rilindja.albeniplast.com

Category: AKTUALE

  • LVV: Bandat e Agim Veliut provokuan e sulmuan aktivistët tanë para zyreve tona, po i qesin shkelmat e fundit

    LVV: Bandat e Agim Veliut provokuan e sulmuan aktivistët tanë para zyreve tona, po i qesin shkelmat e fundit

    Një përplasje mes aktivistëve të LDK-së dhe atyre të VV-së ka ndodhur sot rreth orës 14:00 në sheshin e qytetit të Podujevës, konkretisht tek zyret e VV-së, raporton Llapi.info.

    Për këtë ka reaguar dega e VV-së në Podujevë, teksa ka akuzuar ish-kryetarin e Podujevës, Agim Veliu dhe aktivistët të LDK-së, të cilët, sipas reagimit, ishin mbledhur pikërisht përpara zyreve të Lëvisjes Vetëvendosje.

    “Sot, rreth orës 14:00, para zyreve të Lëvizjes VETËVENDOSJE! në Besianë, aktivistët tanë u provokuan disa herë për t’u sulmuar më pas nga banditët e Agim Veliut të cilët të gjendur para humbjes në zgjedhje hedhin shkelmat e fundit. Isa Mustafa bashkë me Agim Veliun e Nexhmi Rudarin e militantë të tyre të mbledhur para zyreve të Lëvizjes sonë i provokuan vazhdimishtë aktivistët tanë derisa, persona të këtyre bandave filluan sulmin ndaj kamermanit të organizatës sonë”, thuhet në reagim.

    Reagimi i plotë:

    BANDAT E AGIM VELIUT TENTOJNË TA NDALOJNË FITOREN E SHPEJTIM BULLIQIT

    Sot, rreth orës 14:00, para zyreve të Lëvizjes VETËVENDOSJE! në Besianë, aktivistët tanë u provokuan disa herë për t’u sulmuar më pas nga banditët e Agim Veliut të cilët të gjendur para humbjes në zgjedhje hedhin shkelmat e fundit.

    Isa Mustafa bashkë me Agim Veliun e Nexhmi Rudarin e militantë të tyre të mbledhur para zyreve të Lëvizjes sonë i provokuan vazhdimishtë aktivistët tanë derisa, persona të këtyre bandave filluan sulmin ndaj kamermanit të organizatës sonë. Ndër ta qytetarët e pranishëm e kanë identifikuar edhe një person, i cili është polici me emrin Butrint Krasniqi. Ky polic civil, me maskë të LDK-së, ndërkohë është djali i arkatarit të Komunës së Besianës, nipi i ish-komandantit të Njësitit Special për Regjionin e Prishtinës, Amir Gërgurit e shok i afërt i djalit të Agim Veliut.

    Është e çuditshme se në kohën kur militantët e LDK-së parakalonin duke provokuar para zyreve tona, policia nuk gjindej aty, anipse nga shtabi ynë zgjedhor kishim kërkuar takim për mbarëvajtjen e procesit zgjedhor.
    Lëvizja VETËVENDOSJE! i dënon këto provokime e sulme të cilat kanë për qëllim prishjen e procesit zgjedhor. Bandat e Agim Veliut, të gjendura para humbjes i duan me çdo kusht provokimet e tilla me qëllim të frikësimit të qytetarëve. Por, kjo nuk do të ndodhë. Podujeva është përcaktuar për ndryshim. Bandat që kanë udhëhequr komunën tash e 20 vjet nuk do të mund ta ndalin fitoren e qytetarëve.

  • Dritan Abazoviq propozohet për zëvendëskryeministër të Malit të Zi

    Dritan Abazoviq propozohet për zëvendëskryeministër të Malit të Zi

    Mandatari për formimin e Qeverisë së re të Malit të Zi, Zdravko Krivokapiq, paraqiti propozimin përfundimtar të përbërjes së kabinetit qeveritar.

    Zëvendëskryeministër do të jetë Dritan Abazoviq, udhëheqësi i Aksionit të Reformës së Bashkuar (URA), dhe i koalicionit “E zeza në të bardhë”. Ministre e Mbrojtjes është propozuar Olivera Injac, profesoreshë e çështjeve të sigurisë. Në pozitën e ministrit të Brendshëm, Sergej Sekuloviq, ndërsa për atë të punëve të Jashtme, Gjorgje Raduloviq .Millojko Spaiq është emëruar për ministër të Financave dhe Mirëqenies Sociale, ndërsa në qeverinë e re do të bashkohen katër resore: i arsimit, shkencës, kulturës dhe sporteve, për udhëheqjen e kësaj ministrie është emëruar, Vesna Bratiq.

