Profesori universitar, Ardian Gola, ka publikuar sot gjobën për mosmbajtje të maskës, derisa, të njëjtën tha se nuk do ta paguaj.Megjithatë, pas atij postimi, Gola ka reaguar edhe njëherë.Ai ka thënë se dhuna e të dobëtit është tregues i padrejtësisë së të fortit.
Gola ka shkuar edhe më tutje duke thënë se në Kosovë janë vjedhur 2 milionë euro derisa thotë se kryeministri i vendit, Avdullah Hoti shikon si “hut”.
Shkrimi i plotë nga Ardian Gola:Dhuna e te dobetit eshte tregues i padrejtesise se te fortit. Nese padrejtesia trashet permes ligjit dhe politika nuk e lufton ate, ashtu sikurse eshte duke ndodh ne Kosove, dhuna nga qytetaret e rendomte do te duhej te shfaqej natyrshem si shenje e normalitetit. Fakti qe ketu kemi trashje sistematike te padrejtesise dhe pakesim gjithnje e me te madh te revoltes qytetare, eshte shenje e paster e abnormalitetit.
Merreni veç si shembull aplikimin retroaktiv te nje rregulloreje te BQK qe me i penalizu retroaktivisht me norma te reja te gjitha rastet e vjetra te mos sigurimit te veturave. Çka s’po perflitet?! Keto po behen me i mbulu borxhet e kompanive te falimentuara. Po perflitet po ashtu se BQK eshte duke toleru operim te kompanive te sigurimit me borxhe. Falimentimi i tyre te ne ardhmen, prape i faturohet qytetareve te rendomte.Vidhen 2 milion euro si me e hanger nje sakuz.E Kryeministri Hoti, Huti kryesor i kesaj qeverie te kontrabanduar, shikon si hut duke na rrjepe e mjele bandat, te cilat operojne nen masken institucionale. Deri kur bre?!
Category: LAJME
-
Profesori i UP-së e quan “hut” Avdullah Hotin
-
Kryeministri Rama po e përdorë emrin e UÇK-së për fushatë në Shqipëri, por ja çfarë bëri me Kosovën para një viti
Kryeministri i Republikës së Shqipërisë, Edi Rama, po vazhdon me fushatën e tij politike duke përdorur emrin e Ushtrisë Çlirimtare të Kosovës. Mirë po i njëjti pak muaj më parë e postonte hartën e Europës ku shteti i Kosovës ishte nën Serbi.
Rama ka kohë që po merret intenzivisht me ermin e UÇK’së në llogarinë e tij në Facebook, por edhe nëpër studio televizive.
Madje ai po akuzon edhe opozitën për bashkëpunim kundër luftës së UÇK’së. Lulzim Basha i PD’së është bërë objekt i një fushate të egër nga Edi Rama që e akuzon për tradhëti ndaj Kosovës.
Së fundi Rama postoi foton e emblemës së djegur të UÇK’së në Graqanicë. Aty duket fytyra e Adem Jasharit në sfond.
Mirëpo Edi Ramës, nuk i kishin bërë fare përshtypje reagimet e bëra për hartën e publikuar nga ky i fundit ku Kosova shfaqej si pjesë e Serbisë, derisa nuk e ka marrë as mundin që të sqarojë krejt këtë skandal.
Për më shumë se pesë orë, në faqen zyrtare në Facebook të kryeministrit të Shqipërisë, Edi Rama, qëndroi një video në të cilën proklamohej një hartë ku Kosova shfaqej si pjesë e Serbisë.
-
Mërgimtari shkon me logo të UÇK-së para Gjykatës Speciale, por i doli një problem që e befasoi
Pranë Dhomave e Specializuara në Hagë sot ka filluar konferenca statusore në rastin kundër ish-presidentit të Kosovës, Hashim Thaçit, ish-kryetarit të Kuvendit të Kosovës dhe ish-kreut të Partisë Demokratike të Kosovës, Kadri Veselit, ish-kryetarit të Kuvendit të Kosovës, Jakup Krasniqit dhe ish-shefit të Grupit Parlamentar të Lëvizjes Vetëvendosje, Rexhep Selimit.
