rilindja.albeniplast.com

Category: KURIOZITETE

  • Shalqiri ndihmon që burrat të jenë më të mirë në shtrat?

    Shalqiri ndihmon që burrat të jenë më të mirë në shtrat?

    Sipas një studimi të ri, shalqiri mund të përmirësojë jetën seksuale të burrave.

    Shkencëtarët thonë se ai është i mbushur me antioksidantë që ndihmojnë gjatë aktit seksual, si dhe ndikojnë edhe në përmirësimin e pjellorisë.

    Bashkë me shalqirin, janë edhe disa produkte të tjera si, ushqimet e detit, mjalti, arrat, xhenxhefili dhe avokadon, raporton The Sun.

    Dihet mirë se të ushqehesh shëndetshëm dhe të qëndrosh i dobët janë një nga mënyrat më të mira për të rritur performancën tënde në shtrat, por disa ushqime kanë përfitime të veçanta.

     

     

    Autori i studimit, Haitham Al-Madhagi, tha se vitaminat dhe aminoacidet në shalqi ndihmojnë në pastrimin e molekulave dëmtuese dhe përmirësojnë rrjedhën e gjakut.

    “Shalqiri përmirëson cilësinë e spermës dhe përmirëson mjedisin testikular”.

    “Përmban vitamina, fenole dhe flavonoide të caktuara që kontribuojnë në vetitë e tij antioksiduese.”

    “Për të shtuar, shalqiri është një burim i pasur i aminoacidit i cili rrit rrjedhjen e gjakut në testikuj”, ka thënë ai.

  • Martesa mund të ulë rrezikun për kancer, sugjeron studimi

    Martesa mund të ulë rrezikun për kancer, sugjeron studimi

    Martesa ka ekzistuar për mijëra vite dhe dikur ishte pothuajse universale, sipas profesorit Andrew J. Cherlin. Por sot, numri i martesave është në rënie dhe kjo mund të nënkuptojë se disa njerëz po humbasin një përfitim të mundshëm për shëndetin, ka shkruar CNN.

    “Është sikur jemi ndarë në dy shoqëri të ndryshme”, ka thënë Cherlin, profesor në Johns Hopkins University, duke iu referuar avantazheve që mund të sjellë martesa.

    Një studim i publikuar në revistën “Cancer Research Communications” sugjeron se martesa mund të lidhet me rrezik më të ulët për kancer, duke shtuar prova të reja që e lidhin atë me rezultate më të mira shëndetësore.

    Sipas të dhënave, burrat që nuk janë martuar kurrë, kanë 68 për qind më shumë gjasa të preken nga kanceri krahasuar me ata që kanë qenë të martuar (përfshirë të divorcuarit dhe ata që kanë mbetur të ve). Për gratë që nuk janë martuar kurrë, rreziku është edhe më i lartë, deri në 83 për qind.

    “Kur bëhet fjalë për kancerin, vendosja e unazës mund të ofrojë më shumë mbrojtje për gratë. Kjo është befasuese”, ka thënë Brad Wilcox nga University of Virginia.

    Në përgjithësi, studimet kanë treguar se burrat përfitojnë më shumë nga martesa në marrëdhënie heteroseksuale. Por ky studim sugjeron të kundërtën.

    Autorët e studimit thonë se kjo ka disa shpjegime. Për disa lloje kanceri, si ai i mitrës dhe i vezoreve, lidhja mund të ketë të bëjë me faktorë biologjikë dhe riprodhues. Gratë që nuk kanë lindur kurrë kanë rrezik më të lartë për këto sëmundje.

    Sipas Paulo S. Pinheiro nga University of Miami Health System, te të moshuarit lidhja mes martesës dhe rrezikut më të ulët për kancer bëhet edhe më e fortë me kalimin e kohës.

    “Efekti i martesës duket se grumbullohet me kalimin e viteve”, ka thënë Pinheiro.

    Kur të dhënat u analizuan sipas racës dhe përkatësisë etnike, u vu re se burrat me ngjyrë përfitonin më shumë nga martesa. Jarrod A. Carrol nga Kaiser Permanente e shpjegon këtë me rolin e grave.

    “Ato ofrojnë mbështetje dhe e inkurajojnë burrin që të kërkojë trajtim dhe kontroll më herët. Fakti që gruaja shpesh është qendra e mbështetjes për të gjithë familjen tregon sa shumë ajo investon në kujdesin për partnerin”, ka thënë ai.

