Pas zjarrve që kanë shkaktuar dëme të mëdha në viset malore në regjionin e komunave të Ferizajt, Policia Rajonale ka marrë të gjitha masat e nevojshme dhe ka angazhuar personel të mjaftueshëm për menaxhimin e rasteve të zjarreve në rajonin e Ferizajt. Sipas Policisë së Kosovës në Ferizaj, gjatë javës së kaluar janë raportuar disa incidente zjarresh, duke përfshirë Ferizajn, Kaçanikun, Shtërpcën, Shtimen dhe Hanin e Elezit.

Nëpërmjet një komunikate Policia Rajonale e Ferizajt ka bërë me dije se po punojnë me përkushtim në parandalimin e zjarreve, duke koordinuar aktivitetet me institucionet lokale dhe agjencitë përkatëse.

“Aktualisht, në rajonin e Ferizajt nuk ka asnjë vatër aktive apo lokalitet të përfshirë nga zjarret. Megjithatë, policia apelon tek qytetarët që të tregojnë kujdes maksimal dhe të shmangin djegien e hapësirave fushore dhe pyjeve, pasi pasojat mund të jenë të rënda dhe të pakthyeshme. Policia do të jetë e pakompromis ndaj kujtdo që, me qëllim apo nga neglizhenca, shkakton zjarrvënie. Të gjithë personat që kryejnë zjarrvënie të qëllimshme ose për shkak të pakujdesisë do të ndiqen penalisht. Falënderojmë qytetarët për bashkëpunimin e tyre të vazhdueshëm dhe i ftojmë që, sa herë që kanë informacione rreth personave që me dashje shkaktojnë zjarrvënie, të njoftojnë menjëherë policinë”, thuhet në komunikatë.

Nga zyrtarët policor të rajonit Prishtinës, gjatë javës së kaluar në lokacione të ndryshme dhe aksione të ndara, janë realizuar  333 urdhëresa të gjykatës, prej tyre 146 urdhëresa për vepra penale, ndërsa të tjerat për kundërvajtje, seanca, verifikime.

“Në përputhje me urdhëresat, pas përfundimit të procedurave policore,  personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa. Aktivitetet policore janë shtrirë  edhe në segmente të tjera të sigurisë. Kësisoj në harkun e njëjtë kohor janë sekuestruar 6 armë zjarri, të llojeve dhe kalibrave të ndryshëm, si dhe municione të llojeve dhe kalibrave të ndryshëm. Ndërkaq aktivitetet policore  në sferën e sigurisë në trafikun rrugor”, thuhet në njoftim.

Në po të njëjtën periudhë kohore, kanë rezultuar me shqiptimin e 4952 masave administrative me gjobë për lloje të ndryshme të kundërvajtjeve dhe shkeljeve të kodit rrugor, prej tyre 774 të evidentuara nga vetura intelegjente dhe vetura me  radar mobil.

 Menut e pasur me shije dhe traditë

Menuja e n’Lagje Bistro Bar është një pasqyrë e kuzhinës tradicionale shqiptare, e cila ka kaluar përmes brezave dhe ruan shijet e pasura të kulturës lokale. Përveç përgatitjes së pjatave tipike, ky bistro i kushton vëmendje të madhe cilësisë së përbërësve, duke përdorur produkte të freskëta dhe të ardhura direkt nga fermerët lokalë.

Pjatat tradicionale janë themeli i menusë, me një gamë të gjerë opsionesh që ofrojnë shije të thella.

Disa nga menu që ofronë për Ramazan me çmime fanstastike:

Shërbimi është gjithashtu një nga faktorët që e bën n’Lagje Bistro Bar të veçantë. Stafi i trajnuar me kujdes është gjithmonë i gatshëm për të ndihmuar klientët të zgjedhin pjatën perfekte dhe për të siguruar një përvojë të paharrueshme gastronomike.

Për ata që duan të shijojnë kuzhinën tradicionale shqiptare dhe kosovare në një mjedis të rehatshëm dhe mikpritës, n’Lagje Bistro Bar ofron një përvojë të paharrueshme gjatë Ramazanit, me oferta speciale për këtë periudhë të shenjtë.

