Category: AKTUALE

Pas ndeshjes historike me Kosovën të martën, portieri i Turqisë, Ugurcan Çakir, është shtrirë në spital në Stamboll.

Sipas shkrimeve nga mediat turke, portieri po përballet me një virus dhe gjendja e tij po monitorohet nga mjekët.

Siç ka shkruar “haberler”, Galatasaray është alarmuar nga rreziku që portieri të mos jetë në gjendje për ndeshjen me Trabzonsporin në fundjavë.

Ndërsa siç ka shkruar “Sozcu”, portieri edhe në ndeshjen me Kosovën u paraqit me telashe shëndetësore. E pas rikthimit në Turqi, ka kaluar të mërkurën në spital.

Galata i shkon Trabzonit të shtunën në ndeshjen e rëndësishme në garën për titull. Galatasaray prin me 64 pikë, ndërsa Trabzoni është i treti me katër pikë më pak.

Çakir ishte i rëndësishëm për Turqinë të martën. Pati disa pritje të mëdha. Turqia në fund fitoi 1:0 dhe u kualifikua në Botëror.

Pas disfatës 0:1 të Kombëtares së Kosovës ndaj Kombëtares së Turqisë në finalen e playoff-it, mesfushori Elvis Rexhbeçaj ka reaguar me një mesazh emocional në rrjetet sociale.

Rexhbeçaj falënderoi tifozët për mbështetjen e vazhdueshme, duke theksuar se atmosfera e krijuar i ka bërë lojtarët të ndihen si në shtëpi në çdo ndeshje.

“Faleminderit për mbështetjen tuaj. Ju e bëtë çdo ndeshje si në shtëpi për ne. Fatkeqësisht nuk arritëm ta bëjmë hapin e fundit. Është humbja më e dhimbshme e karrierës sime… por është fillimi i diçkaje të madhe.”

Mesfushori kosovar e përshkroi këtë humbje si një moment të rëndë personalisht, por njëkohësisht si një pikënisje për të ardhmen e ekipit.

Përzgjedhësi i Përfaqësueses së Kosovës, Franco Foda, ka publikuar formacionin zyrtar të Kosovës për finalen e madhe kundër Turqisë.

Tekniku gjerman do të paraqitet në ndeshje me këtë formacion.

Kosova ndodhet vetëm 90 minuta larg ëndrrës për Kupën e Botës.

Kryetari i AAK-së, Ramush Haradinaj ka shkruar para ndeshjes historike të Kosovës me Turqinë.

Haradinaj ka thënë se sot i gjithë kombi është me futbollistët e kombëtares së Kosovës.

“Sonte i gjithë kombi është me ju. Fitojeni këtë betejë, shkruani historinë. FORCA KOSOVË!”, ka shkruar Haradinaj.

Kombëtarja e Kosovës do të luajë sot (e martë) ndeshjen historike ndaj Turqisë për kualifikim në Kupën e Botës 2026.

Mungesë e madhe për ‘Dardanët’ në këtë ndeshje do të jetë ajo e kapitenit Amir Rrahmani.

Me mungesa do të jetë edhe kombëtarja e Turqisë, aty ku tashmë është e konfirmuar mungesa e qendërmbrojtësit Merih Demiral shkaku i lëndimit.

Mirëpo, përveç tij edhe katër lojtarë të tjerë nuk do të kenë mundësinë të paraqiten në ndeshjen ndaj Kosovës.

Kjo pasi përzgjedhësi Vincenzo Montella ka vendosur që ata ta shikojnë ndeshjen nga tribunat.

Lojtarët turk që nuk do të paraqiten ndaj Kosovës janë këta:

Oğuz Aydin

Merih Demiral (blessé)

Muhammed Şengezer

Ahmetcan Kaplan

Mustafa Eskihellaç

Mediumi i njohur amerikan, ESPN, ka bërë parashikimin e tij për ndeshjen finale të ‘play-off’-it për Kupën e Botës 2026 mes Kosovës dhe Turqisë, duke parë Kosovën si fituese të kësaj përballjeje vendimtare.

Sipas këtij mediumi prestigjioz, “Dardanët” kanë potencialin për të befasuar Turqinë, pavarësisht cilësisë së lartë të kundërshtarit dhe faktit që turqit konsiderohen favoritë në letër.

Në analizën e publikuar, ESPN vlerëson lart skuadrën e drejtuar nga Franco Foda, duke theksuar energjinë dhe guximin e lojtarëve kosovarë:

“Ekipi i Franco Fodas është i ri, i guximshëm dhe plot ritëm e energji. Lojtarët e Kosovës kanë aftësi të shokojnë një ekip turk të mbushur me talente të nivelit të lartë, përfshirë Arda Gulerin, Hakan Çalhanoglun dhe Kenan Yildizin”.

Mediumi citon edhe një postim të faqes së Juventusit: “Edoni kundër Kenanit”.

“Turqia ka fituar dy ndeshjet e mëparshme dhe do të jetë favorite, por stadiumi ‘Fadil Vokrri’ do të jetë i shkëlqyeshëm të martën, dhe një atmosferë pasionante mund të jetë në favor të Kosovës. Fitues: Kosova”, thuhet në artikullin e ESPN.

Ndër të tjera, mediumi amerikan veçon rëndësinë e faktorëve jashtë fushe, duke nënvizuar se atmosfera në stadiumin Fadil Vokrri pritet të jetë një shtysë e madhe për vendasit.

Kjo përballje konsiderohet historike për Kosovën, pasi një fitore ndaj Turqisë do t’i siguronte kualifikimin në Kupën e Botës 2026, duke shënuar një arritje të jashtëzakonshme për futbollin kosovar.