    Pse martesa lidhet me përfitime shëndetësore?

    Sipas Cherlin, një pyetje thelbësore mbetet: a i bën martesa njerëzit më të shëndetshëm, apo njerëzit më të shëndetshëm kanë më shumë gjasa të martohen?

    Martesa zakonisht sjell disa avantazhe, si qasja më e lehtë në kujdes shëndetësor dhe mbështetje sociale. Gjithashtu, personat e martuar kanë më pak gjasa të përfshihen në sjellje të rrezikshme, si duhanpirja, alkooli apo marrëdhënie të pasigurta, faktorë që lidhen me disa lloje kanceri.

    “Nëse je i pamartuar dhe më i izoluar, ke më pak gjasa të bësh kontrolle ose të angazhohesh në parandalim”, ka thënë Pinheiro.

    Megjithatë, jo të gjithë bien dakord.

    Joan DelFattore argumenton se përfitimet e martesës shpesh lidhen me mënyrën si sistemi e favorizon atë, jo domosdoshmërisht me vetë martesën.

    “Shpesh njerëzit nisen nga ideja ‘Martesa: e mirë. Pa martesë: e keqe’ dhe i interpretojnë të dhënat në mënyra që nuk kanë kuptim”, ka thënë ajo.

    Ky paragjykim, sipas saj, çon në përfundime “shumë të thjeshtuara”.

    Përvoja e një pacienteje beqare

    DelFattore, e diagnostikuar me kancer në fazë të avancuar 15 vjet më parë, ka treguar se si një grua e pamartuar nuk mori të njëjtin trajtim si pacientët e martuar.

    “Mjeku ishte plotësisht i bindur se si grua beqare… unë nuk mund të kisha mbështetjen e nevojshme për të përballuar trajtimin agresiv. U përpoqa t’i tregoja për kushërinjtë dhe miqtë që më mbështesnin, por ai më ndërpreu. Nuk arrita as ta përfundoja fjalinë”, ka thënë ajo.

    Sipas saj, këto paragjykime ndikojnë në trajtimin që marrin pacientët beqarë.

    “Ekziston ideja se ka një ndarje të fortë mes të qenit i martuar dhe të qenit vetëm”, ka thënë ajo.

    Çka duhet bërë më tej?

    Studiuesit theksojnë se duhet më shumë punë për të mbështetur personat e pamartuar, jo thjesht për të inkurajuar martesën.

    Pinheiro sugjeron që mjekët duhet të kalojnë më shumë kohë me pacientët që nuk kanë mbështetje të drejtpërdrejtë në shtëpi.

    Ndërkohë, DelFattore ka theksuar se rrjetet sociale, miqtë, familja, fqinjët, mund të jenë po aq të rëndësishme sa një partner.

    “Edhe një fqinj mund të të ndihmojë të lahesh. Kujdesi i afërt nuk është i kufizuar vetëm te bashkëshorti. Mbështetja jashtë martesës mund të jetë po aq efektive”, ka thënë ajo.

  • Publikohen pamjet historike: Momenti kur astronautët bien në Oqean pas kthimit nga Hëna

    Publikohen pamjet historike: Momenti kur astronautët bien në Oqean pas kthimit nga Hëna

    Pas kalimit me shpejtësi të madhe nëpër atmosferën e Tokës, kapsula Orion ka aterrur në mënyrë të sigurt në Oqeanin Paqësor, pranë brigjeve të San Diegos.

    NASA kishte parashikuar që kapsula të arrinte shpejtësi deri në 23,839 milje në orë (38,365 km/h) gjatë rikthimit në atmosferën e Tokës.

    Kapsula hapi pothuajse një duzinë parashutash për të ndihmuar zbritjen, duke ngadalësuar në mënyrë të sigurt anijen hapësinore prej 21,000 paundësh nga shpejtësi shumë të larta në rreth 20 milje në orë në momentin e uljes në ujë, raporton skynews.

    VIDEO – Momenti kur zbresin në Oqeanin Paqësor 

    Kjo shënon përfundimin e një misioni rekord 10-ditor në anën e largët të Hënës për Reid Wiseman, Victor Glover, Christina Koch dhe Jeremy Hansen.

