Federata e Futbollit e Kosovës ka publikuar videon përgatitore për ndeshjen historike ndaj Turqisë, që zhvillohet sonte në stadiumin “Fadil Vokrri” në Prishtinë.
Përmes videove motivuese, FFK ka theksuar se gjithçka është gati për finalen e madhe.
“Gjithçka është gati për finalen e madhe ndaj Turqisë 🇽🇰-🇹🇷. Sonte luhet për ëndrrën!”, shkruhet në postimin e federatës.
https://www.facebook.com/share/r/1EA45iP5qj/?mibextid=wwXIfr
derata e Futbollit të Kosovës e ka uruar Edon Zhegrovën me rastin e ditëlindjes së tij të 27-të.
Përmes disa fotografive emocionuese të djemve dardanë, shihet se yllit të futbollit i është përgatitur një tortë e cila do të shijohet pas ndeshjes.
“Urime ditëlindjen, Edon Zhegrova! Plani ishte ta prisnim tortën në drekë… por e lamë për “desert” pas ndeshjes. Sepse festa e vërtetë fillon atëherë”, thuhet në postimin e FFK-së.
A e dini cila ishte dëshira e Edonit kur i fryu qirinjtë? E thjeshtë, por e madhe: Kupa e Botës 2026!!!
Të hënën, Qeveria e Kosovës ka miratuar vendimin për ndarjen e pagës së 13-të për të gjithë shërbyesit civilë të sektorit publik. Megjithatë, ky vendim nuk përfshin sektorin privat, duke nxitur reagime në vend.
Eksperti ekonomik, Safet Gërxhaliu, e ka cilësuar situatën aktuale në vend si të rënduar në disa dimensione. Sipas tij, Kosova po përballet njëkohësisht me krizë ekonomike, sociale dhe politike, ndërsa vendimet e tilla, si paga e 13-të duhet të analizohen me kujdes dhe në mënyrë gjithëpërfshirëse.
“Qytetarët e Kosovës në tërësi kanë nevojë për mbështetje, sidomos në kohë krize dhe inflacioni. Nuk duhet të ketë ndarje të pjesshme apo segmentim të mbështetjes. Pagesa e 13-të vetëm për administratën dhe anashkalimi i sektorit privat nuk përfaqëson drejtësi sociale”, ka theksuar Gërxhaliu, raporton Telegrafi.
Ai ka shtuar se sektori publik financohet drejtpërdrejt nga kontributet e sektorit privat dhe, si i tillë, çdo përjashtim i këtij të fundit nga politikat mbështetëse krijon pabarazi. Sipas tij, është koha për politika sociale gjithëpërfshirëse dhe jo të fragmentuara. Në këtë linjë, Gërxhaliu ka bërë thirrje për më shumë përgjegjësi politike dhe solidaritet në kohë krize.
“Politikanët duhet të mësojnë dy koncepte kyçe: kompromisin dhe sakrificën në interes të shtetit. Duhet më shumë fokus te qytetari dhe e ardhmja, e jo vetëm te lufta për pushtet”, ka deklaruar ai.
Edhe kryetari i Dhomës së Tregtisë, Skender Krasniqi ka reaguar ndaj këtij vendimi, duke theksuar rolin kyç të sektorit privat në ekonominë e vendit. Ai ka kujtuar se shumica e të hyrave buxhetore sigurohen pikërisht nga ky sektor.
“Sektori privat është shtylla kryesore e sigurimit të buxhetit të shtetit dhe shumica e të hyrave vijnë nga ky sektor. Ne e përshëndesim vendimin e Qeverisë për ndarjen e pagës së 13-të për sektorin publik, por mendojmë se Qeveria do të duhej t’i përkrahë edhe bizneset, në mënyrë që edhe ato të kenë mundësi të njëjta”, ka thënë Krasniqi.
Ai ka nënvizuar se, sipas Kushtetutës së Kosovës të gjithë qytetarët janë të barabartë pavarësisht vendit të punës.
“Ndarja e buxhetit të shtetit duhet të bëhet në mënyrë të barabartë, duke marrë parasysh se, sipas Kushtetutës së Kosovës, qytetarët janë të barabartë pavarësisht vendit të punës. Punëtorët e sektorit privat janë ata që e mbushin buxhetin e shtetit dhe, së paku, do të duhej të trajtohen në mënyrë të barabartë me sektorin publik, i cili financohet nga ky buxhet”.
