rilindja.albeniplast.com

Category: LAJME

  • Isa Mustafa nga frika për të shkuar në zgjedhje, e fton PDK-në të futet në Qeveri

    Isa Mustafa nga frika për të shkuar në zgjedhje, e fton PDK-në të futet në Qeveri

    Kryetari i Lidhjes Demokratike të Kosovës, Isa Mustafa, është përgjigjur në shumë tema të rëndësishme për vendin.

    Mustafa në një intervistë per Telegrafin ka thënë se Kuvendi është bërë jofunksional dhe sipas tij më së paku po i përngjan organit ligjvënës e shumë më tepër një teatri me shfaqje të këqija për publikun.

    I pari i LDK-së ka thënë se është i hapur diskutimi për futjen e PDK-së në Qeveri.

    “Takime nuk kemi mbajtur. Jemi të hapur që ta diskutojmë edhe këtë mundësi si pjesë e pakos për marrëveshje për zgjedhje të Presidentit. Në javët në vijim do të iniciojmë një tryezë të partive parlamentare, nga e cila do të dilnin përcaktimet për parimet, kriteret dhe kandidatët e mundshëm për këtë pozitë.

    Pas kësaj do të deklarohemi për vullnetin politik të LDK-së për ndonjë kandidat apo për zgjedhje të reja. E vlerësojmë se zgjedhjet në këtë situatë pandemie nuk do duhej të mbahen. Por, në qoftë se nuk pajtohemi për Presidentin, do të pajtohemi për zgjedhje”, ka thënë ai

  • Vjosa Osmani ia indërpret mandatin anëtarit të Listës Serbe në KQZ

    Vjosa Osmani ia indërpret mandatin anëtarit të Listës Serbe në KQZ

    Ushtruesja e detyrës së Presidentit të Kosovës, Vjosa Osmani ia ka ndërprerë mandatin në Komisionin Qendror Zgjedhor, përfaqësuesit të Listës Serbe, Nenad Rikalo.

    Sipas komunikatës së ZPRK’së, vendimi është është marrë pasi që Rikalo, ditë më parë nga Qeveria e Serbisë ka marrë pozitë të lartë në të ashtuquajturën “Zyre për Kosovën”.

    “Në mbështetje të nenit 90 të Kushtetutës së Republikës së Kosovës, nenit 6 të Ligjit Nr. 03/L – 094 për Presidentin e Republikës së Kosovës (GZ, Nr. 47, 25 janar 2009), nenit 61 (paragrafi 5, pikat a dhe d) të Ligjit Nr. 03/L-073 për Zgjedhjet e Përgjithshme në Republikën e Kosovës (GZ, Nr. 31, 15 qershor 2008), nenit 3 (paragrafi 4) të Rregullores (P) Nr. 02/2016 për strukturën organizative të Presidencës (08.09.2016), si dhe duke marrë parasysh shkresën e Komisionit Qendror të Zgjedhjeve, të pranuar në Zyrën e Presidentit më 20.11.2020 (Nr. Prot.: 1240)” nxjerr: Vendim: 1. Z. Nenad Rikalo, i ndërpritet mandati si Anëtar i Komisionit Qendror të Zgjedhjeve të Republikës së Kosovës. 2. Vendimi hyn në fuqi në datën e nënshkrimit“, thuhet në vendim.

    Komunikata e plotë:

    U.d. Presidentja e Kosovës, dr.Vjosa Osmani, duke u mbështetur në Kushtetutën e Republikës së Kosovës, sot ka marrë vendim t`ia ndërpresë mandatin në Komisionin Qendror Zgjedhor, përfaqësuesit të Listës Serbe, z.Nenad Rikalo.

    Ky vendim është marrë pasi që z.Rikalo, ditë më parë nga Qeveria e Serbisë ka marrë pozitë të lartë në të ashtuquajturën “Zyre për Kosovën”.

