rilindja.albeniplast.com

Blog

  • Zvicra do të paguajë nga 50 mijë franga për secilën viktimë të zjarrit në Crans-Montana

    Zvicra do të paguajë nga 50 mijë franga për secilën viktimë të zjarrit në Crans-Montana

    Zvicra tha të mërkurën se do të bëjë një pagesë të vetme prej 50 mijë frangash zvicerane për të mbijetuarit e plagosur rëndë dhe familjet e viktimave nga zjarri që ndodhi në natën e Vitit të Ri në resortin e skive të Crans-Montana, i cili la 41 persona të vdekur dhe plagosi mbi 100 të tjerë.

    I ashtuquajturi kontribut solidariteti synon të ofrojë mbështetje të shpejtë financiare për viktimat dhe të shërbejë si një gjest dhembshurie, tha Këshilli Federal qeverisës i Zvicrës.

    Në parim, pagesa duhet të zbatohet për çdo individ që humbi jetën, si dhe për çdo person që u shtrua në spital, tha Këshilli Federal në një deklaratë, transmeton Klankosova.tv.

    “Këshilli Federal ndan me viktimat dhe familjet e tyre dëshirën për të vërtetën dhe drejtësinë”, tha Presidenti zviceran Guy Parmelin në një konferencë për shtyp. “Edhe ne duam të dimë se çfarë ndodhi, pse dhe si mund të ishte parandaluar.”

    Dëshmitarët dhe prokurorët thanë se flakët duket se janë shkaktuar nga përdorimi i qirinjve të shndritshëm që ndezën izolimin akustik prej shkume në tavanin e bodrumit të barit, raporton Reuters.

    Në përgjithësi, qeveria federale do të japë 7.8 milionë franga për 156 individët më të prekur nga zjarri, tha Ministri i Drejtësisë Beat Jans në konferencën për shtyp.

    Kjo shumë, tha ai, do të plotësojë ndihmën e ofruar nga kantoni Valais i Crans-Montanës, i cili ka premtuar 10 milionë franga për një fondacion për të mbështetur viktimat.

    Autoritetet zvicerane thanë se 115 persona u plagosën në zjarr. Shumica e atyre që vdiqën ishin adoleshentë dhe shumë nga viktimat ishin të huaj, përfshirë disa nga Franca dhe Italia.

    Këshilli Federal tha se do të thërrasë gjithashtu një tryezë të rrumbullakët për të ndihmuar viktimat, siguruesit dhe autoritetet të arrijnë marrëveshje jashtë gjykatës, duke shmangur potencialisht beteja të gjata ligjore. Synon të kontribuojë deri në 20 milionë franga për marrëveshje të tilla.

    Këshilli Federal tha se shpresonte që parlamenti do të përshpejtonte shpejt legjislacionin që kishte hartuar për të ndihmuar viktimat. Qeveria synon gjithashtu të ndajë 8.5 milionë franga për të ndihmuar kantonet e prekura të mbulojnë kostot e jashtëzakonshme.

  • Një muaj pas dhurimit, skaneri 3-milionësh i SHBA-ve jep rezultatin e parë të madh

    Shtetet e Bashkuara të Amerikës i kanë dhuruar Kosovës një skaner mobil Rapiscan, prodhim amerikan, në vlerë prej 3 milionë dollarësh, për të forcuar sigurinë kufitare.

    Ambasada Amerikane në Kosovë kishte bërë të ditur se luftimi i trafikimit të paligjshëm dhe parandalimi i përhapjes së mallrave të falsifikuara i bën bizneset amerikane dhe kosovare më të forta dhe më konkurruese.

    “Kjo teknologji rrit kapacitetet e zbulimit, mbështet tregtinë e ligjshme dhe avancon interesat e përbashkëta të sigurisë dhe zhvillimit ekonomik”, thuhej në njoftimin e Ambasadës Amerikane.

    Nga fotografitë e publikuara nga Ambasada amerikane në ceremoninë e dhurimit të pajisjes ishin të pranishëm e ngarkuara me punë e Ambasadës së Shteteve të Bashkuara, Anu Prattipati; ministri i Punëve të Brendshme, Xhelal Sveçla; ministri i Financave, Hekuran Murati si dhe Drejtori i Përgjithshëm i Doganës, Agron Llugaliu.

