rilindja.albeniplast.com

Category: KRONIKË E ZEZË

  • IPK arrestoi një zyrtar policor të dyshuar për dhunë në familje

    IPK arrestoi një zyrtar policor të dyshuar për dhunë në familje

    Inspektorati Policor i Kosovës (IPK) respektivisht hetuesit e Departamentit të Hetimeve të IPK-së kanë arrestuar një zyrtar policor me dyshimin se i njëjtit ka kryer veprën penale “dhunë në familje”. IPK ka pranuar mbrëmë informacione lidhur me dyshimin së një zyrtar policor (jashtë detyrës zyrtare) në Pejë ka kryer veprën penale dhunë në familje.

    Menjëherë pas pranimit të informacionit hetuesit e IPK-së i janë përgjigjur thirrjes duke intervistuar viktimën e këtij rasti – bashkëshorten e tij. Pas disa veprimeve fillestare hetimore është konsultuar edhe prokurori kompetent dhe zyrtarit policor me vendim të prokurorit i është caktuar masa e ndalimit për 48 orë.

    Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar. Hetuesit e IPK-së në koordinim të plotë me Prokurorinë do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast.

  • Burrë e grua rrihen në Prishtinë pas aksidentit në garazhin e banesës

    Burrë e grua rrihen në Prishtinë pas aksidentit në garazhin e banesës

    Burrë e grua janë rrahur mes vete në garazhin e një banesë në Prishtinë.

    Sipas raportit policor, sulmi fizik ka ndodhur pas një aksidenti në garazhin e çiftit bashkëshortor, dhe të njëjtit kanë pranuar tretman mjekësor.

    Pas intervistimit me vendim të prokurorit palët janë liruar në procedurë të rregullt.

  • Kapet 65 kg marihuanë në Maqedoninë e Veriut, dy të arrestuar

    Kapet 65 kg marihuanë në Maqedoninë e Veriut, dy të arrestuar

    Policia në Maqedonia e Veriut ndaloi një makinë me targa të Shkupit drejt Velesit, ku gjatë kontrollit u gjetën katër thasë me 65 kilogram marijuanë.

    Në pranga përfunduan një 38-vjeçar nga Shkupi dhe një 55-vjeçar nga Kavadarci.

  • I merret licenca avokatit Nasuf Hasani – publikohen audio ku dëgjohet duke sharë rëndë stafin e Odës

    I merret licenca avokatit Nasuf Hasani – publikohen audio ku dëgjohet duke sharë rëndë stafin e Odës

    Një zhvillim i rëndësishëm ka ndodhur në Odën e Avokatëve të Kosovës, ku avokatit Nasuf Hasani i është marrë licenca për ushtrimin e profesionit, si pasojë e mos përmbushjes së obligimeve financiare ndaj Odës.

    Sipas burimeve të besueshme, Hasani nuk ka kryer pagesën e anëtarësisë për një periudhë të caktuar, pavarësisht kërkesave të vazhdueshme nga ana e institucionit.

    Por ajo që e rëndon edhe më tej këtë rast është fakti se, përveç mos pagesës, ai ka pasur sjellje të papranueshme ndaj stafit administrativ të Odës.

    Indexonline ka publikuar një audioincizim, në të cilin dëgjohet qartë avokati duke përdorur gjuhë të rëndë fyese dhe denigruese ndaj zyrtarëve të Odës, të cilët e kishin kontaktuar për t’i rikujtuar detyrimin për pagesën e anëtarësisë.

    Ky komunikim, përveçse tregon mungesë të theksuar të etikës profesionale, përbën edhe shkelje serioze të standardeve që rregullojnë ushtrimin e profesionit të avokatit, thonë burimet nga Oda e Avokatëve të Kosovës.

    Vendimi për marrjen e licencës vjen në kuadër të masave disiplinore që ndërmerren ndaj avokatëve që nuk respektojnë obligimet ligjore dhe statutare, si dhe që cenojnë integritetin dhe dinjitetin e institucionit.

