Category: SPORT

Boksieri shqiptar ka paralajmëruar rikthimin në ring.

Marco Palestra është padyshim zbulimi më i madh i këtij sezoni në Serie A.

20-vjeçari, kartonin e të cilit e ka Atalanta, po shkëlqen me fanellën e Cagliari-t, ku është i huazuar.

“Corriere dello Sport” zbulon se Palestra ka përfunduar në radarin e Interit. Klubi zikaltër e sheh italianin si përforcim ideal për krahun e djathtë të mbrojtes, duke i hapur rrugë kështu largimit të Denzel Dumfries, gjatë verës së ardhshme.

Në anën tjetër, Atalanta është e hapur për largimin e lojtarit, por vetëm për shifrën 40 milionë euro.

Përveç Interit, i cili e ka objektiv parësor Palestra-n për merkaton e ardhshme, për italianin e krahut të djathtë ka interes edhe nga Milan dhe Bournemouth.

Mesfushori i Barcelonës, Dani Olmo, ka hedhur poshtë krahasimet mes talentit të ri Lamine Yamal dhe legjendës së klubit, Lionel Messi, duke i cilësuar ato si “çmenduri” dhe duke kërkuar që sulmuesi i ri të lejohet të ndjekë rrugën e tij.

Duke folur para përballjes vendimtare të Ligës së Kampionëve me Kopenhagën, Olmo theksoi presionin e jashtëzakonshëm që vjen nga krahasimi me një nga lojtarët më të mëdhenj në histori.

Olmo i ka pranuar aftësitë spektakolare dhe potencialin e jashtëzakonshëm të Yamalit, por ka theksuar se 18-vjeçari ka nevojë për hapësirë që të zhvillohet pa barrën e pritshmërive kolosale.

Ky qëndrim përkon me thirrjet e figurave të tjera të rëndësishme të futbollit, përfshirë Pep Guardiolën dhe Xavin, të cilët gjithashtu kanë mbështetur idenë që Yamal të lejohet të zhvillohet në mënyrë natyrale.

Pavarësisht fjalëve të kujdesshme të Olmos, krahasimet vazhdojnë të ushqehen nga ngritja e jashtëzakonshme e Yamalit.

Pasi debutoi me Barcelonën në moshën vetëm 15-vjeçare, Yamal ka thyer disa rekorde, përfshirë atë të golashënuesit më të ri në historinë e La Ligës.

Duke folur para përballjes me Kopenhagën, Olmo u pyet për Yamalin dhe krahasimet me Messin.

“Për rrugët nuk mund të thuhet asgjë, apo jo? Lamine ka rrugën e tij. Ai e di këtë. Ta krahasosh me Messin është çmenduri”.

“Edhe pse Lamine është spektakolar dhe na jep shumë, ai do të na japë edhe shumë më tepër në të ardhmen”.

“Ne jemi këtu për ta ndihmuar, për ta bërë më të mirë. Nëse ai luan mirë, skuadra do të fitojë. Është një gjë kolektive”, ka deklaruar spanjolli.

Barcelona ka rënë dakord të nënshkruajë mbrojtësin e talentuar Juwensley Onstein nga Genk, ka njoftuar eksperti i transferimeve Fabrizio Romano.

Onstein është 18 vjeç dhe është paraqitur 5 herë edhe me kombëtaren holandez në grupmoshën U18, transmeton GazetaBlic.

Edhe pse kishte interes nga Serie A për Onstein, lojtari i lindur në vitin 2007 preferoi të transferohej në Barcelonë, me Genk dhe katalanasit që kishin rënë dakord tashmë për parametrat e transferimit të mbrojtësit qendror.Pritet që Onstein, i cili erdhi nga akademia e të rinjve të Ajaxit, të prezantohet zyrtarisht si lojtari i ri i Barcelonës shumë shpejt.

Real Madridi kanë rritur ndjeshëm intensitetin e përpjekjeve për të siguruar një mbrojtës qendror të ri këtë verë, teksa përballen me pasiguri lidhur me opsionet aktuale në prapavijë. Ende nuk është e qartë se cilin profil do të zgjedhin përfundimisht.

E ardhmja e Antonio Rudiger mbetet e paqartë, pasi drejtuesit e klubit nuk janë të bindur se problemet e shpeshta me dëmtimet do t’i lejojnë atij të konsiderohet një opsion i besueshëm në vazhdimësi.

David Alaba tashmë hyn në këtë kategori, dhe Real Madridi pritet t’i urojë sukses në fund të kontratës së tij këtë verë.

Për më tepër, problemet e vazhdueshme fizike të Eder Militao bëjnë që ai të mos jetë më një garanci e plotë për klubin madrilen.

