rilindja.albeniplast.com

Category: LAJME

  • Shqipëria dhe Kosova me daklaratë të përbashkët dënojnë aktin e fshirjes së adresave të shqiptarëve në Luginën e Preshevës 

    Shqipëria dhe Kosova me daklaratë të përbashkët dënojnë aktin e fshirjes së adresave të shqiptarëve në Luginën e Preshevës 

    Shqipëria dhe Kosova përmes një deklarate të përbashkët kanë dënuar procesin e fshirjes së qëllimshme nga Serbia të adresave të shqiptarëve, të cilët jetojnë në Luginën e Preshevës, Bujanoc e Medvegjë.

    Dy ministrat e Jashtëm, Genc Cakaj dhe Meliza Haradinaj Stublla dënojnë këtë akt, ndërsa shprehen se Serbia po cenon rëndë liritë themelore të shqiptarëve.
     

    “Kjo praktikë shtetërore e zbatuar në mënyrë krejtësisht arbitrare dhe të qëllimshme përbën edhe një formë të re të shtypjes së ushtruar ndaj shqiptarëve në Luginën e Preshevës.

    Prandaj, ndërsa ne e dënojmë fuqimisht këtë praktikë institucionale, u bëjmë thirrje autoriteteve të Serbisë ta ndërpresin menjëherë punën sistematike për pasivizimin e adresave të shqiptarëve. Kjo praktikë shtetërore nuk dëmton vetëm të drejtat e shqiptarëve në Luginën e Preshevës, por është edhe një shpërfillje e plotë të standardeve demokratike në përgjithësi”, thuhet në deklaratë.

    Dy ministrat u bëjnë thirrje institucioneve ndërkombëtare të marrin masa dhe të frenojnë këtë akt të padrejtë të Serbisë kundër shqiptarëve. Gjithashtu, Shqipëria dhe Kosova theksojnë se janë dhe do mbeten të përkushtuara për thelluar procesin e bashkëpunimit rajonal në Ballkanin Perëndimor, por shtojnë se gjithçka fillon me njohjen reciproke.


     

    “Kosova dhe Shqipëria mbeten të përkushtuara për thellim të bashkëpunimit rajonal dhe besojnë thellësisht në të ardhmen evropiane të të gjithë Ballkanit Perëndimor. Sidoqoftë, duhet theksuar se përpara së gjithash, kjo nënkupton njohje të ndërsjellë, trajtim të barabartë dhe respektim të plotë standardeve demokratike”, përfundon deklarata.

  • Dritat e famshme në sheshin e Podujevës me të cilat komuna e bëri qytetin të tallet e gjithë Kosova, sot s’funksionojnë

    Dritat e famshme në sheshin e Podujevës me të cilat komuna e bëri qytetin të tallet e gjithë Kosova, sot s’funksionojnë

    S’i ka dy ditë që prejse komuna e Podujevës, gjegjësisht nënkryetari Nexhmi Rudari, i shoqëruar edhe nga ministri i MPB-së, Agim Veliu “përuruan” një pjesë të ndriçimit në sheshin që dështoi së ndërtuari dy herë radhazi në këtë komunë, shkruan Llapi.info.

    Ky ndriçim i këtij sheshi bëri bujë në gjithë Kosovën, madje duartrokitjet e qytetarëve të thirrur nga institucionet komunale, u bënë për tallje nëpër të gjitha rrjetet sociale.

    Tallja shkojë deri në atë pikë, sa që dolën kreativitete për të qëndruar disa ditë në këtë komunë, dalje në sheshin e këtij qytetit, ashtu siç janë ofertat për zona turistike.

    “Oferta për në Podujevë. 2 netë/3 ditë duke filluar nga 290 euro për person. Vizitoni Podujevën, realizoni ëndrrën tuaj”, ishte tallja që u shpërnda nëpër gjitha rrjetet sociale.

    Kreativitet shkojë aq larg, saqë “mrekullia e tetë e botës” u rendit sheshi me ndriçim dhe semaforët e vonuar.

