Tag: sport

Ballkani po përjeton një sukses të madh në arenën evropiane. Kampionët e Kosovës janë kualifikuar në fazën “play off” të Ligës së Konferencës. Tashmë “xhebraliave” u mbeten vetëm dy ndeshjet me Bate Borisovin për të prerë për herë të dytë në histori biletën për në grupet e Ligës së formuar para tri vitesh.

Por përpos arritjes sportive, një tjetër aspekt pozitiv për klubin ku ka pronar, biznesmenin Arsim Kabashi janë edhe paratë e grumbulluara deri më tani. Klubi nga Suhareka ka mbushur arkat me 1.41 milionë euro, të cilat do të shtohen edhe më tepër deri në fund të rrugëtimit të tyre.

Në rastin më të keq Ballakani do të arkëtojë 1.67 milionë euro nga UEFA. Një skenar që vlen në rast se Ballkani do të eliminohen nga Bate Borisov në “play off”.

Kujtojmë që UEFA jep një shpërblim prej 260 mijë eurosh për klubet kampione që nuk mund të sigurojnë dot një vend në fazën e grupeve. Ndërkohë, nëse Ballkani kalon edhe Baten, atëherë padyshim që të ardhurat do të rriten edhe më tepër dhe pritet të shkojnë deri në rreth 3 milionë euro.

Transferimi i mundshëm i Kylian Mbappes te Real Madridi padyshim se do të sillte kënaqësi te tifozët e klubit spanjoll. Sulmuesi 24-vjeçar i PSG-së dhe kapiteni i kombëtares së Francës është i njohur për shënimin e golave, aftësitë e shkëlqyera të driblimit dhe shpejtësinë. Nëse është i suksesshëm, transferimi i tij do të përmirësojë ndjeshëm sulmin e madrilenëve dhe do të ndikojë në sulmuesit e tjerë të skuadrës.

Kalimi i tij te Los Blancos gjithashtu do të shkaktojë ndryshime pasi një vend do të duhet të jetë i hapur për treshen e parë. Si rezultat, Carlo Ancelotti do të ketë pesë lojtarë të mrekullueshëm, të gjithë të garuar për një pozicion.

Real Madridi ka qenë i zënë me nënshkrimin e lojtarëve në tregun e transferimeve gjatë verës. Ata kanë shtuar Brahim Diaz, Arda Guler, Joselu Mato, Jude Bellingham dhe Fran Garcia në ekip. Pavarësisht këtij suksesi, skuadra është ende në kërkim të zëvendësuesit perfekt të Karim Benzemas.

Nënshkrimi me Mbappen duket se është strategjia e Real Madridit për të forcuar sulmin e tyre pas largimit të Benzemas. Blerja e këtij lojtari ka të ngjarë t’i kushtojë skuadrës mbi 200 milionë euro, përfshirë bonuset. Megjithatë, Ancelotti mbetet i bindur se Mbappe është një investim i mirë për Real Madridin me sukses të garantuar.

Ndryshimet në pozicionet e lojtarëve

Real Madridi duhet të rimendojë pozicionin e lojtarëve pas ardhjes së Mbappes. Nënshkrimi me këtë sulmues do të ndikojë padyshim te sulmuesit e skuadrës. Këtu janë lojtarët që mund të përballen me ndryshime.

Vinicius Junior

Pas nënshkrimit të Mbappes, Ancelotti do të ketë nevojë për një plan se çfarë të bëjë me anësorin Vinicius Junior. Mbappe mund të përshtatet të tre pozicionet e sulmit, por punon më mirë në krahun e majtë. Vendosja e tij në këtë pozicion do të forcojë sulmin e ekipit. Në mënyrë të ngjashme, do të rrisë shanset e ekipit në çdo ndeshje.

Që Mbappe të ketë pozicionin e krahut të majtë, trajneri duhet të ketë plane për Vinicius. Braziliani ka ndërtuar një reputacion të shkëlqyer me aftësitë e tij në lojë, aftësitë e forta të driblimit dhe shpejtësinë. Ai aktualisht cilësohet si një nga anësorët e majtë më të mirë që ka luajtur për Real Madridin. Nëse Mbappe i bashkohet skuadrës, atëherë Ancelloti duhet të gjejë një mënyrë në të cilën ai mund të akomodojë këta dy lojtarë të mëdhenj.

