rilindja.albeniplast.com

Category: BOTA

  • Aksident i pazakonshëm: Nusja dhe vjehrri ndeshen me vetura!

    Aksident i pazakonshëm: Nusja dhe vjehrri ndeshen me vetura!

    Me arritjen e dimrit shtohet rrëshqitshmëria e rrugëve dhe si pasojë shtohet numri i aksidenteve rrugore.

    Mirëpo një aksident mjaft i pazakonshëm ka ndodhur në Bosnje, respektivisht në fshatin Srednja Çagjavica afër qytetit Bijelina. Në këtë aksident me veturat e llojit Opel dhe Mazda janë përplasur vjehrri dhe reja e tij, respektivisht nusja e djalit.

    Në këtë aksident lëndime të rënda ka pësuar vjehrri i cili ka drejtuar veturë Opel, kurse nusja me veturën mazda ka marë lëndime të lehta.
    Policia ka realizuar hetime lidhur me shkaqet që sollën deri te aksidenti.

  • Kancelari austriak për të lënduarit nga shpërthimi në Ferizaj: Nuk vihet në diskutim ndihma e Austrisë

    Kancelari austriak për të lënduarit nga shpërthimi në Ferizaj: Nuk vihet në diskutim ndihma e Austrisë

    Kancelari austriak, Sebastian Kurz, ka thënë se vendi i tij as që e vë në diskutim kur bëhet fjalë për të ndihmuar vendet tjera.

    Këto komente ai i bëri kur u pyet në lidhje me dy pacientët kosovarë që u dërguan në Grac të Austrisë për t’u trajtuar pas djegieve që pësuan nga shpërthimi i gazit në Ferizaj ditë më parë.

    “As që vihet në diskutim ndihma e Austrisë kur është e nevojshme, gjithmonë”, tha ai, raporton “Nachrichten”.

    “Për shembull, pranverën e kaluar ofruam ndihmë mjekësore për pacientët me COVID-19 nga Ballkani Perëndimor në Austri dhe përgjatë vitit ne vzhdimisht ofruam mbështetje, si për shembull në formën e pajisjeve mjekësore”, deklaroi Kurz.

    Kurz u kritikua vitin e kaluar pasi ai akuzoi të kthyerit nga Ballkani Perëndimor dhe Kroacia se ishin përgjegjës për shkallën e infeksionit në Austri në lidhje me pandeminë e koronavirusit.

    Ndërkaq, gjatë ditës, edhe Ministria e Jashtme austriake, përmes një deklarate për media, tha se një aeroplan transporti i ushtrisë (C130-Hercules) ka dërguar në Grac të shtunën pasdite dy të plagosurit rëndë.

    Njoftohet se dy burrat (1985 dhe 1991) tani po trajtohen në Spitalin Rajonal të Gracit, shkruan “Nachtrichten”, transmeton “Zeri.info. Përmes një postimi në Facebook, ministria e Jashtme e Austrisë ka thënë se Ballkani është në fokus të Austrisë dhe është e natyrshme që të përkrahen shtetet e rajonit në këso urgjencash.

    “Pas një eksplodimi të madh të gazit në qytetin e Ferizajt me mbi 40 të lënduar, Kosova ka kërkuar ndihmën e Austrisë. Një bashkëpunim i ngushtë me shtetet e Ballkanit Perëndimor është në fokus të politikës së jashtme austriake. Është e natyrshme që ne të ndihmojmë në emergjenca të tilla”, ka thënë ministri i jashtëm austriak, Alexander Schallenberg.

    Rastin e ka komentuar edhe ministrja austriake e Mbrojtjes, Klaudia Tanner, duke theksuar përkushtimin e vendit të saj në Ballkan. “Ne jemi stacioniar me ushtarët tanë në Kosovë që nga viti 1999 dhe kemi lidhje të ngushta me popullatën lokale. Veçanërisht në këtë kohë të vëahtirë me pandeminë Covid-19, po i mbështesim partnerët tanë në Ballkanin Perëndimor si pjesë e shërbimeve solidare të politikës sonë të jashtme”.

    Po ashtu, edhe Këshilltarja e Shëndetësisë në landin Styria, Juliane Bogner-Straus, tha: “Styria po mbështet dy të lënduar rëndë duke iu falënderuar afësive dhe mundësive që disponon”.