    Sipas propozimit të Krivokapiqit, ministre e Shëndetësisë duhet të jetë Jelena Boroviniq Bojoviq, ministër i Zhvillimit Ekonomik Jakov Milatoviq, ministër i Investimeve Kapitale, Mladen Bojaniq, ministre e Administratës Publike, Shoqërisë Dixhitale dhe Media, Tamara Srzentiq.

    Ministri i Ekologjisë, Urbanizmit dhe Planifikimit Hapësinor duhet të jetë Ratko Mitroviq, Ministri i Bujqësisë, Pylltarisë dhe Menaxhimit të Ujërave Aleksandar Stijoviq dhe Ministri i Drejtësisë dhe të Drejtave të Pakicave Vladimir Leposaviq.

    Krivokapiq tha se negociatori kryesor me BE-në do të emërohet rreth datës 15 dhjetor.

    Për përbërjen e re të qeverisë së Malit te Zi parlamenti do të votojë më 2 dhjetor.

    “Nëse për katër vjet arrijmë të realizojmë paktën 50 për qind të asaj që kemi planifikuar, ne do t’i afrohemi mjaftueshëm një cilësie ndryshe të jetësës”, tha Krivokapiq në një konferencë për media, duke shtuar se kjo është një qeveri e ekspertëve dhe se gjëja më e rëndësishme tani është që ata të fillojnë punën.

    Në 8 tetor, presidenti malazes Millo Gjukanoviq emëroi Krivokapiqin si mandatar për formimin e qeverisë, pasi opozita fitoi zgjedhjet e 30 gushtit.

    Pas tre dekadash, Partia Demokratike e Socialistëve (DPS) e Gjukanoviqit, u largua nga pushteti dhe një shumicë e re në parlament tani përbehet nga tre koalicione: “Për Ardhmërinë e Malit të Zi”, “Paqja është kombi ynë” dhe koalicioni “E zeza në të bardhë”.

  • Zbulohet vendndodhja e Agim Veliut pasi u shpallë në kërkim nga opozita, po shtron rrugë me Abrashin dhe Rudarin!

    Zbulohet vendndodhja e Agim Veliut pasi u shpallë në kërkim nga opozita, po shtron rrugë me Abrashin dhe Rudarin!

    Partia Demokratike e Kosovës ka ironizuar sot me Ministrin e Punëve të Brendshme, Agim Veliun, meqenëse i njëjti ka munguar në seancë.

    Deputetja e kësaj partie, Ganimete Musliu vendosi edhe një fotografi të tij në vendin ku ulet, derisa u kërkoi të gjithë atyre që e shohin, t’i tregojnë ministrit se e ka obligim ligjor që të raportojë në Kuvend.

    E gjatë kohës, sa kuvendi mbante seancë, Veliu ishte në Podujevë në përkrahje të kandidatit të LDK’së për kryetar të kësaj komune, Nexhmi Rudarit. Ai po ashtu mori pjesë edhe në fillimin e punimeve në zgjerimin e rrugës Prishtinë-Podujevë.

    Madje, gjatë kohës sa ai mbante fjalim, është penguar nga aktivistët e Lëvizjes Vetëvendosje atje, të cilët kanë përmendur emrin e Shpejtim Bulliqit, kandidat tjetër për kryetar të kësaj komune.

  • Isa Mustafa dhe Agim Veliu bëjnë fushatë në Podujevë, brohoriten nga aktivistë të Vetëvendosjes

    Isa Mustafa dhe Agim Veliu bëjnë fushatë në Podujevë, brohoriten nga aktivistë të Vetëvendosjes

    Dy ditë para zgjedhjeve për kryetar komune, është tensionuar situata në Podujevë, raporton GazetaBlic.

    Në disa video që ka siguruar GazetaBlic, shihet se në sheshin e qytetit të Podujevës janë grumbulluar simpatizantë të të dyja partive, VV dhe LDK.

    Pikërisht aktivistë të LVV-së, kanë brohoritur pak para se në këtë shesh të zbriste kreu i LDK-së, Isa Mustafa.

    Ndryshe, zgjedhjet në Podujevë do të mbahen këtë të dielë. Në garë për kreun e komunës janë tre kandidatë. Nexhmi Rudari (LDK), Shpejtim Bulliqi (VV) dhe Naim Fetahu (PDK)./GazetaBlic

    https://www.facebook.com/631247780273114/posts/3783366478394546/

  • AAK-ja e përjashton Donika Kadajn nga partia

    AAK-ja e përjashton Donika Kadajn nga partia

    Deputetja e AAK-së, Donika Kadaj-Bujupi,  ka thënë se nga 3 qershori, kur ishte votuar Qeveria Hoti, është përjashtuar nga pjesëmarrja në diskutimet në parti.

