Category: KURIOZITETE

Dashi

Ky është një moment shumë i favorshëm për dashurinë. Do të përballeni me momente nervozizmi dhe tensioni, por do të jeni të vendosur për të arritur objektivin tuaj. Në punë, do të ketë zhvillime të rëndësishme.

Demi

Duhet ta jetoni dashurinë qetësisht, pa krijuar probleme. Shumë shpejt do të vijnë të reja pozitive. Keni fituar vendosmërinë dhe dëshirën për të vepruar.

Binjakët

Nëse jeni të përfshirë në dy histori paralelisht, duhet të tregoheni të kujdesshëm. Mërzia që ju ka pushtuar do ju hapë probleme. Keni nevojë për stimuj të vazhdueshëm. Këshillohet që të mos lodheni shumë.

Gaforrja

Situata paraqitet mjaft e favorshme për dashurinë, sidomos për çiftet e reja. Mund të vendosni kufij ndaj dikujt. E shtuna do të sjellë rikuperim në çdo drejtim.

Luani

Hëna do të ketë ndikim të favorshëm gjatë kësaj dite. Mund t’iu duhet që të bëni një ndryshim të papritur. Bëni kujdes me financat dhe pagesat.

Virgjëresha

Ju pret një ditë e komplikuar në dashuri, pasi do të ndjeni se nuk ju kuptojnë. Në punë mund të përballeni me situata të reja, ku zgjedhjet që do të bëni mund të sjellin probleme.

Peshorja

Hëna, Dielli, Venusi dhe Saturni janë në anën tuaj, duke favorizuar dashurinë. Në punë, mund të ketë zhvillime të reja dhe ndryshime interesante, mbi të cilat duhet të mendoni.

Akrepi

Gjatë kësaj dite dashuria duhet trajtuar me kujdes. Do të nisë për ju një fazë e rëndësishme rikuperimi. Kjo është një periudhë e mbushur me risi, ndaj mos u bllokoni nga frika se mos gaboni.

Shigjetari

Asgjë nuk do të jetë e lehtë, ndaj bëni kujdes në raport me të tjerët, sidomos me familjen dhe njeriun e zemrës. Në punë, mund të humbni durimin. Ka diçka që nuk shkon dhe njerëzit që ju rrethojnë, nuk do ju ndihmojnë aspak.

Bricjapi

Jeni shumë emocional, ndaj mundohuni që të vetëkontrolloheni në këtë drejtim. Mund të ndiheni të bllokuar për shkak të një pavendosmërie, shkruan noa.al. Në punë, më në fund situata do të përmirësohet, duke pasur më shumë siguri.

Ujori

Dielli dhe Hëna do e bëjnë ditën e shtunë tejet pozitive për dashurinë. Në këtë moment, do të keni mundësi që të bëni projekte me njeriun e zemrës. Në punë, do të keni shumë dëshirë për të vepruar.

Peshqit

Gjatë kësaj periudhe duhet kujdes në dashuri, për shkak se mund të ketë dyshime dhe debate. Reflektoni mirë, para se të merrni një vendim. Çështjet që kanë të bëjnë me punën, bëni mirë që ti shtyni për një moment më të mirë.

Dhoma e gjumit duhet të jetë një vend pushimi dhe relaksi, një strehë pas një dite të ngarkuar. Edhe pse i kushtojmë vëmendje të veçantë dekorimit të brendshëm dhe çdo cepi, ka gjëra dhe objekte që nuk duhen mbajtur në dhomën ku flemë.

Zakonet e vogla dhe ruajtja e pakujdesshme e sendeve mund ta kthejnë hapësirën tuaj të pushimeve në një burim stresi.

Ja gjërat që nuk duhet t’i mbani në dhomën tuaj të gjumit.

