Tag: Auto&tech

Komisionerja për Fëmijët në Angli, Dame Rachel de Souza, ka kërkuar ndalimin e menjëhershëm të aplikacioneve të Inteligjencës Artificiale që krijojnë imazhe seksuale të rreme (“deepfake”) të fëmijëve.

Një raport i ri tregon se vajzat adoleshente ndihen gjithnjë e më shumë të frikësuara për të postuar foto online, nga frika se mund të manipulohen në mënyrë digjitale.

Megjithëse krijimi i imazheve eksplicite të fëmijëve është i paligjshëm, vetë aplikacionet që mundësojnë këtë veprim mbeten të ligjshme, shkruajnë mediat e huaja, përcjell Telegrafi.

Dhe De Souza paralajmëroi se kjo teknologji po nxit një kulturë të rrezikshme mizogjinie dhe abuzimi, dhe kërkoi nga qeveria miratimin e një ligji të ri për AI që rregullon përdorimin e këtyre mjeteve dhe njeh abuzimin seksual me deepfake si një formë dhune ndaj grave dhe vajzave.

Avokatët thonë se forcat e rendit kanë vështirësi të përballen me shpërthimin e kësaj teknologjie, me një numër në rritje të adoleshentëve që po përballen me arrestime për eksperimente me deepfake.

Aktivistët po kërkojnë masa më të forta mbrojtjeje në kuadër të Aktit për Sigurinë Online, ndërsa shqetësimet për ndikimin psikologjik tek të rinjtë po shtohen.

Një zëdhënës i qeverisë tha se krijimi ose shpërndarja e materialeve të abuzimit seksual të fëmijëve të gjeneruara nga AI është “e neveritshme dhe e paligjshme” dhe se janë futur dispozita të reja ligjore në Mbretërinë e Bashkuar.

Volkswagen of America dhe Uber kanë njoftuar plane për të nisur një shërbim komercial robotaksi duke përdorur furgonë elektrikë autonomë VW ID. Buzz në disa qytete të SHBA-së gjatë dekadës së ardhshme. Shërbimi do të fillojë në Los Angeles në fund të vitit 2026, fillimisht me shoferë sigurie në timon. Udhëtimet pa shofer priten të nisin në vitin 2027, pas miratimit rregullator. Megjithëse më parë Volkswagen kishte hezituar të hynte në tregun e shërbimeve të transportit me porosi, tani planifikon të furnizojë automjete vetë-drejtuese dhe softuer për menaxhimin e flotës, ndërsa Uber do të merret me operimin.

Ky hap është pjesë e strategjisë më të gjerë të Uber-it, që përfshin bashkëpunime me mbi 14 kompani të teknologjisë autonome. Volkswagen prezantoi së fundmi tre automjete të reja koncepti, ID, në panairin Auto Shangai; AURA, ID. ERA dhe ID. EVO. Këto automjete, të krijuara në bashkëpunim me partnerët kinezë, janë pjesë e strategjisë ambicioze “në Kinë, për Kinën” që parashikon nxjerrjen në treg të më shumë se 30 modeleve të reja deri në vitin 2027, duke përfshirë 20 modele NEV (New Energy Vehicle). Thomas Schäfer, CEO i markës Volkswagen, theksoi rëndësinë e këtyre risive.

“Këto tri automjete konceptuale janë rezultati i dukshëm i strategjisë sonë “në Kinë, për Kinën”. Ne kemi bërë të gjitha përgatitjet e nevojshme për të qëndruar në një pozicion udhëheqës midis prodhuesve të huaj të automjeteve në Kinë”-shtoi Schäfer. Shitjet globale të grupit Volkswagen janë rritur në tremujorin e parë, pasi prodhuesi gjerman i automjeteve ka përfituar nga kërkesa më e lartë për automjetet e tij elektrike. Dërgesat janë rritur me 1,4 për qind në 2,13 milionë automjete, ku një rol të rëndësishëm ka luajtur rritja prej 3 për qind në Evropën Perëndimore dhe 4 për qind në Amerikën e Veriut. Grupi VW ende po mbetet pas në Kinë, ku shitjet e tij kanë rënë me 7 për qind përkundër faktit se prodhuesi i automjeteve ka ende një pjesëmarrje të fortë në tregun e motorëve me djegie të brendshme prej 22 për qind.