    “Në mbështetje të nenit 90 të Kushtetutës së Republikës së Kosovës, nenit 6 të Ligjit Nr. 03/L – 094 për Presidentin e Republikës së Kosovës (GZ, Nr. 47, 25 janar 2009), nenit 61 (paragrafi 5, pikat a dhe d) të Ligjit Nr. 03/L-073 për Zgjedhjet e Përgjithshme në Republikën e Kosovës (GZ, Nr. 31, 15 qershor 2008), nenit 3 (paragrafi 4) të Rregullores (P) Nr. 02/2016 për strukturën organizative të Presidencës (08.09.2016), si dhe duke marrë parasysh shkresën e Komisionit Qendror të Zgjedhjeve, të pranuar në Zyrën e Presidentit më 20.11.2020 (Nr. Prot.: 1240)” nxjerr: Vendim: 1. Z. Nenad Rikalo, i ndërpritet mandati si Anëtar i Komisionit Qendror të Zgjedhjeve të Republikës së Kosovës. 2. Vendimi hyn në fuqi në datën e nënshkrimit“, thuhet në vendimin e u.d. Presidentes Osmani.

  • Deputeti i AAK-së Rasim Selmanaj: Jam me Bogujevcin edhe nëse ajo e ‘gabon’ qasjen për të pagjeturit! Dritoni të kërkoj falje

    Deputeti i AAK-së Rasim Selmanaj: Jam me Bogujevcin edhe nëse ajo e ‘gabon’ qasjen për të pagjeturit! Dritoni të kërkoj falje

    Deputeti i AAK-së, Rasim Selmanaj ka sugjeruar zv/kryeministrin e vendit, Driton Selmanajn, që të kërkoj falje për çështjen e të pagjeturve.

    Ai ka përmendur debatin e fundit të krijuar në vend, duke sqaruar edhe rastin e deputetes së VV-së, Saranda Bogujevci.

    “Duke qenë kritik ndaj Driton Selmanajt, pavarësisht kontekstit të fjalës së tij, mendoj se njerëzit si deputetja e nderuar, Saranda Bogujevci, duhen të jenë shembull, sidomos kur flasin për pl agët të cilat i kanë perjetuar vetë”, ka deklaruar ai.

    Postimi i plotë:

    SARANDA BOGUJEVCI DHE DRITON SELMANAJ

    Në cilëndo rrethanë jam me Saranda Bogujevcin, madje edhe kur mund ‘të gabojë’ qasjen se si e shtron çështjën e të pagjeturve, që rrjedhimisht është plagë e saj, por edhe e Kosovës.

    Shpirtërisht, si njeri e si shqiptar, në këtë temë jam me Ty Sarandë!

    Ajo që sot është irituese për çdo qytetar, pra edhe për mua, është përçarja e thellë politike, që fatkeqësisht po reflekton edhe në tema nacionale, e për më keq, kjo u reflektua edhe në temën e të pagjeturve.

    Cila është e vërteta e kësaj plage?!

    Të gjitha qeveritë kanë mundur të bëjnë më shumë, por që e verteta e hidhur është se Kosova, me pozicinin e saj si shtet, nuk e ka fuqinë që ta zgjidhë çështjën e të pagjeturve, sepse Serbia vazhdon t’i fshehë kri met e saj, pra logjika e politikës serbe, në Beograd, është logjikë e fshehjes dhe përkrahjes se kri mit ndaj shqiptarëve!!

    Po ashtu, tashmë duhet të thuhet se po mungon presioni i domosdoshëm i faktorit ndërkombëtar për të zhdu kurit e luf tës.

    Duke qenë kritik ndaj Driton Selmanajt, pavarësisht kontekstit të fjalës së tij, mendoj se njerëzit si deputetja e nderuar, Saranda Bogujevci, duhen të jenë shembull, sidomos kur flasin për plagët të cilat i kanë perjetuar vetë.

    Sidoqoftë, një kërkim falje e zv. Kryeministrit më se njerëzore.

    Personalisht jam në mesin e të mbijetuarëve, pothuaj i mbijetuar me dhjetëra herë, por kur kam folur në Parlamant,veçanërisht për Mas akrën në burgun e Dubravës gishtin e kam drejtuar nga kri minelët serbë, që na vr anë e masa kruan po në atë burg famëkeq.

