Fondi i Kursimeve Pensionale të Kosovës (Trusti) bën të ditur se ka përditësuar të dhënat e marra nga bankat komerciale.
Sipas Trustit, të gjithë ata që kanë vështirësi gjatë aplikimit ta njoftojnë institucionin.
“Sapo përfunduam përditësimin e të dhënave me informacione që i kemi marrë nga bankat dhe ju lutemi të provoni aplikimin. Nëse keni përsëri vështirësi në aplikim, ju lutemi na njoftoni që të hulumtojmë problemet dhe gjejmë zgjidhjet”, thuhet në njoftimin e Trustit.
Teksa Kosova po përballet me gjendje të rëndë ekonomike të krijuar nga pandemia COVID-19, disa zyrtarë kanë vendosur të rehatojnë vetën. Më 3 dhjetor 2020, në mbledhjen e Bordit të Përkohshëm të Drejtorëve të Postës së Kosovës është vendosur të rritet paga për 30% për zyrtarët të saj të lartë. Si duket zyrtarët e lartë nuk e kanë hallin e punëtorëve të tyre që nuk kanë marrë ende pagat e muajit të kaluar e kjo për shkak të gjendjes aspak të mirë financiare të kësaj ndërmarrjeje.
Ndonëse Bordi i kaluar i Postës për shkak të gjendjes së keqe financiare i kishte zbritur pagën zyrtarëve të lartë të kësaj ndërmarrje publike, lajmi.net merr vesh se bordi i ri ka marr vendim t’i rehatojë zyrtarët e lartë paga të majme. Se nga kush ka ardh ky propozim nuk thuhet në dokument.
Në dokumentin e siguruar nga lajmi.net Kryeshefit të Postës (19 nëntor), Xhevdet Smakiqi, do të marr pagë hiç më pak se 2 mijë e 500 euro. Paga enorme kanë edhe zyrtarë të tjerë: Zëvendës i Kryeshefit Ekzekutiv, 2100 euro, zyrtar kryesor i Financave dhe Thesarit 2100 euro, këshilltar i Përgjithshëm/Sekretar i Korporatës 2100 euro, zyrtar i Auditimit të Brendshëm 2100 euro.
Smakiqi ka vendosur të mos jetë i kujdesshëm sikurse ish-U.D. i Kryeshefit Ekzekutiv, Salih Morina, i cili kishte vendosur për uljen e pagave 30 % për zyrtarët e lartë të kësaj ndërmarrje publike, për shkak të gjendjes së rëndë financiare të saj.
Vendimi i rritjes së pagave të zyrtarëve të lartë të Postës thotë:
Bordi i Përkohshëm i Drejtorëve të NPQ-së Posta e Kosovës SH.A., në përputhje me Ligjin mbi NP Nr.03/L-087 dhe ndryshimeve dhe plotësimit të Ligjit mbi NP Nr.04/L-111, në takimin e rregullt nr.17, i mbajtur më datë 03/12/2020, merr këtë vendim:
Miratohet, kthimi i përkohshëm i koeficientit të mëparshëm për grada 17 dhe 16, me koeficent/Paga bruto, sipas tabelës më poshtë.
Kryeshefit Ekzekutiv, 2500 euro
Zëvendës i Kryeshefit Ekzekutiv, 2100 euro
Zyrtar kryesor i Financave dhe Thesarit 2100 euro
Këshilltar i Përgjithshëm/Sekretar i Korporatës 2100 euro
Zyrtar i Auditimit të Brendshëm 2100 euro
Vendimi hyn në fuqi më datë: 03/12/2020
Si arsyetim, Bordi i Përkohshëm i Drejtorëve të Postës së Kosovës thotë se ka qenë diferenca e pagave mes gradës 17 dhe 16 me gradat 15 e më poshtë e duke mos përmendur askund nëse ka probleme financiare apo janë rregulluar ato.
“Deri të miratimi i këtij vendimi për kthimin e përkohshëm të koeficientit të mëparshëm për gradat 17 dhe 16, ka ardhur si rezultat i diferencës së pagesës disbalansuese në mes të gradave të mëposhtme, përkatësisht në mes të gradës 17 dhe 16 me grada 15 e më poshtë. Ky vendim është i përkohshëm, përkatësisht deri sa të bëhet rikustruktimi i përgjithshëm i koeficienteve pagave për të gjithë punëtorët e Postës së Kosovës Sh.A”, thuhet në vendimin e nënshkruar nga kryesues i Bordit të Përkohshëm Leonard Shabanaj .