     

    Ata kanë udhëtuar 252,756 milje larg Tokës në misionin Artemis II – më larg se kushdo tjetër në histori.

  • Horoskopi ditor, e shtunë 11 prill 2026

    Horoskopi ditor, e shtunë 11 prill 2026

    Dashi

    Do kaloni plot çaste te lumtura sot pranë personit qe dashuroni. Me ne fund do mbarojnë njëherë e mire problemet de mosmarrëveshjet qe keni pasur me njeri-tjetrin. Beqaret do kenë takime mbresëlënëse te cilat do ua ndryshojnë njëherë e mire jetën. Ne planin financiar do keni tronditje te njëpasnjëshme dhe nuk do arrini dot te kryeni shpenzimet e nevojshme.

    Demi

    Jeta juaj ne çift do ketë mjaft përmirësime gjate gjithë kësaj dite. Ne krahët e partnerit do përjetoni kënaqësi te papara dhe nuk do doni te qëndroni asnjë sekonde larg. Beqaret nuk do ndihen ende gati për te filluar histori dashurie dhe do mbeten vetëm. Ne planin financiar do keni disa vështirësi te vogla, por me maturi dhe përkujdes do i zgjidhni ato.

    Binjaket

    Do jeni ne humor shume te mire gjate gjithë kësaj dite dhe do dashuroheni pa dorashka me atë qe keni ne krah. Vazhdoni te bëni atë qe ndjeni. Beqaret do arrijnë ta bëjnë me ne fund për vete një person dhe do mendojnë te ndryshojnë status. Hëna do ju ndihmoje ne planin financiar. Gjendja do jete me e qëndrueshme sesa pritej.

    Gaforrja

    Marrëdhënia ne çift do jete shume me e qete gjate kësaj dite. Do i shihni gjerat me pozitivizëm dhe do provoni kënaqësi te reja. Disa mund te bëjnë edhe ndonjë çmenduri te vogël. Beqaret ka rrezik te ngatërrohen me një person vetëm për shkak te gjendjes se tij te mire financiare. Kujdes! Financat do jene me te qëndrueshme, por gjithsesi matuni para se te shpenzoni.

    Luani

    Mos bëni gabim ta kritikoni partnerin tuaj ne çdo moment sepse mund te keni mosmarrëveshje te mëdha me pas. Mundohuni te tregoheni disi me tolerante. Beqaret vetëm po u treguar te hapur dhe po joshen do kenë takimet e ëndërruara. Financat do jene me te mira se kohet e fundit, megjithatë duhet te vazhdoni te përkujdeseni për to.

    Virgjeresha

    Ka rrezik qe jete juaj ne çift te jete e trazuar dhe here pas shume delikate sot. Do debatoni mjaft me partnerin tuaj dhe do mendoni te merrni edhe masa strikte. Beqaret do kenë një dite normale dhe pa asnjë takim mbresëlënës. Nuk ka ardhur ende momenti i duhur. Me financat duhet te tregoheni paksa me vigjilente nëse doni qe situata te ndryshoje për mire.

    Peshorja

    Jeta juaj ne çift do jete me e bukur dhe e mbushur me fantazi sot. Do argëtoheni pa fund se bashku me partnerin dhe do ndiheni mjaft mire. Beqaret duhet te tregohen te sinqerte me personat qe do takojnë sepse vetëm ne këtë mënyrë mund te fillojnë lidhje serioze. Financat do jene aq te mira saqë te gjithë do ju kenë zili. Vazhdoni ne rrugën qe keni nisur.

    Akrepi

    Jeta juaj ne çift do jete shume delikate gjate kësaj dite. Do keni mosmarrëveshje te shumta te cilat mund ta shkatërrojnë përfundimisht atë qe keni ndërtuar. Beqaret do kenë një jete te qete dhe nuk do preferojnë te krijojnë një lidhje. Financat do jene mjaft delikate. Do ju duhet patjetër ndihma e te afërmve apo specialisteve për ta zgjidhur situatën.

    Shigjetari

    Do keni divergjenca te shumta me partnerin tuaj gjate kësaj dite dhe ne çdo moment do kërkoni te dale e juaja. Ai ne fakt ashtu si ju nuk do doje te toleroje aspak. Beqaret do fillojnë aventura kalimtare, por emocionuese. Me mire shfrytëzojeni sesa te qëndroni vetëm. Ne planin financiar do ju dalin goxha probleme e vështirësi. Beni kujdes!