    Ceremonia e inaugurimit të skanerit mobil, investim në forcimin e kontrolleve doganore dhe rritjen e sigurisë kufitare, u mbajt në pikëkalimin kufitar në Merdar.

    Ndërsa dje falë këtij skaneri, janë zbuluar rreth një milion euro të padeklaruara në pikë-kalimin kufitar “Merdar”, gjatë një kontrolli të detajuar të kryer nga zyrtarët e Doganës së Kosovës.

    Sipas njoftimit zyrtar, automjeti është selektuar për kontroll në hyrje të territorit të Republikës së Kosovës, bazuar në analizën e riskut dhe procedurat standarde operative.

    Dogana bëri të ditur se automjeti fillimisht është kontrolluar përmes pajisjes së skanimit me rreze X (X-Ray), ku janë identifikuar indikacione për ekzistimin e një hapësire të dyshimtë të modifikuar në dyshemenë e tij.

    “Pas indikacioneve të para nga skaneri, është kërkuar asistencë nga zyrtarët e Policisë Kufitare, të cilët kanë ofruar mbështetje teknike përmes pajisjes fibroskopike”, thuhet në njoftim.

    Siç merr vesh Telegrafi janë ndaluar tre persona, ndërsa automjeti ishte duke hyrë nga Serbia në territorin e Republikës së Kosovës.

    Në mesin e të arrestuarve sipas mediave në Shqipëri është një efektiv policie pranë komisariatit nr.5 në Tiranë.

    Çfarë është skaneri Rapiscan?

    Skanerët Rapiscan janë sisteme të avancuara të kontrollit të sigurisë, të prodhuara nga kompania amerikane Rapiscan Systems, e specializuar në teknologji zbulimi.

    Ata përdoren gjerësisht në pikat kufitare dhe doganat, në porte dhe aeroporte, në objekte qeveritare dhe ushtarake, si dhe në infrastrukturë kritike.

    Në varësi të modelit, skanerët Rapiscan mund të zbulojnë armë dhe mjete shpërthyese, drogë dhe kontrabandë, mallra të falsifikuara ose të padeklaruara, si dhe objekte të fshehura në automjete, kontejnerë apo bagazhe.

    Shumica e skanerëve Rapiscan përdorin teknologji me rreze X (përfshirë rreze X me energji të lartë për ngarkesa të mëdha) dhe softuer të avancuar analizues, i cili identifikon forma, dendësi dhe materiale.

  • Publikohen pamjet nga përleshja e dy kirurgëve në QKUK para një muaji

    Dy kirurgët, Xhevdet Ademaj dhe Baton Kelmendi, ishin përplasur fizikisht mëngjesin e 26 janarit, në Klinikën e Kirurgjisë së Fëmijëve.

    Nacionale ka publikuar pamjet nga momenti i incidentit, ku në një moment dyshja përfundon në dyshime.

    Tek më pas shihet se ndërhynë për t’i ndarë një mjek.

    Policia e Kosovës kishte deklaruar për Reporteri.net se gjithçka kishte ndodhur rreth orës 08:00 dhe se në bashkëpunim me Prokurorin e Shtetit rasti është iniciuar “Sulm”.

    “Sot rreth orës 08:00, kemi pranuar informatën për një përleshje fizike, e cila ka ndodhë në QKUK në Prishtinë. Bazuar në të dhënat fillestare, në këtë rast janë përfshirë dy persona. Në koordinim me Prokurorin e Shtetit rasti është iniciuar “Sulm””, kishte deklaruar më 26 janar, zëdhënësi i policisë për Prishtinën, Enis Pllana.

  • YouTube Premium Lite bëhet një ofertë shumë më e mirë me dy veçori të reja

    YouTube Premium Lite bëhet një ofertë shumë më e mirë me dy veçori të reja

    YouTube rilansoi abonimin Premium Lite pothuajse një vit më parë, në mars të vitit 2025, dhe tani ka njoftuar disa veçori të reja emocionuese për këtë plan.

    Ndërsa deri më tani YouTube Premium Lite ju ofronte “shumicën e videove” pa reklama dhe asgjë më shumë, duke filluar që tani ka edhe mbështetje për luajtje në sfond dhe shkarkime për “shumicën e videove”.

    Kjo do të lansohet “në javët e ardhshme” kudo që YouTube Premium Lite është i disponueshëm.

    Lidhur me reklamat, kompania ende premton vetëm se do të shihni “shumicën e videove” pa reklama, jo të gjitha si me abonimin e plotë.

