Category: SPORT

Kombëtarja e Shqipërisë është në rrugë të mirë për të siguruar pjesëmarrjen e dytë në histori të saj në një Kampionat Evropian.

Kur kanë mbetur edhe dy ndeshje deri në fund të kampanjës kualifikuese, Shqipëria zë vendin e parë në Grupin E me 13 pikë.

Në dy ndeshjet e fundit kuqezinjtë duhet të marrin së paku një pikë ndaj Moldavisë në udhëtim ose Ishujve Faroe në shtëpi për të siguruar matematikisht kualifikimin në Euro 2024.

Gjithsesi kualifikimi duket çështje e mbyllur dhe FSHF do të fitoj miliona euro nga pjesëmarrja në Kampionatin Evropian.

Vetëm pjesëmarrja në këtë kompeticion do t’i sillte FSHF-së një shifër prej 9.25 milionë eurosh, përveç fitoreve në fazën e grupeve që janë 1.5 milionë dhe barazimeve që përfiton 750 mijë euro.

Ndërkohë, nëse ky sukses arrihet, federata ka vendosur 4.5 milionë euro shpërblim për lojtarët dhe stafin teknik.

Nga këto mësohet se shuma prej 3.5 milionë eurosh do t’u shpërndahet vetëm futbollistëve, ndërsa kontrata e Silvinjos në rast kualifikimi parashikon një premio prej 1 milion eurosh shtesë.

Patjetër një shifër që të sjell motivim shtesë në dy ndeshjet e mbetura këtë muaj ndaj Moldavisë dhe Ishujve Faroe, edhe pse kërkohet vetëm një pikë për t’u kualifikuar.

Federata e Futbollit e Kosovës njofton opinionin se sot ka nisur shitja online e biletave për sektorin e tifozëve të Kosovës për ndeshjen kualifikuese për Euro 2024, Zvicër-Kosovë, që zhvillohet më 18 nëntor.

Më poshtë e gjeni linkun që Federata Zvicrane e Futbollit e ka vënë në dispozicion për të gjithë të interesuarit që duan të kenë një biletë për këtë ndeshje. Biletat janë të personalizuara.

Linku për blerjen e biletave:
https://www.ticketmaster.ch/event/SFV1811B?CL_ORIGIN=ORIGIN25

UEFA ka bërë një përditësim të fundit në ranglistën e klubeve në Evropë.

Në sezonin e kaluar për herë të parë morën pjesë katër klubë nga Kosova në garat evropiane; Ballkani, Drita, Gjilani dhe Dukagjini, andaj në renditjen që bëhet në bazë të koeficienteve, ndryshime ka pësuar edhe sa i përket klubeve kosovare.

Ballkani, që edhe këtë sezon po merr pjesë në grupet e Ligës së Konferencës, ka shënuar një ngritje të madhe krahasuar me sezonin paraprak, kur ishin në pozitën e 334-t.

Kampionët në fuqi të Kosovës tani janë në pozitën e 172-të.

Drita tani është si e dyta nga klubet kosovare e vlerësuar më lartë, duke u renditur në pozitën e 201-të. Gjilanasit shënuan rënie, pasi sezonin e kaluar renditeshin dy pozita më lartë, duke qenë edhe klubi më i vlerësuar kosovar në Evropë.

Pastaj vije Gjilani, që zë pozitën e 340-të. Edhe “Të Kuqtë” regjistruan ngritje nga sezoni i kaluar, kur renditeshin në pozitën e 371-të.

Rënie të madhe ka shënuar Prishtina, që tani në këtë ranglistë renditet si e katërta nga klubet kosovare. Prishtinasit sezonin e kaluar ishin në pozitën e 312-të, kurse tani ndodhen në pozitën 345-të.

Kësaj rangliste për herë të parë i është shtuar Dukagjini, që mori pjesë sezonin e kaluar për herë të parë në garat evropiane, duke luajtur në kualifikimet e Ligës së Konferencës. Klinasit mbajnë pozitën e 370-të.

Llapi është një pozitë më poshtë, gjithashtu një pozitë më poshtë edhe krahsuar me sezonin e kaluar.

Renditja e klubeve kosovare në ranglistën e UEFA-s (sezoni 2023/24):

Renditja e klubeve kosovare në sezonin e kaluar (sezoni 2022/23):

Kombëtarja e Kosovës ka arritur një ngritje historike prej gjashtë pozitave në ranglistën e FIFA-s. Aktualisht Kosova renditet në vendin e 105-të, që është renditja më e lartë në historinë e “Dardanëve”. Në ranglistën e muajit shtator, Kosova renditej e 111-ta, derisa renditja më e lartë ishte 106.

Në muajin tetor, Kosova zhvilloi vetëm një ndeshje edhe pse ishte paraparë të zhvillonte dy. Kombëtarja e Kosovës mposhti Andorrën me rezultat bindës 3:0, derisa ndeshje me Izraelin është shtyrë për shkak të situatës.

