rilindja.albeniplast.com

Tag: Edi Rama

  • Deputetët e EPP-së në Këshillin e Evropës e anulojnë darkën me Ramën

    Fjalimi i Kryeministrit të Shqipërisë, Edi Rama në Këshillin e Evropës ka nxitur reagime përpos Kosovës edhe në Strasbourg.

    Anëtarët e partive të djathta, EPP duket se nuk e kanë pritur aspak mirë fjalimin, duke e anuluar një ftesë për darkë nga Rama.

    “Anëtarë të Grupit të EPP/CD, me shumë keqardhje më duhet t’ju njoftoj se pas fjalimit të sotëm në Asamble nga kryeministri shqiptar, Edi Rama, Komiteti Presidencial ka marrë vendim për të refuzuar ftesën e kryeministrit për një darkë pune me të“, ka shkruar Aleksander Pociej, kryetar i grupit të EPP/CD.

  • “Pse nuk e keni dëbuar ende nga Serbia”, Rama zbulon bisedën me Vuçiqin pasi i tha ta njohë Kosovën

    Kryeministri Edi Rama ka treguar një bisedë të tijën me presidentin serb Aleksandër Vuçiq pas deklaratës së bërë prej tij në vitin 2014 në Beograd, ku tha se Serbia duhet të njohë pavarësinë e Kosovës.

    Në një intervistë për “Euronews Serbia”, Rama u shpreh se Vuçiç mbeti i dëshpëruar dhe u inatos nga deklarata e tij.

    Rama tha se pas konferencës, Vuçiqi ishte me ekipin e tij, të cilët i kërkuan që ta dëbonin nga Serbia.


    “Në 2014-n ne rrezikuam të shkëputeshim sërish për 68 vite të tjera, pasi Aleksandar mbeti i dëshpëruar nga deklarata ime në konferencën për shtyp në Pallatin e Serbisë, që Serbia duhet të njohë Kosovën. Ai u inatos dhe e mbaj mend mirë që kur mbaruam konferencën patëm një bisedë të vogël përpara drekës. Ai ishte aty me ekipin e tij, të gjithë e kishin rrethuar, ishte si një kullë e rrethuar nga muret. Unë iu afrova dhe më tha: a e di se çfarë po më thonë? Jo, i thash. Përse nuk të kam dëbuar ende nga Serbia. I thashë, nuk habitem, për këtë ti je presidenti dhe ata këshilltarët e tu”, theksoi kreu i qeverisë shqiptarë.

    Ndër të tjera, Rama nënvizoi se Vuçiqi i kishte thënë sesi do të reagonte nëse do thoshte në Tiranë se Serbia nuk do ta njohë Kosovën.

    “Më pas u takuam sërish këtu në mbrëmje, bëmë një shëtitje, ai vazhdonte të ishte i tensionuar, por e kuptuam se nëse vazhdojmë kështu, duke i mbyllur gojën njëri-tjetrit për këtë çështje, nuk do të jetë e mundur të ndërtojmë një marrëdhënie. Ai më tha, po sikur të vij unë në Shqipëri dhe të them se nuk e njohim Kosovën? Unë i thash, ti mund të vish dhe të thuash ç’të duash dhe unë nuk do të sillem kurrë siç u solle ti këtu. Por kjo nuk është arsye për të mos vazhduar dialogun. Dhe unë mendoj se ka më shumë kapacitete për t’u mirëkuptuar. Ndërtimi i kapaciteteve për t’u mirëkuptuar është njësoj si të ndërtosh paqen”, përfundoi Rama. /euronews

  • “Rama nuk do të lë gurë pa lëvizur që të lirohet Thaçi”

    Gazetari Vehbi Kajtazi, ka thënë se iniciativa e grupit parlamentar të Partisë Socialiste që Kuvendi i Shqipërisë të miratoj një rezolutë, që pretendimet e Dick Martyt të rrëzohen në Këshill të Evropës, ka një mbështetje jashtë Shqipërisë.

    Ai ka thënë se Rama ka marrë dikund mbështetje për këtë iniciativë dhe e ka quajtur të drejtë dhe morale për Shqipërinë.

