Policia në Maqedonia e Veriut ndaloi një makinë me targa të Shkupit drejt Velesit, ku gjatë kontrollit u gjetën katër thasë me 65 kilogram marijuanë.
Në pranga përfunduan një 38-vjeçar nga Shkupi dhe një 55-vjeçar nga Kavadarci.
Category: AKTUALE
-
Goli i Muriqit motivon Barçën, e mposhtin Atleticon dhe i ikën Realit për 7 pikë
Barcelona ka marrë një fitore të madhe ndaj Atleticos.
Ata fituan pas një “remontade”, me rezultat 1-2 duke i ndihmuar edhe më shumë në garën për titull.
Golat i shënoi Simeone për Atleticon dhe Rashford së bashku me Lewandowskin për Barçën.
Barça, me këtë fitore i largohet Realit me 7 pikë në krye të La Ligës me 76 pikë.
-
Studimi: Njerëzit mbi 40 vjeç duhet të punojnë vetëm 3 ditë në javë
Njerëzit të cilët janë mbi 40 vjet preferohet që të punojnë vetëm 3 ditë në javë.
Këtë e thotë një studim i publikuar në Bright Side ku thotë se njerëzit të cilët punojnë me orë më të gjata do të kenë problem me njohjen e gjërave.
Në vitin 2016 në Universitetin e Melburnit, studiuesit analizuan mijëra punëtorë, duke përfshirë 3500 gra dhe 3000 burra në Australi.
Nga kjo doli se orët e gjata të punës mund të ndihmojnë stimulimin e fuqisë së trurit, por orët e gjata kanë rrezik që të ju dëmtojnë edhe njohuritë për fusha tjera.
-
Muriqiiiiiiiiii
Sulmuesi i Kosovës, Vedat Muriqi ka shënuar për 2:1 në të mirë të Mallorcas ndaj Real Madridit.
Muriqi u pa me lot në sy pas golit të shënuar. Ai është kritikuar e është fyer në rrjetet sociale nga një tifoz pas humbjes nga Turqia. Por është përkrahur nga pjesa më e madhe për kontributin e dhënë te Kosova.
Kliko linku video e golit:
https://x.com/thegoalszone/status/2040461328372977817?s=46&t=47HjVAEmcEcb33Hue0G28g
-
Çfarë fshihet pas datës 4 prill?
Sot është Dita Botërore e Qenve Endacak.
Organizata të ndryshme që për qëllim kanë mbrojtjen e qenve çdo vit organizojnë aktivitete dhe aksione për të ushqyer qentë endacak. Ata ankohen se institucionet nuk po përkujdesen për kafshët, përkundrazi ata deklarojnë se institucionet po i vrasin ato.
Në Kosovë janë shumë pak organizata të cilat merren me kujdesin dhe mbrojtjen e kafshëve. Krejt kjo si pasojë e buxhetit të vogël që kanë organizatat.
Çdo vit organizatat kërkojnë që qentë endacak të mbrohen përmes sterilizimit dhe strehimorëve.
4 prilli si ditë ndërkombëtare e qenve endacak, ka filluar prej vitit 2010 me iniciativën e disa organizatave holandeze, mirëpo pastaj kjo ditë manifestohet në 15 apo 20 shtete kryesore të Evropës.
-
Delegohen gjyqtarët për xhiron e 27-të të Superligës së Kosovës
Në fundjavë zhvillohen ndeshjet e javës së 27-të Superligës së Kosovës në futboll.
Sot është hedhur shorti sot në selinë e FFK-së për delegimin e gjyqtarëve.
Një nga ndeshjet më interesane është ajo mes Ballkanit dhe Dukagjinit, e cila zhvillohet të shtunen nga ora 15:00.
Gjyqtar krysor i kësaj ndeshjeje do të jetë Erdall Zasella.
Të dielen, vëmendja do të jetë në ndeshjen mes Dritës dhe Malishevës.
Kjo përballje do të gjykohet nga Egzon Dakaj.
-
Xhamat e errët lejohen vetëm në automjetet e prodhuara si të tilla, ndalohet përdorimi i letrës ngjitëse
Ministria e Punëve të Brendshme ka dalë me një reagim publik për të sqaruar legjislacionin në lidhje me përdorimin e xhamave të errët në automjete.