Kujtojmë, se në Mbledhjen e Bordit të Përkohshëm të Drejtorëve të Postës së Kosovës, e mbajtur më 26 maj 2020, me propozimin e U.D. Kryeshefit Ekzekutiv, Salih Morina, ishte vendosur për uljen e pagave 30 % për zyrtarët e lartë të kësaj ndërmarrje publike, për shkak të gjendjes së rëndë financiare të saj.“Vullnetarisht ishte deklaruar U.D. Kryeshefi Ekzekutiv, Salih Morina për zbritjen e pagës së tij, nga paga që kishte: 2,500 euro, tani me zbritje do ta ketë 1,750 euro”, njoftoi Posta e Kosovës.
Po ashtu për 3 pozitat e zyrtarëve të lartë: Sekretari i Postës, Zyrtari Kryesor Financiar dhe Thesarit, si dhe Zyrtari i Auditimit të Brendshëm, u vendos që pagat nga 2,100 euro, tani me zbritje t’i marrin 1,450 euro.
Lajmi.net ka dërguar pyetje në aderesë të Qeverisë nëse është në dijeni lidhur me rastin, mirëpo deri në momentin e publikimit të këtij artikulli nuk ka marr përgjigje. /F.Toplana/Lajmi.net/
Agjencia e Statistikave të Kosovës (ASK) ka publikuar Indeksin e Kostos së Ndërtimit (IKN) për tremujorin e tretë të vitit 2020.
Indeksi i tërësishëm i Kostos së Ndërtimit shënoi rritje për 0.5% në këtë tremujor, krahasuar me tre mujorin e dytë të 2020. Rritje më të madhe kishte: energjia 2.6%, transporti 2.5%, materialet 0.7%, kurse makineritë e tjera 0.3%.
Rritja e çmimeve u neutralizua, kryesisht me uljen e çmimeve te pagat (-0.8%) dhe kostot e tjera (-0.7%) .
Ndërkaq, krahasuar tre mujorin e tretë me të njëjtën periudhë të vitit 2019, Indeksi i Kostos së Ndërtimit pësoi rënie për (-0.4%). Rënia e indeksit kryesisht u vërejt te kategorit: pagat (-3.8%); energjia (-0.5%); dhe kostot e tjera (-0.3%).
Ndërsa, ngritje pati te: makineritë (1.5%), transporti (0.9%), dhe materialet (0.2%).
Edhe nëse 444 kontribues të regjistruar në Fondin e Kursimeve Pensionale (FKPK) tërheqin 10% të mjeteve të kursyera në këtë fond, nuk e kalojnë shumën e pagës mujore të drejtorit të FKPK-së, Adrian Zalli.
Teksa 166 mijë kontribues në Trustin Pensional mund të marrin nga vetëm 9 euro përmes ndryshimit të Ligjit për FKPK-në, drejtori i këtij fondi përfiton pagë mujore prej mbi 4 mijë eurove në muaj.
Sipas të dhënave zyrtare, saktësisht 166 mijë e 900 kontribues në Foondin Pensional të Kosovës kanë 0 deri në 250 euro të kursyera në fond. Mesatarisht, ata mund të tërheqin rreth 9 euro nga Trusti.
Kësisoj, shuma që 444 kosovarë mund të përfitojnë nga tërheqja e 10 për qind të mjeteve të kursyera të tyre në Fondin Pensional, është e barasvlefshme me pagën mujore të drejtorit të FKPK-së.
Sipas deklarimit të pasurisë pranë Agjencisë Kundër-Korrupsion, Adrian Zalli përfiton pagë vjetore prej 49,708.00 euro nga puna si drejtor në Fondin Pensional. Merr rreth 4 mijë euro në muaj.
Ndryshimi i Ligjit për FKPK-në, i cila është paraparë me Ligjin për Rimekëmbje Ekonomike të cilin e miratoi Kuvendi i Kosovës me preteksin për ofrimin e ndihmës ndaj ekonomisë së vendit të goditur nga pandemia, pritet të ofrojë ndihmesë të zbehtë financiare për shumicën e qytetarëve.