Redmi Turbo 4 ishte një nga modelet e para të këtij viti nga Xiaomi, dhe tani ka dalë edhe modeli Pro.

Ky smartphone funksionon me procesorin Snapdragon 8s Gen 3 të Qualcomm-it, i cili mund të shoqërohet me deri në 16 GB RAM dhe 1 TB memorie të brendshme.

Turbo 4 Pro furnizohet nga një bateri e madhe silikono-karboni me kapacitet prej 7.550 mAh dhe mbështetje për karikim 90W. Bateria mund të përdoret gjithashtu si powerbank për të karikuar pajisje të tjera përmes karikimit të kthyeshëm me kabllo me fuqi deri në 22,5W.

Turbo 4 Pro ka një ekran OLED 6,83 inç me rezolucion 2.772 x 1.280 pikselë dhe frekuencë rifreskimi prej 120 Hz.

Paneli përfshin edhe një sensor optik për gjurmën e gishtit, ndërsa ndriçimi maksimal lokal arrin deri në 1.600 nits. Në pjesën e pasme ndodhet kamera kryesore 50 MP (LYT-600), si dhe një kamerë ultra të gjerë 8 MP, njësoj si tek modeli standard.

Pajisja përdor sistemin operativ Xiaomi HyperOS 2, të bazuar në Android 15, dhe është rezistente ndaj ujit dhe pluhurit sipas standardit IP68.

Redmi Turbo 4 Pro vjen në ngjyrë të zezë, të bardhë dhe të gjelbër, ndërsa Xiaomi është bashkuar me kompaninë Warner Bros. për të dizajnuar një version special të Harry Potter-it.

Turbo 4 Pro me 12 GB RAM dhe 256 GB memorie të brendshme kushton 274 dollarë, ndërsa për versionin më të shtrenjtë me 16 GB RAM dhe 1 TB memorie të brendshme duhet të shpenzohen 411 dollarë.

Një transmetim kuantik rekord u arrit në Gjermani përmes një kablloje standarde me fibër optike , si ato të përdorura për lidhjet në internet.

Mesazhi kuantik udhëtoi 250 kilometra, duke shënuar një hap të rëndësishëm drejt komunikimeve të së ardhmes, shumë më të shpejtë dhe më të sigurt se ato të sotme.

Rezultati i rëndësishëm, i publikuar në revistën Nature, është marrë falë eksperimentit të drejtuar nga italiani Mirko Pittaluga, i cili pas studimeve në Universitetin e Padovës punon në Britaninë e Madhe, në kompaninë Toshiba Europe. Kjo konfirmon se komunikimet kuantike mund të arrihen edhe në kushte reale, pa pasur nevojë për pajisje të specializuara dhe duke përdorur infrastrukturën ekzistuese.

” Eksperimenti është shumë interesant dhe rezultati është i rëndësishëm ,” i tha ANSA Fabio Sciarrino, nga Laboratori Quantum në Universitetin Sapienza të Romës. “Kjo është diçka që ishte supozuar gjithmonë në një nivel teorik, por që duhej të demonstrohej në një nivel praktik .”

Rrjetet kuantike bazohen në parimin e ngatërrimit, i cili lejon krijimin e lidhjeve midis grimcave që udhëtojnë në rrjet, në këtë rast fotoneve, edhe nëse ndahen nga distanca të mëdha: në këtë mënyrë, nëse një haker përpiqet të shkelë njërën nga dy grimcat, tjetra i nënshtrohet menjëherë një modifikimi, që demaskon përpjekjen për të përgjuar mesazhin. Prandaj, një rrjet kuantik do të mundësonte përmirësime të mëdha në sigurinë dhe shpejtësinë e transmetimit të të dhënave.