Sipas MPB-së, përdorimi i xhamave të errët është “i rregulluar qartë me Ligjin Nr. 05/L-132 për Automjete dhe me Udhëzimin Administrativ (MPB) Nr. 12/2024 për Plotësimin dhe Ndryshimin e Udhëzimit Administrativ (MPB) Nr. 04/2023 për Regjistrimin e Mjeteve, konkretisht me nenin 7 të këtij udhëzimi.”
Ministria sqaron se lejohet përdorimi i xhamave të errët vetëm për automjetet “që janë të prodhuara si të tilla nga prodhuesi.” Vendosja e letrës ngjitëse për hijezim të xhamave është e ndaluar, përveç rasteve të jashtëzakonshme që mund të lejohet vetëm me vendim të Ministrit të Punëve të Brendshme, pas paraqitjes së kërkesës së arsyetuar dhe dokumentacionit mbështetës.
-
Kia po thyen rekorde shitjesh në 2026
Kia ka thyer një tjetër rekord shitjesh, me shitjet e tremujorit të parë të vitit 2026 që janë rritur me 4.1% nga viti në vit.
Deri më tani, Kia ka shitur 207,015 automjete këtë vit krahasuar me 198,850 gjatë muajve të parë të vitit 2025.
Sportage vazhdon të jetë modeli më i shitur i markës, me shitje që u rritën me 8.2 përqind në 44,704.
K4 është automjeti i dytë më i shitur i Kia-s.
Prodhuesi i automjeteve shiti 37,220 K4 tremujorin e kaluar, krahasuar me 35,928 SUV Telluride, me të dy modelet që shënuan rritje të shitjeve nga viti në vit.
Ndërkohë, automjetet elektrike të Kia-s, EV6 dhe EV9, panë rënie të shitjeve tremujorin e kaluar, duke rënë përkatësisht me 46.5 përqind dhe 27.1 përqind.
-
NASA në hapësirë, dalin pamjet e para të Tokës
Astronauti i NASA-s dhe komandanti i Artemis II, Reid Wiseman, bëri një fotografi të Tokës nga dritarja e anijes kozmike Orion.
Wiseman e shkrehu fotografinë pasi përfundoi djegien me injeksion transhënor.
Ka dy aurora (sipër djathtas dhe poshtë majtas) dhe drita zodiakale (poshtë djathtas) është e dukshme ndërsa Toka eklips Diellin.
Kjo dhe një foto tjetër e Tokës janë imazhet e para të dërguara nga astronautët e anijes Artemis II.
Misioni 10-ditor i NASA-s nisi dje dhe synon që, për herë të parë pas më shumë se 50 vitesh, të dërgojë njerëz në Hënë.
-
Apeli vërteton dënimin me burgim të përjetshëm ndaj vëllezërve Vllasaliu për vrasjen e biznesmenit Rexhepi
Gjykata e Apelit e ka vërtetuar dënimin me burgim të përjetshëm ndaj Jeton dhe Nexhat Vllasaliut, të akuzuar për vrasjen e biznesmenit Bedri Rexhepi.
Apeli, në njoftimin për media, ka bërë të ditur se i ka refuzuar si të pabazuara ankesat e mbrojtësve së të akuzuarve dhe ka vërtetuar aktgjykimin e shkallës së parë.
Kolegji i Apelit ka vlerësuar se gjykata e shkallës së parë ka paraqitur arsye të qarta dhe të plota duke dhënë arsye të duhura se cilat fakte konsiderohen të vërtetuara në këtë çështje penale, përkitazi me veprat penale të cilat i vihen në barrë të akuzuarve, e po ashtu ka paraqitur saktësinë e provave nga shkresat e lëndës, ka dhënë arsye të qarta për vendin, kohën, mënyrën e kryerjes së veprës penale, mënyrën se si ka ardhur deri të kryerja e kësaj vepre penale të cilat janë vërtetuar nga provat personale dhe ato materiale.
Sipas vendimit të Apelit dënimi me burgim të përjetshëm do të parandalojë personat tjerë nga kryerja e veprave penale dhe do të shpreh gjykimin shoqëror për veprën penale.
Jeton e Nexhat Vllasaliu akuzoheshin nga Prokuroria Themelore në Prishtinë për veprën penale Vrasje e rëndë në bashkëkryerje dhe Dëmtimi i varreve apo kufomave.