    Po ashtu kam qenë kritik ndaj institucioneve tona që nuk kanë bërë sa dhe si duhet për nxjerrjen e kr imin elëve serbë para drejtësisë.

    Por, që nuk kam provuar që Masakra e Dubravës të shnëdrrohet në arenë të përplasjeve politike në mes te partive politike në Parlamentin e Kosovës.

    Njerëzit si Ju, Saranda, e nderojnë Parlamentin dhe i japin kuptimin dhe vlerën institucioneve të Kosovës të ngritura me gjakun e mijëra dëshmorëve!

    Krejt në fund, unë jam me Ty në temën e të pagjeturve, njëjtë siç jam sot me pjesëtarët, udhëheqësit e UÇK-së dhe prijësit e institucioneve tona të cilët akuzohen nga Gjykata e Njëanshme / Speciale, që më së paku është e Kosovës.

  • “Deputetët morën 2 milionë euro paga në kohë pandemie”

    “Deputetët morën 2 milionë euro paga në kohë pandemie”

    Kryetari i Prishtinës, Shpend Ahmeti ka thënë se deputetët e Kuvendit të Kosovës që nga fillimi i pandemisë kanë marrë 2 milionë euro paga.

    Këtë deklaratë, Ahmeti e bëri përmes një postimi në Facebook.

    ”Prej fillimit të pandemisë deputetët e Kuvendit kanë marr 2 milionë euro paga”, ka shkruar Ahmeti.

    Pakoja e Rimëkëmbjes Ekonomike e paraparë si ndihmë për bzineset dhe qytetarët nuk ka arritur të kalojë në Kuvend në lexim të dytë.

  • MPJ sqaron refuzimin e kërkesës së Vuçiqit për vizitë në Kosovë, e quan ofenduese dhe provokuese

    MPJ sqaron refuzimin e kërkesës së Vuçiqit për vizitë në Kosovë, e quan ofenduese dhe provokuese

    Presidenti i Serbisë, Aleksandar Vuçiq, ministri i Mbrojtjes, Aleksandar Vulin dhe Marko Gjuriq, nuk do të lejohen të hyjnë në Kosovë.

    Sipas një njoftimi për media nga MPJ thuhet se kërkesa e Aleksandar Vuciq dhe të tjerëve në një kohë kur Kosova është duke u përballur me rihapjen e plagës së personave të pagjetur si dhe zbulimit të varrezave massive të shqiptarve të vrarë e masakruar në luftë është ofendim më tepër se provokim.

    Tutje në njoftim bëhet e ditur se secila kërkesë e Serbisë në këto rrethana gjithmonë do ta ketë përgjigjen e njëjtë.

    “Kërkesa e Vuçiq, Vulin, Gjuriq e Petkoviq për të vizituar Kosovën, në një kohë kur Kosova përballet me rihapjen e plagës e dhimbjes së madhe të personave të pagjetur, dhe zbulimit të varrezave masive të shqiptarëve të vrarë e masakruar në luftë, 21 vjet më pas, është ofendim më tepër se provokim! Secila kërkesë e Serbisë në këto rrethana gjithmonë do ta ketë përgjigjen e njëjtë”, thuhet në njoftim.Lexo po ashtu:

    Gjithashtu, ministrja e MPJ-së Meliza Haradinaj-Stublla ka njoftuar se e ka shtyrë vizitën e saj në Kizhevak të Serbisë ku u gjet një varrezë masive me trupat e shqiptarëve të vrarë në gjatë luftës në Kosovë.