Sipas Cadena SER, Real Madridi ka shtuar urgjencën në bisedimet me mbrojtës që do të mbeten pa kontratë gjatë verës, duke e konsideruar përforcimin e repartit defensiv si prioritet kryesor.

Pavarësisht se disa muaj më parë ishte deklaruar se Ibrahima Konate nuk ishte në planet e klubit, mbrojtësi i Liverpoolit përmendet tani së bashku me Dayot Upamecano të Bayern Munich si dy lojtarë me të cilët Real Madridi është në kontakt.

Upamecano ka aktualisht një ofertë rinovimi nga Bayerni, por ka vonuar nënshkrimin e kontratës.

I njëjti burim shton se ekziston edhe një mbrojtës i dytë nga Bundesliga, për të cilin klubi madrilen ende nuk është plotësisht i bindur, por me të cilin ka rifilluar bisedimet.

Mbrojtësi i Borussia Dortmundit, Nico Schlotterbeck, është lidhur fort me Real Madridin në mediat gjermane, megjithatë raportimet nga Spanja kanë pohuar se klubi nuk po ndjek aktualisht gjermanin.

Platforma e njohur sportive ”Score 90” ka publikuar formacionin më të mirë të Premier League të të gjitha kohërave.

Ky formacion bashkon legjenda të epokave të ndryshme, lojtarë që kanë lënë gjurmë të pashlyeshme në historinë e kampionatit anglez.

Në formacionin 4-3-3, i cili i jep fokus të veçantë sulmit, përbehet nga treshja fantastike, Cristiano Ronaldo, Thierry Henry dhe Mohamed Salah, të cilët kanë dominuar Premier League me gola dhe kanë pasur ndikim vendimtar për skuadrat e tyre.

Në mesfushë, ”Score 90” ka zgjedhur një kombinim fantastik me Kevin De Bruyne, Steven Gerrard dhe Frank Lampard, tre mesfushorë që kanë shkruar histori dhe paraqitje të nivelit më të lartë.

Mbrojtja përbëhet nga emra të dëshmuar si Ashley Cole në krahun e majtë, Virgil van Dijk dhe Rio Ferdinand në qendër, si dhe Trent Alexander-Arnold në të djathtë,.

Në portë qëndron legjenda Peter Schmeichel, një nga portierët më dominues që ka parë ndonjëherë Premier League.

Ky formacion i publikuar nga ”Score 90” konsiderohet nga shumëkush si një përmbledhje e artë e historisë së kampionatit anglez, por që ka ngjallur një debat të madh mes tifozëve.

Sipas gazetarit Mario Cortegana, ardhja e Alvaro Arbeloa-s në stolin e Real Madridit ka sjellë një ndryshim të dukshëm në ambientin e skuadrës, veçanërisht për Vinicius Junior.

Arbeloa ka treguar afrueshmëri dhe besim të madh ndaj brazilianit, duke u kërkuar bashkëlojtarëve që ta kërkojnë më shpesh topin, pasi e konsideron Viniciusin një nga lojtarët më të mirë në botë, përkrah Kylian Mbappe.

Cortegana thekson se Vinicius, pas largimit të Xabi Alonsos, ka rifituar qetësinë dhe ka rikthyer interesimin për rinovimin e kontratës me Real Madridin.

Edhe drejtuesit e klubit dëshirojnë vazhdimin e bashkëpunimit me brazilianin, megjithatë mbeten diferenca të mëdha financiare mes palëve.

Oferta aktuale e Real Madridit sillet rreth 20 milionë euro në sezon, ndërsa kërkesa e Vinicius arrin në rreth 30 milionë euro, shumë që përfshin pagën, bonuset dhe një tarifë rinovimi, të cilën klubi nuk është i gatshëm ta pranojë.

Megjithëse qëndrimi i të dyja palëve është pozitiv, negociatat pritet të kërkojnë kohë. Megjithatë, fakti që Vinicius ndihet më rehat se më parë konsiderohet një sinjal pozitiv për Real Madridin.

Skuadra polake, Lech Poznan ka marrë një tjetër gjobë nga UEFA. Komiteti i Apelit i UEFA-s e ka ndëshkuar klubin polak euro për disa shkelje gjatë ndeshjes kualifikuese të Ligës së Kampionëve kundër Cërvena Zvezdës.

UEFA e ka gjobitur Lech Poznanin me 10 mijë euro për banerin “Kosova është Serbi të shfaqur gjatë ndeshjes së parë të tretë kualifikues të Championsit. Kështu ka shkruar të hënën sajti polak “kkslech.com”.