kosova. Por nga sot, as Qeveria e Albin Kurtit nuk i një ato të Serbisë

    Tensionet janë krijuar mes Kosovës dhe Serbisë lidhur me një rregullore të re mbi pranueshmërinë e targave. Serbët e Kosovës nga rajoni kufitar bllokuan hyrjen në pikat kufitare kosovar-serbe Jarinje dhe Binjak të hënën, siç raportuan mediat në Prishtinë dhe Beograd. Ata protestuan kundër dekretit të ri të qeverisë kosovare, sipas të cilit targat serbe nuk vlejnë më në Kosovë, ka shkruar gazeta prestigjioze e Zvicrës Blick duke ju referuar agjencisë shtetërore te informimit ATS /SDA.

    Sipas mediave zvicerane, Policia kufitare në Kosovë ka zbatuar rregullisht rregulloren që nga mëngjesi i së hënës. Shoferët në automjetet me targa serbe duhet t’i çmontojnë ato në pikat kufitare dhe t’i bashkojnë targat e përkohshme kosovare që ata i marrin nga zyrtarët kufitarë.

    Kryeministri kosovar Albin Kurti prezantoi qasjen e qeverisë së tij të hënën si një masë të bazuar në reciprocitet. Presidenti serb Aleksandar Vuçiç përsëri thirri një takim të kabinetit të tij të sigurisë për të martën.

    Në fakt, Serbia nuk i njeh targat e futura nga Kosova pas shpalljes së pavarësisë në vitin 2008. Udhëtarët me automjete me këto targa duhet t’i ndërrojnë ato me targa të përkohshme serbe në pikat kufitare kur hyjnë në Serbi. (SDA)

  • Albin Kurti flet pas vendimit për targa, thotë se nuk është veprim kundër serbëve

    Kryeministri, Albin Kurti ka thënë se vendimi për reciprocitet me targa, nuk është kundër qytetarëve serbe. Ai madje ka thënë një vendim i tillë nuk i ndalon lëvizjen e lirë të serbeve.

    “Automjete do të pajisen me tabela të përkohshme. Ju siguroje se veprimet e marra nga organet kompetente nuk janë të drejtuar kundër qytetarëve serbë, nuk kanë drejtë cenojnë lëvizjen e lirë të qytetarëve serbë. Sikurse se dje edhe nesër qytetarët serbe do të lëvizin lire, pres nga gjithë qytetarë që të kuptojnë drejtë se sot nuk po ndodhe asgjë diskriminuese e as e jashtëligjshme”, ka thënë Kurti.

    Ndryshe me vendimin e ri të Qeverisë së Kosovës, automjeteve që po hyjnë nga Serbia në Kosovës po pajisen me targat të përkohshme RKS./Gazeta

  • Ky është vendimi i MPB për targat serbe dhe KS!

    Ministria e Punëve të Brendshme, së bashku me Policinë e Kosovës, në kuadër të aktiviteteve të zakonshme si dhe me qëllim të ruajtjes së rendit publik dhe kushtetues, është duke kryer veprime në të gjithat pikat kufitare. Veprimet kanë për qëllim zbatimin e marrëveshjes për lëvizjen e lirë- konkretisht targave të automjeteve.

    Me këtë rast, MPB-ja, me qëllim të mundësimit të lëvizjes së lirë të qytetarëve edhe pas skadimit të marrëveshjes së 14 shtatorit të vitit 2016, ka nxjerrë vendim që aranzhon dhe obligon pajisjen me targa të përkohshme për të gjitha automjetet që mbajnë targa të Serbisë dhe hyjnë në territorin e Republikës së Kosovës, në të gjitha pikat e kalimit kufitar. Dhe njëkohësisht ka ndërmarrë të gjitha masat e domosdoshme për të reduktuar në maksimum pritjet në pikat kufitare.

    Njoftojmë opinionin se nga data 15 shtator nuk ka në qarkullim asnjë veturë të pajisur me targa valide “KS” dhe rrjedhimisht targat e vetme ligjore dhe me afat të lëshuara nga zyrtarët e Ministrisë së Punëve të Brendshme janë ato me denominimin “RKS”.

    Situata është e qetë. Policia e Kosovës i ka ndërmarrë të gjitha masat e nevojshme operative dhe logjistike që të mos pengojnë dhe vonojnë lëvizjen e njerëzve dhe të mallrave.

  • Ministri Sveçla flet për aksionin e Njësisë Speciale në Veri

    Njësia Speciale e Kosovës është parë sot në pikat kufitare me Serbinë.

    Për këtë ka folur Ministri i Brendshëm, Xhelal Sveçla i cili ka thënë se këto veprime për qëllim zbatimin e marrëveshjes për lëvizjen e lirë- konkretisht targave të automjeteve, transmeton Zeri.info

    “Ministria e Punëve të Brendshme, së bashku me Policinë e Kosovës, në kuadër të aktiviteteve të zakonshme si dhe me qëllim të ruajtjes së rendit publik dhe kushtetues, është duke kryer veprime në të gjithat pikat kufitare. Veprimet kanë për qëllim zbatimin e marrëveshjes për lëvizjen e lirë- konkretisht targave të automjeteve

    Me këtë rast, MPB-ja, me qëllim të mundësimit të lëvizjes së lirë të qytetarëve edhe pas skadimit të marrëveshjes së 14 shtatorit të vitit 2014, ka nxjerrë vendim që aranzhon dhe obligon pajisjen me targa të përkohshme për të gjitha automjetet që mbajnë targa të Serbisë dhe hyjnë në territorin e Republikës së Kosovës, në të gjitha pikat e kalimit kufitar. Dhe njëkohësisht ka ndërmarrë të gjitha masat e domosdoshme për të reduktuar në maksimum pritjet në pikat kufitare”, ka shkruar Sveçla.