    Në Austri janë dy qendra speciale për trajtimin e djegieve të rënda. Njëra nga to është e Spitalit Universitar të Gracit, kur edhe janë dërguar dy pacientët e Kosovës.

    Në aksidentin, i cili ndodhi të martën në Ferizaj, janë plagosur të paktën 42 persona. 4 nga ta, që kishin djegie më të thella, janë dërguar në Turqi për trajtim të mëtutjeshëm.

  • Demokratët, gati me ngritje të akuzave për shkarkimin e Trumpit

    Demokratët, gati me ngritje të akuzave për shkarkimin e Trumpit

    Dhoma e Përfaqësuesve e kontrolluar nga demokratët po shpejton procesin për fillimin e procedurës së shkarkimit të presidentit, Donald Trump.

    Ata pritet që të hënën (11 janar) të paraqesin legjislacionin nëpëmjet të cilit do të kërkohet ngritja zyrtarisht e akuzave për shkarkimin e Trumpit. Presidentit Trump çdo ditë e më shumë po i ngushtohet rrethi, pasi disa republikanë të lartë janë distancuar nga ai, dhe Twitter ka hequr përgjithmonë llogarinë e tij në këtë rrjet social, për shkak të rolit të tij në nxitjen e një sulmi vdekjeprurës të një turme kundër Kongresit, të mërkurën.

    Demokratët e Dhomës së Përfaqësuesve do të prezantojnë artikujt zyrtarë të procedurës së shkarkimit më 11 janar, tha ligjvënësi, Ted Lieu në Twitter. Demokrati nga Kalifornia, i cili ndihmoi në hartimin e akuzave, tha më 9 janar se artikujt kishin marrë përkrahjen e 180 ligjvënësve, shumica dërmuese e demokratëve në Dhomën e Përfaqësuesve. Kryetarja e Dhomës së Përfaqësuesve, Nancy Pelosi, kërcënoi më 8 Janar se Kongresi do të veprojnë nëse zëvendëspresidenti, Mike Pence, dhe kabineti nuk zbatojnë amendamentin e 25-të të Kushtetutës, për të hequr Trumpin, ose nëse presidenti refuzon të japë dorëheqjen.null

    “Nëse presidenti nuk e lë detyrën menjëherë dhe me dëshirë, Kongresi do të veprojë”, tha Pelosi në një deklaratë, pas një takimi të demokratëve që zgjati rreth 3 orë.

    Largimi i Trumpit nga detyra do të ishte jashtëzakonisht e vështirë, pasi mandati i tij përfundon shumë shpejt. Edhe nëse Kongresi lëviz përpara me akuzat e shkarkimit, javën e ardhshme, të 100 senatorët do të duhet të bien dakord të rikthehen nga pushimi para 19 janarit, për të mbajtur gjyqin.

    Udhëheqësi i shumicës së Senatit, Mitch McConnell dërgoi një qarkore për senatorët e tij republikanë më 9 janar, duke sugjeruar se çdo gjyq nuk do të fillonte derisa Trump të dilte nga zyra më 20 janar. Një vendim për shkarkim i Senatit kërkon dy të tretat e votave.null

    Demokratët do të kontrollojnë Senatin e ri me një shumicë të pakët 50-50 dhe zëvendëspresidentja e zgjedhur, Kamala Harris ka të drejtën e votës.

    Nëse zhvillohet procedura në Kongres, dhe Trump shkarkohet, atëherë atij do t’i ndalohet të kandidojë përsëri për president. Ai ka dhënë sinjale se mund të kandidojë sërish. Një draft i dokumentit të akuzave për shkarkim të përgatitur nga demokratët akuzojnë presidentin për “nxitje të kryengritjes” për inkurajimin e mbështetësve të tij për të sulmuar me dhunë Kongresin. Artikujt gjithashtu akuzojnë Trumpin për pengimin e certifikimit të rezultateve të zgjedhjeve presidenciale.

    Ndërkohë, një përplasje mes republikanëve ka shkuar në favor të procesit të shkarkimit të Trumpit, i cili është braktisur nga disa ndihmës dhe dy anëtarë të Kabinetit këtë javë, për sulmit të mbështetësve të tij ndaj Kongresit. Izolimi u thellua pasi Twitter ndaloi përgjithmonë llogarinë e Trumpit “për shkak të rrezikut të nxitjes së mëtejshme të dhunës”.