Top treshja nuk ka ndryshime me Argjentinën që mban vendin e pare, para Francës, Brazilit dhe Anglisë në vendin e katërt. Belgjika është në pozitën 5, para Portugalisë, Holandës, Spanjës, Italisë dhe Kroacisë, që mbyll Top 10-in.

Nuk është mister që Kylian Mbappe kur ishte fëmijë mbështeste plot pasion Milanin. Këtë e tregon nëna e “yllit” të Paris Saint-Germain, Fayza Lamari, e cila shpjegon për “La Gazzetta dello Sport”: “Ai dëshiron të lërë përshtypje të mirë, përndryshe do të tallet nga miqtë tanë. Që i vogël i është rrënjosur në zemër Milani”.

Nëna e ish-fenomenit të Monakos tregon disa histori të këndshme: “Kur vinte në shtëpi, fliste vetëm për Milanin. Nëse Milani humbte, e hidhte telekomandën drejt televizorit dhe thoshte disa sharje në italisht.

Megjithatë, në “Play Station”, ai zgjidhte gjithmonë Realin e Madridin. Fanellën e Robinhos e vishte për stërvitje dhe madje edhe në shtrat, si ato të Man United, Francë, PSG, Real Madrid. Ai i donte sulmuesit e mëdhenj, por mund të vishte edhe fanellën e Freit nga Rennes. Nëse do të na kishte thënë 15 vjet më pare, nuk do ta kishim besuar kurrë Kylian do të ishte protagonisti i PSG-Milan”.

Brenda një ore janë shitrur të gjitha biletat e ndeshjes Zvicër – Kosovë, e vlefshme për kualifikueset e Kampionatit Evropian.

Ndeshja zhvillohet me 18 nëntor në qytetin e Baselit, ku dihet se jetojnë shumë shqipëtarë.

Sipas asaj që raporton gazeta zvicerane “Blick”, biletat për këtë ndeshje janë shitur brenda 60 minutave.

Padyshim se arsyeja kryesore e “avullimit” të biletave është numri i madh i shqiptarëve që jetojnë në Zvicër dhe janë të interesuar të ndjekin nga afër Kosovën dhe kosovarët Granit Xhaka e Xherdan Shaqiri që luajnë për Zvicrën.

Kanë dalë sot në shitje biletat për ndeshjen Zvicër – Kosovë, e cila do të luhet në muajin nëntor, e vlefshme për kualifikimet e Euro 2024.

Federata Zvicerane e Futbollit ka njoftuar përmes faqeve zyrtare në rrjetet sociale se i ka nxjerr në shitje biletat për duelin e 18 nëntorit, i cili do të luhet në Basel duke filluar nga ora 20:45.

Çmimi i biletave do të sillet nga 15 deri në 95 euro.

Kjo ndeshje nuk do të ketë rëndësi shumë të madhe për Kosovën, së cilës i janë shuar gjasat dhe shpresat për kualifikim në Kampionat Evropian.

Kurse, për “Helvetikët” fitorja do të kishte rëndësi të madhe pasi e shohin veten në vështirësi pas barazimit të fundit me Bjellorusinë.

Loja e parë mes Kosovës dhe Zvicrës, e zhvilluar në stadiumin “Fadil Vokrri” në Prishtinë kishte përfunduar me rezultat të barabartë, 2:2.

Selektori i Kosovës, Primoz Glija ka dhënë një intervistë për gazetën e njohur kroate, Index.Hr.

Ndër të tjera, trajneri slloven është pyetur nga gazeta kroate për fitoren e Ballkanit ndaj Dinamo Zagrebit në Prishtinë.

Për mua nuk është surprizë. Edhe para ndeshjes kam thënë se Dinamo do të ketë probleme të mëdha. Sapo nënvlerësoni kundërshtarin tuaj sot, keni mbaruar. Dinamo nuk ka më as Boban, as Prosinečkin, kështu që menduan se do të kalojnë lehtë në Prishtinë. Dinamo Zagrebi sot ka një skuadër pak mbi mesatare. Sot futbolli nuk praktikohet më si dikur, individualisht. Për mendimin tim, gabimi më i madh i futbollit të sotëm është se lojtarët nuk stërviten më për pozicione individuale si dikur, dhe se individualiteti dhe klasi i tyre individual janë mbytur. Gjithçka bëhet në grup dhe Ballkani e tregoi më së miri këtë” ka thënë Glija.

Futbollistët e Shqipërisë tashmë kanë nisur festën sa i përket kualifikimit në “Euro 2024”, pasi me një këmbë veçse kanë siguruar pjesëmarrjen në turneun që vitin tjetër mbahet në Gjermani. Megjithatë, Shqipëria kualifikimin në Evropian mund ta konfirmojë të dielën edhe pse nuk ka fare ndeshje kualifikuese këtë muaj. Të martën, prej orës 17:00, Shqipëria luan miqësoren me Përfaqësuesen e Bullgarisë në Tiranë. Megjithatë, të dielën, do të zhvillohen dy ndeshje të Grupit E, të cilit i prinë Shqipëria me 13 pikë pas fitores 3:0 ndaj Çekisë, të enjten mbrëma në stadiumin “Air Albania”.

