Tag: sport

Kylian Mbappe refuzoi ofertën mostruoze të Al-Hilal për 700 milionë në një sezon dhe 300 të tjera për PSG duke mos ndryshuar qëndrim në lidhje me të ardhmen e tij.

Sulmuesi francez dëshiron vetem Real Madrid, këtë vit apo tjetrin, pak rëndësi ka kjo. Kur mbetet edhe 1 vit në kontratën me PSG ai rrezikon të largohet me parametra zero por Al Khelaifi nuk pranon që “Los Blancos” ta transferojnë që këtë verë pa derdhur një shumë të mirë.

Bëhet fjalë për 250 milionë euro. Kjo është shifra që klubi i ka komunikuar stafit të lojtarit dhe mamaja e sulmuesit ia ka bërë me dije Realit që nuk mund ta paguajë për shkak të borxheve të mëdha të akumuluara. Në këtë mëyrë, alternativa e vetme mbetet largimi i Mbappe verën e ardhshme për 0 euro.

Ballkani ka fituar 3-0 në ndeshjen e parë ndaj Larnes në kuadër të Ligës së Konferencës.

Pas ndeshjes, trajneri Ilir Daja ka thënë se ata do ta respektojnë kundërshtarin edhe në ndeshjen e kthimit.

“Është ekip me karakteristika të veçanta. Nuk duhej të binim në lojën e kundërshtarit. Kemi poseduar mirë topin”, ka thënë fillimisht trajneri i Ballkanit.

“Kemi pasur ritmin e duhur deri kah minuta e 70-të, 80-të. Kemi pasur vetëm katër ditë për ta përgatitur ndeshjen. Ky ritëm i shpeshtë do ta ketë ndikimin e vet”.

“Një paraqitje të mirë bëri Kryeziu. Kemi luftuar si grup dhe kemi bërë hap të mirë në këtë ndeshje të parë”.

“Por, sfida zgjatë 180 minuta. Nuk do ta nënvlerësojmë kundërshtarin në Irlandë, por duhet ta kapim edhe më mirë ritmin”.

“Rezultati 3:0 është i mirë. Është ekip që pëson pak gola. Është ekip i disiplinuar në fazën e mbrojtjes. Të shënosh një ekipi që mbrohet me 11 lojtarë në fushën e vet, nuk është e lehtë”, ka shtuar më tej Daja.

Nëse skuadra kosovare e kalon Larne në ndeshjet e dytë që zhvillohet pas një jave, atëherë në rrethin tjetër të Ligës së Konferencës do të takohet me Lincoln Red Imps.

Mesfushori i Real Madridit, Federico Valverde, do t’i shpëtojë çdo dënimi për goditjen e dyshuar në fytyrë ndaj mesfushorit të Villarrealit, Alex Baena.

Pas një ndeshjeje mes dy skuadrave në muajin prill, Valverde dyshohet se e priti Baenën në parkingun e makinave pas ndeshjes dhe e goditi me grusht në fytyrë ndërsa ai po shikonte telefonin e tij.

Ngjarja u raportua në polici në atë moment dhe u hap një hetim disiplinor.

Akuzat e policisë ndaj Valverdes u hoqën pas ‘mospërputhjeve’ në deklaratat e Baenas, i cili pretendonte se Alvaro Odriozola ishte i pranishëm, kur kamerat sugjerojnë se ai nuk ishte.

Baena u fotografua në ditët në vijim me një mavijosje në fytyrë dhe sipas El Espanol, megjithë dënimin me pesë ndeshje që u rekomandua nga një gjyqtar në Komitetin e Garave, Gjykata Hetuese e Madridit do ta lënë Valverde pa e dënuar, duke vendosur pushimin e çështjes.

🚨| OFFICIAL: Fede Valverde will not be penalized in the 'Baena case'

Initially, committee proposed a ban of 5 matches, but the Justice requested the dismissal of the case. @carrusel ⚖️ pic.twitter.com/eoCBoRplpL

— Madrid Zone (@theMadridZone) July 25, 2023

Los Blancos do t’i kërkojë gjithashtu gjyqtarit të RFEF që të tërhiqet nga rastet e ardhshme që i përfshijnë ata, pasi ata besojnë se Juan Antonio Landabarea manipuloi deklaratën e Odriozola për këtë çështje dhe nuk ishte i drejtë në vlerësimet e tij.

Incidenti ende nuk është komentuar publikisht nga Valverde, i cili asnjëherë nuk i ka mohuar akuzat.