     “Arrijnë turistët e parë aziatikë në qendrën e re të Ballkanit, Podujevë, thonë se kaq ndriçim s’kanë parë as në Japoni”, ishte tallja tjetër që bëri bujë në Kosovë.

    Por, ky ndriçim s’qëndroi edhe shumë. Gjatë natës së mbrëmshme, e po ashtu edhe sonte këto dritat në këtë shesh nuk janë duke funksionuar, e arsyet s’po i di kush.

    Në anën tjetër, ndërtimi i këtij sheshi në Podujevë u përcolla me zhurmë të madhe. Ndërtimi i tij dështoi për dy vite radhazi. Opozita thoshte se kjo është bërë me qëllim që të lihet sa më afër zgjedhje në këtë komunë. Ndërkaq, punimet në këtë shesh kanë filluar më 20 janar të këtij viti./Llapi.info

  • Gashi: Disa klientë të mi super VIP-kriminelë të kidnapojnë Veliajn, ta sjellin në Prishtinë për nja 4 vjet

    Gashi: Disa klientë të mi super VIP-kriminelë të kidnapojnë Veliajn, ta sjellin në Prishtinë për nja 4 vjet

    Avokati Tomë Gashi ka vizituar së fundi Tiranën. Pas kësaj ai tha se po mendon që të flas me disa prej klientëve të tij “Super VIP-kriminel”, që të kidnapojnë kryebashkiakun e Tiranës, Erion Veliajn.

    Sipas tij kidnapimi i Veliajt të bëhet që të sillet në Prishtinë për një mandate 4 vjeçar.

    Statusi i plotë:

    Tirona jone, pa livadhe ne asfalt ne atmosfer festive.
    Jam ka mendoj me fol me do klienta te moj super VIP kriminel me kidnapu Erionin per nja 4 vjet me pru ne Prishtine.

  • Arifi lirohet nga Spitali i Nishit: Ishte një konfrontim dhe luftë për jetë a vdekje

    Arifi lirohet nga Spitali i Nishit: Ishte një konfrontim dhe luftë për jetë a vdekje

    Kryetari i Preshevës, Shqiprim Arifi është shëruar pas një jave që kishte qëndruar i shtrirë në Spitalin e Nishit. Arifi ka thënë se beteja e tij shëndetësore ishte luftë për jetë a vdekje.

    Arifi ishte shtrirë në Spitalin e Nishit në gjendje të rëndë shëndetësore. Pas shtatë ditësh trajtim kryetari i Preshevës u kthye përsëri në familje.

    “Pas disa ditëve i shtrirë në spital, jam kthyer përsëri në familjen time në Preshevë. Pa ekzagjëruar, mund t`ju them se kam kaluar një sfidë shëndetësore si kurrë më parë, madje ishte një konfrontim dhe luftë për jetë a vdekje. Në një moment të heshtjes, kërkoj nga ju t`i përkujtojmë të gjithë ata që kanë humbur jetën nga kjo pandemi globale dhe të lutemi për vëllezërit, motrat, prindërit, miqtë tanë që tani në këto momente sfidohen nga virusi Corona”, ka shkruar Arifi në Facebook.

    Tutje Arifi ka treguar arsyen pse zgjodhi Spitalin e Nishit për t’u trajtuar edhe pse kishte mundësi të transferohej në Gjermani dhe në të gjitha spitalet e Kosovës e të Shqipërisë.

    “Gjatë transferimit tim në spital, kam zgjedhur një institucion në rajon i cili frekuentohet nga shumica absolute e qytetarëve të Luginës së Preshevës. Kam pasur këshilla e mbështetje të transferohem në Gjermani (aty ku kam lindur) dhe në gjitha spitalet në Kosovë, Shqipëri e gjetiu. I kam falënderuar të gjithëve për përkujdesjen, pasi më ishte e pamundur të privilegjohem dhe të ndahem nga qytetarët e Luginës së Preshevës që janë të shtrirë në këto spitale rajonale”, ka shkruar Arifi.