    Ajo ka thënë se nuk e di nëse krerët e partive kanë kërkuar shkarkimin e Driton Selmanajt.

    “E di që deputetë të caktuar e kanë kundërshtuar vazhdimisht këtë qëndrim, e di që kanë qenë të gjithë unik dhe unanimisht në përkrahje të deputetes Bogujevci dhe sigurisht në përkrahje të familjarëve të cilët janë lënduar në atë debat. Mirëpo, a është kërkuar zyrtarisht nga krerët e subjektit shkarkimi i tij, reciprokisht a ka pas biseda ndërmjet krerëve të LDK-së dhe Aleancës, nuk e di”, ka thënë Kadaj-Bujupi. “Unë prej datës 3 qershor, kur është votuar Qeveri, nuk kam qenë e ftuar në takimet brenda subjektit politik, brenda Aleancës, pra në njëfarë forme jam përjashtuar nga vendimmarrja dhe diskutimet në të gjitha instancat prandaj kam mungesë të informatave se çfarë ndodhë brenda dhe jam e kufizuar që të jap informata nga brenda sepse nuk i di”, tha ajo në Interaktiv të KTV-së.

    E pse ka ndodhur kjo ajo ka thënë se ka qenë një hatërmbetje për mosvotimin e Qeverisë Hoti, ose abstenimi në raport me kryeministrin Hoti.

    “Moralisht mendoj se Selmanaj është dashur të shkarkohet menjëherë, atë ditë”, ka thënë ajo.

  • A mund të ketë tensione sot në Kuvend e Kosovës? VV e zotuar se s’do ta lë Selmanajn në seancë

    A mund të ketë tensione sot në Kuvend e Kosovës? VV e zotuar se s’do ta lë Selmanajn në seancë

    Kuvendi i Kosovës do të mblidhet edhe njëherë sot me fillim prej orës 10:00 për të shqyrtuar disa projektligje e rezoluta nga debatet e mëhershme paralamentare dhe interpelancat.

    Sot pritet të shihet edhe se cilat do të jenë veprimet e Vetëvendosjes karshi zv/kryeministrit, Driton Selmanaj, shkruan lajmi.net.

    Këtë të fundit, VV ka thënë se nuk do ta lë të futet në sallën e Kuvendit, dhe rrjedhimisht në seanca.

    “Kuvendi është shtëpia e deputetëve, ne si Lëvizje refuzojmë që ai me qenë i pranishëm se ai nuk duhet të përfaqësojë mendimin e asnjë qeverie. Kulmi i turpit është që ai qëndron ende në pozitën që ka, përveç që nuk ka kërkuar falje po vazhdon me të njëjtin avaz”, ka thënë deputeti i VV-së, Dimal Basha.

    Një gjë të tillë e ka paralajmëruar edhe deputet i VV-së, Mefail Bajqinovci, mirëpo me një fjalor më të ashpër.

    “Ai njeri që u lodhë me punën e të pagjeturve e ka vendin në Beograd jo në Qeverinë e Kosovës…Nuk do ta lejojmë në Kuvend, ai nuk duhet ta marrë më fjalën në Kuvendin e Kosovës. Ai është zv/kryeministër, por me atë fjalor mund të jetë në qeverinë e Vuçiqit e jo këtu”, ka thënë Mefail Bajqinovci.

    Deri tani askush nga VV nuk i ka bërë të ditura mjetet që do të përdoren për pengimin e Selmanajt që të marrë pjesë në seancën e Kuvendit.

  • Sa kanë besim qytetarët në Qeverinë, Presidencën e Kuvendin? Ja çfarë tregon raporti i QKSS

    Sa kanë besim qytetarët në Qeverinë, Presidencën e Kuvendin? Ja çfarë tregon raporti i QKSS

    Qendra Kosovare për Studime të Sigurisë (QKSS) ka publikuar edicionin e dhjetë të Barometrit Kosovar të Sigurisë (BKS) përmes të cilit ka bërë matjen e precpetimeve publike lidhur me besimin e qytetarëve në në institucione dhe çështje të ndryshme që lidhen me sigurinë.

    Bazuar në këtë raport, Qeveria e Kosovës, Presidenti dhe Kuvendi i Kosovës ndajnë epitetin e institucioneve më pak të besuara, të ndjekura nga Agjencia Kundër Korrupsionit.

    “Ndryshimi i Qeverisë gjatë periudhës së pandemisë është përmendur si një arsye për humbjen e besimit në qeverinë aktuale, ndërsa polarizimet madhore politike kanë ndikuar në skepticizmin e qytetarëve ndaj Kuvendit. Qëndrimet politike dhe joefikasiteti i Presidentit të Kosovës në unifikimin e skenës politike ishin komente të shpeshta të të anketuarve për të justifikuar mosbesimin e tyre në këtë institucion”, thuhet në raportin e BKS-së, shkruan Telegrafi.