Në rast se rezultatet e ndeshjeve Poloni – Moldavi dhe Çeki – Ishujt Faroe shkojnë sipas përllogaritjes së UEFA-s, atëherë Shqipëria të dielën do ta festojë kualifikimin në “Euro 2024” para kohe. Deri në fund të këtij cikli, Shqipëria i ka edhe dy ndeshje të tjera, të cilat i luan muajin e ardhshëm. Me Moldavinë më 17 nëntor në udhëtim dhe Ishujt Faroe në shtëpi, tri ditë më vonë.

Shqipëria ka katër pikë më shumë se Polonia që është e dyta në grup dhe pesë me shumë se Çekia që ka rënë në pozitën e tretë pas humbjes në Tiranë. Pikë sa Çekia ka edhe Moladvia dhe këto tri përfaqësuese do të përpiqen që deri në fund të këtyre eliminatoreve t’i bashkohen Shqipërisë në Evropian. UEFA, ka shkruar të premten se Shqipëria do të kualifikohet në “Euro 2024” të dielën, nëse Polonia barazon me Moldavinë dhe Çekia nuk fiton ndaj Ishujve Faroe. Kështu që, Shqipëria ndeshjen me Bullgarinë mund ta shfrytëzojë jo vetëm për miqësore, por edhe për festim të kualifikimit në Kampionatin Evropian. Ndeshja Çeki – Ishujt Faroe luhet prej orës 18:00, ndërsa ajo mes Polonisë dhe Moldavisë starton në orën 20:45.

“Shqipëria do të kualifikohet nëse Polonia dhe Moldavia barazojnë, dhe Çekia nuk fiton. Ishujt Faroe nuk mund të përfundojnë në dy vendet e para këtë cikël”, ka bërë UEFA një përshkrim të Grupit E kualifikues.

Mirëpo, edhe nëse nuk siguron kualifikimin këtë vikend, Shqipëria një gjë të tillë do ta bëjë muajin e ardhshëm. Matematikisht mund ta përfundojë e para në grup me 19 pikë, nëse i fiton dy ndeshjet, me Moldavinë dhe Ishujt Faroe. Në fakt, fitorja në Moldavi e dërgon Shqipërinë në Gjermani por edhe nëse humb këtë ndeshje, sërish me fitore në shtëpi ndaj Ishujve Faroe konfirmon pjesëmarrjen në Evropian. Në fund të fundit, Shqipërisë i mjaftojnë dy pikë në ndeshjet e muajit të ardhshëm për ta përsëritur suksesin e vitit 2016 kur për herë të parë u kualifikua në një Evropian. Ka shumë përllogaritje të ndryshme, pavarësisht rezultateve që e çojnë Shqipërinë për herën e dytë në këtë turne. Megjithatë, kreu i FSHF-së, Armand Duka nuk është marrë fare me një gjë të tillë, pasi me bindje të plotë insistoi se Shqipëria është “me të dyja këmbët” në Evropian pas fitores së madhe ndaj Çekisë.

“Jemi me dy këmbë në Evropian. Jam i bindur që do të bëjmë edhe më shumë. Na takon që të festojmë gjatë. Tani kemi më shumë eksperiencë, do të bëjmë më mirë në Evropian”, ka thënë ndër të tjera Duka.

Në “Euro 2016”, të mbajtur në Francë, Shqipëria u eliminua në fazën e grupeve, ku në tri ndeshje të zhvilluara, regjistroi një fitore dhe dy humbje. Përfundoi e treta në Grupin A, të cilin e përbënin edhe Franca, Zvicra e Rumania.

Kombëtraja e Shqipërisë të enjëten mbrëma ka marr një fitore të rëndësishme në rrugën drejt kualifikimit për Kampionatin Evropian.

Kuqezinjtë mposhtën në stadiumin “AIR Albania” kombëtaren e Çekisë me rezultatë 3-0.

Një gol nga Jasir Asani dhe dy të shënuar nga Taulant Seferi i dhanë Shqipërisë tre pikë të mëdha, duke e blinduar vendin e parë në Grup.

Me rastin e kësaj fitoreje, Federata Shqiptare e Futbollit ka vendosur akordimin e një premio të majme për lojtarët dhe stafin e kuqezinjve. Janë akorduar 4.5 milionë euro nga qeveria e futbollit në vend, me lojtarët të cilët do përfitojnë jo më pak se 130 mijë euro për kokë.

Nga e gjithë shuma 3.5 milionë euro do shkojnë për futbollistët, ndërsa 1 milionë euro janë për trajnerin Silvio Mendes Campos (Sylvinho) dhe stafin e tij teknik.