Në konferencën statutore apo të ecurisë së çështjes, mbrojtja e Hashim Thaçit, Kadri Veselit, Jakup Krasniqit dhe Rexhep Selimit, ka kërkuar që gjykimi ndaj ish-krerëve të Ushtrisë Çlirimtare të Kosovës, të nisë jo më herët se në verën e vitit 2022.
Ndërkohë, në përkrahje të ish-udhëheqësve të Ushtrisë Çlirimtare të Kosovës kanë dalë disa mërgimtarë që jetojnë jashtë, të cilat kanë udhëtuar të shkojnë në Hagë, për të mbështetur clirimtarët. Por, disa nga ta janë penguar nga sigurimi i Speciales që të protestojnë me arsyetimin se mbajnë maska me logo të UÇK-së.
Mërgimtari Skënder Shabani, që jeton në Hamburg të Gjermanisë, ka thënë se ai ishte penguar nga sigurimi i ndërtesës së Gjykatës, që të protestojë më maskën, që bartë emblemën e Ushtrisë Çlirimtare të Kosovës.
“Nuk po më lejohet nga sigurimi i Tribunalit të protestoj me logo të UÇK”, ka thënë ai.Ndryshe, prokuroria akuzon Thaçin, Veselin, Krasniqin dhe Selimin ‘për kryerjen e krimeve të luftës’. Ata u arrestuan dy javë me parë, ndërkaq në paraqitjen e parë para gjykatësit ata kanë mohuar kategorikisht aktakuzat që ngarkohen.
-
Sulme ajrore në mes forcave Izraelite, Siriane dhe Iraniane në Siri
Izraeli tha se ka nisur sulme ajrore kundër një numri të objektivave në Siri, kundër ushtrisë siriane dhe Forcës Kuds të Iranit.
Agjencia shtetërore e lajmeve siriane raportoi se tre pjesëtarë të ushtrisë u vranë dhe një u plagos gjatë sulmeve.
Sidoqoftë, Vëzhguesi Sirian për të Drejtat e Njeriut, një organizatë me seli në Britani të Madhe, tha se gjithsej 10 persona u vranë, duke përfshirë pesë luftëtarë të huaj “me gjasë iranianë dhe i përkisnin forcës Kuds, si dhe dy luftëtarë pro-Iranit me kombësi të papërcaktuar”.Sulmet e Izraelit filluan pasi forcat e sigurisë së saj gjetën eksploziv të vendosur në Rrafshnaltën e Golanit.
Izraeli okupoi Rrafshnaltën e Golanit nga Siria në luftën e vitit 1967 dhe më vonë e aneksoi.Nënkolonel, Jonathan Conricus, një zëdhënës ushtarak izraelit, tha se u goditën tetë objektiva në zonat që shtriheshin nga ana e kontrolluar nga Siria në Rrafshnaltën e Golanit deri në periferinë e Damaskut.
“Objektivat përfshinin selinë ushtarake iraniane në aeroportin ndërkombëtar të Damaskut, një ‘vend i fshehtë ushtarak’ që shërbeu si “strukturë pritjeje për delegacione të larta iraniane kur ata shkonin në Siri për të operuar” dhe ndaj Divizionit të 7-të të forcave të armatosura siriane që mbikëqyr pjesën siriane të Rrafshnaltës së Golanit”, tha Conricus.
Ai shtoi se forcat elitare të Iranit, Kuds janë të përfshira në Divizionin e 7-të të ushtrisë siriane.
Izraeli ka goditur vazhdimisht objektivat iraniane në Siri dhe ato të milicive aleate, përfshirë Hezbollahun e Libanit.Irani është një aleat kryesor i presidentit sirian, Bashar al Assad, por Damasku kurrë nuk e ka pranuar publikisht se forcat iraniane po veprojnë në emër të tij në luftën civile në Siri.