    Bricjapi

    Do kaloni momente fantastike sot ne krahët e partnerit tuaj dhe do ju duket sikur e gjithë bota është e juaja. Beqaret do kenë takime te shumta me persona nga me te ndryshmit, por koha nuk do jete e përshtatshme për te filluar angazhime serioze dhe afatgjata. Financat do jene delikate. Kryejini me shume kujdes shpenzimet qe keni për te bere.

    Ujori

    Ndikimi i yjeve ne planin sentimental do jete shume kontradiktor. Here do dashuroheni ne mënyrë pasionante dhe here do debatoni ashpër me partnerin. Beqaret do jene mjaft sensuale dhe do arrijnë te bëjnë për vete cilindo qe do pëlqejnë. Buxhetin do e menaxhoni me më shume kujdes se kurrë dhe gjendja sa do vije e do përmirësohet.

    Peshqit

    Dite mjaft e favorshme kjo e sotmja për ata qe janë ne një lidhje. Priten ndryshime te mëdha te cilat do i bëjnë ata ta dashurojnë me tepër jetën dhe partnerin. Beqaret nuk do duan ta sakrifikojnë lirinë qe kane vetëm për ndonjë aventure kalimtare. Me financat mos u tregoni te pamatur sepse gjendja mund te ndryshoje menjëherë për keq.

  • Suedia tronditet nga një rast, burri e detyroi gruan e tij të prostituohej nga 120 burra

    Suedia tronditet nga një rast, burri e detyroi gruan e tij të prostituohej nga 120 burra

    Një burrë i dyshuar për shfrytëzimin e gruas së tij duke e detyruar atë të ofrojë shërbime seksuale kundrejt një pagese u paraqit në gjykatë në Suedi të premten me akuzat për prostitucion të rënduar dhe përdhunim, në një çështje që përfshin rreth 120 burra të tjerë.

    I dyshuari 62-vjeçar, i cili i mohon akuzat, u arrestua dhe u ndalua në tetor pasi gruaja e tij e denoncoi atë në polici në Suedinë Veriore.

    Burri, një ish-anëtar i klubit të motoçikletave Hells Angels, u duk i qetë ndërsa prokurorja Ida Annerstedt lexoi akuzat.

    Viktima e tij nuk ishte e pranishme në sallën e gjyqit për të mbrojtur anonimatin e saj dhe ndoqi seancën dëgjimore nëpërmjet video-lidhjeje. Pas leximit të aktakuzës, gjyqi vazhdoi me dyer të mbyllura.

    Sipas aktakuzës, i pandehuri e ka shfrytëzuar gruan e tij për vite me radhë duke e detyruar të kryejë akte seksuale.

    “Ai akuzohet për prostitucion të rënduar. Ai organizoi një operacion në të cilin partnerja e tij, e cila më vonë u bë gruaja e tij, u mor me prostitucion”, tha Annerstedt.

    Burri akuzohet për krijimin e reklamave online, organizimin e takimeve, kryerjen e mbikëqyrjes dhe detyrimin e gruas së tij për të kryer akte seksuale me anë të një transmetimi në internet me qëllim tërheqjen e më shumë klientëve.

    Prokurori tha se viktima ishte “nën ndikimin e drogës dhe alkoolit dhe kishte shumë frikë prej tij”, duke kujtuar se i pandehuri është gjithashtu në gjyq për kërcënime dhe sulm.

    Përveç prostitucionit të rënduar, burri u akuzua për tetë përdhunime, një prej të cilave përfshinte gruan dhe klientin e tij.

    Shtatë akuzat e mbetura lidhen me akte seksuale që gruaja u detyrua të kryente para kamerave, gjë që është e barabartë me përdhunim sipas ligjit suedez.

    120 persona dyshohen se kanë paguar për shërbime seksuale. 26 prej tyre janë akuzuar tashmë.

  • Benzina dhe nafta në Evropë – ku janë çmimet më të larta dhe më të ulëta?

    Benzina dhe nafta në Evropë – ku janë çmimet më të larta dhe më të ulëta?

    Ekzistojnë dallime të mëdha në çmimet e karburanteve midis vendeve të Bashkimit Evropian, ndërsa në disa raste çmimet e dizelit janë rritur edhe deri në 30 për qind.