Duke qenë se duket se të gjitha çështjet disiplinore dhe ligjore janë zgjidhur, uruguaiani mund të japë këndvështrimin e tij për atë që ndodhi, nëse ishte me të vërtetë një trillim.

Noah Okafor ka kompletuar transferimin te Milani nga skuadra austriake Red Bulll Salzburg.

Kuqezinjtë paguan 14 milionë euro për transferimin e sulmuesit zviceran i cili ka nënshkruar kontratë me Milanin deri në verën e vitit 2028.

Okafor ka thënë se transferimi te Milani është një ëndërr e bërë realitet për të, pasi gjithmonë kishte dashur të luante për kuqezinjtë.

“Milani ka qenë gjithmonë ëndrra ime dhe nuk po e them këtë vetëm për shkak të transferimit, por ky klub përfaqëson realizimin e ëndrrës time”.

“Kur isha i vogël admiroja Kakan dhe Ronaldinhon duke luajtur me këtë fanellë dhe vitin e kaluar kisha kënaqësinë e madhe të luaja kundër Milanit në San Siro, duke veshur fanellën e Salzburgut”.

“Për ne rezultati në atë kohë ishte një katastrofë, por përvoja e ndjenjës së forcës në stadium ishte e pabesueshme. Unë personalisht e kam përjetuar këtë pasion të tifozëve kuqezi dhe jam magjepsur prej tyre”.

Ambition 👊
Excitement 🤩
A special connection 🔟🤝1️⃣7️⃣

Meet @noah_okafor 🗣️#ACMQuest #SempreMilan pic.twitter.com/UkBK9kDEiV

— AC Milan (@acmilan) July 22, 2023

“Gjithashtu, kur shënova kundër Milanit vitin e kaluar, atë natë bisedova edhe me Rafael Leaon. Mezi pres të takoj bashkëlojtarët e mi të rinj, trajnerin, të gjithë stafin, drejtorët dhe të gjithë anëtarët e klubit”.

“Mezi pres të ndjej entuziazmin dhe pasionin e tifozëve. Unë dua ta ndihmoj Milanin të shkruajë histori të veçanta dhe të fitojë. Faleminderit që më lejuat të jem këtu”, ka deklaruar Okafor.

Federata Botërore e Futbollit (FIFA) planifikon të testojë një rregull të ri sa i përket pozicionit jashtë loje dhe kjo ide revolucionare do të testohet në disa ndeshje në Holandë, Itali dhe Suedi, raportojnë mediat botërore.

Sipas këtyre deklaratave, gjyqtarët janë udhëzuar të japin një pozicion jashtë loje vetëm nëse sulmuesi është me gjithë trupin prapa vijës së fundit të mbrojtjes së ekipit kundërshtar.

Megjithatë, nuk u theksua nëse në ndeshjet e përmendura gjyqtarët do të kenë ndihmën e teknologjisë VAR apo do të mbështeten vetëm në gjykimin e tyre.

FIFA sedang melakukan test rule baru:
Bahwa offside hanya akan terjadi jika seluruh badan pemain berada di depan defender. Sehingga tidak akan ada lagi offside karena bahu, sepatu, ataupun lutut.
Uji coba peraturan baru ini akan dilakukan di sepakbola Italia dan Swedia. Jika… pic.twitter.com/ZkDzd0kOUS

— Siaran Bola Live (@SiaranBolaLive) July 1, 2023

Ideja është t’u jepet një avantazh sulmuesve, pra që tifozët të kenë mundësi të shohin sa më shumë gola në një ndeshje.

Nëse ky rregull del i mirë, FIFA planifikon ta zbatojë në disa liga të tjera në mbarë botën, e më pas edhe në garat e saj zyrtare.

Kujtojmë se deri më tani rregulli jashtë loje thoshte se lojtari i skuadrës sulmuese, në momentin kur i kalon topi, duhet të jetë në vijë me kundërshtarët të paktën.

Me hapjen merkatos së verës (1 korrik) në Serie A, një sërë lojtarësh kanë hyrë në ditën e fundit të kontratave të tyre.

Lojtarët e lirë luajnë një rol të rëndësishëm në tregun e transferimeve në Itali, me kufizimet financiare që i ndalojnë klubet të paguajnë llojin e tarifave që shihen në ligat rivale si Anglia apo Gjermania, duke i bërë huazimet ose transferimet e lira shumë më të aksesueshme.