Në një kohë kur shumë restorante po ofrojnë gatime ndërkombëtare, n’Lagje Bistro Bar mbetet i përkushtuar tek tradita dhe shijet e vërteta, duke e bërë këtë vend një të preferuar për ata që duan të shijojnë një copë nga trashëgimia e pasur kulinare e Kosovës.

Kryeministri i Kosovës, Albin Kurti, ka thënë se gjatë qeverisjes së tij ka mbështetur punësimin e grave në administratë publike.

Në shënimin e Ditës Ndërkombëtare të Gruas, ku u prezantua Rrjeti i Grave në Pozita Vendimmarrëse në Administratë Publike dhe institucione të pavarura, Kurti tha se ka bërë hapa që nuk janë të vegjël.

“Me gjithë pengesat që përballen gratë janë më të mëdha e më të thella, më të padukshme se sa ato që përballen burrat. Shpesh është struktura e shtetit ajo që i mbyll dyert grave dhe i mban ato jashtë hapësirës së vendimmarrjes e larg pjesëmarrjes. Gjinia nuk është një e dhënë e thjesht, por një sistem i tërë që ndikon në politikë e planifikim, administratë e menaxhim e në vetë mënyrën sesi ushtrohet qeverisja”, tha Kurti.

Ai ka theksuar se nga të rekrutuarat në administratën publike, 48 për qind ishin gra ndërkaq në vitin që lam pas 63 për qind gra.

“Nga studimet e ndryshme tregojnë se gratë janë më pak të korruptuara se burrat dhe qytetarët gjithandej e posaçërisht në vendin tonë e urrejnë korrupsionin. Adresimi i padrejtësive dhe pabarazive ka qenë në qendër të punës sonë si qeveri dhe gjatë mandatit të parë të plotë kemi bërë shumë hapa që nuk janë të vegjël. Kemi mbështetur direkt punësimin e 12 mijë grave. Nga të rektrutuarat në administratën publike, 48 për qind ishin gra ndërkaq në vitin që lam pas 63 për qind gra”, tha kryeministri.

Numri dy i Lëvizjes Vetëvendosje, Glauk Konjufca është deklaruar në lidhje me krijimin e qeverisë së re.

Konjufca deklaroi se beson se do të arrijnë të bëjnë forimimin e qeverisë me pakicat jo-serbe, ndërsa opozitën e përshkroi si  me “Qëndrime obstruksioniste, sulme agresive dhe goditje të ulëta”, e që sipas tij kjo gjë ka lënë shenjë.

“Siç e keni parë, qeveria ‘Kurti 2’ është formuar në bashkëpunim me pakicat joserbe. Ky është qëllimi ynë sepse ka pasur një efekt pozitiv në Kosovë, duke e penguar Listën Serbe, e cila vepron nën ndikimin e Beogradit, të ketë fuqi vendimtare siç ka pasur në qeveritë e kaluara”, tha Konjufca për median italiane OBCT.

Konjufca tha se nëse lind nevoja do të mblidhen si lidership dhe do të vendosin për hapat e mëtejshëm.

“Deri më tani partitë opozitare kanë mbajtur qëndrim pengues. Sulmet ndaj LVV-së kanë qenë shumë agresive dhe mendoj se këto zgjedhje ishin mjaft jokonvencionale, me shumë akuza të padrejta dhe goditje të ulëta. Kjo ka lënë gjurmë”, ka shtuar Konjufca.

Komuna e Prishtinës ka përuruar të hënën fillimin e punimeve në sheshin “Xhorxh Bush” në Prishtinë, si pjesë e projektit për zgjerimin e sheshit të kryeqytetit.

Sipas komunës, ky projekt synon krijimin e më shumë hapësirave për këmbësorët dhe përmirësimin e infrastrukturës urbane.

Kryetari i Prishtinës, Përparim Rama tha se ky projekt është një hap i rëndësishëm drejt transformimit të qendrës së qytetit

Punimet në këtë projekt i cili ka vlerën e mbi 18 milionë eurove, parashihet të zgjasin një vit.

Punimet në ndërtimin e sheshit përfshijnë hapësirën prej Katedrales “Nënë Tereza” deri te sheshi “Zahir Pajaziti” në qendër të Prishtinës,/Rilindja Shqiptare/