Deri më tani, komunikimet kuantike kanë ndodhur vetëm në distanca të kufizuara, dhe kjo ndodh sepse ato kërkojnë mjete të tilla si frigoriferë kriogjenikë, të cilët janë të vështirë për t’u zbatuar në infrastrukturat ekzistuese. Për shembull, në demonstrimin e parë në terren të internetit kuantik të së ardhmes, i cili u zhvillua në maj 2024 dhe u drejtua nga Universiteti i Harvardit, transmetimi lidhi dy kompjuterë 50 kilometra larg njëri-tjetrit dhe në dhjetor 2024 studiuesit e udhëhequr nga Universiteti Northwestern në Evanston, arritën të transmetojnë të dhëna mbi një kabllo klasike me fibër optike rreth 30 kilometra të gjatë.

Studiuesit e udhëhequr nga Pittaluga, megjithatë, kanë gjetur një mënyrë për të lehtësuar shpërndarjen e informacionit të sigurt në distanca të gjata, duke arritur rastin e parë të njohur të komunikimit kuantik ‘koherent’: koherenca është aftësia e valëve të dritës për të bashkëvepruar në një mënyrë të parashikueshme, duke ruajtur sinkronizimin, si në hapësirë ​​ashtu edhe në kohë.

“ Kjo është risia më domethënëse e studimit ”, komenton Sciarrino: “Koherenca kërkon një stabilizim të madh, e cila u zgjidh këtu falë një pune në gjysmë të rrugës midis fizikës dhe inxhinierisë, dhe hapet ndaj skenarëve të ndryshëm: lejon zgjatjen e distancës maksimale të lejuar për komunikimet kuantike, lejon zvogëlimin e performancave të kërkuara, duke i bërë kështu më të aksesueshme, dhe gjithashtu hap drejt përdorimit të protokolleve të reja për rrjetet kuantike – përfundon Sciarrino – duke hapur rrugën për hapat e mëtejshëm”.

Pronari i X, i afërt me Presidentin Trump, me të cilin marrëdhëniet janë ftohur, gati të lërë pozicionin e tij në qeverinë amerikane në maj.

Kthimi i Elon Musk te Tesla.

Miliarderi është dashur të përballet me rënien e fitimeve dhe popullaritetit. Ndikimi në shitjet e makinave elektrike të Tesla-s është i dukshëm në të ardhurat dhe fitimet e tremujorit të parë, shkruan e përditshmja italiane La Repubblica.

Kompania e makinave në pronësi të këshilltarit të Trump arriti shitje prej 19.33 miliardë dollarësh dhe një fitim neto prej 409 milionë dollarësh, më pak se parashikimet pesimiste të analistëve.

Kërkesa për makina elektrike, sipas kompanisë, mund të ndikohet veçanërisht nga një “ndryshim në ndjeshmërinë politike”. Dhe kjo është arsyeja pse Musk vendosi të tërhiqet.

Ai ka njoftuar gjatë një telefonate se “me siguri muajin tjetër, koha ime në DOGE (zyra për shkurtimin e shpenzimeve federale) do të ulet ndjeshëm”.

“Do të vazhdoj të punoj me ekipin e DOGE për pjesën e mbetur të mandatit të Presidentit Donald Trump për të siguruar që humbjet dhe mashtrimet të mos ndodhin më kurrë. Një ose dy ditë në javë. Për sa kohë që presidenti dëshiron”, ka shtuar ai.

Pavarësisht këtyre shifrave, marzhi i përgjithshëm bruto i Tesla-s në tremujorin e parë ishte më i mirë se sa pritej. Ai ishte 16.3%, ndërsa parashikimi ishte 15.82.

Megjithatë, kjo shifër është në rënie nga 17.4% një vit më parë. Dorëzimi ra me 13% në tremujorin e parë.