    Rritja e çmimeve është nxitur kryesisht nga zhvillimet gjeopolitike, veçanërisht tensionet dhe konfliktet në Lindjen e Mesme, që kanë ndikuar drejtpërdrejt në tregjet globale të naftës.

    Si pasojë, çmimet e derivateve të naftës janë rritur ndjeshëm në të gjithë Evropën, shkruan euronews.

  • Eksperimenti i pazakontë i mjekes: Botoksi vetëm në një anë të ballit tregon ndryshimin e dukshëm

    Eksperimenti i pazakontë i mjekes: Botoksi vetëm në një anë të ballit tregon ndryshimin e dukshëm

    Një mjeke estetike nga Kalifornia kreu një eksperiment të veçantë me botoksin, duke injektuar këtë substancë vetëm në një anë të ballit të saj, për të treguar ndryshimet që shkakton në fytyrë.

    Dr. Bita Farrell, e njohur për demonstrimet e saj të mëparshme të efektit të botoksit në njërën anë të fytyrës, shkoi një hap më tej këtë herë. Ajo publikoi një video ku tregon ndryshimet e dukshme pas injektimit vetëm në një pjesë të ballit.

    “E trajtova këtë anë, ndërsa tjetrën e lashë pa prekur”, shpjegoi ajo në fillim të videos, duke treguar qartë dallimin midis anës së trajtuar dhe asaj jo të trajtuar.

    Në anën e trajtuar, efektet ishin të dukshme: qepallat duken më të ngritura dhe lëkura më e tendosur, duke ndryshuar dukshëm pamjen e qerpikëve dhe të shprehjes së fytyrës.

    Mjekja theksoi se botoksi ka një potencial “transformues”, por paralajmëroi se injektimet duhet të kryhen vetëm nga specialistë të kualifikuar, për të shmangur komplikime ose rezultate të padëshiruara.

  • 9 futbollistët që po bëjnë ligjin në modë – stili i tyre vlen miliona

    9 futbollistët që po bëjnë ligjin në modë – stili i tyre vlen miliona

    Nga Ronaldo te Bellingham dhe Saka, këta emra nuk dominojnë vetëm në fushë, por edhe në botën e luksit dhe trendëve globale

    Koha kur ndikimi i futbollistëve përfundonte në vijën anësore të fushës, ndërsa garderoba e tyre kufizohej në trena sportive dhe kostume klasike për evente sponsorizuese, ka kaluar përgjithmonë.

    Sot jemi dëshmitarë të një ndryshimi rrënjësor në kulturën pop, pasi futbollistët janë shndërruar në krijues trendesh. Sportistët e nivelit të lartë nuk janë më vetëm fytyra kopertinash, por për ta flitet si për pjesëmarrës të barabartë në proceset krijuese të shtëpive më të mëdha të modës, nga Parisi në Milano.

    Vetëdija për modën e gjeneratës së re të futbollistëve shkon përtej shfaqjes së pasurisë. Për ta, veshja është mjet komunikimi, mënyrë për të shprehur karakterin, rebelimin apo elegancën.

    Disa kultivojnë estetikën e luksit të qetë, ndërsa të tjerë përdorin prerje avangarde për të rrëzuar stereotipet se si duhet të duket një sportist. Stili i tyre është bërë po aq i rëndësishëm sa statistikat në fushë.

    Në vijim analizojmë gardërobat e atyre që vendosin trendet. Nga paraqitjet ekstravagante në mëndafsh, te eleganca e përkryer britanike, e deri te eksperimentet e guximshme që shtyjnë kufijtë e veshjes mashkullore, këta janë lojtarët që aktualisht japin leksione stili. Natyrisht, do të përmendnim me kënaqësi edhe David Beckham, por kjo listë i përket futbollistëve që ende nuk janë pensionuar,

    Cristiano Ronaldo

    Lista e më të veshurve nuk do të ishte e plotë pa Cristiano Ronaldo. Stili i tij ka evoluar nga sportiv në një estetikë të pastër, biznesore dhe ultra luksoze. Ai shfaqet rregullisht me marka si Louis Vuitton, Dior, Gucci dhe Dolce & Gabbana, ndërsa shpesh zgjedh kostume të qepura me porosi që theksojnë linjat perfekte të trupit.