    Rasti pritet të shërbejë si precedent për trajtimin e rasteve të ngjashme në të ardhmen, duke rikujtuar se respektimi i detyrimeve dhe etikës profesionale nuk është çështje zgjedhjeje, por obligim.

  • Apeli vërteton dënimin me burgim të përjetshëm ndaj vëllezërve Vllasaliu për vrasjen e biznesmenit Rexhepi

    Apeli vërteton dënimin me burgim të përjetshëm ndaj vëllezërve Vllasaliu për vrasjen e biznesmenit Rexhepi

    Gjykata e Apelit e ka vërtetuar dënimin me burgim të përjetshëm ndaj Jeton dhe Nexhat Vllasaliut, të akuzuar për vrasjen e biznesmenit Bedri Rexhepi.

    Apeli, në njoftimin për media, ka bërë të ditur se i ka refuzuar si të pabazuara ankesat e mbrojtësve së të akuzuarve dhe ka vërtetuar aktgjykimin e shkallës së parë.

    Kolegji i Apelit ka vlerësuar se gjykata e shkallës së parë ka paraqitur arsye të qarta dhe të plota duke dhënë arsye të duhura se cilat fakte konsiderohen të vërtetuara në këtë çështje penale, përkitazi me veprat penale të cilat i vihen në barrë të akuzuarve, e po ashtu ka paraqitur saktësinë e provave nga shkresat e lëndës, ka dhënë arsye të qarta për vendin, kohën, mënyrën e kryerjes së veprës penale, mënyrën se si ka ardhur deri të kryerja e kësaj vepre penale të cilat janë vërtetuar nga provat personale dhe ato materiale.

    Sipas vendimit të Apelit dënimi me burgim të përjetshëm do të parandalojë personat tjerë nga kryerja e veprave penale dhe do të shpreh gjykimin shoqëror për veprën penale.

    Jeton e Nexhat Vllasaliu akuzoheshin nga Prokuroria Themelore në Prishtinë për veprën penale Vrasje e rëndë në bashkëkryerje dhe Dëmtimi i varreve apo kufomave.

  • 54-vjeçari gjendet pa shenja jete në Prizren, nisin hetimet

    54-vjeçari gjendet pa shenja jete në Prizren, nisin hetimet

    Një 54-vjeçar është gjetur pa shenja jete në orët e hershme të mëngjesit në Prizren.

    Viktima me inicialet E.S. është gjetur e pajetë në banesën e tij nga një fqinj, në rrugën “Enver Buqa” në lagjen Arbana, rreth orës 07:25.

    Rastin për Sinjalin e ka konfirmuar zëdhënësi i policisë, Shaqir Bytyqi, i cili bëri të ditur se ekipet emergjente kanë konstatuar vdekjen në vendngjarje, ndërsa policia ka siguruar zonën dhe hetuesit kanë nisur veprimet hetimore.

    Me urdhër të prokurorit, trupi i pajetë është dërguar në Instituti i Mjekësisë Ligjore për ekzaminim, ndërsa rasti është iniciuar si “hetim i vdekjes”.

  • Bie në pranga i dyshuari i pestë për tjetërsim të pronës tremilionëshe në Ferizaj

    Bie në pranga i dyshuari i pestë për tjetërsim të pronës tremilionëshe në Ferizaj

    Policia e Kosovës ka arrestuar të dyshuarin e pestë për tjetërsim të një prone në vlerë rreth 3 milionë euro në komunën e Ferizajt.

    Sipas njoftimit të Policisë, i dyshuari është B.L., i cili është intervistuar të enjten nën dyshimin për bashkëkryerje të veprave penale “mashtrim”, “falsifikim i dokumenteve” dhe “legalizim i përmbajtjes së rreme”.

    Policia ka bërë të ditur se ekziston dyshimi që personat e përfshirë, “duke falsifikuar dokumentet e identifikimit dhe certifikatën e pronës së palës ankuese, kanë arritur të tjetërsojnë në mënyrë të kundërligjshme pronën e tij me sipërfaqe prej shtatë hektarësh në vlerë të përafërt të tregut rreth tre (3) milion euro e cila gjendet në komunën e Ferizajt, të cilën më pas e kanë parcelizuar dhe shitur personave të tretë”.

    Pas intervistimit, B.L. është ndaluar për 48 orë.

    Ndërkohë, në një lokacion është kryer bastisje, ku janë gjetur dhe sekuestruar një telefon mobil dhe dokumente që ndërlidhen me rastin.

    Lidhur me këtë rast, Policia kishte arrestuar më 19 shkurt edhe katër persona të tjerë.

    Sinjali pati raporuar ekskluzivisht emrat e të dyshuarve të tjerë: Muhamet Meli, Shpend Bobaj, Driton Restelica dhe Burhan Zhinipotoku.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

  • Vdes në QKUK 30-vjeçari që ishte i plagosur me armë zjarri

    Vdes në QKUK 30-vjeçari që ishte i plagosur me armë zjarri

    Një person i lindur në vitin 1996 ka vdekur në QKUK, i cili ishte sjellë i plagosur nga arma e zjarrit, ka konfirmuar për Gazetën Express, drejtori i Emergjencës Naser Syla.

    I kontaktuar nga Gazeta Express, Syla tha se “përkundër të gjitha masave të ndërmarra nga Ekipa Mjekësore kujdestare, viktima ka ndërrua jetë”.

  • 18-vjeçari nga Dragashi është i riu që humbi jetën në aksidentin në Austri

    18-vjeçari nga Dragashi është i riu që humbi jetën në aksidentin në Austri

    18-vjeçari, Yll Zenuni është i riu që të dielën ka humbur jetën në një aksident trafiku në Austri.

    Lajmin për vdekjen e tij në aksidentin tragjik e ka dhënë kryetari i Komunës së Dragashit, Bexhet Xheladini.

    “Na ka tronditur jashtë mase ndarja tragjike nga jeta e të riut Ylli Zenuni, bashkatdhetarit tonë nga fshati Kuk, i cili humbi jetën në një aksident në Austri. Në emrin tim personal dhe në emër të Komunës së Dragashit, ju shpreh ngushëllimet më të sinqerta familjes Zenuni, të afërmve, miqve dhe gjithë bashkëfshatarëve të tij. Humbja e një të riu në moshë kaq të hershme është një dhimbje e madhe për familjen dhe për gjithë komunitetin tonë. Ndajmë dhimbjen me ju në këto ditë të vështira dhe lutemi që familja të gjejë forcë për ta përballuar këtë humbje të rëndë.”, ka shkruar Xheladini.

    Për këtë aksident, Klankosova.tv kishte raportuar atë ditë, derisa policia austriake kishte kthyer përgjigje për redaksinë, duke mohuar se i njëjti ishte shtetas kosovar.

  • Aksident me lëndime të rënda në Prizren, shoferi i dehur dërgohet në mbajtje

    Aksident me lëndime të rënda në Prizren, shoferi i dehur dërgohet në mbajtje

    Një aksident i rëndë ka ndodhur dje në Prizren, ku një person ka pësuar lëndime të rënda trupor.

    Sipas raportit policor, i lënduari pas pranimit të tretmanit mjekësor në spitalin e Prizrenit është dërguar në QKUK për tretman të mëtutjeshëm.

    Ndërsa një person tjetër është arrestuar, pasiqë dyshohet se derisa sa ishte në drejtim të veturës ka qenë nën ndikim të alkoolit dhe duke -shkaktuar aksident trafiku duke goditur veturën e cila drejtohej nga viktima mashkull kosovar