Ofertat e financimit dhe zbritjet në automjetet e inventarit kanë shtrydhur marzhet e fitimit në një kohë kur kompania po përpiqet të rrisë volumin e shitjeve. Por konsumatorët priren të preferojnë automjete hibride më pak të shtrenjta.

Në pritje të të dhënave, aksioni u rrit me më shumë se 4% në Wall Street, edhe pse Tesla ka rënë me 53% që nga dhjetori, muaji në të cilin arriti majat e saj të të gjitha kohërave, në vazhdën e fitores së Donald Trump në zgjedhjet presidenciale në SHBA, tek i cili Musk kishte kanalizuar më shumë se 250 milionë dollarë fonde të fushatës.

Që atëherë, rënia ka filluar: më 17 dhjetor, aksioni ishte në 479.86 dollarë, dje ishte hapur në Wall Street me 231.20 për aksion.

Sipas La Repubblica-s, pozicionet politike të krahut të djathtë të Musk kanë përfunduar duke shkaktuar kolapsin e shitjeve në shumë zona të tregut, nga Kalifornia në Gjermani.

Të dielën, analisti Dan Ives bëri thirrje që Musk të largohej nga roli i tij si kreu i DOGE, departamenti që ka iniciuar shkurtime dramatike në stafin federal dhe agjencitë qeveritare, duke shkaktuar protesta nga shumë amerikanë.

“Musk duhet të largohet nga qeveria”, ka shkruar Ives në X, “të tërhiqet nga DOGE dhe të kthehet në të qenit CEO me kohë të plotë të Tesla”.

Problemi i jopopullaritetit të miliarderit afrikano-jugor mbetet i vërtetuar edhe nga sondazhet e reja.

Sipas All-America Economic të CNBC, një në dy amerikanë ka një opinion negativ për Tesla-n.

Kompania do t’u mundësojë edhe organizatave “të besueshme” të verifikojnë përdoruesit.

Bluesky më në fund po pranon një sistem zyrtar verifikimi. Në një përditësim të fundit, kjo platformë deklaron se planifikon të miratojë shenjën blu të verifikimit për llogaritë “autentike dhe të spikatura”.

Përveç kësaj, disa organizata “të besueshme” do të lejohen të verifikojnë përdoruesit.

Ky vendim përbën një ndryshim të rëndësishëm për platformën që është ende në zhvillim, e cila më parë i rezistonte idesë së verifikimit të centralizuar.

Deri tani, Bluesky kishte përdorur një sistem verifikimi të bazuar në domene, por ky qasje shpesh ishte kritikuar si tepër e ndërlikuar dhe që nuk ofronte mbrojtje të mjaftueshme kundër imitimit.

Këto kritika janë shtuar me rritjen e popullaritetit të Blueskyt dhe afrimin e një numri gjithnjë e më të madh përdoruesish të njohur.

Bluesky thekson se njerëzit dhe organizatat ende inkurajohen të përdorin verifikimin përmes domaineve të personalizuara. Gjithashtu, në fazën fillestare, kompania njofton se nuk do të pranojë aplikime të drejtpërdrejta për verifikim.

YOUTUBE ka festuar më shumë se 20 miliardë ngarkime video që nga debutimi i klipit të parë në platformë dy dekada më parë. Platforma e shkëmbimit të videove në internet ka evoluar nga një kalim kohe në mbrëmje në një mënyrë jetese moderne dhe është gati të kapërcejë televizionin kabllor amerikan në shikueshmëri me pagesë.

Kolegët e PayPal Steve Chen, Chad Hurley dhe Jawed Karim konceptuan YouTube në 2005, thuhet se gjatë darkës. Domeni YouTube.com u lançua në ditën e Shën Valentinit po atë vit.