Siç ka raportuar të hënën Gazeta Infokusi, më shumë se gjysma e qytetarëve të regjistruar në Fondin Pensional, do të mund të përfitojnë nga vetëm 31 euro nga tërheqja e mjeteve në Trust.
Ndërkaq, i cili është zyrtari më i paguar publik në Kosovë, tash e 14 vjet merr pagë të lartë nga puna si shef i Fondit Pensional. Në vitin 2018, sipas deklarimit të pasurisë, ai përfitonte mbi 5 mijë euro nga paga mujore. Dy vitet e fundit, ia ka zbritur pagën vetes. Përfiton më pak se pesë mijë euro, por më shumë se katër mijë sosh.
Pas shumë përpjekjesh, Ligji për Rimekëmbjen u miratua të premten me votat e deputetëve të partive të mazhorancës dhe ato të ligjvënësve të Partisë Demokratike të Kosovës.
Deputetët nga PDK votuan pro kësaj pakoje pasi qeveria pranoi disa nga amandamentet që u propozuan prej këtij subjekti politik. Njëra nga amandamentet parasheh rimbursimin e mjeteve të tërhequra nga Trusti për kontribuesit që kanë më pak se 10,000.00 euro të kursyera.
Me gjithsej 72 vota, u kalua edhe amandamenti i kësaj pakoje i cili parasheh tërheqjen 10% mjeteve të Trustit nga rreth 629 mijë e 96 kontribuuesve që i ka Fondi i Kursimeve Pensionale i Kosovës.
U.D e Presidentit dekretoi Ligjin në ditën e miratimit të tij në Kuvendin e Kosovës, derisa i njëjti hyri në fuqi të hënën.
Kryeministri i Kosovës, Avdullah Hoti, njoftoi sot në një konferencë shtypi se aplikimi për tërheqjen e 10 për qind të mjeteve të Fondit Pensional do të vihet në dispozicion të qytetarëve nga e premtja e 11 dhjetorit. /Insajderi.org
Edhe nëse 444 kontribues të regjistruar në Fondin e Kursimeve Pensionale (FKPK) tërheqin 10% të mjeteve të kursyera në këtë fond, nuk e kalojnë shumën e pagës mujore të drejtorit të FKPK-së, Adrian Zalli.
Teksa 166 mijë kontribues në Trustin Pensional mund të marrin nga vetëm 9 euro përmes ndryshimit të Ligjit për FKPK-në, drejtori i këtij fondi përfiton pagë mujore prej mbi 4 mijë eurove në muaj.
Sipas të dhënave zyrtare, saktësisht 166 mijë e 900 kontribues në Foondin Pensional të Kosovës kanë 0 deri në 250 euro të kursyera në fond. Mesatarisht, ata mund të tërheqin rreth 9 euro nga Trusti.
Kësisoj, shuma që 444 kosovarë mund të përfitojnë nga tërheqja e 10 për qind të mjeteve të kursyera të tyre në Fondin Pensional, është e barasvlefshme me pagën mujore të drejtorit të FKPK-së.
Sipas deklarimit të pasurisë pranë Agjencisë Kundër-Korrupsion, Adrian Zalli përfiton pagë vjetore prej 49,708.00 euro nga puna si drejtor në Fondin Pensional. Merr rreth 4 mijë euro në muaj.
Ndryshimi i Ligjit për FKPK-në, i cila është paraparë me Ligjin për Rimekëmbje Ekonomike të cilin e miratoi Kuvendi i Kosovës me preteksin për ofrimin e ndihmës ndaj ekonomisë së vendit të goditur nga pandemia, pritet të ofrojë ndihmesë të zbehtë financiare për shumicën e qytetarëve.
Siç ka raportuar të hënën Gazeta Infokusi, më shumë se gjysma e qytetarëve të regjistruar në Fondin Pensional, do të mund të përfitojnë nga vetëm 31 euro nga tërheqja e mjeteve në Trust.
Ndërkaq, i cili është zyrtari më i paguar publik në Kosovë, tash e 14 vjet merr pagë të lartë nga puna si shef i Fondit Pensional. Në vitin 2018, sipas deklarimit të pasurisë, ai përfitonte mbi 5 mijë euro nga paga mujore. Dy vitet e fundit, ia ka zbritur pagën vetes. Përfiton më pak se pesë mijë euro, por më shumë se katër mijë sosh.