    “Meqë institucionet e Kosovës të angazhuara për zbardhjen e fatit të personave të pagjetur,  tanimë kanë pranuar ftesën për pjesëmarrje në vazhdimin e gërmimeve në varrezën masive në Kizhevak të Serbisë dhe do të jenë aty gjatë javës së ardhshme, edhe vizita e paralajmëruar e Ministres së Punëve të Jashtme dhe Diasporës znj. Meliza Haradinaj-Stublla, shtyhet për një kohë tjetër. Qytetarët e Kosovës, familjet e të pagjeturve, të vrarëve dhe të masakruarve nga forcat policore, ushtarake dhe paramilitare serbe, pyesin me të drejtë se çka do të ndodhë pas zbulimit të varrezave masive dhe rivarrosjes? Deri kur drejtësia ndërkombetare do të lejojë, që po ata që kryen krimet te kryejnë edhe hetimet e gjykimet? Serbia, nuk është në gjendje ta trajtojë të kaluarën e saj kriminale, andaj kërkohet ndërhyrje ndërkombëtare në këto rrethana, që drejtësia e munguar për viktimat e gjenocidit serb në Kosovë të vihet në vend”, thuhet tutje në njoftimin e MPJ-së. /Telegrafi/

  • Cila do të ishte zgjidhja më e mirë për president të ardhshëm të Kosovës sipas Albin Kurtit

    Cila do të ishte zgjidhja më e mirë për president të ardhshëm të Kosovës sipas Albin Kurtit

    Kryetari i Lëvizjes Vetëvendosje, Albin Kurti, në një intervistë të gjatë për KALLXO.com, ka deklaruar se nuk e përkrah kandidaturën e shpallur të Ramush Haradinajt për president të ardhshëm të Kosovës.

    Kurti ka thënë se besojnë që duhet të zgjedhin një president ose presidente që është shprehje e unitetit.

    “Ne besojmë që duhet ta zgjedhim një president ose presidente që është shprehje e unitetit të popullit. D.m.th., zotëri Haradinaj është tëpër shumë partiak për t’u bërë president. Ne kemi pasur edhe më herët presidentë partiakë por nuk ia keni kaluar mirë”, ka thënë Kurti.

    Ish-kryeministri ka shtuar se Haradinaj është superpartiak.

    “Jo. Unë mendoj se Haradinaj nuk mund ta shprehë unitetin e popullit sepse është një kryetar partie. Është superpartiak. Së pari është gabim në hapa; së pari zgjedhjet e mandej zgjedhja e presidentit dhe së dyti duhet unë mendoj që ta kemi një president apo presidente e cila i afrohet përshkrimit të unitetit të popullit”, ka thënë ai kur është pyetur nëse profili i Haradinaj nuk është i dëshirueshëm për të.

    Kurti ka theksuar se Vetëvendosje nuk e ka ndonjë kandidat për president.

    “Jo. Ne nuk kemi një kandidat. Ne duam zgjedhje të reja dhe qeveri të re, e për president pajtohem se pas zgjedhjeve të reja. Duhet të ulemi e ta gjejmë dikën mbi palët. Pra, nuk bën presidenti të jetë palë”, theksoi kreu i LVV-së.

    Lideri i LVV-së e ka krahasuar Ramush Haradinajn me ish-presidentin Hashim Thaçi.

    “Kështu e kishim ish-presidentin që ishte palë dhe unë i bëja thirrje ish-presidentit, ‘Meqë je aq i zhytur në politikat ditore, lëre kolltukun e presidentit, jep dorëheqje e eja në zgjedhje se ju jeni shumë partiak, jeni shumë i njëanshëm’. Edhe Haradinaj është i tillë. Njeri i fushatave elektorale. Nuk mund të kemi president të njëanshëm. Është e domosdoshme ta kemi një president të paanshëm e mbi palët”, shprehet Kurti në këtë intervistë.

    Në një intervistë të gjatë për KALLXO.com, Albin Kurti mes tjersh flet rreth aktakuzës së Gjykatës Speciale, pasojave politike, zgjedhjeve të reja dhe synimin e tij për t’u rikthyer në pushtet me 50 për qind të votave.

    Pas dorëheqjes së presidentit Hashim Thaçi, institucionet e Kosovës do të duhet të zgjedhin kryetarin e ri të shtetit brenda gjashtë muajve, ose vendi duhet të shkojë në zgjedhje të parakohshme parlamentare.

  • Vuçiq dhe “banda” e tij kërkuan leje që sot ta vizitojë Kosovën

    Vuçiq dhe “banda” e tij kërkuan leje që sot ta vizitojë Kosovën

    Një gjë të tillë për Gazetën Express e kanë konfirmuar nga Ministria e Punëve të Jashtme të Kosovës.