Afati i transferimeve verore në Serie A hapet nesër (e shtunë), duke i lejuar klubet të fillojnë të përfundojnë përforcimet përpara sezonit 2023-24. Pritshmëria për këtë verë është që skuadrat italiane do të kërkojnë të shesin më shumë sesa të blejnë, me yje si Federico Chiesa dhe Andre Onana në dispozicion për blerje.

Këtu mund të shikoni listën e përpiluar nga Football Italia me lojtarët që u skadon kontrata që nga nesër:

Milan Skriniar (Inter) – Qendërmbrojtësi sllovak është gati të largohet nga Italia pas tetë vitesh dhe do të bashkohet me Paris Saint-Germain.

Angel Di Maria (Juventus) – Vetëm 12 muaj pas ardhjes së tij, anësori argjentinas do të largohet nga Juventusi në transfertë të lirë, ndoshta duke u rikthyer te Benfica.

Stephan El Shaarawy (Roma) – Anësori italian po pret të nënshkruajë një kontratë të re dyvjeçare me Giallorossët, duke i ulur pagën për të arritur një marrëveshje.

Samir Handanovic (Inter) – Veterani slloven thuhet se ende nuk e ka informuar klubin për planet e tij të ardhshme, kështu që mund të largohet në një transferim të lirë këtë verë ose të rinovojë një afat të shkurtër.

Luka Romero (Lazio) – Adoleshenti i talentuar nuk do të rinovojë marrëveshjen e tij në Romë dhe duket se është afër kalimit te Milani.

Guillermo Ochoa (Salernitana) – Portieri meksikan ka rënë dakord për një marrëveshje të re njëvjeçare me Granatan dhe do të qëndrojë në Serie A.

Stefan de Vrij (Inter) – Holandezi do të nënshkruajë një kontratë të re dyvjeçare me klubin, duke e mbajtur atë në kryeqytetin e Lombardisë.

Riccardo Saponara (Fiorentina) – Viola vendosi të mos i ofrojë 31-vjeçarit kontratë të re, kështu që ai do të largohet si transferim i lirë.

Pedro (Lazio) – Një zgjatje e kontratës është duke u finalizuar për fituesin e Kupës së Botës së vitit 2010, duke e mbajtur atë në kryeqytetin italian.

Juan Cuadrado (Juventus) – Pas shumë pavendosmërie, bardhezinjtë kanë vendosur të mos i ofrojnë kontratë të re kolumbianit, i cili tani do të largohet i lirë.

Edin Dzeko (Inter) – Sulmuesi veteran thuhet se ka rënë dakord për një transferim si i lirë te Fenerbahce, gati për një aventurë të re në muzgun e karrierës së tij.

Roberto Pereyra (Udinese) – 32-vjeçari ende mund të nënshkruajë një marrëveshje të re me skuadrën Friuliane, duke e lënë të pasigurt të ardhmen e tij.

Roberto Gagliardini (Inter) – Mesfushori italian nuk do të marrë kontratë të re nga Nerazzurrët, ndaj do të largohet si lojtar i lirë. 

Gjatë ditës së sotme është raportuar se ndeshja Kosovë – Rumani, mund të shtyhet, për shkak të gjendjes së rënduar në fushën e stadiumit “Fadil Vokrri”.

Por këto lajme që kanë qarkulluar nga mediat rumune, janë mohuar nga drejtori i kombëtarës së Kosovës, Muharrem Sahiti.

Ai për Express ka thënë se ndeshja do të zhvillohet sipas orarit të përcaktuar.

Ndeshja Kosovë – Rumani fillon nga ora 20:45, dhe është e vlefshme për kualifikimeve e Kampionatin Evropian.

Revolucion te Milani.

Milani është gati për të nisur një cikël të ri. Me largimin e Maldinit dhe Massaras, klubi kuqezi do të riformatojë anën teknike në prag të sesionit të ri të merkatos së futbollistëve.

Geoffrey Moncada po punon për përforcimet e sezonit të ri dhe sipas Gazzetta dello Sport, Milan pritet të bëjë 5 transferime gjatë merkatos së verës.

Gazzetta dello Sport, shkruan se Milan do të transferojë dy sulmues, dy mesfushorë dhe një qendërmbrojtës.

Në mesfushë Rosonerët kanë arritur marrëveshje me Daichi Kamada dhe janë në bisedime për transferimin e Youri Tielemans.

Sa i përket sulmit Rosonerët janë në bisedime për transferimin e Marcus Thuram dhe Christian Pulisic.

Në mbrojtje Milan synon afrimin e Evan Ndicka, i cili do të largohet falas nga Eintracht Frankfurt.