Category: SPORT

Futbollisti Albion Rrahmani, është rikthyer fuqishëm pas lëndimit që e pësoi vitin e kaluar.

Ai e shënoi një gol në ndeshjen e fundit që ekipi i tij Rapidi i Bukureshtit e fitoi 2:1 kundër Otelulit.

Rrahmani ka hyrë në formacionin e javës 24 në Rumani.

23-vjeçari edhe pse ka luajtur pak deri më tani, ka arritur që t’i realizoi tetë gola dhe ka bërë dy asistime.

Albion Rrahmani u transferua në Rumani nga Ballkani, pas eksperiencës së jashtëzakonshme që e pati në Superligën e Kosovës.

Rrahmani i ka zhvilluar dy ndeshje edhe me Kombëtaren e Kosovës.

Edon Zhegrova ka nisur të lërë gjurmë në Francë.

Ylli kosovar po shkëlqen në fanellën e Lillet, ku është bërë titullar i padiskutueshëm dhe njëri prej lojtarëve më të dalluar në kampionatin francez.

Për këtë arsye, “Messi i Kosovës” është nderuar me medalje nderi nga David Heiremans, kryetar i bashkësisë së Wervicq-Sud, në Francë.

24 vjeçari ishte protagonist i Lillet në fundjavën që shkoi duke e shënuar një gol dhe duke e dhuruar një asistim në fitoren 4:0 ndaj Clermont Foot, me ç’rast edhe u përfshi në ekipin e javës në Ligue 1.

https://www.facebook.com/permalink.php?story_fbid=305536195851591&id=100091856384667&ref=embed_post

Federata e Karatesë së Kosovës ka marr vendim që legjenda e karatesë, Enver Idirzi të jetë drejtor i reprezentacionit të Kosovës.

Ky vendim është marr në mbledhjen e parë konstituive të kësaj federate pas Kuvendit tẽ Jashtëzakonshëm Zgjedhor të ftuar nga kryetari i FKK-së Besart Baruti, ku mori disa vendime.

Enver Idrizi, legjenda jonë e karatesë u emërua drejtor i reprezentacionit të Kosovës në karate”, thuhet në njoftimin e FKK-së.

Idrizi është një ish-karateist kroat dhe ish-kampion bote. Është shqiptar etnik, i lindur në Shkup. Ai ishte kampion i karatesë i Jugosllavisë në moshën 16 vjeçare.

Futbollisti i Kombëtares së Kilit, Arturo Vidal është rikthyer te ish-skuadra e tij e fëmijërisë, Colo Colo.

36-vjeçari është prezantuar para tifozëve të ekipit kilian dhe ka befasuar të gjithë me mënyren se si e bëri këtë.

Vidal fillimisht ateroi me një helikopter, më pas hypi mbi kalë si të ishte mbret.

Kujtojmë që ish-mesfushori i Bayern Munich, Juventusit, Interit e shumë skuadrave tjera te Colo-Colo luajti gjatë viteve 2005-2007.

Arturo Vidal has landed (literally) in his new club Colo-Colo.

THIS is how you receive a king! pic.twitter.com/RAIDTknDoh

— unisportlife (@unisportlife) February 2, 2024

“Redsat” shënuan fitore bindësi si nikoqir i Chelseas, me rezultat 4-1.

Diogo Jota hapi serinë e golave në minutën e 23-të.

Conor Bradley dyfishoi epërsinë në minutën e 39-të, ndërsa Darwin Nunez pati mundësin të shënoj golin e tretë për Liverpulin, por gaboi nga penalltia në 45+2.

Dominik Szoboszlai shënoi golin e tretë për skuadrën e Jurgen Kloppit, në minutën e 65-të.

Gjashtë minuta më vonë, Chelsea ngushtoi rezultatin me golin e Christopher Nkunku.

Golin e sigurisë, për rezultatin final 4-1, e shënoi Luis Diaz në minutën e 79-të.

Liverpuli mbetet lider i Premierligës me 51 pikë, pesë më shumë se Manchester City.

Në anën tjetër, Chelsea renditet në vendin e 10-të, me 31 pikë të grumbulluara.