    Ronaldo ka ndërtuar edhe identitetin e tij në modë përmes markës personale CR7, ndërsa prania e tij në fushata dhe evente të modës e ka kthyer në një figurë që lidh drejtpërdrejt sportin me luksin.

    Për të, moda nuk është thjesht veshje, por vazhdim i imazhit të tij global.

    Jules Koundé

    Nëse ka një futbollist që sfidon rregullat, ai është Jules Koundé. Mbrojtësi i Barcelonës është bërë fenomen për paraqitjet e tij të guximshme, ku shpesh shfaqet me elemente që dalin jashtë kornizave tradicionale të modës mashkullore.

    Ai lidhet shpesh me estetikën e markave si Jacquemus dhe Louis Vuitton, por edhe me projekte të modës urbane si Homies From Paris, duke e përdorur stilin si formë shprehjeje personale dhe artistike.

    Koundé nuk ndjek trendet – ai i krijon ato.

    Jude Bellingham

    Ylli i Real Madrid, Jude Bellingham, është një nga emrat më të fortë të brezit të ri edhe në modë. Ai është i lidhur ngushtë me Louis Vuitton, ku merr pjesë në evente dhe prezantime të rëndësishme, ndërsa paralelisht bashkëpunon me Adidas.

    Stili i tij është një kombinim i natyrshëm i elegancës britanike dhe freskisë rinore, ku dominojnë kostumet e pastra, materialet cilësore dhe një prezencë që reflekton vetëbesim.

    Erling Haaland

    Erling Haaland është e kundërta e minimalizmit. Sulmuesi i Manchester City preferon paraqitje të forta vizuale, shpesh me ngjyra të ndezura dhe motive të theksuara.

    Ai është parë disa herë me veshje të Dolce & Gabbana, veçanërisht në kombinime prej mëndafshi që kanë bërë jehonë, si dhe me elemente të stilit të Versace.

    Stili i tij është i zhurmshëm, i drejtpërdrejtë dhe i pamundur për t’u injoruar.

    David Alaba

    David Alaba përfaqëson një nga profilet më të rafinuara në modën e futbollit. Ai shpesh shfaqet me kombinime që duken si të dala nga pasarelat, duke përdorur shtresëzim, forma të gjera dhe detaje të menduara.

    Ai lidhet me marka si Prada, Dior dhe Louis Vuitton, duke ndërtuar një stil që shkon përtej trendit dhe hyn në zonën e elegancës së qëndrueshme.

    Marcus Rashford

    Marcus Rashford është sinonim i stilit britanik modern. Si ambasador i Burberry, ai përfaqëson një estetikë të pastër, të matur dhe shumë të sofistikuar.

    Garderoba e tij mbështetet në linja të pastra, tone neutrale dhe materiale cilësore, duke reflektuar atë që sot njihet si luks i qetë – pa teprime, por me shumë klas.

    Sergio Ramos

    Sergio Ramos ka kaluar një transformim të madh në stil, duke u shndërruar në një figurë të fortë të elegancës mashkullore. Ai preferon kombinime klasike, por me karakter, ku shpesh përfshin elemente të veçanta si kapele apo detaje të personalizuara.

    Ai është parë me marka si Dolce & Gabbana, Balmain dhe Dsquared2, duke krijuar një stil që ndërthur traditën me modernitetin.

    Trent Alexander-Arnold

    Trent Alexander-Arnold përfaqëson një gjeneratë të re që e kupton modën si pjesë të identitetit. Ai kombinon elemente urbane me elegancën e markave si Prada dhe Bottega Veneta, duke krijuar një pamje të thjeshtë, por shumë të rafinuar.

    Ai dëshmon se nuk është e nevojshme të jesh i zhurmshëm për të pasur stil.

    Bukayo Saka

    Bukayo Saka është një nga emrat më interesantë të stilit të ri. Ai përfaqëson një qasje më të përmbajtur, ku dominon minimalizmi dhe pastërtia vizuale.

    Ai është lidhur me Dior dhe projekte të modës londineze, duke ndërtuar një imazh që kombinon natyrshmërinë me cilësinë e lartë.

    Stili i tij është i qetë, por shumë i saktë – dhe pikërisht për këtë arsye, ka ndikim. 