    Përveç presidentit të Serbisë, leje për të vizituar Kosovën kanë kërkuar edhe shefi i të ashtuquajturës “Zyra për Kosovën”, Petar Petkoviq, ministri i Punëve të Brendshme, Aleksander Vulin, dhe Marko Gjuriq.

    “Të enjten kanë kërkuar leje për vizitë, Petkoviq, Vuçiq, Vulin dhe Gjuriq”, kanë nga Ministria e Punëve të Jashtme.

    Megjithatë nga kjo ministri thonë se nuk do t’iu japin leje për të vizituar Republikën e Kosovës.

    Një kërkesë e tillë kreut të Serbisë për vizitë në Kosovë vjen pas gjetjes së një varreze masive në Serbi ku dyshohet se janë trupat e shqiptarëve të Kosovës të vrarë nga regjimi i Sllobodan Millosheviqit në luftën e fundit.

  • Gazetari holandez bënë “cirk” pasi arrinë të futet në video-konferencën konfidenciale të Borrellit me ministrat e BE-së

    Gazetari holandez bënë “cirk” pasi arrinë të futet në video-konferencën konfidenciale të Borrellit me ministrat e BE-së

    Një gazetar holandez ka arritur të futet pa leje në një videokonferencë konfidenciale të ministrave të Mbrojtjes të vendeve anëtare të Bashkimit Evropian falë informatave të postuara në llogarinë e Ministrisë së Mbrojtjes së Holandës në Twitter.

    Në pamjet e siguruara nga Politico shihet gazetari Daniel Verlaan i televizionit RTL që shfaqet në një ekran më të madh në grupin e ekraneve më të vogla të videokonferencës në kompjuter.

    Ai qesh, rregullon flokët dhe i përshëndet ministrat me dorë.
    Pamje nga video-konferenca
    “A e di se je futur në një konferencë sekrete”, dëgjohet duke i thënë Borrelli – shef për politikë të jashtme i BE-së, gazetarit Verlaan, ndërsa disa zyrtarë dëgjohen duke qeshur.
    “Po, po. Më vjen keq. Unë jam gazetar nga Holanda. Më vjen keq që ju pengova në konferencën tuaj”, ia ktheu gazetari.

    “A e di se kjo është shkelje kriminale, ë? Më mirë dil shpejt para se të vijë policia”, i thotë më pas kryediplomati i Bashkimit Evropian.

    Ndonëse kjo shkelje u prit me të qeshura, ajo ka ngritur pyetje serioze për sigurinë e takimeve konfidenciale të BE-së. Në video-konferencën e së premtes kishte diskutime edhe për një dokument të klasifikuar rreth kërcënimeve që i shfaqen BE-së dhe strategjisë së mbrojtjes.

    Televizioni RTL raportoi se gazetari Verlaan arriti të ketë qasje në konferencë për shkak se në llogarinë e ministres holandeze të Mbrojtjes, Ank Bijleveld, për një kohë të shkurtër u publikua një fotografi ku shihej adresa e futjes në konferencë dhe një pjesë e kodit PIN.

    Një zëdhënës i Ministrisë së Mbrojtjes tha se një anëtar i stafit aksidentalisht e publikoi në Twitter fotografinë ku shiheshin të dhënat e ndjeshme.

  • “Ti nuk më përfaqëson”- Nis peticioni për shkarkimin e Driton Selmanajt pas deklaratave ofenduse ndaj Saranda Bogujevcit

    “Ti nuk më përfaqëson”- Nis peticioni për shkarkimin e Driton Selmanajt pas deklaratave ofenduse ndaj Saranda Bogujevcit

    Një peticion online në moton “Ti nuk më përfaqëson” për shkarkimin e zëvendëskryeministrit Driton Selmanajt është hapur pas deklaratave të tij të fundit ndaj të mbijetuares së masakrës ndaj familjes Bogujevci në Podujevë, Saranda Bogujevci, e cila është edhe deputete e Vetëvendosjes.