    Megjithatë, Premium Lite është më i lirë se Premium, dhe tani fiton dy veçori që e bëjnë atë një ofertë shumë më tërheqëse.

    Megjithatë, mbani mend shkrimin e vogël, i cili thotë se përfitimet e Premium Lite janë të disponueshme “në shumicën e përmbajtjes jo-muzikore, duke përjashtuar Shorts” dhe se “reklamat mund të shfaqen kur kërkoni ose shfletoni”.

  • Mbretëria e Bashkuar me politika të reja për viza

    Nga sot, në Mbretëri të Bashkuar kanë hyrë në fuqi ligjet e reja për vizitorët.

    Me këtë rast, të gjithë ata që duan të vizitojnë Britaninë, përveç britanikëve dhe irlandezëve, përfshirë ata me shtetësi të dyfishtë, do të kenë nevojë për një vizë elektronike, ose një ETA, shkruan IndeksOnline.

    Edhe qytetarët e Kosovës, rëndom si shtetasit tjerë, së pari zgjedhin llojin e vizitës në Mbretëri, qoftë për turizëm, studime, punë, transit apo bashkim familjar.

    Më pas, vijohet me providimin e informacioneve të nevojshme, në bazë të kërkesës së qeverisë britanike.

    Një vizë standarde për vizitorë kushton 127 paundë për deri në 6 muaj.

    Afati më i hershëm që mund të aplikoni është 3 muaj para udhëtimit.

    “Nëse vizitoni Mbretërinë e Bashkuar rregullisht, mund të zgjidhni të aplikoni për një vizë standarde afatgjatë për vizitorë”, thuhet në njoftimin e Qeverisë britanike.

  • “A t’jep nana n’Kosovë?” – Komenti i motrës së Gimbos për Selinën ndez rrjetin

    “A t’jep nana n’Kosovë?” – Komenti i motrës së Gimbos për Selinën ndez rrjetin

    Ndërkohë që Gimbo po shfaq gjithmonë e më hapur pëlqimin e tij dhe afrimitetin me Selinën brenda mureve të shtëpisë së “Big Brother VIP Albania”, mbështetja më e madhe dhe më e papritur duket se po i vjen nga jashtë!

    Fansat e dyshes kanë nisur të “thurin” plane dhe një nga faqet mbështetëse në Instagram ka bërë një pyetje ngacmuese duke etiketuar Selinën: “A t’jep nana n’Kosovë”?

    Por ajo që e ka bërë këtë moment të bëjë xhiron e rrjetit, nuk ka qenë thjesht pyetja, por përgjigjja! Ka qenë pikërisht motra e Gimbos, Elona Blakaj, ajo që ka ndërhyrë në komente për t’u dhënë fund dilemave.

    Me mjaft sportivitet dhe dashuri, ajo i ka entuziazmuar të gjithë duke komentuar pa hezitim: “E jep e jep”, shoqëruar me një emoji me zemra.
    Tashmë topi mbetet në fushën e Gimbos dhe Selinës brenda shtëpisë për të parë nëse kjo romancë do të lulëzojë plotësisht!

     

    FOTO/ “A t’jep nana n’Kosovë?” – Komenti i
  • SportItalia: Allegri do të largohet nga Milani në fund të sezonit

    SportItalia: Allegri do të largohet nga Milani në fund të sezonit

    Një lajm i bujshëm ka ardhur nga Italia, ku raportohet se Max Allegri do të largohet nga Milani në fund të sezonit.

    Sipas gazetarit të SportItalia, Michele Cricitiello, Allegri nuk e ka të sigurt të ardhmen si trajner i kuqezinjve

    Ai duket i pakënaqur me situatën në klub pasi nuk i janë plotësuar edhe disa kërkesa në tregun e transferimeve dhe ka mbetur i zhgënjyer.

    Aktualisht Milani është skuadra e vetme, e cila është në garë me Interin për titullin e Serie-s A, por synimi kryesor i Allegrit është t’i rikthejë kuqezinjtë përsëri në Ligën e Kampionëve.

    Por humbja e fundit nga Parma, ka zbehur entuziazmin e tifozëve të Milanit për titullin e kampionit dhe shpresojnë që së paku të përfundojnë në vendin e dytë.