  • Të gjithë mendojnë se macet e zeza sjellin fat të keq – këto 13 fakte tregojnë të kundërtën

    Të gjithë mendojnë se macet e zeza sjellin fat të keq – këto 13 fakte tregojnë të kundërtën

    Shumë njerëz ende besojnë se një mace e zezë që ju pret rrugën sjell ters. Të tjerë i lidhin me magjinë, shtrigat apo fatin e keq. Por sa prej këtyre besimeve janë të vërteta?

    Macet e zeza janë ndër kafshët më të keqkuptuara në botë. Historia e tyre është e mbushur me mite, frikëra dhe paragjykime që kanë mbijetuar me shekuj, duke krijuar një imazh që nuk përputhet me realitetin. Në thelb, ato nuk dallojnë nga macet e tjera përveç ngjyrës së leshit dhe janë po aq të dashura, inteligjente dhe lozonjare.

    Në fakt, perceptimi për macet e zeza ndryshon nga një vend në tjetrin. Në disa kultura ato lidhen me tersin, ndërsa në të tjera konsiderohen simbol i fatit të mirë, dashurisë dhe mirëqenies. Pikërisht kjo kontrast i fortë mes miteve dhe realitetit i bën ato edhe më interesante.

    Këto paragjykime nuk kanë ndikuar vetëm në mënyrën si i shohim, por edhe në fatin e tyre, pasi shpesh adoptohen më rrallë se macet e tjera. Megjithatë, gjithnjë e më shumë njerëz po kuptojnë se këto besime nuk kanë bazë reale, transmeton Telegrafi.

    Ja 13 fakte që tregojnë pse këto mace meritojnë një reputacion krejt tjetër:

    1. Lidhja me shtrigat fillon në Mesjetë
    Gjatë Mesjetës, macet e zeza u lidhën me Satanin dhe shtrigat. Shumë njerëz besonin se ato ishin bashkëpunëtore të shtrigave ose madje shtriga të transformuara. Këto besime çuan në përndjekje dhe vrasje masive të maceve, por edhe të njerëzve që i mbanin ato.

    2. Edhe sot ndikojnë këto besime

    Edhe pse jemi në kohë moderne, në disa vende strehimoret shmangin adoptimin e maceve të zeza gjatë muajit tetor, nga frika se mund të përdoren për rituale apo të keqtrajtohen.

    3. Në disa vende sjellin fat në dashuri
    Në Japoni besohet se gratë beqare që kanë mace të zeza tërheqin më shumë admirues. Në disa zona të Britanisë, një mace e zezë konsiderohet dhuratë ideale për nuset, si simbol i fatit dhe lumturisë.

    4. Kanë histori të gjatë në detari
    Detarët mbanin mace në anije për të kontrolluar brejtësit. Një mace e zezë konsiderohej veçanërisht fatlume, pasi besohej se garantonte një udhëtim të sigurt dhe kthim në shtëpi.

    5. Mund të jenë më rezistente ndaj sëmundjeve
    Sipas studimeve të National Institutes of Health, mutacionet gjenetike që lidhen me ngjyrën e zezë mund të ofrojnë njëfarë mbrojtjeje ndaj disa sëmundjeve. Kjo i bën macet një model interesant për studime mbi shëndetin edhe te njerëzit.

    6. Ngjyra e tyre mund të ndryshojë në diell
    Ekspozimi i gjatë ndaj rrezeve UV mund të zbërthejë pigmentin e zi të leshit, duke i dhënë një nuancë kafe ose të ndryshkur. Megjithatë, kjo është e përkohshme dhe zhduket me rritjen e qimeve të reja.

    7. Në disa vende janë simbol i pasurisë
    Në Skoci, besohet se një mace e zezë që shfaqet në pragun e shtëpisë paralajmëron ardhjen e pasurisë. Në Francë dhe Gjermani gjithashtu ekzistojnë besime pozitive për to.

    8. Nuk përbëjnë një racë të veçantë
    Macet e zeza nuk janë një racë më vete. Ngjyra e zezë mund të shfaqet në shumë raca të ndryshme, nga ato me lesh të shkurtër deri te ato me lesh të gjatë.

    9. Ngjyra e zezë është dominante gjenetikisht
    Ngjyra e zezë është ndër më dominueset te macet, megjithëse shumë prej tyre mund të kenë edhe njolla të vogla të bardha.

