Category: BOTA

Ushtritë e Mbretërisë së Bashkuar dhe Norvegjisë kanë udhëhequr një operacion të gjerë në Atlantikun e Veriut për të penguar nëndetëset ruse të dyshuara për “aktivitet të dëmshëm”, ka bërë të ditur sekretari britanik i mbrojtjes, John Healey.

Sipas tij, një fregatë, aeroplanë dhe qindra pjesëtarë të personelit kanë monitoruar një nëndetëse sulmuese ruse dhe dy nëndetëse spiune pranë infrastrukturës nënujore në veri të Mbretërisë së Bashkuar.

Ai bëri të ditur se anijet ruse janë larguar pas përfundimit të operacionit, i cili ka zgjatur më shumë se një muaj.

Healey ka dërguar një mesazh të drejtpërdrejtë ndaj Rusisë, duke paralajmëruar për pasoja të rënda në rast të ndërhyrjeve në infrastrukturën kritike.

“Ne e shohim aktivitetin tuaj mbi kabllot dhe tubacionet tona dhe ju duhet ta dini se çdo përpjekje për t’i dëmtuar ato nuk do të tolerohet dhe do të ketë pasoja serioze”, tha ai.

Sipas tij, Vladimir Putin synon të shpërqendrojë vëmendjen nga zhvillimet në Lindjen e Mesme, por Rusia mbetet kërcënimi kryesor për Mbretërinë e Bashkuar dhe aleatët e saj.

“Nuk do t’i heqim sytë nga Putini”, shtoi ai.

Në fund të marsit, Mbretëria e Bashkuar deklaroi se ushtria e saj është e gatshme të sekuestronte anije të dyshuara si pjesë e “flotës në hije” ruse që transporton naftë, në shkelje të sanksioneve ndërkombëtare të vendosura pas agresionit të Rusisë në Ukrainë në vitin 2022.

Sipas raportimeve, Rusia ka ndërtuar një flotilje me cisterna të vjetra nafte me pronësi të paqartë për të anashkaluar sanksionet e vendosura nga Bashkimi Evropian, Shtetet e Bashkuara të Amerikës dhe grupi i vendeve G7.

enti serb, Aleksandër Vuçiq, ka pritur në një takim të dërguarin e posaçëm të Bashkimit Evropian për dialogun Kosovë-Serbi, Peter Sorensen.

Vuçiq ka thënë se dialogu mbetet si rruga e vetme e qëndrueshme për zgjidhjen e çështjeve të hapura.

“Kam përsëritur se angazhimi i fortë dhe i vazhdueshëm i BE-së është thelbësor për të parandaluar aktivitete të tilla dhe për të siguruar që asnjë veprim të mos ketë për qëllim pengimin e dialogut, por, përkundrazi, krijimin e kushteve për zhvillimin e tij të qetë dhe konstruktiv”, ka shkruar Vuçiq në rrjetet sociale.

Ndërkohë, muajin e kaluar, Sorensen ishte pritur nga kryeministri i Kosovës, Albin Kurti, në Prishtinë.

Pas atij takimi, Qeveria e Kosovës u ofroi disa lehtësira të përkohshme qytetarëve serbë në Ligjin për të Huajt.

Një ditë më herët, gjatë një vizite në Mitrovicë të Veriut, Kurti tha se institucionet e shtetit funksionojnë në shërbim të të gjithë qytetarëve pa dallim.

Donald Trump ka thënë se ushtria amerikane do të mbetet në Lindjen e Mesme dhe paralajmëroi se nëse nuk arrihet një marrëveshje me Iranin, “fillojnë të shtënat” më të mëdha dhe më të forta të papara ndonjëherë.

Në një postim në Truth Social, Trump tha se prania ushtarake amerikane ishte “e përshtatshme dhe e nevojshme për ndjekjen penale dhe shkatërrimin vdekjeprurës të një armiku tashmë të degraduar në mënyrë të konsiderueshme”.

Ai e përfundoi mesazhin duke pretenduar se ShBA-të po “ngarkohen” dhe “presin me padurim pushtimin” e tyre të ardhshëm.

Një nga kushtet e planit të publikuar prej 10 pikash të Iranit ishte largimi i forcave amerikane nga rajoni.

Shtëpia e Bardhë tha se plani “u hodh fjalë për fjalë në plehra nga Trump”, dhe ishte “në thelb jo serioz”.

Pasiguria në rritje mbi armëpushimin

Në 24 orët që kur Trump njoftoi se ShBA-të do të pezullonin sulmet ndaj Iranit, pasiguria është rritur nëse armëpushimi i përkohshëm do të vazhdojë.

Izraeli nisi një valë të madhe sulmesh në Liban dje, duke vrarë më shumë se 250 persona.

