Category: AKTUALE

Gjermania zhvendos një numër aeroplanësh luftarakë në Poloni – pas shkeljeve të fundit ruse të hapësirës ajrore të NATO-s

‘Panik dhe histeri’, Syla: S’ma ka marrë mendja që Kurti tutet e struket me dalë e ja bën share Armend Mujës

Kryetari i zgjedhur i Mitrovicës, Faton Peci ka folur pas fitorës në këtë komunë, duke treguar së pari historinë se kush ka qenë i pari që ka besuar në të.

Peci gjithashtu tha se është vlerësuar se do të duhej që ai të fitonte pa balotazh.

“Me u kthy në histori, unë kam qenë shumë i ri atëherë dhe kur e kam dëgjuar për herë të parë si diskutim dhe personi i parë që ka besuar që unë një ditë mund të jem i pari i Mitrovicës, ka qenë kryetari i parë i zgjedhur nga votat qytetare, kryetari i Kuvendit Komunal atëherë është quajtur, i ndjeri Faruk Spahija”, tha ai në Klan Kosova.

Ai u shpreh se përveç vlerësimeve edhe vet mendon që fitorja e tij do të duhej të ndodhte qysh në raundin e parë.

“Ata që kanë qenë vëzhgues ndoshta jo edhe shumë në kuptimin me dijena të thella, e kanë vlerësuar se unë fitoj pa ballotazh dhe unë mendoj që është dashur të fitoj pa balotazh dhe mendoj që rezultati mbi 53 për qind është dashur të jetë në raundin e parë”, tha ai.

Protesta e radhës në mbështetje të çlirimtarëve të Kosovës që po mbahen në paraburgim në Hagë, raportohet se do të mbahet më 13 dhjetor në Shkup, lajm këtë të cilin e ka bërë të ditur Ali Ahmeti, kryetar i BDI-së.

E në lidhje me këtë ka reaguar kryeministri i Maqedonisë së Veriut, Hristijan Mickoski, duke thënë se nuk e mbështet këtë marsh.

“Me këtë protestë po mundohen të mobliziohen para Kongresit të partisë. Me këtë ata vetëm po e vërtetojnë se do ta kenë shumë të vështirë që në të ardhmen të gjejnë partner të koalicionit. Unë nuk e mbështes këtë ide dhe as nuk pajtohem me këtë marsh. Jam i bindur që as VLEN nuk do ta mbështesë”, u shpreh ai.

Pas kësaj, Organizata e Veteranëve të Luftës së UÇK-së ka thirrur konferencë për media nesër në ora 10:00.

Zyrtarët doganorë, gjatë një kontrolli të realizuar sot në një barnatore në Prishtinë, ka zbuluar një sasi të konsiderueshme të barnave të ndryshme me banderola të shteteve të huaja.

Sipas njoftimit të Doganës, këto produkte nuk janë importuar përmes zinxhirit zyrtar të furnizimit dhe nuk figurojnë të jenë futur në Kosovë nëpërmjet procedurave ligjore doganore.

“Barnat e gjetura përbëjnë rrezik serioz për shëndetin e qytetarëve, pasi origjina, cilësia dhe kushtet e ruajtjes së tyre nuk janë të garantuara sipas standardeve të kërkuara”, thuhet në njoftim.

Dogana e Kosovës ka sekuestruar të gjitha produktet dhe ka iniciuar procedurat ligjore ndaj subjektit përgjegjës.

Kryeministri në detyrë i Republikës së Kosovës, Albin Kurti, mori pjesë sot në takimet rajonale të Njësive për Inteligjencë Financiare, të organizuara nga Egmont Group dhe të mbështetura nga GIZ në Kosovë.

Në fjalën e tij para pjesëmarrësve, Kurti shprehu mirënjohjen e institucioneve të Kosovës ndaj organizatorëve për nismat e ndërmarra dhe kontributin në mbajtjen e ngjarjeve të rëndësishme që forcojnë bashkëpunimin rajonal kundër aktiviteteve të paligjshme financiare.

“Organizimi i kësaj ngjarjeje është në përputhje të plotë me programin tonë qeveritar dhe synimet për integrim evropian dhe ndërkombëtar. Synimi ynë është forcimi i bashkëpunimit ndërkombëtar dhe vendor për të koordinuar përgjigjen e të gjithë akterëve në luftimin e pastrimit të parave dhe financimit të terrorizmit. Bashkë po punojmë që të rrisim efektivitetin kolektiv në parandalimin, identifikimin dhe luftimin e krimit ekonomik”, u shpreh ai.

Ai theksoi se përafrimi i objektivave dhe përpjekjeve të institucioneve vendore me ato ndërkombëtare është thelbësor për identifikimin më të saktë të kërcënimeve dhe dobësive sistematike, si dhe për forcimin e mekanizmave efektivë në adresimin e tyre.

Kurti rikujtoi se raportet ndërkombëtare vazhdojnë të dëshmojnë progresin e Kosovës në fushën e luftimit të korrupsionit, pastrimit të parave dhe krimit të organizuar.

Raporti i Komisionit Evropian për Kosovën nënvizon përparimin në luftën kundër pastrimit të parave, ndërsa Transparency International ka vlerësuar progresin në luftimin e korrupsionit gjatë viteve të fundit. Po ashtu, Indeksi Global i Krimit të Organizuar ka renditur Kosovën në mesin e vendeve me nivelin më të ulët të krimit të organizuar në Ballkanin Perëndimor, ndërsa Iniciativa Globale kundër Krimit të Organizuar Ndërkombëtar në edicionin e vitit 2025 e vlerëson Kosovën si shtetin me kriminalitetin më të ulët në rajon.

“Kosova ka bërë progres të konsiderueshëm duke forcuar kornizën ligjore dhe institucionale, me qëllim të përmbushjes së standardeve evropiane dhe ndërkombëtare në luftimin e këtyre dukurive. Kjo qasje forcon bashkëpunimin, kohezionin dhe koordinimin mes institucioneve tona. Njësia për Inteligjencë Financiare e Republikës së Kosovës ka performuar mirë dhe ka shënuar rezultate të kënaqshme në identifikimin dhe gjurmimin e të ardhurave të paligjshme. Qeveria e Republikës së Kosovës mbetet plotësisht e përkushtuar në mbështetjen e NJIF dhe autoriteteve tjera në luftimin e aktiviteteve kriminale”, theksoi Kurti.

Takimet rajonale të NJIF-ve shërbejnë si platformë për shkëmbimin e përvojave, forcimin e bashkëpunimit ndër-shtetëror dhe përmirësimin e mekanizmave të përbashkët për parandalimin e kërcënimeve financiare në rajon.

Një aksident i rëndë ka ndodhur këtë të enjte në Koshtovë të Mitrovicës.

Sipas informacioneve, Amantina Hasani, njëri nga shoferët është në gjendje të rëndë.

Në vendin e ngjarjes ka arritur Policia e Kosovës.

Rilindjashqiptare do t’ju mbajë të informuar për detaje të tjera.