Karriera e Kastriot Dermakut ka marrë një kthesë aspak të këndshme në sezonin e fundit për shkak të dëmtimeve të njëpasnjëshme që e kanë lënë jashtë fushave të lojës për një kohë të gjatë mbrojtësin kuqezi dhe kthimi i tij nuk duket se do të ndodhë së shpejti.

Futbollisti 31-vjeçar, i cili ka veshur 12 herë fanellën e Kombëtares shqiptare, sapo ishte kthyer nga një dëmtim i gjatë dhe kishte filluar të grumbullohej dhe ulej në pankinë në ndeshjet e klubit të Leçes, pjesë e të cilit është. Por mediat italiane kanë bërë të ditur se ai ka pësuar një tjetër dëmtim në stërvitje sot.

Gjatë seancës së pasdites, ai ka pësuar një ndrydhje në gjurin e majtë. Kështu, lojtari do të jetë i detyruar që t’u nënshtrohet testeve më të hollësishme nesër, për të kuptuar shkallën e dëmtimit të radhës që ka pësuar dhe që po e bën shumë të vështirë vijimin e karrierës.

Si pasojë e situatës me dëmtimet, Dermaku ka luajtur vetëm 2 ndeshje në vitin e fundit dhe aktivizimi i rregullt me Leçen, duket shumë pak i mundshëm.

Liverpool do të përballet sot me Arsenal në derbin e javës së 18’të të Premierligës angleze.

Dy gjigantët anglezë do të kërkojnë pikët e plota në “Anfield” në ndeshjen që është direkte për kreun e tabelës së Premier League.

Para fillimi të takimit që zhvillohet nga ora 18:30 janë publikuar formacionet e mundshme.

Ja 11’shet që pritet të startojnë:

Liverpool:
Alisson; Alexander-Arnold, Konate, Van Dijk, Tsimikas; Szoboszlai, Endo, Jones; Salah, Nunez, Diaz.

Arsenal:
Raya; White, Saliba, Gabriel, Zinchenko; Odegaard, Rice, Havertz; Saka, Jesus, Martinelli.

Sfida e vlefshme për javën e 16-të të Ligue 1 mes Lille dhe Paris Saint-Germain u mbyll me barazimin 1-1.

Sulmuesi i Lille dhe i përfaqësueses së Kosovës, Edon Zhegrova u shfaq në super formë në këtë përballje.

Pas sfidës kanë dalë edhe vlerësimet për të gjithë lojtarët dhe futbollisti me notën më të lartë është pikërisht Zhegrova, të cilit i është vendosur nota 7.8.

Talenti brazilian, Endrick, vazhdon turin e tij në Madrid, ku do të transferohet në verë, për të filluar një etapë shumë të rëndësishme të karrierës së tij, teksa pasi mbërriti në kryeqytetin spanjoll javën e kaluar, braziliani ishte i pranishëm të dielën në “Santiago Bernabeu”, për të shijuar nga afër fitoren e thellë (4-1) të “Los Blancos” ndaj Villarreal.

Ai ishte në tribunë bashkë me të dashurën dhe vëllanë e vogël, duke imituar festimin e Bellingham dhe të hënën u takua me presidentin Florentino Perez, i cili e mori për të vizituar ambientet e klubit dhe mbi të gjitha për të parë palmaresin e trofeve.

Lojtari i “gjigantëve” të futbollit brazilian, Palmeiras, i cili pas gjashtë muajsh do të veshë fanellën e bardhë, ka pozuar me presidentin, të cilit i ka bërë edhe një dhuratë, fanellën e Brazilit me numër 21, atë që veshi më 17 nëntor, kundër Kolumbisë, në ndeshjen e tij debutuese me kombëtaren në moshën 17 vjeç, 3 muaj e 27 ditë.

“Ishte ëndrra ime që kur isha i vogël dhe, falë Zotit, jam këtu me familjen time. Mendoj se do të shkruajmë një histori të mrekullueshme pas gjashtë muajsh”,- u shpreh talenti brazilian për kanalet zyrtare të “Los Blancos”.