Si Izraeli ashtu edhe ShBA-ja këmbëngulin se Libani nuk është i përfshirë në marrëveshjen e armëpushimit, ndërsa Irani dhe Pakistani nuk janë dakord.

Në hakmarrje ndaj sulmeve izraelite, Hezbollahu – grupi i mbështetur nga Irani me seli në Liban, tha se kishte qëlluar me raketa në Izraelin verior, duke përmendur “shkelje të armëpushimit”, raporton Sky News.

Presidenti francez, Emmanuel Macron, ka njoftuar se rreth 15 vende po planifikojnë të lehtësojnë rifillimin e trafikut në Ngushticën e Hormuzit, përmes së cilës rrjedh zakonisht një e pesta e furnizimit botëror me naftë, pas njoftimit të armëpushimit midis Shteteve të Bashkuara dhe Iranit.

“Rreth 15 vende janë aktualisht të mobilizuara dhe po marrin pjesë në planifikim, nën udhëheqjen e Francës, për të mundësuar zbatimin e këtij misioni rreptësisht mbrojtës në koordinim me Iranin për të lehtësuar rifillimin e trafikut,” ka thënë Macron të mërkurën, duke folur në fillim të takimit të tij për mbrojtjen me këshilltarët dhe anëtarët e kabinetit të tij.

Macron ka shtuar se mirëpret armëpushimin mes Iranit dhe SHBA-së, por ka theksuar se situata në Liban mbetet kritike dhe ka bërë thirrje që ky vend të përfshihet në marrëveshje.

“Dëshira jonë në këtë kontekst është të sigurohemi që armëpushimi të përfshijë plotësisht Libanin,” ka deklaruar presidenti francez, duke kujtuar lidhjet e ngushta historike të Francës me ish-protektoratin libanez.

Një këshilltar i presidentit të Emiratet e Bashkuara Arabe thotë se vendi ka “fituar”, pas sulmeve të rregullta iraniane që nga fillimi i luftës.

“Ne triumfuam përmes një mbrojtjeje epike kombëtare që ruajti sovranitetin dhe dinjitetin, dhe mbrojti arritjet tona përballë agresionit tradhëtar,” tha Anwar Gargash.

“Sot, ne ecim përpara për të menaxhuar një peizazh rajonal kompleks me ndikim më të madh, njohuri më të thella dhe një kapacitet më të fortë për të ndikuar dhe formësuar të ardhmen.”, raporton BBC, transmeton Sinjali.

Ministria e mbrojtjes e vendit ka publikuar përditësime të rregullta mbi sulmet iraniane të kapura që nga fillimi i luftës. Një përditësim i publikuar të martën dha shifrat e mëposhtme: 2221 dronë, 26 raketa kruize dhe 520 raketa balistike.

Ministri i jashtëm i Omanit gjithashtu ka mirëpritur armëpushimin.

Ministria e tij e jashtme i ka dhënë meritat punës së Pakistanit – por theksoi rëndësinë e “intensifikimit të përpjekjeve” për të ecur drejt një armëpushimi të përhershëm.

Një rast i rëndë dhune në familje është ndëshkuar nga drejtësia në Selanik, ku një burrë është dënuar me 12 vjet burg, pasi kishte sulmuar fizikisht bashkëshorten e tij.

Ngjarja ndodhi në apartamentin ku çifti jetonte me tre fëmijët e tyre. Sipas dëshmisë së viktimës, konflikti nisi pasi ajo zgjoi pa dashje një nga fëmijët gjatë gjumit. Kjo mjaftoi që burri të reagonte dhunshëm, duke e shtyrë fort, çka bëri që ajo të përplasej në dollap, dhe më pas ta kapte nga qafa.

Gjatë procesit gjyqësor, i pandehuri mohoi se e kishte kapur për fyti, por pranoi se e kishte shtyrë dy herë, duke theksuar se herën e dytë e kishte bërë me forcë të madhe.

I pandehuri u shpall fajtor, ndërsa gjykata vendosi edhe kushte kufizuese ndaj tij, duke përfshirë ndalimin e afrimit të tij me viktimën, raporton Ora News

Një aksident i tmerrshëm ka ndodhur në Orlando të ShBA-së, ku një autobus i shkollës i mbushur me nxënës është përplasur me një tren.

Shkaktare e kësaj ngjarje dyshohet se është shoferja 67 vjeçare, Yvnone Hampton, e cila edhe është arrestuar.

Siç raportojnë mediat amerikane, në atë moment brenda autobusit ndodheshin 29 nxënës dhe dy të rritur, që fatmirësisht nuk pati pasoja në njerëz por shkaktoi panik të madhe në mesin e fëmijëve.