  • 28 vjeçari i zhdukur nga Malisheva ishte mbajtur i lidhur dhe i zhveshur në mal

    28 vjeçari i zhdukur nga Malisheva ishte mbajtur i lidhur dhe i zhveshur në mal

    Jetmir Rudi nga fshati Rud i Malishevës është gjetur pasi ishte raportuar nga familjarët e tij se është zhdukur të shtunën.

    Në një fotografi të siguruar, Jetmiri shihet se është mbajtur i lidhur dhe i zhveshur në mal.

    Nga Policia kanë konfirmuar se Jetmiri është gjetur nga familjarët dhe është duke u trajtuar në Qendrën Kryesore të Mjekësisë Familjare në Malishevë.

    “Është gjetur nga familjarët. Për momentin po i ofrohet ndihmë mjekësore në QKMF Malishevë. Me procedura tjera do të vazhdojmë sapo të jetë në gjendje të deklarohet”, thuhet në përgjigjen e Policisë.

    Pasditen e së shtunës Jetmiri ishte larguar nga shtëpia dhe nuk është kthyer më. Familjarët e kishin lajmëruar Policinë se Jetmiri është zhdukur.

    Një familjar i tij ka thënë për Express se në momentin kur ka dalë nga shtëpia, Jetmiri ka qenë i stresuar.

    Ai ka deklaruar se Jetmiri nuk ka pasur probleme me askënd.

  • Presidenti i Maqedonisë së Veriut uron shqiptarët për ditën e Alfabetit

    Presidenti i Maqedonisë së Veriut uron shqiptarët për ditën e Alfabetit

    Presidenti i Maqedonisë së Veriut Stevo Pendarovski përmes një kumtese me shkrim i ka uruar shqiptarët për Ditën e Alfabetit, me rast të festës së “22 Nëntorit”.

    Ai ka shkruar se me këtë festë krenohen jo vetëm shqiptarët por të gjithë qytetarët e Maqedonisë së Veriut duke e marr parasysh se 22 Nëntori tash e 14 vite është edhe festë shtetërore.

    Në vijim keni shkrimin e plotë të Presidentit të Maqedonisë së Veriut, Stevo Pendarovski:
    “Jemi krenar që Dita e Alfabetit së Gjuhës Shqipe tashmë 14 vite është festë shtetërore me të cilën krenohen jo vetëm shqiptarët, por edhe të gjithë qytetarët e atdheut tonë.

    Gjuha dhe kultura janë fundamentale të çdo populli, mohimi i tyre nënkupton përpjekje për asgjësimin e përkatësisë së tyre etnike. Në shekullin XXI përpjekjet e tilla nuk mund të gjejnë vend dhe janë të dështuara.

    Do të doja të shfrytëzojë rastin që edhe në kohë krize të shkaktuar nga pandemia me Kovidit -19 edhe një herë apeloj të mbetemi të bashkuar, solidar dhe të përgjegjshëm dhe të mbrojmë veten, më të afërmit tanë dhe të gjithë komunitetin.

    Gëzuar 22 Nëntorin, Ditën e Alfabetit së Gjuhës Shqipe”.

    Ndërkaq gjatë zgjedhjeve presidenciale që u mbajtën 2 vite më herët, votat e shqiptarëve kanë luajtur rol kyç në zgjedhjen e Presidentit të Maqedonisë, ku garuan 3 kandidatë, Stevo Pendarovski, Gordana Silajovska dhe Blerim Reka. Në rrethin e parë të zgjedhjeve Pendarovski kishte një epërsi të lehtë ndaj Siljanovskës ndërsa kandidati shqiptar arriti të siguroj mbi 80 mijë vota. Në rrethin e dytë ishin shqiptarët ata që bënë diferencën duke votuar për Pendarovskin, për tu bërë President i vendit.