Krasniqi po ashtu ka shprehur shpresën që deri në fund të vitit të gjendet një zgjidhje e përbashkët mes Qeverisë dhe bizneseve, në mënyrë që edhe sektori privat të përfitojë nga masa si paga e 13-të.
“Urojmë që deri në fund të këtij viti, Qeveria së bashku me bizneset të gjejnë një zgjidhje të përbashkët, në mënyrë që edhe sektori privat të ketë mundësi për përfitimin e pagës së 13-të”, tha ndër të tjera Krasniqi.
Procesi i deklarimit të rregullt vjetor të pasurisë për vitin kalendarik 2025 është në fazën finale. Afati ligjor për përmbylljen e tij, përfundon sot.
Në përputhje me Ligjin për Deklarimin, Prejardhjen dhe Kontrollin e Pasurisë dhe Dhuratave, të gjithë personat zyrtarë në Republikën e Kosovës ishin të obliguar ta kryejnë deklarimin e pasurisë deri më 31 mars
Nga Agjencia për Parandalimin e Korrupsionit, ditën e djeshme bënë të ditur se numër i konsiderueshëm i tyre ende nuk e kanë bërë atë.
Sipas APK-së, edhe 1 mijë e 195 zyrtarë publik nuk e kanë përfunduar këtë obligim por e kanë filluar atë dhe janë në proces të deklarimit, ndërsa 901 zyrtarë publikë nuk e kanë filluar ende.
Agjencia për Parandalimin e Korrupsionit kishte bërë të ditur se mosdeklarimi, vonesa apo deklarimi i pasaktë i pasurisë përbëjnë shkelje të obligimeve ligjore dhe sanksionohen me gjoba, kallëzime penale dhe masa të tjera, ndërsa në raste të caktuara mund të shqiptohen edhe dënime me burgim dhe konfiskim të pasurisë së padeklaruar.
“Agjencia për Parandalimin e Korrupsionit u bën thirrje të gjithë zyrtarëve publikë që ta përmbushin obligimin ligjor për deklarimin e pasurisë brenda afatit të përcaktuar. Transparenca nuk është vetëm detyrim ligjor, por përbën themelin e besimit qytetar dhe të integritetit institucional. Prandaj, është e rëndësishme që secili, në kuadër të përgjegjësive të tij, të kontribuojë për një administratë më të hapur dhe më të përgjegjshme”, theksoi Drejtori i APK-së, Yll Buleshkaj.
Në mesin e subjekteve deklaruese për deklarimin e pasurisë, këtë vit janë edhe mjekët dhe profesorët.
Sipas Agjencia për Parandalimin e Korrupsionit, këto kategori janë të përfshira në regjistrin e subjekteve deklaruese dhe i nënshtrohen të njëjtit afat ligjor për deklarim.
Një rast vjedhjeje është raportuar në fshatin Sllatinë, ku persona të panjohur kanë vjedhur një trafo të energjisë elektrike dhe sasi të naftës.
Sipas raportit policor, trafoja ishte e vendosur në një shtyllë elektrike, ndërsa përveç saj është raportuar se nga rezervuari i një kamioni dhe nga makineri të tjera pune mungon nafta.
Lidhur me rastin është njoftuar prokurori, ndërsa hetimet nga organet e rendit janë në zhvillim.
“Është raportuar se është vjedhur trafoja e energjisë elektrike që ka qenë e vendosur në shtyllë, po ashtu edhe nga rezervuari i kamionit dhe makineritë tjera mungon naftë. Lidhur me rastin është njoftuar prokurori, rasti është duke u hetuar”.
Tre persona janë rrahur mes vete të dielën në rrugën “Nazim Gafurri” në Prishtinë, me ç’rast njëri prej tyre ka pësuar lëndime trupore.
Sipas raportit policor, dyshohet se viktima është sulmuar me thikë, dhe i njëjti ka pranuar tretman mjekësor.
Lidhur me rastin thika është konfiskuar ndërsa tre të dyshuarit pas intervistimit me vendim të prokurorit, janë arrestuar dhe dërguar në mbajtje.
Instituti Hidrometeorologjik i Kosovës ka bërë të ditur se java e ardhshme parashihet të sjellë mot kryesisht të vranët dhe me reshje shiu në gjithë territorin e vendit.