Në pamjet e publikuara, tregohen çastet dramatike brenda autobusit, ku nxënësit dëgjohen duke bërtitur nga frika, ndërsa pak sekonda para përplasjes shoferja dëgjohet duke thënë: “Nuk do të ndalem për asnjë tren”.

Sipas Drejtorit të Distriktit Shkollor të Qarkut Sumter, aksidenti mund të kishte përfunduar në tragjedi. “Dallimi ishte vetëm disa centimetra, mund të kishim folur për një katastrofë”, u shpreh ai.

Pas incidentit, Hampton u pushua menjëherë nga puna dhe u akuzua për 29 raste neglizhence ndaj fëmijëve, si dhe për shkelje të rregullave të sigurisë në kalimet hekurudhore.

Një nga nxënëset që ndodhej në autobus deklaroi për mediat lokale se përjetoi momente tmerri. “Isha e frikësuar, sepse e vetmja gjë që shihja ishte treni që po përplasej me autobusin”, tha ajo.

Kur kanë kaluar disa orë nga marrëveshja SHBA-Iran për një armëpushim dyjavor, kanë filluar lëvizjet e transportit detar nëpër Ngushticën e Hormuzit.

Por, të dhënat kanë treaguar numër të vogël të lëvizjeve në këto orët e para.

Ministri i Jashtëm i Iranit, Abbas Araghchi, ka thënë në një deklaratë se Teherani do të pushojë kundërsulmet dhe do të sigurojë kalim të sigurt përmes rrugës ujore në Ngushticën e Hormuzit, nëse ndalojnë sulmet kundër tij.

Të mërkurën në mëngjes, ministri i Jashtëm i Iranit ka thënë se “kalimi i sigurt nëpër Ngushticën e Hormuzit do të jetë i mundur nëpërmjet koordinimit me forcat e armatosura të Iranit”.

Kurse, Këshilli Suprem i Sigurisë Kombëtare i Iranit e ka përshkruar marrëveshjen si një fitore ndaj SHBA-së, duke pretenduar se Trumpi kishte pranuar kushtet e Iranit për t’u dhënë fund armiqësive.

Ndërkaq, Trumpi i ka thënë agjencisë franceze të lajmeve AFP se ishte një “fitore totale dhe e plotë”.

“Armëpushimi është një hap i parë i domosdoshëm, por nuk do të thotë që transporti tregtar normalizohet menjëherë në korsitë ndërkombëtare të trafikut në Ngushticë”, ka thënë Charlie Brown, këshilltar i lartë për ndjekjen e flotave të errëta në United Against Iran dhe ish-oficer i Marinës së SHBA-së, raporton CNN.

Detaje tronditëse kanë dalë në dritë për vrasjen brutale të Zoja Oroshit në Austri, nga ish-bashkëshorti i saj, 47 vjeçar nga Kosova.

Sipas oe24.at, 39-vjeçarja u gjet e vdekur në kopshtin e saj rreth orës 18:30 pasditen e së dielës në Austrinë e Poshtme me plagë nga thika, arma e zjarrit dhe një kaçavidë. Sipas gjetjeve fillestare, arma përgjegjëse për plagët

47-vjeçari u identifikua dhe u arrestua shpejt. Ai u dërgua në burgun e Wiener Neustadt. I dyshuari është marrë tashmë në pyetje nga policia. Fillimisht, ai e mohoi krimin. Por më vonë po atë ditë, ai më në fund e ka pranuar. Kështu ka konfirmuar për Klankosova.tv, edhe Prokuroria e Vjenës.

“E urrej”, thuhet se ka deklaruar 47-vjeçari gjatë marrjes në pyetje. Sipas zyrës së prokurorit publik, është paraqitur tashmë një kërkesë për paraburgim. Çifti thuhet se ka katër fëmijë së bashku.

Ish-çifti thuhet se kishte pasur debate të vazhdueshme. Nëna e katër fëmijëve, me origjinë nga Kosova, raportohet se jetonte veçmas nga burri i saj, prandaj sipas mediave austriake, vrasësi dyshohet se nuk mundi ta përballonte këtë.

Se si vdiq Zoja Oroshi, nëse u godit me thikë apo u qëllua me armë, është ende nën hetim. Është urdhëruar autopsi dhe i dyshuari gjithashtu do të ekzaminohet.

Për këtë rast të rënë, Prokuroria e Vjenës për Klankosova.tv konfirmoi se i dyshuari 47-vjeçar është po ashtu nga Kosova, dhe se ndonëse motivi nuk dihet ende, dyshohet se ndodhi për shkak të konflikteve familjare.

Ka ndërruar jetë ish-ministri Federal në disa mandate në Gjermani, dr. Christian Schwarz-Schilling. Ambasadori Zemaj ka ndarë pak nga përshtypja e mirë e ish-ministrit gjerman për Kosovën.