    Nga ana tjetër, për sa i përket Agjencisë Kundër Korrupsionit, qytetarët nuk janë informuar për mandatin e saj, dhe arsyet e mosbesimit në këtë institucion lidhen kryesisht me nivelin e lartë të korrupsionit në Kosovë dhe elitën politike.

    Po ashtu sipas këtij raporti mbi 40% e të anketuarve besojnë se këto institucione janë të korruptuara ose shumë të korruptuara.

    Qeveria e Kosovës konsiderohet institucioni më i korruptuar, me 72 për qind të të anketuarve që deklarojnë se Qeveria është e korruptuar ose shumë e korruptuar.

    Ndryshe institucioni më i besueshëm për qytetarët sipas këtij raporti ka dalë të jetë Forca e Sigurisë së Kosovës me 81 për qind të të anketuarve që kanë besim ose besim të plotë në të.

  • Rudari i LDK-së mundohet të përfitojë në kohë fushate me skamnorë

    Rudari i LDK-së mundohet të përfitojë në kohë fushate me skamnorë

    Kandidati i LDK-së për kryetar komune, në kohë fushate, ka bërë një gjë që mund të cilësohet si e pahijshme.

    Ai ka njoftuar që familja e një qytetarit nga fshati Siboc i Epërm është bërë me shtëpi të re – falë donacionit të një personi që ka dëshiruar të mbetej anonim.
    “Kjo është shtëpia e 53 që është ndërtuar sivjet nga Komuna e Podujevës dhe në bashkëpunim me partnerë dhe donatorë.”

    Nga kundërshtarët politikë kjo është cilësuar si përdorim i gjendjes së varfër të qytetarëve për motive elektorale.

    Në Podujevë do të mbahen zgjedhjet e parakohshme lokale më 29 nëntor, derisa bashkë me Rudarin garojnë edhe Shpejtim Bulliqi nga Vetëvendosje dhe Naim Fetahu nga PDK. /Periskopi

  • “Avdullah Hoti e ka ofruar dorëheqjen – Kosova mund të shkoj në Zgjedhje të jashtëzakonshme”

    “Avdullah Hoti e ka ofruar dorëheqjen – Kosova mund të shkoj në Zgjedhje të jashtëzakonshme”

    Gazetari Astrit Gashi ka thënë se ka informacione se kryeministri Avdullah Hoti ka ofruar dorëheqjen e tij.

    Këtë Gashi e tha në një debat televiziv sa ishte duke folur për zhvillimet e fundit në Kosovë.

    “Ka informacione që kryeministri Hoti ka ofruar dorëheqjen. Është i gatshëm të jap dorëheqjen”, tha Gashi.

    Ai është shprehur se në dy javët e ardhshme do të vendoset nëse vendi do të shkojë në zgjedhje.

    “Jemi në një situatë, kur është dyjavëshi  final ku do të dihet nëse do të shkojmë në zgjedhje, apo kjo qeveri do të vazhdojë. Kupa është mbushur. Këto janë pika që po e mbushin kupën që do ta cojnë vendin drejt zgejdhjeve”, tha Gashi. 

  • Thaçi parashikon ballotazhin në zgjedhjet në Podujevë, thotë se PDK’ja nuk do jetë pjesë

    Thaçi parashikon ballotazhin në zgjedhjet në Podujevë, thotë se PDK’ja nuk do jetë pjesë

    Opinionisti Jusuf Thaçi ka parashikuar se në Podujevë do ketë raund të dytë të zgjedhjeve, përderisa PDK’ja me Naim Fetahun nuk do të jetë pjesë e ballotazhit.

    Thaçi, i ftuar në emisionin ‘Pressing’ ka deklaruar edhe se zgjedhjet në Podujevë do jenë tregues i rëndësishëm i zhvillimeve të së ardhmes, shkruan Gazeta Express.

    “Të dhëna të forta po tregojnë se vështirë që kandidati i PDK’së do të jetë në lojë për të shkuar në raundin e dytë, pra në balotazh. Para së gjithash, do të jetë një sinjalizues për zhvillimet e të ardhmes”, ka vlerësuar ai.

    Ai ka thënë edhe se votat në Podujevë do shenjëzojnë punën e Agim Veliut si kryetar në këtë komunë.

    “Podujeva do të tregojë edhe për Agim Veliun, meqë ai ka qenë në krye dhe është protagonist i zhvillimeve në këtë komunë. Besoj që votimi atje do të tregojë se si do të reflektojë elektorati karshi krejt këtyre zhvillimeve në raport me z. Veliu”, ka thënë tutje opinionisti Thaçi.