  • Monumenti NEWBORN ndryshohet para përvjetorit, kjo është pamja e re

    Monumenti NEWBORN ndryshohet para përvjetorit, kjo është pamja e re

    Monumenti NEWBORN, ka marrë pamje të re pak ditë para 28 nëntorit, ditës së pavarësisë së Shqipërisë, raporton Gazeta Express.

    “Dua të jem dhe të rritem në një botë ku kam të drejta”, është mesazhi i ri i këtij monumenti, i cili i kushtohet të drejtave të fëmijëve, ideatori i të cilit është Fisnik Ismaili.

    Monumenti NEWBORN u zbulua 12 vjet më parë dhe u bë simbol i shpalljes së pavarësisë së Kosovës.
    Gjatë këtij viti, kur Kosova shënoi 12-vjetorin e pavarësisë së saj, ky monument iu kushtua të mbijetuarve të abuzimit seksual.

    Vizualisht, këtë vit NEWBORN është në ngjyrën e zezë, duke përfaqësuar kështu shkatërrimin dhe zbrazëtinë që lë mbrapa secila luftë.
    Monumenti ishte për vite i ngjyrosur në të verdhë, ngjyrë e cila përfaqësonte flamujt e Kosovës dhe Bashkimit Evropian.

    Përmes këtij monumenti, çdo vit jepen mesazhe të ndryshme.
    Monumenti NEWBORN është i ndërtuar nga një skelet çeliku i mbuluar me shtresë metali 4mm të trashë. Çdo shkronjë është 3 metra e lartë dhe 1 metër e thellë, me peshë prej përafërsisht 1 tonelate. Ndërsa, i gjithë instalacioni është 24 metra i gjerë.

  • Halil Kastrati i përgjigjet kritikave të Ikballe Hudutit

    Halil Kastrati i përgjigjet kritikave të Ikballe Hudutit

    Përkrahësja e islamit shiit që kryesisht ka shtrirje në Iran e Irak, Ikballe Berisha Huduti, mbrëmë ka kritikuar Halil Kastratin dhe hoxhën Elvis Naçi për mënyrën sesi bëjnë bamirësi.

    Berisha Huduti vlerëson se është e turpshme ekspozimi i fëmijëve dhe sipas saj teologët e kanë vendin në xhami dhe jo në fondacione.

    Pas deklaratave të saj Gazeta Express ka zhvilluar një bisedë me Halil Kastratin, i cili tregon se paraprakisht merr lejen e kujdestarit ose familjes për ekpozimin e fëmijëve, ndërsa për Ikballe Hudutin thotë se “është mendimi i saj”.

    “Nuk i kam pa deklaratat e saj, mi kanë dërgu disa shokë, por nuk i kam pa edhe me i pa nuk kam kohë të merrem me atë”, tha Kastrati të dielen për Gazetën Express.

    Tutje ai thotë se nëse Ikballe Huduti ka ndonjë mënyrë apo formë tjetër të bamirësisë le të vazhdojë.

    “Nëse ka ajo ndonjë mënyrë tjetër të bamirësisë le të vazhdon, për neve publikimi i fytyrave të fëmijëve bëhet në pajtim me kujdestarin dhe familjen. Pra secilën familje që ne e vizitojmë, kujdestari firmos një letër që me dakordimin e tij lejohet publikimi i fotografive edhe si Halil mendoj që është shumë më e rëndë ekspozimi i atij fëmijës çdo ditë në shkollë dhe rrethit ku jeton me gjendje të rëndë sesa një minutazhë e shkurtër dhe i ndryshon jetën. Megjithatë është mendimi i saj, nëse ka ndonjë metodë tjetër apo formë tjetër ajo, kjo është metoda e punës tonë”, u shpreh më tej Kastrati.

    Ai tha se është parim i tij të mos merren me deklarata të askujt, por çdo kritikë mundohet ta marrë si këshillë dhe e sheh nëse ka vend për përmirësime.