Rodrygo

Ardhja e Mbappes mund të ndikojë gjithashtu në të ardhmen e Rodrygos në Real Madrid. Vinicius është një lojtar fleksibil dhe mund të luajë çdo pozicion përpara. Sipas Ancelottit, Rodrygo është një lojtar i fuqishëm që mund të luajë efektivisht në krahun e djathtë, të majtë dhe në qendër të sulmit. Paparashikueshmëria e tij gjatë lojës është ajo që e bën atë mbresëlënës. Megjithatë, ai nuk është i mirë në lojën një kundër një si Vinicius. Supozoni se Mbappe i bashkohet Real Madridit, këta dy lojtarë mund të konkurrojnë për pozicionet e krahut të majtë dhe si qendër sulmues.

Meriton Korenica, sërish ishte autor i një goli, kësaj radhe përballë Lincoln Red Impsit në fitoren 2-0.

Ballkani fitoi ndaj skuadrës nga Gjibraltari në ndeshjen e parë të rrethit të tretë kualifikues të Ligës së Konferencës.

“Së pari shikova lojtarin tonë, por ishte i mbuluar dhe u desh të shënoj. Më kryesore është fitorja. Ka mundur të jetë edhe më bindëse por nuk i shfrytëzuam rastet. Shpresojmë të fitojmë edhe në ndeshjen tjetër dhe të kualifikohemi. Ne e bëjmë lojën tonë gjithmonë. Edhe fusha na ka penguar në shënimin e rasteve që patëm, por merita ka edhe portieri kundërshtar. Në ndeshjen tjetër duhet të mobilizohemi dhe të shfrytëzojmë rastet që i kemi”, ka thënë Korenica.

Korenica ka treguar se çfarë iu tha trajneri Ilir Daja në pushimin mes pjesëve.

“Profesori na qetësoi pas pjesës së parë edhe pas rasteve që nuk i shfrytëzuam. Në pjesën e dytë realizuam golat. Në këto gara çdo rast duhet të shfrytëzohet sepse rastet nuk vijnë lehtë. Kundërshtari luan lojë fizike, do të mobilizohemi, por do të shikojmë për lojën e radhës në kampionat dhe të provojmë të kualifikohemi në pley-off”, përfundoi Korenica.

Ballkani luan si mysafir ndaj Lirisë të dielën, ndërsa pas një jave udhëton për në Gjibraltar për ndeshjen kthyese ndaj Lincoln.

Është mbyllur meçi kryesor i mbrëmjes së sotme në mes Haxhi Krasniqit dhe Nadjib Mohammedi.

Pas një sfide shumë të luftuar nga të dy boksierët, fitues është shpallur Haxhi Krasniqi, pasi gjyqtari, Ajet Rrecaj e ndali meçin pasi kundërshtari i Krasniqit theu rregullat.

Çdo herë veshjet marrin më shumë rëndësi në botën e sportit. Në një shoqëri ku estetika dhe pamja vizuale kanë dalë në pah, bluzat e klubeve të futbollit janë kthyer në një element qendror që bashkon ekipin me tifozin.

Por jo të gjithë janë njësoj të suksesshëm. Në varësi të dizajnit, vëllimit të masës sociale të klubit dhe rrënjëve midis tifozëve, kompletet janë pak a shumë të kërkuara. Kjo është ajo që kompania Boohooman ka analizuar në një studim përmes Google Keywords Planner.

Pavarësisht largimit të shumë yjeve të saj (Cristiano Ronaldo, Sergio Ramos, Benzema…) bluza e bardhë vazhdon të jetë më e kërkuara në mbarë botën me 416,000 kërkime në 12 muajt e fundit. Ajo veshje e bardhe me nuanca të arta vazhdon të vendosë Madridin në numrin një në botë në uniforma.