    Ai ka njoftuar se nga data 15 shtator nuk ka në qarkullim asnjë veturë të pajisur me targa valide “KS” dhe rrjedhimisht targat e vetme ligjore dhe me afat të lëshuara nga zyrtarët e Ministrisë së Punëve të Brendshme janë ato me denominimin “RKS”.

    Ai ka thënë se situata është e qetë dhe policia ka marrë masa të mos pengohet lëvizja e njerëzve dhe mallrave.

    “Situata është e qetë. Policia e Kosovës i ka ndërmarrë të gjitha masat e nevojshme operative dhe logjistike që të mos pengojnë dhe vonojnë lëvizjen e njerëzve dhe të mallrave”, ka shkruar ministri i brendshme.

  • Më në fund, qytetarët mund të pajisen me targa

    Më në fund, qytetarët mund të pajisen me targa

    Qytetarët e Republikës së Kosovës mund të pajisen me targa të veturave pasi dje ka arritur kontigjenti i tyre.

    Nga Ministria e Punëve të Brendshme në një përgjigje për IndeksOnline kanë konfirmuar se janë furnizuar me targa të mjatueshme për të gjithë qytetarët.

    Sipas tyre, dje është bërë edhe shpërndarja e tyre në të gjitha qendrat për regjistrim të automjeteve.

    “Ka arritur kontigjenti, nga dje në të gjitha qendrat për regjistrim të automjeteve ka filluar pajisa me targa për të gjithë qytetarët.

    Qytetarët gjatë pajisjes duhet t’u permbbahen rekomandineve të IKSHPK-së. Dhe nuk kanë nevojë të bëjnë radhë të gjata të rezikojnë shëndetin e tyre në pandemi, pasi ka sasi të mfaftueshme të targave”, thuhet në përgjigje

  • Deri në këtë datë do të largohen të gjitha targat KS

    Deri në këtë datë do të largohen të gjitha targat KS

    Deri me 14 shtator të këtij viti, asnjë automjet i regjistruar në Republikën e Kosovës nuk do të shihet më me targa KS. Ato do të zhduken dhe po zëvendësohen me targa RKS.

    Kjo pasi mbaron marrëveshja pesë vjeçare e nënshkruar më 2016 ndërmjet zyrtëve të Kosovë e Serbisë në Bruksel.

    Drejtori i Agjencisë së Regjistrimit Civil, Bekim Hoxha ka konfirmuar për “Syri.net” se targat KS janë duke u hequr nga automjetet të cilat po regjistrohen dhe deri me 14 shtator do të hiqen të githa.

    Ai tregoi se kjo po bëhet në kudër të marrëveshjes së Brukselit e cila ka nisë së zbatuari më 14 shtator të vitit 2016 dhe e cila përfundon me 14 shtator 2021.

    Numri i automjeteve të regjistruara me targa KS kishte kaluar mbi 35 mijë dhe nga 14 shtatori kur u kalon regjistrimi u merren targat KS e u jepen RKS.

    Nga ky institucione tregojnë se nga 14 shtatori atuomjeteve KS të cilave u skandon regjistrimi u merren targat e vjetra dhe u lëshohen të reja.

    Edhe nga Ministria e Punëve të Brendshme, kan thënë se pronarët e automjeteve në Kosovë obligohen t’i shndërrojnë targat KS me ato RKS.

    “Të gjithë pronarët e mjeteve që posedojnë targa KS me rastin e vazhdimit të regjistrimit të mjetit, obligohen që targat KS t’i ndërrojnë me targa RKS, sipas procedurave për vazhdimin e regjistrimit të mjetit dhe duke u bazuar në vendimin Nr.012/2020 të datës 10.01.2020 për caktimin e tarifave”.

  • Targave KS i’u vjen fundi, të gjithë obligohen t’i kenë RKS

    Targave KS i’u vjen fundi, të gjithë obligohen t’i kenë RKS

    Agjencia e Regjistrimit Civil, konkretisht Departamenti për Regjistrimin e Automjeteve, ka nxjerr Vendim për moslejimin e regjistrimit të automjeteve me targa KS, ku gjithsecili automjet obligohet t’i zëvendësoj targat me ato RKS.

    Pas këtij lajmi ka reaguar nënkryetari i Kamenicës, Faton Jakupi. Ai ka thënë se në këtë mënyrë po dëmtohet bizneset të cilat bëjnë transportim të mallrave meqë aktualisht MPB nuk është duke lëshuar targa të reja.

    “Këtë Vendim e vlerësoj sikur shteti të ketë targa RKS që t’i furnizoj qytetarët,por jo është duke ndodhë e kundërta. AUTO-TRANSPORTUESËVE ju pamundësohet zhvillimi i biznesit, me faktin se atyre nuk ju lejohet të dalin jashtë shtetit me targa të PËRKOHËShME”, ka shkruar ai.
    Jakupi i ka bërë thirrje MPB-së që ta shfuqizojë këtë vendim derisa ta pajisen me targa.

    “Ftoj Ministrinë e Punëve të Brendëshme, që deri në kohën kur munden me u pajisë me targa RKS, ta ç’fuqizojë këtë vendim të paktën për bizneset e Auto-Transportuesëve dhe bizneseve të cilat bëjnë Export. E mjaftueshme për këto biznese ishte dhe është kjo koha e pandemisë, atëhere mos të iu bëhemi barrë shtesë edhe me vendime të shtetit të cilat veç shkojnë duke rënduar gjendjen e tyre”, thuhet në reagimin e tij.