Izraeli e shikon Iranin si kërcënimin e tij më të madh dhe thotë se nuk do të tolerojë krijimin e një pranie të përhershme ushtarake iraniane në Siri. /REL
-
Memli Krasniqi: Nuk e shoh ku e gjen Kurti fytyrën që ta mbrojë Thaçin
Nënkryetari i Partisë Demokratike të Kosovës, Memli Krasniqi, ka kritikuar kryetarin e Lëvizjes Vetëvendosje, Albin Kurtin, i cili kohë më parë i kishte kërkuar ish-presidentit, Hashim Thaçi, shkuarjen në Hagë, shkruan Gazeta Sinjali, përcjell RilindjaShqiptare.
Sipas tij, Kurti i ka thënë më shumë se 40 herë Thaçit: “Shko në Hagë” dhe se habitet se si mundet tani ta mbrojë atë.
“Të gjithë ata që, ta zëmë, kanë akuzuar Hashim Thaçin, Kadri Veselin që po e bëjnë gjykatën për me shpëtu vetveten, se po e bëjnë gjykatën për me i shpëtu shokët e tyre, si Albin Kurti që i ka thënë: ‘Shko në Hagë Hashim’, jo një herë po 40 herë në një tekst i ka thënë ‘shko në Hagë’ sot është në Hagë Hashimi. Nuk e shoh ku e gjen ai fytyrën me dalë edhe me thanë tash duhemi me i mbrojtë”, tha Krasniqi për Klan Kosova.
-
Mbi 40 mijë faqe material, 153 persona dëshmuan kundër UÇK-së në Speciale
Me qëllim të konfirmimit të aktakuzës kundër ish-krerëve të Ushtrisë Çlirimtare të Kosovës, Prokuroria e Specializuar në Hagë është mbeshtetur tek 153 dëshmitarë, dhe synon që përsëri të mbështetet në shumicën e tyre gjatë gjykimit.
Prokuroria, po ashtu thotë se materiali mbështetës për aktakuzën e paraqitur për konfirmim ka pasur mbi 40 mijë faqe.
Pranë Dhomave e Specializuara në Hagë të mërkurën do të mbahet konferenca statusore në rastin ndaj ish-presidentit të Kosovës, Hashim Thaçit, ish-kreut të Partisë Demokratike të Kosovës, Kadri Veselit, ish-zëdhënësit të UÇK-së, Jakup Krasniqit dhe ish-anëtarit të Shtabit të Përgjithshëm të UÇK-së, Rexhep Selimit.
Kundër tyrë është konfirmuar aktakuza për krime lufte dhe krime kundër njerëzimit. Të gjithë aktualisht gjenden në paraburgim në Hagë dhe janë deklaruar të pafajshëm.
Konferenca statusore, apo konferencën mbi ecurinë e çështjes e thirrë gjykatësi i procedurës paraprake dhe ajo ka për qëllim organizimin e shkëmbimeve midis palëve. Në këtë konferencë pritet që prokuroria të tregoj me cfare lloji prova disponon.
Sipas një parashtrese të Prokurorit të Specializuar dërguar Dhomave të Specializuara për këtë konferencë, e të publikuar në faqën e tyre të internetit, prokuroria pretendon se për konfirmimin e aktakuzës ka disponuar me material prej rreth 43 mijë faqe, duke përfshirë raporte, deklaratat të dëshmitarëve, fotografi, e mbi 20 orë material audio-vizuel.
Prokuroria thotë se mbrojtjes parashikon t’i dorëzojë provat siç janë raportet, fotografitë, dokumentet e UÇK-së, duke përfshirë urdhërat, rregulloret etj.Rregullorja e Procedurës dhe e Provave para Dhomave të Specializuara parashikon se Prokurori i Specializuar duhet të njoftoj mbrojtjen për çdo material dhe provë që ka në zotërim, si dhe me kërkesë të mbrojtjes, Prokurori i Specializuar vë në dispozicion çfarëdo deklarate, dokumenti, fotografie. Kjo duhet të ndodhë brenda 30 ditëve që nga paraqitja e parë e të akuzuarve në gjykatë. Megjithatë, prokurori duhet të paraqesë arsyetime në rast të vonesave.