    Vendimi i pashembullt nga Twitter, më 8 janar, privon zyrtarin më të lartë të zgjedhur në Shtetet e Bashkuara nga një rrjet social, për t’iu drejtuar drejtpërdrejt 88.7 milionë ndjekësve të tij.

    Senatori republikan, Pat Toomey i Pensilvanisë i tha Fox News më 9 janar se Trump kishte “kryer vepra” por nuk pranoi të angazhohej për të votuar në favor të largimit të Trumpit. Senatori, Ben Sasse nga Nebraska, një kritik i shpeshtë i Trumpit, i tha CBS News se ai “patjetër do të konsideronte” shkarkimin e Trumpit, sepse presidenti “nuk e përfilli betimin e tij”. Senatorja kryesore republikane, Lisa Murkowski, nga Alaska i tha Anchorage Daily News se Trump thjesht “duhet të shkarkohet”.

    Aleatët e Trumpit, përfshirë senatorin, Lindsey Graham dhe udhëheqësin e republikanëve të Dhomës së Përfaqësuesve, Kevin McCarthy, u kanë kërkuar demokratëve të mos vazhdojnë me procedurën e shkarkimit për të shmangur një “ndarje të mëtejshme”.

    “Nëse kryetarja Pelosi nis këtë çështje në ditët e fundit të presidencës së Trumpit, do të bëjë më shumë dëm sesa dobi”, tha Graham në Twitter, më 8 Janar.

    “Presidenti ka edhe 12 ditë në detyrë dhe një proces shkarkimi ndaj tij vetëm sa do ta ndajë vendin tonë më shumë”, tha McCarthy në një deklaratë më 8 janar.

    “Ne duhet të punojmë së bashku për të ulur temperaturën dhe bashkuar vendin, për të zgjidhur sfidat e Amerikës”, tha ai.

    Presidenti i zgjedhur, Joe Biden, tha më 8 janar se Trump nuk është “i aftë të shërbejë” si udhëheqës i Shteteve të Bashkuara, por tha se i takon Kongresit të vendosë për këtë çështje.

    Sidoqoftë, Biden la të kuptohej se ai mund të mos preferonte një proces potencialisht të çrregullt dhe përçarës të shkarkimit, pasi ai përqendrohet në unitet për të trajtuar pandeminë e koronavirusit dhe një ekonomi të goditur, që do të ketë nevojë për mbështetjen e republikanëve.

    “Është e rëndësishme ta heqësh atë nga zyra. Mënyra më e shpejtë për të ndodhur kjo është kur të betohemi më 20 janar”, u tha Biden gazetarëve.

    Zhvillimet e shpejta rreth procesit të shkarkimit të tij, erdhën pasi Trump më 6 janar nxiti mijëra ndjekës për të marshuar në Kongres, në kohën kur ligjvënësit ishin mbledhur për të certifikuar fitoren e Bidenit në zgjedhje.

    Trump për javë të tëra bëri pretendime të pabazuara se zgjedhjet ishin vjedhur.

    Mbështetësit e tij hyn me dhunë në Kongres, duke detyruar evakuimin e ligjvënësve të të dyja dhomave. Nga trazirat vdiqën pesë persona, përfshirë një polic.

    Krahas thirrjeve në rritje për largimin e tij nga detyra, Trump dënoi dhunën vdekjeprurëse në Kongres dhe sinjalizoi se ai kishte hequr dorë nga shpresa për të qëndruar në pushtet. Në një video të publikuar më 7 janar, presidenti republikan në ikje bëri thirrje për pajtim dhe premtoi një tranzicion të qetë dhe të rregullt të pushtetit në administratën e Biden.

    Trump adresoi gjithashtu dhunën që rezultoi në vdekjen e katër protestuesve dhe një oficeri policie, duke e quajtur atë një “sulm të neveritshëm” që ndot vendin e demokracisë amerikane dhe e la atë “të zemëruar”.

    Edhe pse Trump tha se nuk do të merrte pjesë në inaugurimin e Bidenit, zëvëndëspresidenti, Mike Pence ka thënë se ai do të marrë pjesë në ceremoni./rel

  • Bllok në të gjitha anët, Trumpi hap rrjetin e vet social

    Bllok në të gjitha anët, Trumpi hap rrjetin e vet social

    Presidenti amerikan, Donald Trump, po planifikon të hapë një rrjet të ri social, pas bllokadës që i është bërë në të gjitha anët.