    “Jam i bindur që zoti Rama ka marrë mbështetje diku dikah për nisjen e kësaj rezolute. Shqipëria e ka të drejtën morale me nis këtë iniciativë për shkak se është Shqipëria më shumë si vend i ngarkuar që kinse disa qytetarë të Kosovës kanë vepru”, ka thënë ai.

    Tutje Kajtazi ka thënë se veprimet e fundit të Ramës janë të sinkronizuara njëra me tjetrën, që nga vizita e tij në Hagë te ish presidenti Hashim Thaçi.

    Sipas tij kryeministri Rama do të bëjë gjithçka që ish presidenti Thaçi të lirohet.“Unë jam i bindur që zoti Rama nuk do të len gur pa lëvizë që zoti Thaçi të lirohet nga atje”, ka thënë ai.

  • Incidenti me maska në aeroplan, Policia Federale detyrohet të shoqëroj Edi Ramën në Frankfurt

    Emri i kryeministrit të Shqipërisë, Edi Rama, është lakuar sot në raportimet e mediave gjermane.


    Sipas mediave në Gjermani theksohet se sot Policia Federale ka shoqëruar kreun e qeverisë shqiptare, Edi Rama, pas një mosmarrëveshje për bartjen e maskës kundër COVID-19, në avionin e “Lufthansa”.

    “Edi Rama shkaktoi një skandal në bordin e avionit të Lufthansa, gjatë valës së katërt të pandemisë së koronavirusit. Kryeministri shqiptar nuk ka dashur të mbajë maskën. Kur erdhi piloti dhe nuk arriti të zgjidhë konfliktin, më pas erdhi policia federale”, thuhet në raportim.

    Ndërsa tutje theksohet se sipas pasagjerëve të cilët ndodheshin në avion, kreu i qeverisë së Shqipërisë refuzoi aq ashpër vendosjen e maskës së përshkruar në kuadër të rregullave të pandemisë, saqë ekuipazhi i avionit duhej të thërriste kapitenin për ndihmë.

    “Sipas pasagjerëve që ndodheshin në avion, kreu i qeverisë shqiptare refuzoi aq ashpër kundër mbajtjes së maskës mbrojtëse mjekësore të përshkruar nga rregullat e pandemisë Covid përpara nisjes së avionit nga Frankfurt në Detroit, saqë ekuipazhi i avionit duhej të thërriste kapitenin për ndihmë. Megjithatë, duke qenë se ai gjithashtu nuk ishte në gjendje të bindte kreun e qeverisë shqiptare për detyrimin e përgjithshëm për të mbajtur një maskë FFP2 ose një maskë kirurgjikale në vend të një maskë pëlhure, Rama u shoqërua nga policia federale”, shkruan media gjermane.

    Gjithashtu u tha se shefi i Lufthanasa, Carsten Spohr, së fundi përmendi incidentin në një intervistë për Spiegel.

    Edhe pse ai nuk përmendi emrin e Edi Ramës, theksoi se nukm ishte asnjë trajtim preferencial, kur bëhej fjala për detyrimin e mbajtjes së maskës, madje as për një kryeministër.

  • Ushtarët luftojnë zjarret me kova dhe degë pemësh, Rama i vëzhgon si turist nga helikopteri ushtarak

    Ushtarët luftojnë zjarret me kova dhe degë pemësh, Rama i vëzhgon si turist nga helikopteri ushtarak

    Në këto ditë ku Shqipëria po përvëlohet nga zjarret dhe ku është shënuar viktima e parë nga flakët, kryeministri i Shqipërisë, si një turist i vërtetë ka zgjedhur helikopterin e vetëm të ushtrisë për të parë nga lart bëmën e paaftësisë së tij për të menaxhuar situatën.

    Siç e shikoni dhe nga kjo pamje Rama duket shumë i habitur se si gjendja ka precipituar në këtë pikë, ndërkohë që strukturat shtetërore janë të shpartalluara dhe ushtarët mundohen të fikin zjarrin me kova dhe degë pemësh.