Sipas parashtresës së Prokurorisë, ajo parashikon sigurimin e hollësishëm të materialit me prova për mbrojtjen deri më 30 prill 2021, kurse shton se do të jetë në gjendje t’i ofrojë listën e plotë të dëshmitarëve deri më 31 maj 2021, me kusht që procedurat aktuale paraprake pranë Dhomave të Specializuara të jenë afër përfundimit dhe se në të njëjtën kohë është planifikuar fillimi i gjykimit.
“Prokuroria aktualisht parashikon shtimin e afërsisht 50 dëshmitarëve të tjerë në listën e dëshmitarëve për gjykimin, megjithëse numri përfundimtar i dëshmitarëve mund të ndryshojë, varësisht nga rezultati të hetimeve të mbetura”, thuhet në këtë parashtresë.
Prokuroria në parashtresë thotë se redaktimi i materialeve është diçka që duhet të bëhet me kujdes, si dhe që përkthimi i materialit mbështetës të aktakuzës në gjuhën shqipe është në proces e sipër.
Prokuroria akuzon Thaçin, Veselin, Krasniqin dhe Selimin për kryerjen e krimeve të luftës ndaj qindra civilëve dhe personave që nuk merrnin pjesë aktive në luftime.
Në aktakuzë pretendohet se nga marsi i vitit 1998 deri në shtator të 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të “ndërmarrjes së përbashkët kriminale kanë ndarë qëllimin e njëjtë për të marrë dhe ushtruar kontrollin në gjithë Kosovën me të gjitha mjetet, përfshirë edhe frikësimin, keqtrajtimin, ushtrimin e dhunës dhe eliminimin e atyre që i konsideronin kundërshtarë”.
Prokuroria pretendon se viktimat ishin kryesisht njerëz që gjatë kohës së luftës perceptoheshin si bashkëpunëtorë të forcave serbe, të zyrtarëve apo institucioneve shtetërore apo edhe që nuk mbështesnin qëllimet e UÇK-së.
Kjo, sipas aktakuzës, përfshinte edhe personat e lidhur me Lidhjen Demokratike të Kosovës – LDK dhe persona të etnisë serbe, rome dhe etnive tjera”. -
Detaje rrëqethëse nga kërkimet në Serbi: Viktimat u groposën në katër metra thellësi
Antropologu në Institutin e Mjekësisë Ligjore, Ditor Haliti, ka dhënë detaje shtesë rreth gërmimeve që janë bërë në Kizhevak të Rashkës në Serbi prej ku u gjetën mbetje mortore që janë të shqiptarëve të Kosovës.
Haliti që ishte pjesë e delegacionit kosovar në gërmime ka thënë se nga informacionet që kanë viktimat janë bartur me një kamion afër një miniere në Kizhevak dhe janë groposur aty.
“Në Kizhevak kemi filluar gërmimet në vitin 2015, kemi punuar në vjeshtë dhe pranverë derisa dje kemi hasur në mbetje mortore, ka qenë java e tretë e punës kur kemi arritur që të gjejmë mbetje”.
“Informatat i kishim nga dëshmitari se ku ishin mbetjet, por ka kaluar gjatë kohë dhe dëshmitari nuk e dinte saktë se ku mund të jenë mbetjet. Është një terren malor që është një minierë afër ku është punuar deri në vitin 2000 dhe aty janë hedh mbetjet të ndryshme si gurë e dhe”.
“Sipas informatave që kemi viktimat janë bartur me një kamion dhe besoj se iu është dhënë urdhër nga autoritetet e atëhershme që të shkarkohen në atë minierë dhe të groposen aty”, deklaroi Haliti.
Haliti në Edicionin Special në Klan Kosova mes tjerash tregoi se nuk e dinë ende se sa trupa mund të jenë.“Janë groposur në rreth katër metra thellësi dhe nuk e dimë ende saktë se sa trupa janë. Aty ka qenë një gropë që e kanë hapur gjatë punës dhe janë mbuluar me dheun për rreth minierës”.