    Rrjetet sociale Facebook, Instagram e Twitter, pezulluan llogaritë e Trumpit pasi përmes rrjeteve sociale nxiti kaosin në Kongresin Amerikan të mërkurën. Si pasojë e protestave të dhunshme të protestuesve pro-Trump, pesë persona humbën jetën.

    Pas postimeve të njëpasnjëshme, rrjetet më të mëdha sociale njoftuan se kanë bllokuar llogaritë e Trumpit për të parandaluar nxitjet e reja të dhunës para se Joe Biden të inaugurohet president më 20 janar.

    “E kam parashikuar këtë shumë më herët. Kemi negociuar me disa uebfaqe të tjera dhe do të kemi në njoftim të madh së shpejti, derisa po shohim mundësitë e krijimit të një platforme tonën në të ardhmen e afërt. Nuk do të heshtim”, ka shkruar ai në llogarinë e presidentit të SHBA-së në Twitter pak para se t’i bllokohej edhe kjo llogari zyrtare.

    Mesazhi ishte shfaqur në Twitter për pak minuta para se gjiganti teknologjik të fshinte përmbajtjen dhe të mbyllte gjithçka.

  • Frika nga “Çmenduria Trump” demokratët po provojnë t’ia heqin kodet nukleare nga duart

    Frika nga “Çmenduria Trump” demokratët po provojnë t’ia heqin kodet nukleare nga duart

    Kryetarja e Dhomës së Përfaqësuesve në ShBA, Nancy Pelosi, i’u është drejtuar me një letër kongresistëve demokratë ku ka kërkuar që të krijojnë një shumicë në Kongres për t’ia pamundësuar presidentit Donald Trump përdorimin e kodeve nukleare edhe për ditët që i kanë mbetur në krye të shtetit më të fuqishëm në botë.

    “Parandalimi i një Presidenti të sëmurë mendërisht nga Përdorimi i Kodeve Bërthamore: Këtë mëngjes, unë fola me Kryetarin e Shefave të Shtabit Mark Milley për të diskutuar masat paraprake në dispozicion për parandalimin e një presidenti të paqëndrueshëm të fillojë ndërhyrje ushtarake ose të ketë çasje në kodet nukleare dhe urdhërimin e një sulmi bërthamor. Gjendja e këtij presidenti të sëmurë mendërisht nuk do të mund të ishte më e rrezikshme dhe ne duhet të bëjmë gjithçka që mundemi për ta mbrojtur popullin amerikan nga sulmi i tij i pabaraspeshuar ndaj vendit tonë dhe demokracisë sonë.”, thuhet në letrën e Nancy Pelosit drejtuar kolegëve të saj.

    Pelosi ka kërkuar nga zëvendëspresidenti Mike Pence që të vihet në lëvizje dhe të aktivizojë Amendamentin e 25-të të Kushtetutës me anë të të cilit Trump do të shpallej si i paaftë për të udhëhequr me postin e presidentit dhe në vend të tij do të vinte zëvendëspresidenti Pence, por që ky i fundit ende nuk është përgjigjur në kërkesat e kryetares së Dhomës së Përfaqësuesve.

  • Pelosi kërkon shkarkimin e menjëhershëm të Trumpit me Amendamentin 25

    Pelosi kërkon shkarkimin e menjëhershëm të Trumpit me Amendamentin 25

    Kryetarja e Dhomës së Përfaqësuesve në Shtetet e Bashkuara të Amerikës, Nancy Pelos, ka bërë thirrje të enjten për largimin e menjëhershëm nga detyra të presidentit Donald Trump, nëpërmjet Amendamentit 25. Kjo vetëm një ditë pasi që mbështetësit e tij hynë në ndërtesën e Capitolit në Washington, në një sulm kundër demokracisë amerikane.

    “Dje, presidenti i Shteteve të Bashkuara nxiti një kryengritje të armatosur kundër Amerikës”, ka thënë Pelosi para gazetarëve në Capitol, duke shtuar se Trumpi ka kryer një “akt të kryengritjes”.

    Ajo e quajti me këtë rast Trumpin si “vdekjeprurës” për amerikanët dhe për vet demokracinë e SHBA-së. Ndërkaq mbështetësit e tij, të cilët hynë dhunshëm në Capitol, i cilësoi “terroristë”.

