Tag: Politikë

Nënkryetari i parë i Lidhjes Demokratike të Kosovës, Lutfi Haziri ka thënë se subjekti të cilin përfaqëson është pro që të gjithë deputetët duhet të qëndrojnë në sallë, në momentin kur Vjosa Osmani do të votohet për presidente të Kosovës.

Haziri në një deklaratë për Gazeta Blic, ka thënë se tashmë “LDK ka kryer punën e saj” dhe “ju mbetet të tjerëve që të kryejnë obligimin e tyre”.

Sipas tij, edhe Kryesia e Lidhjes Demokratike e edhe Grupi Parlamentar kanë një qëndrim unik për zgjedhjen e presidentit të ri.

Haziri ka thënë janë tre deputet të partisë së tij që aktualisht, assesi nuk janë bindur me propozimet dhe qëndrimet e Kryesisë së partisë.

“LDK ka zbardhë rolin në zgjedhje. Tash ju mbetet tjerëve obligimi. 3 deputet e LDK që kanë dilema është çështje e tyre, por GP LDK ka qëndrimin unike si pasojë edhe e vendimit të Kryesisë së LDK-së”, ka thënë Lutfi Haziri për Gazeta Blic.

Aktualisht janë tre deputet të Lidhjes Demorkatike të Kosovës që janë kundër vendimit të Kryesisë së LDK dhe Grupit Parlamentar, Avdullah Hoti, Agim Veliu e Driton Selmanaj.

Gazeta Blic ka shkruar të enjten se Kryeministri Albin Kurti e Vjosa Osmani po synojnë që përmes “presionit” të SHBA-së dhe shtetëve të tjera të QUINT-it, ta bindin Listën Serbe për të votuar Vjosa Osmani për presidente e Kosovës.

“Në mënyrë që të shkohet në të sigurten dhe të ketë vota të majftueshme për zgjedhjen e presidentit të Kosovës, Kurti e Osmani kanë “intervenuar” të shtetët e QUNIT-it që të bindet lista Serbe”, ka thënë ky burim i Gazeta Blic.

Ky “intervenim”, siç pohojnë burimet e njëjta, vjen pas deklaratave të zyrtarëve të Partisë Demorkëtike të Kosovës, Aleancës për Ardhëmrinë e Kosovë dhe një pjesë të deputeteve të LDK se nuk do të japin votën e tyre PRO Vjosa Osmanit.

Gazeta Blic gjatë ditës së djeshme ka raportuar se Lista Serbe nuk do ta votojë Vjosa Osmanin për presidente pasi që ata tashmë kanë dërguar në Gjykatën Kushtetuese Albin Kurtin, me arsyetimin se është bërë shkelje kushtetuese me rastin e ndarjeve së ministrive për komunitetin serb.

Gjithashtu Gazeta Blic ka raportuar se deputetët Adem Hoxha e Fadil Gashi kanë vënë “kushtetet” e tyre në rast se Albin Kurti e Vjosa Osmani dëshirojnë votën e tyre për çështjen e presdientit.Hoxha e Gashi kanë kërkuar nga një zëvëndës minsitër në Qeverinë Kurti 2 .

Në fillim të javës nga zyrtarë të Lëvizjes Vetëvendosje nuk është përjashtuar mundësia që brenda kësaj jave të thirret seanca për zgjedhjen e Vjsoa Osmanit për Presidente , por që mungesa e numrave ka bërë që kjo çëshjte të shtyhet deri në sigurminin e votave të majftueshme.

Anëtarë të PDK-së po kërkojnë të mbahen zgjedhje të reja brenda partisë.

Partia Demokratike e Kosovës që nga 6 nëntori i vitit 2020 ushtrues detyre të kryetarit ka Enver Hoxhaj.

Ky ka marrë në duar timonin e partisë qëkur u konfirmua aktakuza ndaj Kadri Veselit.

Kjo parti në zgjedhjet e jashtëzakonshme parlamentare të 14 shkurtit doli e dyta në listë me 19 karrige të siguruara në Kuvendin e Kosovës.
Ky rezultat jo fort i kënaqshëm ka nxitur reagime te anëtarë të partisë që po kërkojnë shkarkimin e kryesisë.

Ish-kandidati për deputet nga kjo parti e anëtari i këtij subjekti, Bujar Cakolli ka thënë që kryetari Hoxhaj duhet të jep përgjegjësi për rezultatin e zgjedhjeve.