Tavolinë

Puna nga shtëpia mund të jetë bërë një rutinë e përditshme, por dhoma juaj e gjumit nuk duhet të jetë kurrë zyra juaj. Laptopë, letra, ditarë, fatura – të gjitha këto mbartin energjinë e stresit dhe detyrimeve. Truri fillon ta shoqërojë hapësirën e gjumit me punën, gjë që e bën të vështirë relaksimin dhe rënien në gjumë. Idealisht, puna duhet të mbahet jashtë dhomës së gjumit.

Pajisje elektronike

TV, celular, tablet – megjithëse mund të jetë joshëse të biesh në gjumë me një serial ose të kontrollosh rrjetet sociale para gjumit, pajisjet elektronike nuk kanë vend në dhomën e gjumit. Drita blu e ekranit ndërhyn në prodhimin e hormoneve të gjumit, dhe njoftimet e vazhdueshme dhe rrezatimi mund të ndikojnë në cilësinë e gjumit.

Pajisje ushtrimesh

Dysheme joge, pesha, biçikletë ushtrimesh… Dhoma e gjumit nuk është palestër. Pajisjet e ushtrimeve sjellin energji aktive që nuk është e përshtatshme për një hapësirë të destinuar për relaksim. Gjeni një vend për to në një pjesë tjetër të apartamentit.

Moti po përmirësohet dhe po afrohet koha ideale që kopshtarët të fillojnë të ruajnë lëvozhgat e vezëve.

Shumë njerëz nuk e dinë se mbetjet e kuzhinës janë të pasura me lëndë ushqyese dhe se pas dimrit toka shpesh ka nevojë për plehërim që bimët të rriten mirë.

Lëvozhgat e vezëve përmbajnë shumë kalcium, i cili forcon rrënjët dhe kërcellin e bimëve. Kur toka nuk ka mjaftueshëm kalcium, frutat mund të dëmtohen dhe bimët të dobësohen.

Një kopshtare me përvojë tregon se ajo i ruan lëvozhgat gjatë dimrit për t’i përdorur në pranverë, sidomos për domate dhe speca.

Pse janë të dobishme?

Lëvozhgat ndihmojnë në parandalimin e kalbëzimit të frutave, një problem që shfaqet kur toka është e ftohtë dhe e lagësht dhe ka mungesë kalciumi. Ky problem prek shpesh domatet, por edhe specat, lakrën, kungujt dhe kastravecat.

Ato gjithashtu përmirësojnë tokën, ndihmojnë zhvillimin e rrënjëve dhe largojnë kërmijtë, pasi këta shmangin sipërfaqet e mprehta.

Si t’i përdorni lëvozhgat për të plehëruar kopshtin?

Nuk mjafton t’i hidhni lëvozhgat të papërpunuara në tokë, sepse copat e mëdha nuk shpërbëhen si duhet dhe mbeten pa efekt.

Lëvozhgat duhet të grimcohen për të qenë efektive dhe është shumë e lehtë t’i ktheni në pleh shtëpie.

Vendosini lëvozhgat në një tepsi dhe futini në furrë për rreth 20 minuta. Kjo i than dhe i bën më të lehta për t’u thërrmuar.

Lërini të ftohen, pastaj shtypini me një lugë druri ose me okllai dhe ruajini në një kavanoz qelqi derisa të jeni gati për t’i përdorur.

Një gjë që shpesh neglizhohet gjatë pastrimit të shtëpisë është diçka që edhe pastruesit më të kujdesshëm mund ta harrojnë: telefoni i juaj.

Telefoni juaj i ndotur — apo edhe një telefon fiks i përbashkët ose telefoni në zyrë — mund të jetë një mjedis ideal për bakteret. Me deri në 25,127 baktere për inç katror, telefoni mund të ketë më shumë baktere se një ulëse mesatare tualeti.

Edhe pse është e lehtë ta harrojmë pastrimin e telefonit, ekzistojnë metoda të thjeshta për të zvogëluar ekspozimin ndaj baktereve që hasim çdo ditë, qoftë në shtëpi apo në lëvizje.

Një regjistrim i reagimit dramatik të tre qenve “golden retriever” ndaj tingullit të trombonit ka bërë që përdoruesit e TikTok të qeshin deri në lot.