    Selmanaj u akuzua ndaj deklaratës së tij për të pagjeturit. Deri tash, peticioni është nënshkruar nga mbi 1,100 persona.

    Gjatë debateve të interpelancës së kryeministrit të Republikës së Kosovë, Avdullah Hoti, ku diskutohej çështja “Trajtimi i dëmshëm i temës së të pagjeturve në zotimet e 4 shtatorit, duke e kushtëzuar me personat e zhvendosur”, zëvendëskryeministri i Kosovës Driton Selmanaj, u tha deputetëve se po bëjnë politikë mbi kufoma, jemi lodhur nga këto gjëra”.

    Kjo deklaratë e tij u pasua me akuza të shumta edhe nga shoqëria civile, të cilët si përfaqësues të këtyre familjeve me viktima dhe të pagjetur po konsiderojnë që Selmanaj nuk e ka vendin në Qeverinë e Kosovës.

    Më poshtë gjeni përshkrimin e peticionit si dhe linkun:


    Kosova ende vazhdon të jetojë në terrin e të pagjeturve. Ende mbetet plagë e hapur mos vënia e drejtësisë për krimet e masakrat, për gratë viktima të dhunës seksuale gjatë luftës së fundit në Kosovë.


    Andaj si qytetarë, si familjarë të personave të pagjetur, të atyre të vrarë, të grave viktima të dhunës seksuale dhe gjithë atyre që kanë parë krimet me sy dhe kanë përjetuar masakrat në lëkurën e tyre, jemi thellësisht të indinjuar nga deklaratat e zëvendëskryeministrit të Kosovës Driton Selmanajt. Ky njeri dhe ky emër nuk paraqet person fizik por përfaqëson institucionet e Republikës së Kosovës dhe si e tillë është e rrezikshme të kemi në udhëheqje një përfaqësues që i konsideron çështjen e të pagjeturve, masakrat dhe krimet e kryera në Kosovë si çështje që është konsumuar dhe ezauruar.


    Prandaj, ky peticion është protesta jonë!


    U bëjmë thirrje të gjithë qytetarëve të Republikës së Kosovës të nënshkruajnë peticionin përmes së cilit kërkojmë nga kryeministri i Republikës së Kosovës z. Avdullah Hoti shkarkimin e Driton Selmanajt nga pozita e zëvendëskryeministrit. Ndërsa Driton Selmanaj e ftojmë të japë dorëheqje nga çdo pozitë zyrtare në institucionet e Republikës.

    Ti nuk më përfaqëson!

    https://www.change.org/p/kryeministri-i-kosov%C3%ABs-z-avdullah-hoti-historia-q%C3%AB-harrohet-p%C3%ABrs%C3%ABritet-shkarkim?recruiter=false&utm_source=share_petition&utm_medium=facebook&utm_campaign=psf_combo_share_initial&utm_term=share_petition&recruited_by_id=833f79e0-2b52-11eb-b238-0de0ef775a6f&utm_content=fht-25934136-en-us%3A0

  • Gjykata Themelore konfirmon aktakuzën ndaj ish-ministrit Numan Baliq për sulm seksual

    Gjykata Themelore konfirmon aktakuzën ndaj ish-ministrit Numan Baliq për sulm seksual

    Gjykata Themelore në Pejë e ka konfirmuar aktakuzën për sulm seksual ndaj ish-ministrit Numan Baliq.

    Këtë për Gazetën Sinjali e ka konfirmuar zëdhënësja e gjykatës, Tringa Zhuti.

    Sipas aktakuzës së ngritur më 29 shtator të këtij viti, Baliq, në cilësinë e profesionistit shëndetësor, e ka sulmuar seksualisht viktimën e cila ishte e hospitalizuar në Spitalin e Pejës.

    Sipas Prokurorisë, i akuzuari e kishte cytur viktimën që ta prekë me qëllime seksuale pa pëlqimin e saj.

    Në aktakuzë thuhet se viktima kishte arritur që të largohet nga ai, duke kërkuar ndihmë fillimisht nga rojet e sigurisë, e më pas e kishte lajmëruar rastin në polici.