    Pelosi ka shtuar gjithashtu se pret një vendim të shpejt nga zëvendëspresidenti amerikan, Mike Pence, lidhur me aktivizimin e Amendamentit të 25-të për largimin e Trumpit nga detyra. Teksa e la të hapur mundësinë e inicimit të procedurës për shkarkim, në rast të mos aktivizimit të Amendamentit.

  • Kongresi ka certifikuar Joe Biden për president të SHBA-së

    Kongresi ka certifikuar Joe Biden për president të SHBA-së

    Joe Biden është konfirmuar si president i ri i SHBA-së. Certifikimi i votave elektorale, është bërë në orët e hershme të së enjtes në Kongres nga Dhomat e Përfaqësuesve dhe Senati, me vonesa që erdhën si pasojë e trazirave në Kongres.

    Bidenit i janë certifikuar 306 vota elektorale, karshi 232 sa i janë certifikuar Donald Trumpit.

    Kamala Harris është konfirmuar zëvendëspresidente nga Kongresi. 

    Gjatë të mërkurës protestuesit pro-Trump u futën në godinën e Kongresit në Washington, ndërsa në këto trazira janë regjistruar katër të vdekur, prej tyre një që ka marrë plagë në gjoks me armë zjarri. Janë arrestuar 52 persona, ndërsa janë regjistruar disa të lënduar nga radhët e forcave të rendit.

    Procesi u vonua edhe pas ankesës së republikanëve ndaj rezultatit zgjedhor në Pennsylvania, ku fitues është Joe Biden.

    Bideni 78-vjeçar është presidenti i 46-të i SHBA-së. Ai i ka fituar zgjedhjet në SHBA të mbajtura më 3 nëntor, ndonëse Donald Trump vazhdimisht i ka kundërshtuar rezultatet, duke aloduar në mashtrime në vota dhe vjedhje të fitores së tij.

    Biden pas sulmit kishte bërë thirrje për qetësi dhe kishte thënë se demokracia e SHBA-së është nën sulm të paprecedent. Ai kërkoi nga Trump që t’i adresohet protestuesve dhe t’u thotë të shpërndahen.

    Inagurimi i Bidenit do të jetë më 20 janar

  • Masa të reja për kosovarët që duan të udhëtojnë për në Kanada

    Masa të reja për kosovarët që duan të udhëtojnë për në Kanada

    Qytetarët që do të udhëtojnë drejt Kanadasë nga data 7 janar duhet të përfillin disa masa të reja të ndërmarra nga shteti kanadez për të luftuar përhapjen e COVID-19.

    Konsullata e Përgjithshme e Kosovës në Kanada, përmes një njoftimi në Facebook ka bërë të ditur se secili udhëtarë mbi moshën 5 vjeçare duhet të kenë rezultatin negativ të testit COVID-19 jo më të vjetër se 72 orë.

    Po ashtu sipas masave të reja qytetarët që udhëtojnë drejt Kanadasë duhet të vetizolohen për 14 ditë.null

    “Lusim të gjithë qytetarët e Republikës së Kosovës që do të udhëtojnë nga data 7 janar 2021 (e enjte) drejt Kanadasë, që të përfillin masat më të reja të ndërmarra nga shteti kanadez për të luftuar përhapjen e virusit COVID 19. Qeveria kanadeze përmes një njoftimi, informon të gjithë udhëtarët të cilët dëshirojnë të fluturojnë drejt Kanadasë se duke filluar nga data 7 janar 2021: – secili udhëtarë mbi moshën 5 vjeçare duhet të posedojë rezultatin negativ të testit anti COVID 19, jo më të vjetër se 72 orë; – secili udhëtarë, pas arritjes në Kanada duhet të vetizolohet për 14 ditë; – për planin e karantinimit (vetizolimit)”, thuhet në njoftim.

    Po ashtu, në njoftim thuhet se udhëtaret duhet të përdorin një aplikacion ku duhet t’i japin kontaktet e tyre dhe planin për karantinim.

    “Udhëtarët duhet që ta përdorin aplikacionin ose webfaqen ArriveCAN (shih vegzën më poshtë), ku duhet t’i japin kontaktet e tyre si dhe planin 14 ditor të karantinimit para hyrjes në Kanada”, thuhet në njoftimin e Konsullatës së Përgjithshme të Kosovës në Kanada.