  • Edi Rama “shfrytëzon” ceremoninë e hapjes së pikës doganore, për ta bindur Malin e Zi që të përfshihet në “Ballkanin e Hapur”

    Edi Rama “shfrytëzon” ceremoninë e hapjes së pikës doganore, për ta bindur Malin e Zi që të përfshihet në “Ballkanin e Hapur”

    Kryeministri i Shqipërisë, Edi Rama ka inaguruar pikën doganore të Grabomit në Malësi të Madhe që lidh vendin tonë me Malin e Zi.

    Rama thotë se kjo është e dyta pikë doganore që bashkon Shqipërinë me Malin e Zi dhe nuk duhet ti ndajë.

    Gjithashtu Rama ka ftuar Malin e Zi që pa humbur kohë të përfshihet në iniciativën ‘’Ballkani e Hapur’’.

    “Dua ta falenderoj palën malazeze për realizimin e këtij investimi sepse prej sa kohësh e kishim kryer investimin dhe tani pika doganore e dytë që na bashkon dhe nuk duhet të na ndajë. Uroj shumë që me kryeministrin Krivokapiç, Abazoviç, ne të përparojmë dhe Mali i Zit ë përfshihet në iniciativën e Ballkanit të Hapur.’’– tha Rama.

    Gjithashtu Edi Rama ka deklaruar se “Ballkani i Hapur’’ është një nismë gjithpërfshirëse që synon të gjitha vendet e rajonit.

    Sipas tij nuk është një shpikje e re, por thjesht një proces në kuadër të Berlinit që njerëzit e rajonit të Ballkanit Perëndimor të ndihen të lirë.

    Ai shtoi se nisma nuk është përjashtuese dhe në nismë duhet të përfshihen edhe Mali i Zi, Kosova e Bosnja.

    “S’kemi nevojë të shpikim gjë të re, të bëjmë rajonin në respektim të 4 lirive. Qëllimi i nismës që kemi marrë në kuadër të procesit të Berlinit, që është një nismë gjithpërfshirëse dhe jo përjashtuese dhe që synon pikërisht këtë. Në gjithë vendin e rajonit, Kosovën, Bosnjen, njerëzit të ndjehen të lirë, të lëvizin të lirë. Sipërmarrësit të ndjehen me të njëjtin dinjitet si në BE. Të gjithëve ju duhen të presin,”– tha Rama.

  • VIDEO/ ‘Ti je injorant…’. Rama sherr me gazetarin në Shkup

    VIDEO/ ‘Ti je injorant…’. Rama sherr me gazetarin në Shkup

    Një incident ka ndodhur pas mbarimit të “Forumit Ekonomik”në Shkup.

    Gazetari Furkan Saliu, në Maqedoninë eVeriut, ka publikuar një video, ku shihet duke u zënë me Kryeministrin Edi Rama.

    Krahas pamjeve në të cilat nuk dëgjohet se çfarë thuhet, gazetari shpjegon se Rama e ka ofenduar në momentin që i ka thënë se takimi i krerëve të Shqipërisë, Maqedonisë dhe Serbisë ishte një mini-Jugosllavi.Më tej ai shton se konferenca nuk ishte për mediat, por për televizionet private të Ramës, Vuçiçit dhe Zaevit.

    Siç shihet në video dhe siç shpjegon vetë gazetari, në momentin që janë afruar gazetarët e tjerë, Rama ka nisur të flasë normalisht.

    Postimi i plotë:

    Për shkak të distancës mikrofoni nuk ka kap gjithçka që më tha dhe i thash Ramës, po qe po mundohem pak a shumë tua shpjegojë situatën.

    Konferenca për media doli që nuk ishte për media po për televizionet private të Ramës, Vuçiçit dhe Zaevit, dmth televizionet publike.

    Iu thash në anglisht të treve se kjo po duket mu ashtu siç e tha Rama, mini-Jugosllavi, pa liri të shprehjes.

    Kjo si duket e preku më së shumti Ramën

    E pastaj filloi “biseda”…

    Rama: Ti je një injorant!