Pas shumë përpjekjesh, Ligji për Rimekëmbjen u miratua të premten me votat e deputetëve të partive të mazhorancës dhe ato të ligjvënësve të Partisë Demokratike të Kosovës.
Deputetët nga PDK votuan pro kësaj pakoje pasi qeveria pranoi disa nga amandamentet që u propozuan prej këtij subjekti politik. Njëra nga amandamentet parasheh rimbursimin e mjeteve të tërhequra nga Trusti për kontribuesit që kanë më pak se 10,000.00 euro të kursyera.
Me gjithsej 72 vota, u kalua edhe amandamenti i kësaj pakoje i cili parasheh tërheqjen 10% mjeteve të Trustit nga rreth 629 mijë e 96 kontribuuesve që i ka Fondi i Kursimeve Pensionale i Kosovës.
U.D e Presidentit dekretoi Ligjin në ditën e miratimit të tij në Kuvendin e Kosovës, derisa i njëjti hyri në fuqi të hënën.
Kryeministri i Kosovës, Avdullah Hoti, njoftoi sot në një konferencë shtypi se aplikimi për tërheqjen e 10 për qind të mjeteve të Fondit Pensional do të vihet në dispozicion të qytetarëve nga e premtja e 11 dhjetorit. /Insajderi.org
Vetëm 10 euro nga Trusti do të mund t’i tërheqin 104 mijë qytetarë. Këtë e ka bërë të ditur, zëdhënësi i këtij institucioni, Jeton Demi.
“Për shkak të historikut që ende është i shkurtër prej që është themeluar në vitin 2001, kemi ende një bilanc mesatar të llogarive që është i ulët, e që është pesë mijë euro bilanci mesatar në institucion. I kemi nxjerrë disa llogari duke filluar nga 100 euro, ku bëjnë pjesë rreth 104 mijë kontribuues ose 13 për qind e totalit”.
“Nga 100 deri në 1 000 euro me bilanc janë rreth 213 mijë kontribuues ose 33 për qind e gjithë kontribuuesve. 49 për qind i krejt kontribuuesve që kanë më pak se 1 000 euro, që i bie se do të marrin 100 euro nga kjo tërheqje”, tha Demi për EO.
“Për shkak të pandemisë por edhe fluksit të madh që pritet të ketë për të aplikuar sipas rasteve që i kemi pasur më herët kur ka pasur deklarime që procesi do të jetë i shpejtë kemi pasur fluks të madh të kontribuuesve që na kanë vizituar, por duke pasur parasysh situatën që e kemi, mundësia pritet që tu jepet kontribuuesve që tu jepet që të aplikojnë përmes internetit. Nuk do të kenë nevojë që fizikisht të vijnë për të aplikuar në zyrat e Trustit”, tha Demi.
Agjencia e Statistikave të Kosovës (ASK), publikon llogaritë qeveritare të Kosovës në bazë tremujore.
Sipas ASK-së në tremujorin e tretë të këtij viti shuma e të hyrave të Qeverisë ishte 512.6 milionë euro.
ASK nëpërmjet një komunikate thekson se pjesën më të madhe të të hyrave e përbëjnë tatimet në produkte, të cilat paraqesin 65.8% të totalit të të hyrave, ndërsa pjesa e mbetur është shpërndarë në kategori të tjera të të hyrave.
“Shuma e shpenzimeve të Qeverisë së Përgjithshme në TM3 2020 ishte 579.8 milionë euro. Pjesën më të madhe të shpenzimeve e përbëjnë kontributet sociale dhe përfitimet (30.9%), kompensimi i punëtorëve (28.3%), formimi i kapitalit bruto (16.3%) dhe konsumi i ndërmjetëm (9%). Ndërsa, pjesa e mbetur e shpenzimeve është shpërndarë në kategori të tjera të shpenzimeve”, thuhet në njoftim.
Ligji për Rimëkëmbje Ekonomike, përveç disa ndihmesave që parasheh për bizneset, përfshinë edhe mundësinë për tërheqje të 10 për qind të trustit pensional.
Ky ligj është miratuar më në fund nga Kuvendi i Kosovës, gjatë seancës së djeshme, ku mori përkrahjen e 72 deputetëve. Jo të gjithë qytetarët po i gëzohen kësaj, meqë sipas tyre është e vonuar, dhe nuk do t’u ndihmojë sa duhet atyre.