Aktualisht, ka yje të tjerë që e veshin atë, por lojtarët si Vinicius, Modric apo Bellingham kanë shumë tërheqje mes tifozëve mereng. Prandaj, skuadra Chamartín nuk ka zbritur nga maja e klasifikimit. /Dosja/

Pjesa tjetër e renditjes
Real Madrid: 416,000 kërkime
Manchester United: 390,000
Liverpool: 365,000
Arsenal: 358,000
PSG: 296,000
Barcelona: 290,000
Manchester City: 245,000
Chelsea: 193,000
Ajax: 117,000
Juventus: 91,000

Nuk jemi mësuar me këtë lloj angazhimi në merkato nga Milani në vitet e fundit dhe këtë verë po marrin lojtarë të rinj dita ditës duke forcuar dhomën e zhveshjes në San Siro. I tillë është edhe sot.

Mesfushori i ri amerikan Yunus Musah do të jetë futbollisti i ri i Milanit, raporton gazetari i njohur Fabrizio Romano, i cili thekson se së shpejti do të publikohet konfirmimi i famshëm i transferimit me fjalët “Here we go”.

Dje, Milani zyrtarizoi transferimin e shtatë të verës. Euforia pas blerjes së Samuel Chukwueze nuk i ka kaluar ende fansat dhe tashmë në radhët e shtatë herë kampionit të Europës po mbërrin një emër i ri. Ky është Junus Musah.

Bëhet fjalë për talentin e madh 20-vjeçar të Valencias i cili ka luajtur tashmë 92 ndeshje për klubin spanjoll në kompeticionet më elitare. Ai prej kohësh është pjesë e kombëtares së SHBA-së dhe ka plot 27 paraqitje edhe pse është vetëm 20 vjeç.

Musah tashmë ka arritur një marrëveshje me Milanin dhe aktualisht Valencia është duke negociuar kushtet përfundimtare të blerjes me kuqezinjtë. Vetë futbollisti ka vetëm një dëshirë dhe ajo është t’i bashkohet kuqezinjve.

Ky do të jetë përforcimi i tetë i Milanit. Në San Siro mbërritën portieri Marco Sportiello, meksikani i talentuar Luka Romero, Ruben Loftus-Cheek, Chrisian Pulisic, Tijjani Reijnders, Samuel Chukwueze dhe Noah Okafor. Tashmë janë shpenzuar më shumë se 100 milionë euro dhe vetëm për shitjen e Sandro Tonalit te Newcastle, kuqezinjtë fituan 70 milionë.

Vendimi i UEFA-s për të përjashtuar Juventusin nga Kupat e Europës për një sezon dhe zgjedhja e bardhezinjve për të mos apeluar i dha fund përfundimisht procesit të drejtësisë sportive. Tani në shtëpinë bardhezi, megjithatë, është koha për të bërë llogaritë, pa Evropën llogaritë nuk bëhen si më parë. Jo dhe aq për mospjesëmarrjen në Ligën e Konferencave, e cila kapte rreth dhjetra milionë, por rëndon si gurë mungesa e kualifikimit në Champions League.

Siç raportohet nga ‘La Gazzetta dello Sport’, vitin e kaluar bardhezinjtë sollën në shtëpi rreth 55 milionë, të cilat u rritën në 65 me kalimin e tyre të mëvonshëm në Europa League.

Mungesa që vjen nga pjesëmarrja e dështuar në kupa është rreth 80 milionë krahasuar me 2022-23. Në këtë pikë, drejtuesit do të duhet të ulin koston e ekipit nga njëra anë dhe të mbledhin të ardhura nga transfertat nga ana tjetër. Përndryshe një rritje e re kapitali do të jetë e pashmangshme.

Për momentin, të ardhurat nga shitja e lojtarëve është ndalur në thelb në zero, kundrejt të paktën 60 milionëve të regjistruara në 2022-2023. Kjo do të thotë që, deri më sot, pasqyra e të ardhurave të Juventusit 2023-24 fillon me -200 milionë. Spektri i rritjes së kapitalit rri pezull mbi bardhezinjtë. ‘La Gazzetta dello Sport’ shpjegon pse: deri më 30 qershor 2022, vlera neto e FC Juventus ishte 166 milionë.

Duke marrë parasysh humbjen e vitit të kaluar, që nga 30 qershori 2023 duhet të kishte rënë në rreth 50-60. Pa masa korrigjuese, deficiti për sezonin e ri do të çonte kapitalin e aksionerëve në një territor negativ, duke kërkuar ndërhyrjen e tyre për atë që do të ishte rikapitalizimi i tretë i Juventusit pas dyfishit prej 700 milionësh midis 2019 dhe 2021.