    F.S: Injorant Gashi?

    Rama: Çfarë rinie jeni ju? Injorantë!

    F.S: Nuk e di se a unë jam injorant apo ju arrogant?

    Rama: Pse arrogant? Po e them të vërtetën, je injorant!

    F.S: Ju ekspert injorantes, i njihni në shikim të parë, me shumë gjasa jeni të rrethuar me injorantë

    Afrohen gazetarët, fillojnë të interesohen se për çfarë po flasim dhe Rama e ngrit zërin…

    Rama: Nëse do intervistë ekskluzive..?

    F.S: Jo faleminderit

    Për video kliko KËTU

  • Ish-zyrtari në Ministrinë e Integrimeve: Deklarata e Ramës në “Mini-Shengen” pasqyron saktë nivelin më të ultë të bashkëpunimit Shqipëri – Kosovë ndonjëherë

    Ish-zyrtari në Ministrinë e Integrimeve: Deklarata e Ramës në “Mini-Shengen” pasqyron saktë nivelin më të ultë të bashkëpunimit Shqipëri – Kosovë ndonjëherë

    Kryeministri i Shqipërisë, Edi Rama, presidenti i Serbisë, Aleksandar Vuçiq dhe kryeministri i Maqedonisë së Veriut, Zoran Zaev janë takuar të enjten në Shkup në kuadër të Forumit Ekonomik për Bashkëpunim Rajonal, por edhe asaj që deri tani njihej si “mini-Shengeni” ballkanik, por që tani pritet të marrë një emër të ri.

    Përmes një deklarate Rama tha se “Jam në qëndrim absolutisht të kundërt me Kosovën”.

    E për këtë fjali të Ramës ka reaguar ish-zyrtari në Ministrinë e Integrimeve, Demush Shasha, i cili thotë se kjo deklaratë pasqyron saktë nivelin më të ultë të bashkëpunimit Shqipëri – Kosovë ndonjëherë, raporton Zeri.info.

    “Lëre që Rama ka vazhduar të godas Kosovën për shkak Mini-Shengenit, por Rames nuk i shkoj as mendja që të adresoj atë që Komiteti i Helsinkit cilësoj spastrim etnik i shqiptarëve nga Serbia përmes masave administrative ne Luginën e Preshevës. Pra për të thënë ndryshe për Ramën, para njohjes së Kosovës nga Serbia, vije suksesi i Mini-Shengenit. Para spastrimit etnik të shqiptarëve në luginë, vijnë interesat politik dhe ekonomik të Serbisë”, thotë Shasha përmes këtij reagimi.

    Ai thekson se “përtej kësaj, fakti që dy vite pas lansimit të iniciativës në takimin e Shkupit refuzuan të marrin pjesë gjysma e vendeve të Ballkanit dhe TË GJITHË akterët të rëndësishëm ndërkombëtar tregon çdo gjë për fatin e kësaj iniciative”.

    “Jo vetëm aq, por dy vite pas lansimit të iniciativës pjesëmarrësit nuk mund të dakordohen as për emrin e iniciativës. Kjo është çfarë ndodh kur bashkëpunimi rajonal shndërrohet në cirkus politik”, thuhet në reagimin e tij.

    Tutje Shasha thotë se as shtatë zotimet që u bënë në Samitin e Tiranës më 2019 nuk janë përmbushur.

    “Sa i përket kredibilitetit të zotimeve të sotme të Vuçiq-Rama-Zaev, ia vlen të shikosh se çfarë ka ndodhur me shtatë zotimet e Samitit të Tiranës të bëra na tetor 2019. Nga total prej shtatë zotimeve konkrete, ASNJË prej tyre nuk është përmbushur. Sa për kujtim psh. pjesëmarrësit ishin zotuar në Tiranë se deri në fund të vitit 2020, do të sigurojnë funksionalizimin e sistemit të lëvizjes së lirë të mallrave. Sot thanë që e arrijnë këtë deri 2023-en. Këtij zotimi më as ata vet nuk i besojnë”, thekson Shasha.