Sipas parashikimeve, të mërkurën dhe të enjten reshjet do të jenë më intensive, ndërsa ditët e tjera do të mbizotërojnë vranësirat me reshje shiu të intensitetit më të dobët, përcjell Klankosova.tv.
Nga pikëpamja agrometeorologjike, siç njofton IHMK-ja, këto kushte konsiderohen të favorshme për bimët dhe tokën, pasi nuk parashihen temperatura negative që mund të dëmtojnë kulturat e mbjella.
“Lagështia e shtuar nga reshjet do të ndihmojë në mbajtjen e tokës së lagur, duke lehtësuar proceset e rritjes së bimëve dhe aktivitetet e punimeve bujqësore. Gjithashtu, mungesa e ngricave dhe temperaturat e moderuara do të krijojnë kushte të mira për zhvillimin normal të kulturave pranverore”.
“Bujqit këshillohen të përfitojnë nga këto ditë për të vazhduar me punimet e tokës, mbjelljet e reja, dhe kujdesin për bimët, duke shfrytëzuar kushte optimale agrometeorologjike pa rrezik nga dëmtimet e temperaturave të ulëta”, thuhet në njoftim.
Njoftimi i plotë i IHMK-së:
E hënë
Moti kryesisht i vranët dhe vende-vende me riga shiu.
Temperaturat minimale:3 -5°C
Temperaturat maksimale: 6-9°C
Era: Do të fryjë erë nga drejtimi i verilindjes me shpejtësi 1-8m/s
E martë
Mot i vranët dhe vende-vende me riga shiu
Temperaturat minimale: 1 – 3°C
Temperaturat maksimale: 6-9°C
Era: nga veriperendimi me shpejtësi 1-7m/s
E mërkurë
Moti i vranët dhe me reshje shiu.
Temperaturat minimale: 1-4°C
Temperaturat maksimale: 5-7°C
Era: kryesisht nga veriperëndimi me shpejtësi 1-8m/s.
E enjte
Mot i vranët dhe me reshje shiu.
Temperaturat minimale:1-4°C
Temperaturat maksimale:7-9°C
Era: nga veriperendimi 1-9m/s.
E premte
Mot i vranët dhe me riga shiu.
Temperaturat mimale: 1 deri 4°C
Tmperaturat maksimale: 8- 11°C
Era: nga drejtimi i verilindja 1-7m/s.
Ish-ministri i sportit të Rumanisë, Eduard Novak, shprehu xhelozi për përparimin e Kosovës në futboll, duke thënë se një vend i vogël si Kosova po i jep leksione kombëtares rumune.
Novak theksoi se investimet dhe besimi te lojtarët kanë sjellë sukses për “Dardanët”, që janë vetëm një hap larg kualifikimit në Kupën e Botës.
“Ne vetëm kërkojmë falje por këto kërkim falje nuk i fshehin rezultatet e dobëta për mos-kualifikim në Kupën e Botës. Për 20 vite kërkojmë falje nga tifozët dhe kjo nuk po na ndihmon”.
“Një shtet i vogël si Kosova po na jep leksione futbolli. Kjo e ka vetëm një shpjegim, kanë investuar në lojtarët e tyre”.
Është mësuar se kush do të jetë gjyqtari kryesor në ndeshjen historike Kosovë-Turqi.
Bëhet fjalë për anglezin, Michael Oliver i cili është një nga gjyqtarët më të mirë në botë momentalisht.
Oliver, po ashtu është një nga gjyqtarët kryesorë në Premierligë ku është caktuar edhe në ndeshjet e mëdha atje si dhe në garat e mëdha evropiane si Liga e Kampionëve.
Kujtojmë se Kosova, luan ndaj Turqisë në Prishtinë të martën në ora 20:45.
Një plagosje me mjet prerës ka ndodhur rreth orës 13:30 në afërsi të Spitalit Rajonal të Vlorës. Një 33-vjeçar është qëlluar dy herë me mjet prerës (thikë).
I plagosuri ndodhet në ambientet e kirurgjisë në spital, ku po merr ndihmën mjekësore.
Ndërkohë, policia vijon punën për mbledhjen e provave dhe zbardhjen e rrethanave të ngjarjes.