    10. Shpesh kanë sy të artë ose të verdhë
    Shumica e maceve të zeza kanë sy të ndritshëm, të cilët krijojnë një kontrast të fortë dhe tërheqës me leshin e tyre.

    11. Mund të fshehin modele në lesh
    Edhe pse duken plotësisht të zeza, disa prej tyre kanë modele “tabby” të fshehura, të cilat mund të dallohen vetëm në dritë të fortë.

    12. Janë më pak të adoptuara
    Fenomeni i njohur si “paragjykimi ndaj maceve të zeza” bën që ato të adoptohen më rrallë dhe të qëndrojnë më gjatë në strehimore.

    13. Nuk ndryshojnë nga macet e tjera në sjellje
    Ngjyra e leshit nuk ndikon në karakter. Disa mace të zeza janë shumë të dashura dhe të afërta, ndërsa të tjera më të pavarura, njësoj si çdo mace tjetër.

  • Ngjyra që po dominon pamjen e jashtme të shtëpive këtë sezon

    Ngjyra që po dominon pamjen e jashtme të shtëpive këtë sezon

    Një nuancë neutrale që sjell harmoni dhe elegancë në ambientin e jashtëm, e lehtë për t’u kombinuar me verandën prej druri, mobiliet dhe elementet dekorative

    Pamja e jashtme e shtëpisë krijon përshtypjen e parë dhe varet nga shumë elemente, nga shtegu drejt derës hyrëse deri te lulet në oborr. Që gjithçka të duket e harmonizuar, këto elemente duhet të lidhen mes tyre në mënyrë natyrale. Një mënyrë e thjeshtë për ta arritur këtë është përzgjedhja e një ngjyre të përshtatshme për sipërfaqet e jashtme prej druri.

    Çdo vit, kompanitë e njohura të ngjyrave prezantojnë zgjedhje që ndihmojnë në freskimin e hapësirave të jashtme. Këtë herë, në fokus është nuanca Taupe 153, një ton neutral mes kafes dhe gri, i cili sjell qetësi dhe ekuilibër në ambient. Kjo ngjyrë ofrohet në dy variante: mbulim i plotë, që fsheh strukturën e drurit, dhe variant gjysmë transparent, që lejon të duket bukuria natyrale e tij.

    Si ta përdorni në shtëpinë tuaj

    Kjo nuancë është shumë e lehtë për t’u kombinuar dhe mund të përdoret në disa mënyra. Një zgjedhje praktike është rifreskimi i elementeve prej druri si veranda, e cila zakonisht lyhet çdo 2–3 vjet për të ruajtur pamjen.

    Po ashtu, është ideale për mobiliet e jashtme, karrige, tavolina apo elemente dekorative, duke krijuar një atmosferë të qetë dhe natyrale, transmeton Telegrafi.

    Kombinime ngjyrash që duken bukur

    Për shkak se është neutrale, kjo ngjyrë kombinohet lehtësisht me të tjera. Për një pamje elegante dhe natyrale mund të përdorni:

    • sipërfaqe druri në këtë nuancë
    • blu të thellë për kontrast
    • elemente të zeza për një efekt modern

    Një tjetër ide është të lyeni gardhin në të njëjtën ngjyrë dhe të shtoni një ton më të gjallë në derën hyrëse, si e verdha ose blu, për ta bërë pamjen më të gjallë.

    Ide për verandën dhe hyrjen

    Kjo nuancë funksionon shumë mirë edhe për verandën. Mund të përdoret si bazë për dysheme ose elemente druri dhe të kombinohet me:

    • të bardhë krem për mure
    • vazo dekorative me bimë
    • mobilie druri me jastëkë në ngjyra neutrale

    Rezultati është një ambient i qetë dhe i ngrohtë.

    Kur është zgjedhja e duhur

    Nëse jeni të kënaqur me pamjen e shtëpisë, por dëshironi një rifreskim, kjo është një zgjedhje shumë e sigurt. Ajo përshtatet veçanërisht mirë me:

    • nuanca krem
    • jeshile
    • kafe
    • blu të errët

    Përfundim

    Kjo nuancë neutrale është elegante dhe e qëndrueshme, duke ndihmuar në krijimin e një pamjeje të harmonizuar. Me disa ndryshime të vogla, mund të transformoni ndjeshëm ambientin e jashtëm të shtëpisë suaj.