    “Është mendimi i saj dhe është parimi ynë që nuk merremi, çdo llojë kritike që vjen qoftë nga zonja që e përmende apo nga dikush tjetër, mundohemi me marrë si këshillë dhe e shohim se a ka vend për përmirësime. Përndryshe nuk kemi kohë me u marrë me të, aktiviteti ynë vazhdon dhe qëllimi ynë është që mundohëmi që lotin e hidhërimit ta kthejmë në lot gëzimi”, përfundoi Kastrati për Gazetën Express.

    Ndërsa, Huduti Berisha ka deklaruar se duhet matur veprimet sepse sipas saj veprimet mund të lëndojnë më shumë se ndihma.

    ‘’Është e turpshme me ua kallxu fytyrat e njerëzve. Shko e fotografo shtëpitë. Halil Kastrati e Elvis Naci kanë kriju inferioritet me ata fëmijë. Teologu e ka vendin në xhami, e jo nëpër fonadacione. Fondet të mos shkojnë në duar të hoxhollarve”, ka thënë ajo në RTV Dukagjini.

    ‘’Ata e kanë shpërblim prej Zotit, por duhet të maten veprimet, sepse veprimet të lëndojnë më shumë se sa ndihma’’, ka thënë ajo.

  • Zemaj e pranon “dështimin” rreth menaxhimit të pandemisë, fajson qytetarët për mos respektim të masave

    Zemaj e pranon “dështimin” rreth menaxhimit të pandemisë, fajson qytetarët për mos respektim të masave

    Ministri i Shëndetësisë, Armend Zemaj, ka thënë se masat parandaluese ndaj përhapjes së virusit korona nuk po respektohen, për çka siç ka thënë ai, rastet pozitive dhe ato të vdekjeve po rriten, shkruan GazetaBlic.

    Në një postim në Facebook, i pari i Shëndetësisë u ka bërë thirrje qytetarëve që të ndryshojnë sjelljen e tyre, pasi sipas tij, në të kundërten rastet s’do të bien.

    Postimi i plotë:

    Qytetarë të nderuar,
    Respektimi i masave për pengimin e përhapjes së virusit dhe luftimin e tij, nuk është në nivelin e duhur, sepse, rastet pozitive dhe rastet e vdekjeve po shtohen. Mos i jepni rast virusit. Ndryshoni sjelljen tuaj.
    Numri i madh i personave me virusin Covid 19, dhe numri i madh i rasteve të vdekjeve, do shërbyer si sinjal i fuqishëm për pakujdesinë në shtetin tonë.

    Deri sa ende nuk janë në përdorim vaksinat kundër virusit, mënyra e vetme për t’u mbrojtur, është distanca, maska dhe higjiena.
    Zbatoni masat kundër virusit vdekjeprurës, ndryshe, numrat nuk do të ulën. Ndryshoni sjelljen tuaj, për ta ndryshuar gjendjen në Republikën tonë. Ndryshe, na presin sfidat edhe më të mëdha!

    Barte maskën!
    Ruaje distancën!
    Mbaje higjienën!.

  • Driton Selmanaj merr një tjetër “goditje” nga një zyrtar i LDK-së: Saranda është motra ime, është gjaku im

    Driton Selmanaj merr një tjetër “goditje” nga një zyrtar i LDK-së: Saranda është motra ime, është gjaku im

    Asambleisti i LDK-së në Prishtinë, Kushtrim Sopa ka reaguar pas sulmeve të fundit në drejtim të të mbijetuarës së luftës, Saranda Bogujevci.

    ‘Saranda është motra ime, është gjaku im.

    Familja Bogujevci dhe të gjitha familjet Shqipëtare të prekura dhe të persekutuara nga kriminelët serb dhe shteti kriminal i serbisë në luftë janë familje të miat.

    Çdo Shqipëtarë, është vëllau im.

    Çdo Shqipëtare, është motër e imja’, tha ai.

    Ai po ashtu ka bërë thirrje që të mos shfrytëzohet ky moment për fushatë e vota, derisa ka bërë një shkrim shumë të matur e unifikues.

    Më poshtë, postimi i plotë: