rilindja.albeniplast.com

Category: DIASPORA

  • “Ai ishte i gatshëm për çdo gjë”, “S’kemi fjalë për ta përshkruar”, njujorkezët tronditen nga vrasja e kosovarit në Brooklyn

    “Ai ishte i gatshëm për çdo gjë”, “S’kemi fjalë për ta përshkruar”, njujorkezët tronditen nga vrasja e kosovarit në Brooklyn

    Një mbikëqyrës ndërtese në Brooklyn, New York, Burim Havolli, 41 vjeçar, humbi jetën pasi u sulmua ndërsa përpiqej të ndalonte një grabitës që po vidhte një pako në ndërtesën ku punonte. Ngjarja ndodhi në 1199 Ocean Ave., në lagjen Flatbush, dhe u raportua menjëherë nga një telefonues në NYPD.

    Havolli pësoi trauma të rënda në kokë dhe u dërgua me urgjencë në Spitalin Kings County, ku ndërroi jetë më vonë.

    Familjarët e tij janë tronditur nga humbja e papritur. Vëllai i tij, Blerim Havolli, kujtoi kohën kur të dy ishin arratisur nga Kosova në vitin 1999 për një jetë më të mirë në Amerikë.

    “Ai e donte këtë vend. Ky vend na ka ndihmuar shumë. Nuk ka fjalë që mund ta përshkruajnë. Kjo është e trishtë. Ai la pas tre fëmijë dhe ishte vetëm 41 vjeç”, tha Blerim, ndërsa kushëriri Petrit Havolli shtoi se familja po e përjeton thellë këtë humbje.

    Ai përshkroi edhe vështirësitë e familjes: “Nuk është e lehtë të rrisësh tre fëmijë… Djali 2-vjeçar vazhdon të pyetë ‘Ku është babai im? Thirrni atë, thirrni atë’”.

    Banorët e ndërtesës dhe kolegët e Havollit e përshkruan si një person të kujdesshëm dhe të përkushtuar. Alexis Potter tha: “[Ai ishte] shumë i kujdesshëm, gjithmonë aty për të gjithë qiramarrësit e tij, shumë punëtor”.

    Qiramarrësi tjetër, Alexis Charles, shtoi: “Ai ishte personi kryesor ku të drejtoheshit. Nëse diçka nuk funksiononte, e thirrje atë. Ai ishte thjesht shumë i mirë dhe i kujdesshëm”.

    Jeff Fisher përshkroi profesionalizmin e tij: “Ai ishte jashtëzakonisht profesional. Çdo gjë që duhej bërë, ai e bënte”.

    Pronarja e ndërtesës ngjitur, Gail Seton, u shpreh: “Ky është një problem i vazhdueshëm në këtë ndërtesë, kështu që për këtë të ndodhë në këtë mënyrë, është vërtet një tragjedi. Kam parë një rritje të krimit, njerëz që vjedhin pako, njerëz të guximshëm që nuk u intereson”.

    Blerim Havolli tha se vëllai i tij vdiq duke mbrojtur ndërtesën dhe pakot e qiramarrësve. Johnny Garcia, koleg dhe mik i Havollit për 17 vjet, shtoi: “Ne ishim bashkë çdo ditë. Nuk ka fjalë për këtë që ndodhi. E konsideroja si vëlla”.

    Familja e viktimës ka bërë të ditur se varrimi i Burim Havollit do të bëhet në Kosovë, vendin e tij të lindjes.

  • Ministrat e G7 kritikojnë mbështetjen e Kinës për Rusinë

    Ministrat e G7 kritikojnë mbështetjen e Kinës për Rusinë

    Ministrat e Jashtëm të G7-ës, kritikuan mbështetjen e Kinës për Rusinë.

    ”Ministrat dënuan ofrimin e armëve dhe komponentëve me përdorim të dyfishtë nga Kina, një faktor vendimtar për luftën e Rusisë”, thuhet në një deklaratë të përbashkët, pas bisedimeve në Niagara-on-the-Lake, në provincën juglindore të Ontarios në Kanada.

    Ministrat e G7-s gjithashtu dënuan Korenë e Veriut dhe Iranin për ofrimin e mbështetjes ushtarake për Rusinë. Grupi i G7-s përfshin Kanadanë, Francën, Gjermaninë, Italinë, Japoninë, Britaninë e Madhe dhe Shtetet e Bashkuara të Amerikës.

    Deklarata tha se grupi ”theksoi përsëri mbështetjen e pakushtëzuar për Ukrainën në mbrojtje të integritetit të saj territorial dhe të drejtës për të ekzistuar, si dhe të lirive, sovranitetit dhe pavarësisë së saj”.

    ”Ne theksuam se një armëpushim i menjëhershëm është i domosdoshëm. U ra dakord që linja aktuale e kontaktit duhet të jetë pika e nisjes për negociatat. Ne mbetemi të përkushtuar ndaj parimit që kufijtë ndërkombëtarë nuk duhet të ndryshohen me forcë”, theksohet në deklaratë.

    Grupi shprehu shqetësim për zhvillimin ushtarak të Kinës dhe ”shtimin e shpejtë të arsenalit të saj bërthamor” duke dënuar gjithashtu programet bërthamore  të Koresë së Veriut.

    Kina ka mbetur neutrale në luftën në Ukrainë, por konsiderohet partnere e ngushtë dhe me ndikim e Rusisë.

  • Një kosovar vritet me shkop bejsbolli në Francë

    Një kosovar vritet me shkop bejsbolli në Francë

    Një burrë 50-vjeçar vdiq të hënën në mëngjes nga plagët e marra në një sulm me shkop bejsbolli në Annecy të Francës.

    Viktima, një shtetas kosovar i njohur për policinë, u godit me dhunë rreth orës 13:30 në qytetin Haute-Savoie.

    Sulmi ndodhi në mes të ditës. Një ose më shumë sulmues sulmuan burrin rreth të pesëdhjetave përpara se të iknin në këmbë.

    Rrethanat e sakta të këtij sulmi fatal ende po përcaktohen nga hetuesit, të cilët ende nuk kanë kryer asnjë arrestim.

    Zyra e Prokurorit Publik ka hapur një hetim për vrasje me dashje me shkop bejsbolli.

  • Ushtari kosovar mohon akuzat për përdhunim dhe sulm seksual në Angli, BBC raporton për rastin

    Ushtari kosovar mohon akuzat për përdhunim dhe sulm seksual në Angli, BBC raporton për rastin

    Një ushtar kosovar që ndihmonte në trajnimin e personelit nga ushtria ukrainase ka mohuar tre akuza për vepra penale seksuale.

    Bali Hoxha, 28 vjeç, nga Kampi West Tofts në Thetford, Norfolk në Angli, akuzohet për përdhunim dhe dy akuza për sulm seksual ndaj një gruaje.

    Siç raporton media e njohur BBC, sulmi i dyshuar ndodhi përgjatë një shtegu këmbësorësh midis Rrugës Prince of Wales dhe Parkut Tregtar Riverside rreth orës 23:30 më 17 shtator.

    Gjitnjë sipas raportimeve të BBC, Hoxha u mbajt në paraburgim në Gjykatën e Kurorës së Norwich deri në gjyqin e tij më 7 prill, i cili pritet të zgjasë pesë ditë.

    “Hoxha është i punësuar nga ushtria e Kosovës, por është i kontraktuar për të trajnuar ushtarë ukrainas të vendosur në poligonin e stërvitjes së Ushtrisë Britanike pranë Thetford, sipas një kontrate me Ministrinë e Mbrojtjes”.

    Ai foli për të konfirmuar emrin e tij, por avokati mbrojtës Jonathan Goodman i tha gjykatës se, ndërsa anglishtja e tij ishte e mjaftueshme për seancën dëgjimore të pranimit të fajësisë, një përkthyes shqip do të kërkohej për gjyqin dhe çdo seancë të ndërmjetme dëgjimore.

    U dëgjua gjithashtu se tre dëshmitarë do të kishin nevojë për përkthyes.

    Gjykatës iu tha se këta dëshmitarë ka të ngjarë të vendosen në Kosovë në kohën e gjyqit, por se ushtria e Kosovës do t’i lirojë ata për të marrë pjesë në gjykatë.

    Personat e përmendur në artikull presumohen të pafajshëm deri në momentin e një vendimi të gjykatës.

  • Austria po kërkon punëtorë: Paga 2,200 euro, akomodim dhe ushqim falas

    Austria po kërkon punëtorë: Paga 2,200 euro, akomodim dhe ushqim falas

    Periudha më e ngarkuar e vitit po fillon në rajonet alpine austriake. Sezoni i dimrit është shumë afër dhe vendpushimet e skive po përgatiten për një fluks turistësh nga e gjithë bota.

    Megjithatë, pa staf të mjaftueshëm, asgjë nuk funksionon gjatë sezonit të pikut turistik, dhe kjo përbën një problem të madh për shumë hotele dhe ofrues shërbimesh ushqimore.

    Në këtë sektor ka një luftë të vërtetë për çdo punonjës dhe është veçanërisht e vështirë të gjesh punëtorë sezonalë, të paktën në Austri.

    “Edhe para pandemisë së koronavirusit, nuk ishte e lehtë të gjeje personel të kualifikuar në Austri, por tani është edhe më e vështirë”, shpjegon pronari i një hoteli në qytetin Fließ.

    Shumë kamerierë ndryshuan profesionin e tyre gjatë pandemisë. Ai thotë se nuk ka zgjidhje tjetër veçse të kërkojë një kamerier ose një kameriere jashtë vendit përmes Shërbimit Austriak të Punësimit (AMS) për sezonin nga 18 dhjetori 2025 deri më 6 prill 2026.

    Për një pozicion me kohë të plotë, kërkohen njohuri të mjaftueshme të gjuhës gjermane, pavarësi dhe përkushtim në punë, mirësjellje dhe, mundësisht, përvojë pune në shërbimin e ushqimit dhe pijeve.

    Austriakët po ofrojnë një pagë minimale prej 2,200 eurosh bruto në muaj, me mundësinë e rritjes së pagës, si dhe akomodim dhe ushqim falas.

    “Për fat të keq, deri më tani kanë mbërritur vetëm aplikime të paqarta nga Maroku”, tha ai për portalin austriak Heute.

  • Rrëzohet aeroplani në Kentucky, shtatë të vdekur

    Rrëzohet aeroplani në Kentucky, shtatë të vdekur

    Të paktën shtatë persona kanë vdekur kur një aeroplan mallrash UPS u rrëzua ndërsa po ngrihej nga një aeroport në Louisville, Kentucky të martën në mbrëmje, tha guvernatori i shtetit.

    Andy Beshear tha se tre anëtarët e ekuipazhit të aeroplanit ka të ngjarë të jenë midis të vdekurve pasi aeroplani i mallrave shpërtheu ndërsa po nisej nga Aeroporti Ndërkombëtar i Louisville Muhammad Ali.

    Nuk është e qartë nëse numri i të vdekurve përfshin tre anëtarët e ekuipazhit që ishin në aeroplan.

    Të paktën 11 persona të tjerë u lënduan kur aeroplani u rrëzua, duke dërguar re të dendura tymi të zi në qiell.

  • Ndalohet importi i shpezëve dhe produkteve të tyre nga Italia

    Ndalohet importi i shpezëve dhe produkteve të tyre nga Italia

    Agjencia e Ushqimit dhe Veterinarisë së Republikës së Kosovës (AUV), duke iu referuar raportit e fundit të Organizatës Botërore për Shëndetin e Kafshëve (WOAH) dhe Raportin e Komisionit Evropian, të datës 04.11.2025, njofton se në shtetin e Italisë është e pranishme sëmundja Avian Influenza (Gripi i Shpezëve), serotip me patogjenitet të lartë HPAI–H5N1, në ferma komerciale dhe në shpezët e egra në Regjionin Emilia-Romagna dhe Lombardia të Shetit të Italisë.

    Në përputhje me dispozitat përkatëse të legjislacionit në fuqi dhe në zbatim të masave parandaluese për mbrojtjen e shëndetit të kafshëve dhe sigurisë ushqimore në Republikën e Kosovës, AUV vendos si vijon:

    Ndalohet importi i kafshëve të gjalla, shpezëve dhe i produkteve të tyre të cilat e kanë origjinën nga zonat e infektuara të shtetit të Italisë, përveq nëse e kanë origjinën nga fermat e pa prekura me sëmundjen në një rreth prej 50 km. largësi nga zonat e prekura.

    Kjo ndalesë hyn në fuqi menjëherë dhe do të mbetet në zbatim deri në vlerësimin e mëtejshëm të situatës nga autoritetet përkatëse ndërkombëtare dhe nga Agjencia e Ushqimit dhe Veterinarisë së Republikës së Kosovës (AUV).

    Agjencia e Ushqimit dhe Veterinarisë vazhdonë ta monitorojë me kujdes situatën epidemiologjike dhe të bashkëpunojë ngushtë me institucionet vendore dhe ndërkombëtare për parandalimin e përhapjes së kësaj sëmundjeje. Publiku dhe operatorët ekonomikë do të informohen me kohë për çdo ndryshim eventual.

  • Kosova ndalon importin e shpezëve dhe produkteve të tyre nga Gjermania

    Kosova ndalon importin e shpezëve dhe produkteve të tyre nga Gjermania

    Agjencia e Ushqimit dhe Veterinarisë së Republikës së Kosovës (AUV), duke u bazuar në raportin e fundit të Organizatës Botërore për Shëndetin e Kafshëve (WOAH) dhe Raportin e Komisionit Evropian të datës 28.10.2025, ka njoftuar se në Gjermani është konfirmuar prania e sëmundjes Avian Influenza (Gripi i Shpezëve), serotip me patogjenitet të lartë HPAI – H5N1, në disa ferma të shpezëve.

    Kështu, AUV njofton se në përputhje me dispozitat përkatëse të legjislacionit në fuqi dhe në zbatim të masave parandaluese për mbrojtjen e shëndetit të kafshëve dhe sigurisë ushqimore në Republikën e Kosovës, është ndaluar importi i shpezëve të gjalla dhe i produkteve të tyre si, mish, vezë dhe nënproduktet e tjera, që kanë origjinën nga i gjithë territori i shtetit të Gjermanisë.

    “Kjo ndalesë hyn në fuqi menjëherë dhe do të mbetet në zbatim deri në vlerësimin e mëtejshëm të situatës nga autoritetet përkatëse ndërkombëtare dhe nga AUV”, tha ky institucion.

    Agjencia e Ushqimit dhe Veterinarisë deklaroi se do të vazhdojë të monitorojë me kujdes situatën epidemiologjike dhe të bashkëpunojë ngushtë me institucionet vendore dhe ndërkombëtare për parandalimin e përhapjes së kësaj sëmundjeje.

  • Trafik kokaine në Zvicër, operacion me 5 të arrestuar, mes tyre edhe një shqiptar

    Trafik kokaine në Zvicër, operacion me 5 të arrestuar, mes tyre edhe një shqiptar

    Prokuroria Publike dhe Policia Kantonale në Zvicër kanë arrestuar 5 persona në dy operacione të ndara që lidhen me trafikun e drogës.

    Hetimet, të kryera ditët e fundit, përfshinë një shqiptar 40-vjeçar, një italian 23-vjeçar dhe tre shtetas zviceranë, përkatësisht 37, 22 dhe 21 vjeç, që jetojnë në rajonet Leventina dhe Riviera.

    Të pesë personat dyshohet se janë përfshirë, në cilësi të ndryshme, në një operacion trafiku droge që thuhet se ka prekur veçanërisht zonën Sopraceneri, në Ticino. Gjatë kontrolleve, u gjetën afërsisht njëqind gramë kokainë dhe disa mijëra franga, që besohet të jenë të ardhurat e trafikimit të paligjshëm.

    Akuzat kryesore kundër të dyshuarve janë kundërvajtje e rënduar, kundërvajtje e lehtë dhe shkelje e Ligjit Federal për Narkotikët. Hetimet u kryen në bashkëpunim me Policinë e Tre Valli dhe rrjedhin pjesërisht nga një operacion që u zhvillua në gjysmën e parë të tetorit, i cili kishte çuar tashmë në disa arrestime të lidhura me të njëjtin rrjet kriminal, informon media zvicerane.

    Hetimi po koordinohet nga prokurorët publikë Veronica Lipari dhe Luca Losa. Autoritetet theksojnë se, për shkak të hetimit në vazhdim, nuk do të publikohen informacione të mëtejshme në lidhje me detajet e hetimit ose rolet specifike të personave të përfshirë.

  • Itali: 19-vjeçari shqiptar gjendet i vdekur në banesë nga i vëllai, mister shkaqet

    Itali: 19-vjeçari shqiptar gjendet i vdekur në banesë nga i vëllai, mister shkaqet

    Një 19-vjeçar shqiptar është gjetur i pajetë në banesën e tij nga familjarët, kurse shkaqet mbeten të panjohura dhe ngjarja është e veshur me hije dyshimi.

    Kur vëllai i tij hyri në dhomën e gjumit, e pa Flavio Saraçin të rrëzuar dhe të palëvizshëm dhe shkoi të shihte se çfarë po ndodhte. Ishte një tronditje e vërtetë atëherë kur kuptoi se vëllai i tij më i madh, një djalë i fortë dhe atletik, tani ishte i vdekur.

    Tragjedia të premten, më 24 tetor, në Provincën e Pistoias. Vdekja e tij ishte aq e papritur, sa është aktualisht e pashpjegueshme për autoritetet. I riu merrej me sporte dhe nuk kishte probleme shëndetësore të shfaqura.

    Ndërkohë, kjo është humbja e dytë serioze brenda vetëm pak ditësh që godet Masotti-n, një fshat në Serravalle Pistoiese, me vdekjen e një të riu në lulen e jetës, më pak se një javë pas aksidentit fatal që vrau shtatëmbëdhjetëvjeçarin Matteo Ducceschi. Të dy jetonin në fshatin në provincën e Pistoia-s, informon media italiane.

    Këtë herë, një sëmundje fatale i mori jetën Flavio Saracit, duke lënë një familje në shok të plotë. I riu me sa duket ishte në dhomën e tij kur vëllai i tij më i vogël hyri dhe e gjeti të pajetë.

    Gjithçka ndodhi brenda pak minutash, rreth orës 6 të mbrëmjes. Shërbimet e urgjencës mbërritën menjëherë dhe i riu u dërgua me urgjencë në Spitalin San Jacopo, por mjekët mundën vetëm të konfirmonin se nuk kishte asgjë më shumë që mund të bënin për Flavion, duke i lënë prindërit e tij, të shkatërruar nga një tragjedi kaq e papritur dhe e madhe, në humnerën e dëshpërimit të tmerrshëm, shkruan media italiane.

    Familja u nxitua menjëherë për në spital, të paaftë të besonin se zemra e djalit të tyre të dashur nuk po tregonte më shenja jete, dhe në mënyrë të kuptueshme iu dorëzuan pikëllimit dhe ankthit.

    Flavio Saraci ndoqi shkollën e mesme të shkencave të aplikuara në Institutin Filippo Pacini në Pistoia, ku u diplomua vitin e kaluar. Ata që e njihnin e përshkruanin si një të ri të gjatë dhe atletik, i cili merrej me sporte dhe kishte një personalitet të qetë dhe të rezervuar.

    Shkaku i sëmundjes së tij të papritur është aktualisht i panjohur , por mjekët në Spitalin San Jacopo, ku ndodhet trupi i tij, ka të ngjarë të kryejnë një autopsi. Humbja e tij ka tronditur komunitetin shqiptar të zonës dhe gjithashtu shkollën e të riut.