  • Viti 2020 i vështirë për njeriun më të qeshur të “meme”-ve

    Viti 2020 i vështirë për njeriun më të qeshur të “meme”-ve

    Viti 2020 ka qenë tepër i vështirë për Juan Joya Borja, aktorin komik spanjoll, i cili në të gjithë botën u bë i famshëm nga “memet” e shumta që dolën në vitin 2015, ku ai qeshte me shpirt duke treguar një histori personale në një emision televiziv të vitit 2007.

    Aktori ka qëndruar në hije kohët e fundit për shkak të problemeve shëndetësore, që çuan në prerjen e njërës prej këmbëve të tij.



    Sipas mediave spanjolle, ai është i shtruar aktualisht në një spital të Seviljes, që shërben edhe si qendër për personat në nevojë dhe që mbahet nga donacionet e njerëzve.



    Edhe pse ka probleme me mbylljen e plagës, aktori 65-vjeçar po rekuperohet.

  • Zgjedhjet pa Thaçin dhe Veselin, eksperti gjerman: Ja kur filloi shkatërrimi i tyre dhe çka duhet të bëjnë qytetarët e Kosovës

    Zgjedhjet pa Thaçin dhe Veselin, eksperti gjerman: Ja kur filloi shkatërrimi i tyre dhe çka duhet të bëjnë qytetarët e Kosovës

    Në Kosovë, për herë të parë që nga periudha e pasluftës, do të mbahen zgjedhje të reja të përgjithshme, pa dy politikanët e vjetër në politikë, Hashim Thaçi dhe Kadri Veseli, të cilët janë në paraburgim në Gjykatën Speciale.

    Këtë për gazetën “Bota sot” e ka komentuar eksperti gjerman për Ballkanin Perëndimor Bodo Weber. Ai ka thënë se duhet pritur rezultatin e zgjedhjeve, për të parë se si do të ndikojë mungesa e Thaçit dhe Veselit në to.

    Weber ka theksuar se votuesit edhe në zgjedhjet e fundit në tetor 2019, kanë ndëshkuar elitat politike, që sipas tij, kanë keqpërdorur miqësinë e Kosovës me SHBA dhe pandeminë për ta rrëzuar qeverinë e Albin Kurtit.


    “Votuesit që kur kanë hedhur votën e tyre të fundit në 2019 kanë parë se si një pjesë e madhe e elitave politike kanë keqpërdorur miqësinë e Kosovës me SHBA dhe pandeminë (kërkesa për të shpallur një gjendje të jashtëzakonshme në mënyrë që të jenë në gjendje të imponojnë një bllokim në të gjithë shtetin – kërkesa e harruar shpejt në qershor të këtij viti) për të rrëzuar një qeveri të zgjedhur”, është shprehur Weber për “Bota sot”.
    Sipas tij, ngritja e aktakuzave nga Gjykata Speciale ishte fillimi i shkatërrimit të brezit të politikanëve të kohës së luftës, por duhet pritur rezultatin e zgjedhjeve të reja për ta parë ndikimin e mungesës së tyre.
    “Ata kanë parë fillimin e shkatërrimit të brezit të udhëheqësve politikë të kohës së luftës në kontekstin e akuzave të Gjykatës Speciale. Dikush mund të supozojë se e gjithë kjo do të ketë një ndikim të fortë tek votuesit, por ne do të duhet të presim rezultatin e zgjedhjeve për të parë se si duket ky ndikim”, ka thënë Weber për “Bota sot”.

    Eksperti gjerman ka këshilluar votuesit në Kosovë që të kërkojnë nga politikanët të ndalojnë kaosin politik, të bashkohen në dialogun me Serbinë dhe të punojnë për një sistem të pathyeshëm politik.

    “Ata nuk duhet të presin diçka, por t’u parashtrojnë kërkesa elitave të tyre politike – do të thotë: të ndalojnë kaosin politik dhe paqëndrueshmërinë, të bashkohen në negociatat me Serbinë dhe të fillojnë të mendojnë seriozisht dhe të punojnë se si të rregullojnë një sistem politik, që është thyer padyshim”, ka deklaruar për “Bota sot” Bodo Weber.

    Zgjedhjet e reja në Kosovë do të mbahen pas vendimit të Gjykatës Kushtetuese, e cila shpalli të pavlefshme votën vendimtare të Etem Arifit për formimin e qeverisë së drejtuar nga Avdullah Hoti.