Videoja e parë nga kopshti zoologjik

Shtimi i videove u aktivizua më 23 prill, kur Karim postoi videon e parë, me titull Unë në kopshtin zoologjik. Një klip prej 19 sekondash që tregon Karimin përballë elefantëve në kopshtin zoologjik të San Diegos ka mbledhur 348 milionë shikime.

Gjatë 20 viteve të ardhshme, faqja u zgjerua në nivele të paimagjinueshme në vitin 2005. YouTube thotë se rreth 20 milionë video tani postohen në platformë çdo ditë. Platforma përmban një sërë përmbajtjesh, nga klipet e koncerteve dhe podkastet deri te reklamat politike, mësimet dhe shumë më tepër.

YouTube është bërë shërbimi më i madh i videove dixhitale në botë për sa i përket kohës që shikuesit shpenzojnë në platformë dhe të ardhurave nga reklamat, sipas analistit të eMarketer Ross Benes. Platforma arriti më shumë se 2.5 miliardë shikues në mbarë botën vitin e kaluar, si dhe 100 milionë abonentë në nivelet e saj muzikore dhe premium, sipas Statista, një mjet për ndjekjen e tregut.

Përdoruesit në mbarë botën shikojnë më shumë se një miliardë orë përmbajtje në YouTube në ditë vetëm në televizorë, njoftoi Google.

Analistët besojnë se blerja e YouTube nga Google në vitin 2006 për 1.65 miliardë dollarë ishte një moment kyç pasi kombinoi ekspertizën e Google në kërkim dhe reklamim me një platformë për ndarjen e videove me përdorues të pasionuar.

CEO i Nvidia, Jensen Huang u takua me kryeministrin Shigeru Ishiba të hënën për të nxitur për më shumë prodhim të energjisë elektrike për të përmbushur nevojat e inteligjencës artificiale.

Sipas mediave të huaja, përcjell Telegrafi, ata diskutuan se si Japonia është veçanërisht e pozicionuar mirë për të zhvilluar AI, duke pasur parasysh udhëheqjen e saj në robotikë dhe prodhim industrial, u tha Huang gazetarëve pas takimit.

Por ai gjithashtu theksoi se gjenerimi dhe krijimi i inteligjencës do të kërkojë energji.

“Vendi duhet të ndërtojë infrastrukturë të re”, citohet të ketë thënë Huang. “Energjia është thelbësore për të gjithë rritjen industriale”.

Siç theksojnë mediat, japonia e varfër me burime po mendon rreth furnizimit të qendrave të të dhënave me energji elektrike pas sfidave të rifillimit të reaktorëve bërthamorë që u mbyllën pas katastrofës në Fukushima, si dhe duke rritur importet e lëndëve djegëse fosile të shtrenjta.

Gjithashtu, thuhet më tej, Japonia do të konsideronte investimin në një projekt prej 44 miliardë dollarësh të gazit natyror të lëngshëm në Alaskë, si pjesë e një marrëveshjeje në negocimin e një marrëveshjeje tregtare me SHBA-në, ka thënë Ishiba.

Scan Intel” ka bërë një analizë për të parë sa paguan mesatarisht një shqiptar për këto shërbime, duke marrë parasysh vetëm tarifat fikse mujore.

Sot, telefonat janë bërë një pjesë shumë e rëndësishme e jetës së përditshme. Ne i përdorim për rrjetet sociale, për të kërkuar informacion, për argëtim, por mbi të gjitha për të komunikuar. Edhe pse funksionet janë shtuar, telefoni vazhdon të ketë qëllimin e tij kryesor: të na lidhë me njëri-tjetrin.

Komunikimi përmes telefonit nuk është më luks, por një nevojë e përditshme. Megjithatë, për të pasur këtë shërbim, qytetarët shqiptarë duhet të paguajnë çdo muaj tarifat që vendosin kompanitë celulare.

“Scan Intel” ka bërë një analizë për të parë sa paguan mesatarisht një shqiptar për këto shërbime, duke marrë parasysh vetëm tarifat fikse mujore.

