Category: SPORT

Lamine Yamal ka fituar çmimin e futbollistit të muajit prill në La Liga.

Talenti i Barcelonës ka triumfuar në këtë garë duke lënë pas sulmuesin kosovar Vedat Muriqi.

Vendimi është cilësuar si i diskutueshëm nga tifozët, pasi gjatë muajit prill Yamal ka shënuar vetëm dy gola, krahasuar me Muriqin që ka realizuar tre gola në të njëjtën periudhë.

Njëri prej golave të sulmuesit kosovar ka ardhur në ndeshjen ndaj Real Madrid, ku i ka siguruar fitoren Mallorcas, ndërsa dy golat e tjerë i ka shënuar ndaj Rayo Vallecanos.

Në garë për këtë çmim kanë qenë gjithashtu edhe Carlos Soler, Lucas Boye dhe Federico Vinas, por në fund çmimi ka shkuar për Yamal, i cili po vazhdon të marrë vëmendje të madhe në elitën e futbollit spanjoll.

Sipas “La Gazzetta dello Sport”, Juventusi është i interesuar për mesfushorin e Milanit, Ardon Jashari, i cili ka pasur një sezon debutues të vështirë në “San Siro”.

Juventusi po kërkon një mesfushor qendror të ri për verën e ardhshme dhe, sipas raportimeve, Jashari është një nga emrat në listën e “bardhezinjve”.

Klubi po monitoron situatën e tij dhe synon të afrojë një organizator loje për sezonin 2026/27.

Jashari iu bashkua Milanit nga Club Brugge verën e kaluar për rreth 34 milionë euro plus bonuse, por pësoi një dëmtim serioz në fibul vetëm pak ditë pas fillimit të stërvitjeve, gjë që ndikoi në të gjithë sezonin e tij.

Mesfushori i Zvicrës, me prejardhje shqiptare, ka luajtur vetëm 657 minuta në të gjitha garat këtë sezon, duke u aktivizuar në 13 ndeshje dhe duke qëndruar 15 herë në stol.

Juventusi kishte shfaqur interesim për Jasharin edhe vitin e kaluar dhe mund të konsiderojë një marrëveshje me Milanin këtë verë, nëse kushtet financiare janë të favorshme.

Ndërkohë, në listën e objektivave të klubit janë edhe Bernardo Silva i Manchester Cityt dhe Pierre-Emile Hojbjergu i Marseillet.

Juventusi madje ka nisur tashmë bisedimet me rrethin e Bernardos, pasi kontrata e tij me Manchester Cityn skadon në qershor 2026 dhe nuk pritet të rinovohet.

Real Madridi do të luajë sonte ndeshjen e La Ligës ndaj Real Betisit.

Portieri gjerman, Manuel Neuer, po shkëlqen me Bayernin.

Ndonëse është 40-vjeçar, ai po tregon klasin e tij duke vazhduar të tregojë performanca të larta.

Dhe Bayerni, po i beson atij ku i ka ofruar vazhdimin e kontratës edhe për një sezon, të cilët po e presin miratimin e tij.

Neuer, që nga ardhja e tij në vitin 2011 ka bërë 595 paraqitje, ku fitoi gjithçka përfshirë dy “tripleta” në vitet 2013 dhe 2020.

Shanset tashmë të vogla të Real Madridit për ta rikthyer titullin e La Ligës në gjashtë ndeshjet e fundit të sezonit kanë marrë një goditje të rëndë, pasi dy lojtarë të rëndësishëm pothuajse janë jashtë për pjesën e mbetur të edicionit.

Si Éder Militão, ashtu edhe Arda Güler pritet të mungojnë gjatë gjithë muajit të fundit të sezonit. Mbrojtësi brazilian u largua nga fusha pak para përfundimit të pjesës së parë në ndeshjen ndaj Alavesit, dhe fillimisht u mendua se ishte vetëm një masë paraprake.

Në anën tjetër, Güler mungoi papritur në stërvitje dhe iu nënshtrua kontrolleve mjekësore, ku në fillim u besua se bëhej fjalë për një shqetësim të lehtë që kërkonte vetëm pushim.

Megjithatë, sipas raportimeve të Diario AS, të dy lojtarët kanë pësuar dëmtime të shkallës së dytë në muskujt e kofshës (hamstring), që zakonisht kërkojnë 3 deri në 4 javë rikuperim, duke i lënë jashtë për pjesën më të madhe të ndeshjeve të mbetura.

Futbollisti i Barcelonës, Lamine Yamal mbrëmë pësoi një lëndim gjatë gjuajtjes së penalltisë ndaj Celta Vigos.

Në stadiumin “18 Qershori” në Klinë, Dukagjini do të jetë nikoqire e Ballkanit.

Skuadra nga Klina është një hap larg finales, pasi në takimin e parë ka fituar me rezultat 3-0.

Ndeshja tjetër gjysmëfinale luhet mes Ferizajt dhe Llapit, me vendasit që kanë përparësi, pasi fituan 2-1 në përballjen e parë.

Të dyja këto ndeshje zhvillohen nga ora 15:00.