Xhavit Mustafa, i cili është pensionist thotë për KosovaPress se kjo pako nuk do të ndihmojë aspak qytetarët, meqë dyshon se do të keqpërdoren këto mjete.
“Pako e rimëkëmbjes ekonomike nuk i ndihmon aspak qytetarët, e kanë menduar për disa biznese por bizneset në të shumtën e rasteve e keqpërdorin atë ndihmë. Dhe nuk do të shkojë për aty ku është dedikuar. Punëtori nuk do të ketë kurrfarë përfitimi nga ky rast. Shumë shtresa sociale fare nuk janë të ndihmuara në këtë periudhë”, thotë ai.
Ai thotë se dy qeveritë që kanë udhëhequr gjatë kohës së pandemisë, nuk kanë bërë sa duhet për pensionistët. Këta të fundit i ka ftuar që të bojkotojnë zgjedhjet e ardhshme.
“Për pensionistët as qeveria e kaluar, as kjo qeveri nuk e ka folur asnjë fjalë, por faji është te pensionistët të cilët dalin dhe i votojnë në zgjedhje. Kisha sugjeruar që gjithë pensionistët në zgjedhjet e ardhshme që do të jenë sigurisht në pranverë, t’i bojkotojnë zgjedhjet plotësisht”, shton Mustafa. E për Mehdi Shalën kjo pako është e vonuar, meqë pasojat e pandemisë janë të mëdha.
“Është e mirë, por është e vonuar, por pasoja ka, tash vonë kurrë nuk është. Por, shoqëria është ashtu që nuk e kupton, derisa u vetëdijesuan. Një herë për një herë nuk i kemi punët mirë. Këto mjete janë të dedikuara, por tash ndihmon, nuk mundet me dhënë konkludime që nuk është e qëlluara. Kur nuk ki hapësirë, manovrime të tjetra, duhet edhe këtë”, shprehet ai.
Dukagjin Nimani, i cili ka ardhur për pushime nga Amerika, shprehet se kjo ndihmë nga Kosova nuk krahasohet me shtetet tjera, meqë të njëjtat kanë buxhet.
“Çdo pako ekonomike është e mirë, mendoj që në njëfarë mënyre do të ndihmojë. Mendoj që Kosova nuk ka mjaft mjete të financojë gjithë personat që kanë nevojë për ndihmë. Aty besoj që është esenca. Shtetet e zhvilluara kanë mjete, munden me i nda, Kosova pak më rëndë i ka”, tha Nimani.
Ky ligj, kishte gjithsej 18 amendamente, katër nga Partia Demokratike e Kosovës. Këto të fundit, parashikojnë që personave që tërheqin 10% nga Trusti Pensional, e të cilët kanë më pak se 10 mijë euro në këtë fond, shteti do t’ua rimbursojë shumën e tërhequr.
Serbia ka përpiluar së fundmi një raport mbi të dhënat e tregut të punës për t’i koordinuar ato me sistemin evropian.
Mirëpo në raport vërehet se Serbia e konsideron Kosovën ende si pjesë të saj duke i përfshirë të dhënat dhe kodet e komunave e fshatrave të Kosovës si pjesë e Serbisë.
Mirëpo në raport vërehet se Serbia e konsideron Kosovën ende si pjesë të saj duke i përfshirë të dhënat dhe kodet e komunave e fshatrave të Kosovës si pjesë e Serbisë.
Televizioni Klan Kosova ka pritur më shumë se tetë ditë një përgjigje nga Ministria e Punës dhe Mirëqenies Sociale në Kosovë për të mësuar nëse ky institucion është në dijeni se ekziston ky raport dhe pse nuk kanë reaguar deri tani ndaj konsiderimit të Kosovës si pjesë e Serbisë, por MPMS nuk është përgjigjur.
Projekti i iniciuar nga Ministria e Punës, Punësimit, Veteranëve dhe Çështjeve Sociale e Serbisë është financuar nga organizata gjermane GIZ.
Përfaqësuesit e GIZ-it gjerman në Beograd nuk kanë dhënë detaje se prej nga i morrën të dhënat për Kosovën por në përgjigjen e tyre thonë se nuk kanë pasur për qëllim të krijojnë implikime politike.