Sipas të dhënave, një përdorues i One Albania paguan mesatarisht 1,480 lekë në muaj për paketat e telefonisë. Ndërsa një përdorues i Vodafone Albania paguan mesatarisht rreth 1,350 lekë në muaj.

Kur i llogarisim këto shifra për një vit, një përdorues i One Albania shpenzon rreth 17,760 lekë në vit, ndërsa një përdorues i Vodafone shpenzon rreth 16,200 lekë në vit.

Nëse krahasojmë këto shpenzime me pagën minimale mujore në Shqipëri, që është 40,000 lekë, kuptojmë se një qytetar me pagë minimale shpenzon pothuajse gjysmën e një rroge në vit vetëm për ofertat e telefonit, ose rreth 4.5% të të ardhurave vjetore.

Kjo tregon se, edhe pse telefoni është një nevojë bazë, kostoja e përdorimit të tij është ende e lartë për shumë qytetarë.

Ndërsa për personat me rrogë mesatare, oferta telefonike përbën rreth 25% të një page mujore, duke e bërë më të përballueshme si shërbim. /SCAN

Rrjete të gjëra kriminale kanë bërë miliarda me mashtrime përmes internetit në Azi dhe tani po i zgjerojnë operacionet e tyre në Evropë, Afrikë, Amerikën e Jugut e më tej. Prandaj OKB-ja kërkon bashkëpunim ndërkombëtar.

OKB-ja paralajmëron se rrjetet aziatike të krimit që kontrollojnë industrinë e mashtrimeve përmes internetit dhe nxjerrin fitime në miliarda dollarë, po i zgjerojnë operacionet e tyre në të gjithë botën. Në raportin e OKB-së thuhet se masat zyrtare që po marrin vendet e ndryshme nëAzinë Juglindore nuk po arrijnë t’i frenojë këto organizata kriminale.

Në raportin e OKB-së thuhet se bandat kineze dhe ajo nga Azia Juglindore i joshin viktimat duke premtuar investimeve, fitimeve me kriptomonedha, romanca dashurie dhe mashtrime të tjera.

Sipas Zyrës së Kombeve të Bashkuara për Drogën dhe Krimin (UNODC) mashtrimet kibernetike tani janë kthyer në një industri e sofistikuar mbarëbotërore. Bandat kanë konvikte të shumta në të cilat strehojnë dhjetëra-mijëra punëtorë, kryesisht të trafikuar, të cilët i detyrojnë të mashtrojnë njerëz të tjerë përmes internetit.

Për të luftuar grupet e krimit nevojitet bashkëpunim ndërkombëtar

“Ky lloj krimi po përhapet si kancer,” thotë Benedikt Hofmann, Përfaqësuesi Rajonal zyrës së UNODC-ut për Azinë Juglindore dhe Paqësorin. “Autoritetet i kundërvihen atij në një zonë, por rrënjët e tij nuk zhduken kurrë; ato thjesht migrojnë nga një vend tek tjetri.”

UNODC thotë se rrjetet kriminale po i zgjerojnë operacionet e tyre nga Azia në Amerikën e Jugut, në Afrikë, Lindjen e Mesme, në Evropë dhe madje edhe disa ishuj të Paqësorit.

Sipas raportit të UNODC  në vitin 2023, grupet kriminale kanë nxjerrë në vendet e Azisë Lindore dhe Juglindore përmes mashtrimeve kibernetike rreth 37 miliardë dollarë (32.5 miliardë euro), kurse në SHBA më shumë se 5.6 miliardë dollarë (4.9 miliardë euro).

UNODC i kërkoi bashkësisë ndërkombëtare të veprojë, duke thënë se tani gjendja ka arritur në një “pikë kritike kthese”. Sipas OKB-së mospërfshirja në aksionet e përbashkëta kundër këtyre bandave do të ketë “pasoja të paprecedenta për Azinë Juglindore të cilat mund të kenë ndikim global”. /DW