Në videon e publikuar nga përdoruesja @5_shadesofgolden, një vajzë përgatitet të luajë në trombon ndërsa qentë e saj rrinë pranë, por qetësia shpejt ndryshon kur nis zëri i instrumentit.

Qentë, fillimisht kureshtar, menjëherë pas tingullit të parë ngrihen nga vendi, fillojnë të lehin dhe largohen plot frikë. Njëri zhduket jashtë kornizës, ndërsa tjetri qëndron në distancë, dukshëm i hutuar nga tingulli i panjohur.

Përdoruesit e TikTok-ut kanë mbushur komentet me komente qesharake, duke e quajtur videon si “sjellja më tipike e golden retriever-ëve”. Në vetëm gjashtë ditë videoja ka arritur mbi gjashtë milionë shikime.

Golden retriever njihen për natyrën e tyre të dashur dhe shoqërore – karakteristika që i bën zakonisht të duket sikur janë të interesuar – por edhe qentë më të qetë mund të jenë të ndjeshëm ndaj zhurmave të papritura dhe të forta, të tilla si tingulli i trombonit.

Mos e humbni kohën duke jetuar me ëndrra, por bëjini ato realitet. Ja disa gjëra që duhet të bëni kur jeni i ri.

Gjatë muajit të Ramazanit, shumë besimtarë përballen me dilemën e zakonshme a është i vlefshëm agjërimi nëse nuk zgjohem për syfyr? Syfyri, ose ushqimi i para-fajr-it, është një praktikë e shumë e vlerësuar në traditën islame, por nuk është i detyrueshëm.

Ekspertët e jurisprudencës islame shpjegojnë se agjërimi nis nga koha e syfyrit (imsaku) dhe zgjat deri në iftar. Rëndësi ka të mos konsumosh ushqim apo pije pas nisjes së agjërimit. Kjo do të thotë se, edhe nëse dikush fjet gjatë natës dhe nuk merr syfyr, agjërimi i tij është i vlefshëm për sa kohë nuk ka ngrënë apo pirë.

Megjithatë, dijetarët nënvizojnë se ky ushqim i mëngjesit është sunnah (vepër e preferuar), jo obligim. Pra, mungesa e tij nuk e prish agjërimin, por e bën ditën më sfiduese, sidomos për ata që duhet të qëndrojnë gjatë pa ushqim dhe ujë, transmeton Rilindjashqiptare.

Për shumë besimtarë, syfyri nuk është vetëm një praktikë fetare, por edhe një mundësi për të ruajtur energjinë dhe fokusin gjatë ditës së agjërimit. Në fund, shpjegojnë dijetarët, qendra e agjërimit është vetë ndalimi nga ushqimi, pijet dhe veprimet të cilat e prishin atë, jo detyrimi për të ngrënë në syfyr.

Një majmun i vogël, vetëm gjashtë muajsh, ka prekur zemrat në mbarë botën pasi u braktis nga nëna e tij në Ichikawa City Zoo në Japoni.

I vetmuar dhe i refuzuar nga grupi, ai gjeti ngushëllim duke përqafuar një lodër pelushi në formë orangutani, e cila u bë shoku i tij i pandashëm.

Videot virale treguan vogëlushin duke fjetur dhe lëvizur gjithmonë me lodrën në krah, ndërsa kujdestarët përpiqeshin t’ia lehtësonin ankthin.

Por pas një periudhe të vështirë, Punch më në fund thuhet se u pranua nga një grup majmunësh të rritur.

Pamjet tregojnë se si njëri nga ata e ndihmonte të ngjitej dhe e qetësonte kur trembej nga zhurmat.

Tani vogëlushi duket i sigurt dhe i mbrojtur, duke pushuar i përqafuar pranë kujdestarit të tij të ri.

Historia e tij është parë si një shembull prekës i empatisë dhe lidhjes sociale edhe në botën e kafshëve.