  • OVL UÇK inicion peticion kombëtar për gjykim të drejtë të ish-krerëve të luftës

    OVL UÇK inicion peticion kombëtar për gjykim të drejtë të ish-krerëve të luftës

    Organizata e Veteranëve të Luftës së UÇK-së, së bashku me Shoqatën e Invalidëve të Luftës së UÇK-së dhe Shoqatën e Familjeve të Dëshmorëve të UÇK-së, kanë iniciuar sot një peticion kombëtar për ish-krerët e Ushtrisë Çlirimtare të Kosovës.

    Përmes këtij peticioni kërkohet që vendimi për ish-krerët e UÇK-së të bazohet ekskluzivisht në prova dhe fakte të administruara në gjykim.

    “Çdo ndikim i drejtpërdrejt apo i tërthortë politik, do ta dëmtonte rëndë kredibilitetin e drejtësisë ndërkombëtare, e cila presim të jetë e paanshme dhe pa standarde të dyfishta”, thuhet në peticion.

    “Ky peticion është një thirrje e hapur qytetare në mbështetje të Ushtrisë Çlirimtare të Kosovës dhe të ish-krerëve të saj që po përballen me procesin në Hagë, në mbrojtje të vlerave të luftës sonë çlirimtare dhe të dinjitetit të saj. Ftojmë të gjithë qytetarët dhe bashkëkombësit kudo që ndodhen që t’i bashkohen këtij peticioni, ta nënshkruajnë dhe ta shpërndajnë atë”, thanë nga organizata.

    Më poshtë gjeni listën e plotë të kërkesave:

    Nuk ka asnjë përshkrim të disponueshëm

    Nuk ka asnjë përshkrim të disponueshëm

    Nuk ka asnjë përshkrim të disponueshëm

  • Arrestohen 4 instruktorë të poligonit Dreni, dyshohen për falsifikim

    Arrestohen 4 instruktorë të poligonit Dreni, dyshohen për falsifikim

    Prokuroria Themelore në Prishtinë, ka njoftuar për ndalimin e katër punëtorëve, instruktorë të poligonit të Drenit në Prizren, të dyshuar për veprën penale ‘Falsifikim i dokumentit zyrtar’.

    Sipas njoftimit, me urdhër të Prokurorit të Shtetit, personat me inicialet  S.B., R.M., H.N. dhe B.G., janë dërguar në mbajtje për 48 orë.

    “Më konkretisht, ata dyshohen se kanë kryer veprën penale ‘’Falsifikim i dokumentit zyrtar’’ sipas nenit 427 të Kodit Penal të Republikës së Kosovës, si dhe veprën penale ‘’Rastet e posaçme të falsifikimit të dokumenteve’’, nga neni 391 i KPRK-së. Dyshohet se këto veprime janë kryer në vazhdimësi që ndërlidhen me rastin që është në hetim ndaj zyrtarëve  në Ministrinë e Punëve të Brendshme (MPB).”

    Në fund është bërë e ditur se Prokuroria do t’i ndërmarrë veprimet e mëtejshme ligjore, ndërsa hetimet lidhur me këtë çështje penale do të vazhdojnë në koordinim me Policinë e Kosovës.

  • FIBULA Travel prezanton Kosovën në BTL Lisbon 2026, duke forcuar lidhjet ndërkombëtare të turizmit

    Në kuadër të panairit prestigjioz ndërkombëtar të turizmit BTL Lisbon 2026, që po zhvillohet në Lisbonë nga 25 shkurti deri më 1 mars 2026, kompania FIBULA  Travel po përfaqëson ofertën turistike të Kosovës  përmes një prezantimi profesional  duke synuar zgjerimin e bashkëpunimeve dhe rritjen e vizibilitetit ndërkombëtar të destinacionit.

    Një nga shtyllat kryesore të panairit këtë vit është programi Hosted Buyers, i cili ka bashkuar rreth 200 blerës të kualifikuar nga 42 tregje emetuese, duke mundësuar organizimin e mbi 3,800 takimeve biznesore brenda vetëm dy ditësh. Ky format krijon një hapësirë efikase për lidhje direkte ndërmjet operatorëve turistikë, agjencive dhe vendimmarrësve strategjikë të industrisë globale.

    Për ekspozuesit kombëtarë dhe ndërkombëtarë, përfshirë edhe përfaqësimin e Kosovës, ky program paraqet një mundësi unike për prezantimin e ofertave turistike, negocimin e partneriteteve të reja dhe depërtimin në tregje të reja turistike.