Tutje Haliti tha se ekzistojnë dyshime se viktimat mund të jenë nga masakra e Rezallës.
“Ekzistojnë disa dyshime se Kizhevaku e ka një lidhje me Rudnicën që kanë përfunduar gërmimet në vitin 2014, disa prej viktimave në Rezallë janë të zhdukur mund të dyshojmë se disa nga viktimat të gjenden në Kizhevak”.
Haliti theksoi se si delegacion kanë shprehur gatishmërinë për vazhdimin e punimeve.
“Puna ndërpritet menjëherë si të gjenden mbetjet kockore, prokuroria e Serbisë tashmë i jep mandatin Gjykatës që të vendos rreth punimeve”.“Ne kemi shprehur gatishmërinë që menjëherë të vazhdojmë me punën në terren por kjo nuk është kompetencë e jona”.
Haliti ka folur edhe rreth identifikimit të viktimave.
“Sa më shumë që kalon kohë identifikimi vështirësohet por në kuptimin e analizës së mbetjeve është e pranueshme 20 vjet. Mbetjet duhet të pastrohen, rrobat duhet larguar dhe pastaj të merret mostra kockore që do të dërgohen në Komitetin ndërkombëtar për të pagjeturit, ku janë edhe mostrat e gjakut të familjarëve të të zhdukurve”, deklaroi -
KONJUFCA PËR LDK-NË: KËTA S’PO DISHIN ASGJË!
Glauk Konjufca, nënkryetar i Lëvizjes Vetëvendosje, në emisionin “Debat” të RTK-së ka thënë se drejtuesit e qeverisë nga LDK-ja “asgjë s’po dishin” sa i përket qeverisjes së shtetit.
“Asnjë gjë s’po e dishin ose qaq fort janë të kapur të kjo ideja që pushteti është shërbim, e jo privilegj. Nëse mendon kështu, atëherë shko në biznes dhe bëhu milioner. Nëse e ki për të bërë 10 shtëpi, shko në biznes. Aty s’ke buxhet të shtetit që me i shti duart”, ka thënë Konjufca.
Duke komentuar fotografinë “e famshme” ku kryeministri Hotit shihet duke ngrënë sendviç, Konjufca ka thënë se s’ka rëndësi se çfarë ushqehet kryeministri, rëndësi sipas tij ka që ai të menaxhojë sa më mirë situatën me koronavirus, gjendjen ekonomike.
“Ndaq ha sendviç, ndaq pasul, s’ka rëndësi. Me rëndësi është me krye punë sa i përket menaxhimit me COVID, gjendjen ekonomike”, ka thënë ai.
Duke folur për marrëveshjen e 4 shtatorit në Uashington, Konjufca ka thënë se Kosova atje është dëmtuar për “një copë letër elektorale të Grenellit”.
“Kjo është shumë e gabueshme. Ia shtruan tepihun e kuq Vuçiqit. Nuk ka pasur shancë që një ministër i Millosheviqit të hyjë në Shtëpinë e Bardhë, e këta ia mundësuan”, ka thënë ai.
Ai tha se zgjidhja më e mirë në situatën në të cilën gjendet vendi janë zgjedhjet. /RTKLive/
-
Nisin dorëheqjet në Qeverinë Hoti
Visar Berisha, këshilltar për shëndetësi i Kryeministrit të Kosovës, Avdullah Hoti, ka bërë të ditur se ka dhënë dorëheqje nga Zyra e Kryeministrit, raporton Blic, përcjellë RilindjaShqiptare.
Kështu ka bërë të ditur vetë ai në një postim në Facebook, derisa thotë se arsyet janë të tij, ani pse s’i ka bërë të ditura.
“Zyrtarisht prej sot nuk jam më pjesë e Zyres se Kryeministrit te Republikes se Kosoves. Arsyet jane te mijat dhe do mbesin te tilla. Ndjehem mire me perpjekjet e noj here edhe me arritjet qe kam mbrri me ia ba vendit nepermjet asaj zyreje”, ka shkruar ai.