Cakolli më tej vlerëson që duhet të mbahen zgjedhje të reja brenda partisë ku do dal edhe kryesia e re.

E anëtari i Këshillit Drejtues të PDK-së, Lirak Çelaj ka thënë që individë të caktuar e kanë uzurpuar partinë.

Tutje Çelaj thekson që ka edhe të tjerë brenda PDK-së që po kërkojnë përgjegjësi për rezultatin në 3 palë zgjedhjet e fundit.

PDK mbajti mbledhjen e Këshillit Drejtues të partisë para një jave, aty u vendos që të mos votohet për presidente. Vjosa Osmani.

Ndër tjera në këtë takim sipas njoftimit të PDK-së, u autorizua partia për hartimin e një dokumenti strategjik për reformë të brendshme, i cili do t’i japë drejtim sjelljes sonë politike, mobilizimit për zgjedhjet e ardhshme lokale dhe krijimin e frontit opozitar përballë pushtetit.

E një ndër emrat që u përfol për kryetare të kësaj partie është ai i ish ambasadores në Uashington, Vlora Çitakut.

Sekretari i përgjithshëm i AAK-së në Pejë, Fisnik Dema, ka deklaruar se deputetët e partisë së tij duhet të qëndrojnë në sallën e Kuvendit gjatë votimit për Qeverinë dhe presidentin.

Sipas Demës, kjo do të tregonte rolin konstruktiv të AAK-së, duke shtuar se kështu edhe do të respektohej “fjala e sovranit”.

“Aleanca duhet të qëndroj në sallë gjatë zgjedhjes së qeverisë dhe presidentit. Jo për Albinin a Vjosen, por për respektimin e fjalës së sovranit, ku një pjesë e mirë e tyre janë votues të vet Alenaces. A i bën numrat fituesi është çështje e tij, mirëpo ne duhet të luajm rol konstruktiv në parlament”, thuhet në postimin e tij.

Po ashtu, Fisnik Dema, në një postim në Facebook, ka kërkuar reformë brenda parties, duke nisur nga kryetari Ramush Haradinaj dhe grupi i tij I ngushtë.

“Është koha që Kryetari Haradinaj të nis reformën nga vetvetja, mendësia e vizioni afatgjatë politik. Të reformojë pa pardon grupin e ngushtë të tij. Ndoshta tani do humbin ndonjë votë a ndonjë komunë, mirëpo është momenti të bëjmë planin e dekades për Aleancen si alternativë serioze politike, e pastër, e rinuar, e zgjeruar, e fuqizuar me frymë të re”, vazhdon tutje postimi i sekretarit të përgjithshëm të AAK-së në Pejë.

https://www.facebook.com/alfi.dema/posts/1905400149613141

Kandidati për kryeministër nga PDK, Enver Hoxhaj, përmes një statusi ka treguar se Sami Hajdaraj, kryetari i NISMA-s iu është bashkangjitur PDK’së.

Përmes një shkrimi në Facebook, Hoxhaj tha se Sami Hajdaraj u rikthye në shtëpinë e tij politike.

“Pata kënaqësinë ta mirëpres në parti të njërit prej aktivistëve të hershëm të PDK-së në këtë komunë, me të cilin tani na bashkon interesi për shtetin dhe nevoja për rimëkëmbjen e ekonomisë, shëndetësisë, sundimit të ligjit dhe dinjitetit të vendit tonë në botë“, ka shkruar Hoxhaj.

Sami Hajdaraj, ndryshe, ka qenë edhe ish-ministër dhe një nga njerëzit më të afërm të Fatmir Limajt në Suharekë.

Lexoni statusin e plotë:

Sami Hajdaraj u rikthye në shtëpinë e tij politike. Nga sot, ish ushtari i UÇK-së dhe kryetari i degës së partisë NISMA në Suharekë i bashkohet ekipit të rimëkëmbjes. Pata kënaqësinë ta mirëpres në parti të njërit prej aktivistëve të hershëm të PDK-së në këtë komunë, me të cilin tani na bashkon interesi për shtetin dhe nevoja për rimëkëmbjen e ekonomisë, shëndetësisë, sundimit të ligjit dhe dinjitetit të vendit tonë në botë. E falendërova për besimin që së bashku me një pjesë të bashkëpunëtorëve të afërt t’i bashkohet projektit tonë fitues dhe vizionit tim qeverisë si kryeministër i ardhshëm. Mirë se vjen Sami!