    Ai potencon se “mini-shengeni”prej fillimit nuk i ka mbushur tri elementet kyçe.

    “Dhe kjo nuk është për tu habitur. Ky ishte fati i iniciativës Mini-Shengenit që nga fillimi. Që një iniciativë rajonale të këtë sukses ajo duhet të përmbush minimalisht 3 elementet kyçe: (1) të këtë gjithëpërfshirje politike, (2) të këtë fonde për të implementuar projektet rajonale, dhe (3) të këtë strukturë administrative që do monitoroj zbatimin e zotimeve politike. Iniciativa e MIni-Shengenit nuk ka përmbushur, dhe nuk përmbush, asnjërin nga këto 3 kritere bazë”, deklaron ai.

    Ish-zyrtari në Ministrinë e Integrimeve ka përgëzuar Kosovën që ka mbetur konsistente në politikën e saj të jashtme, duke zgjedhur procesin e Berlinit, para aventurës së Mini-Shengenit.

    “Rrjedhimisht, në gjithë këtë kontekst, Kosova ka bëre mirë që ka mbetur konsistente në politikën e saj të jashtme, duke zgjedhur procesin e Berlinit, para aventurës së Mini-Shengenit. Procesi Berlinit gëzon pjesëmarrjen e jo vetëm të gjitha vendeve të Ballkanit, por edhe të gjitha vendeve më të fuqishme të BE-së, të kryesuara nga Gjermania. Prandaj, për Kosovën zgjidhja në mes Gjermanisë dhe Serbisë, çdo herë do jetë një zgjidhje e lehtë”, përfundoi ai. 

  • Bojkotuan Samitin e Shkupit, Rama: Kosovën e kuptoj, por kam qëndrim të kundërt. Malin e Zi dhe Bosnjen s’di pse mendohen

    Bojkotuan Samitin e Shkupit, Rama: Kosovën e kuptoj, por kam qëndrim të kundërt. Malin e Zi dhe Bosnjen s’di pse mendohen

    Kryeministri Edi Rama ndodhet sot në Shkup, ku ka mbajtur fjalën e tij në Forumin Ekonomik “Ballkani i Hapur”, dhe e ka nisur me një vërejtje për kryeministrin e Maqedonisë së Veriut Zoran Zaev. 

    Kreu i qeverisë shqiptare iu referua nje takimi tëp mëparshëm po në Shkup, ku përkthyesi sipas Ramës ia ka shkatërruar mesazhin që ai donte të përcillte.

    Nga Samiti i Shkupit, kreu i qeverisë shqiptare Edi Rama deklaroi se, kemi rënë dakord që do vendosim pagesën e mallrave të integruara.

    “Për çfarë mendohet Mali i Zi, i cili është bërë një problem shumë i madh punësimi.  E di për çfarë mendohet Kosova, por unë jam në një qëndrim të kundërt. Çdo ditë që fitojmë në këtë proçes na e merr e shkuara. Dëgjoj patriotët e Shqipërisë që thonë hekurudh, hekurudha, cili janë këta investitor të mëdha që janë gati të hedhin këto para. A nëse ne së bashku kemi fuqi të ndërtojmë një projekt të përbashkët atëherë bëhet”, tha Rama.

  • Rama dhe Haradinaj bëjnë paqe? Kryeministri shfaqet në një tavolinë me Mustafën, Limajn dhe Haradinajn

    Rama dhe Haradinaj bëjnë paqe? Kryeministri shfaqet në një tavolinë me Mustafën, Limajn dhe Haradinajn

    Tavolinës së tyre në hotelin Pinea, të cilin e inaguroi kryeministri Rama, iu bashkuan edhe kryetari i PDK-së Enver Hoxhaj. Në foto kryeministri Edi Rama duket që bisedon me Isa Mustafën, ndërkohë që Haradinaj ndodhet përballë tyre.

    Kujtojmë se marrëdhënia mes Ramës dhe Haradinajt nuk ka qenë e mirë, për shkak të padisë së kryeministrit shqiptar ndaj ish-kryeministrit të Kosovës, por duket se të dy kanë bërë paqe.