Postimi i plotë:
Zyrtarisht prej sot nuk jam më pjesë e Zyres se Kryeministrit te Republikes se Kosoves. Arsyet jane te mijat dhe do mbesin te tilla. Ndjehem mire me perpjekjet e noj here edhe me arritjet qe kam mbrri me ia ba vendit nepermjet asaj zyreje.
Parimet, lojaliteti ndaj Republikes dhe barazia kane qene ato qe me kane nxite me qene pjese e projektit politik per keta muaj. Te njejtat po i marr me vete pa ndryshuar asgjà ne to.
Vazhdoj me besu se kjo Qeveri ka ba deri sot njanin prej akteve me patriotike te 10 viteve te fundit, ne mbrojtje te sovraniteti te Kosoves, duke nenshkruar Marreveshjen e Washingtonit
-
Këta janë 49 zëvendësministrat e Qeverisë Hoti
Një prej kritikuesve më të mëdhenj për numrin e madh të zëvendësministrave gjatë Qeverisë Haradinaj, ishte Avdullah Hoti. Por, pas ardhjes në krye të ekzekutivit, edhe Hoti siç duket po e ndjek të njëjtin shembull.
Numri i zëvendësministrave në Qeverinë e udhëhequr nga Avdullah Hoti ka shkuar nga një deri në pesë për ministri, duke u bërë kështu 49 zëvendësministra në 16 ministri.
Gazeta Sinjali ka kërkuar nga Zyra e Kryeministrit listën me të gjithë emrat e zëvendësministrave në të gjitha ministritë e qeverisë.
Numri më i madh i zëvendësministrave është nga pesë, në katër ministri: në atë të Infrastrukturës, në ministrinë e Bujqësisë, Pylltarisë dhe Zhvillimit Rural, në ministrinë e Kulturës, Rinisë dhe Sportit si dhe në ministrinë e Ekonomisë dhe Ambientit.
Ndërkaq në ministrinë e Punëve të Jashtme dhe Diasporës si dhe në atë të Punëve të Brendshme janë nga katër zëvendësministra.
Nga një zëvendësministër më pak, pra nga tre, janë në ministrinë e Financave, në ministrinë e Punës dhe Mirëqenies Sociale dhe në ministrinë e Shëndetësisë.
Ministritë që kanë nga dy zëvendësministra janë pesë: ministria për Kthim dhe Komunitete, ministria e Tregtisë dhe Industrisë, ministria e Arsimit dhe Shkencës, ministria e Pushtetit Lokal dhe ministria e Mbrojtjes.
Kurse nga një zëvendësministër është në ministrinë e Drejtësisë dhe në ministrinë e Zhvillimit Rajonal.
Nga 49 zëvendësministra në Qeverinë e udhëhequr nga Avdullah Hoti, vetëm 7 janë femra, që i bie 14.28% e numrit të përgjithshëm.
Emrat e të gjithë zëvendësministrave:
Në plan-programin qeverisës së LDK-së gjatë garës për zgjedhjet e 6 tetorit 2019, thuhej se ministritë do t’i kenë vetëm nga dy zëvendësministra.
“Qeveria e Kosovës do t’i ketë 12 ministri, secila sosh me vetëm dy zëvendësministra. Të gjitha pozitat e koordinatorëve nacionalë dhe trupave të tjerë të krijuar në ndërkohë do të shuhen në ditën e parë të punës së qeverisë së re”, thuhet në plan-programin qeverisës së LDK që quhej “Beso”.
Në maj të vitit 2019, numri i lartë i zëvendësministrave ishte përmendur si vërejtje edhe në Raportin e Progresit për Kosovën, të cilin e harton Bashkimi Evropian.
“Madhësia e tepruar e qeverisë, duke përfshirë rritjen e mëtejshme të numrit të zëvendësministrave, ka vazhduar të ndikojë në kredibilitetin dhe efektivitetin e saj”., thuhej ndër tjerash në këtë raport.