Category: LAJME

Kryeministri Albin Kurti ka përshëndetur aksionet e Policisë së Kosovës kundër bixhozit të paligjshëm në rajonin e Mitrovicës, për të cilat ka raportuar ekskluzivisht Sinjali.

Ai tha se luftimi i krimit të organizuar po shtrihet në të gjithë territorin e Kosovës dhe se operacionet e fundit anti-drogë dhe anti-bixhoz tregojnë përkushtimin e institucioneve në këtë drejtim.

Aksioni i fundit ka rezultuar me arrestimin e disa personave të dyshuar dhe sekuestrimin e mjeteve të ndryshme materiale, ndërsa hetimet po vazhdojnë.

Siç raportoi ekskluzivisht dje Sinjali, nga ky operacion kanë rezultuar:

• 34 persona të arrestuar
• rreth 50 lokacione të bastisura (lokale dhe banesa)
• rreth 170 mijë euro para të gatshme të sekuestruara
• 5 automjete dhe armë zjarri
• pajisje dhe materiale që dyshohet se janë përdorur për bixhoz ilegal

Me vendim të prokurorit:

• 29 të dyshuar janë dërguar në mbajtje,
• ndërsa të tjerët janë liruar në procedurë të rregullt.

Pjesë e këtij operacioni kanë qenë edhe veprimet në Skenderaj, ku janë kontrolluar 15 lokacione dhe janë arrestuar 8 persona, prej të cilëve 4 janë dërguar në mbajtje.

Ministria e Industrisë, Ndërmarrësisë, Tregtisë dhe Inovacionit ka publikuar çmimet e derivative.

Ka humbur jetën 35-vjeçari që u raportua i vetëplagosur me armë zjarri mëngjesin e së hënës në Durrës.

Ngjarja ndodhi rreth orës 08:45, në lagjen nr. 13, ku shtetasi O. Sh., rreth 35 vjeç është vetëplagosur me armë gjahu, por nuk ka mundur t’u mbijetojë plagëve dhe ka humbur jetën gjatë transportimit për në spital, raporton Euronews.al.

Grupi hetimor, në drejtimin e Prokurorisë, po punon për zbardhjen dhe dokumentimin e plotë të rrethanave të ngjarjes.

Qeveria e Kosovës ka miratuar nismën për lidhjen e marrëveshjes së grantit ndërmjet Republikës së Kosovës, e përfaqësuar nga Ministria e Financave, KOSTT-it dhe KfW-së, për zhvillimin e sektorit të energjisë (Faza VII), që synon përmirësimin e rrjetit të transmetimit.

Ministri i Financave, Hekuran Murati, tha se vlera e grantit është 5 milionë euro dhe se mjetet do të shfrytëzohen për rritjen e kapaciteteve në këtë sektor.

“Në kuadër të bashkëpunimit financiar me donatorët bilateralë, të institucioneve ndërkombëtare financiare, parasheh të negociojmë marrëveshjen e grantit për projektin zhvillimi i sektorit të energjisë, faza e shtatë, përmirësimi i rrjetit të transmisionit. Vlera e grantit është pesë milionë euro dhe do të kanalohet plotësisht te agjencia ekzekutuese e projektit që në këtë rast është ndërmarrja KOSTT. Ky grant do të rrisë fondet në dispozicion për projektin e përmirësimit të rrjetit të transmisionit me KOSTT”, tha ai.

Qeveria e Kosovës ka miratuar propozim-vendimin për shpalljen e Organizatës së Trupave të Gardës Revolucionare Islamike (IRGC) si organizatë terroriste në territorin e Republikës së Kosovës.

Seanca gjyqësore për rastin e sulmit në Banjskë po mbahet sot në Gjykatën Themelore në Prishtinë, ku mbrojtja e të akuzuarve pritet të paraqesë fjalët përfundimtare.

Të akuzuarit Blagoje Spasojeviq, Vladimir Toliq dhe Dushan Maksimoviq përballen me akuza të rënda lidhur me ngjarjen e shtatorit 2023.

Në seancën e kaluar, Prokuroria Speciale kërkoi burgim të përjetshëm, duke argumentuar se të akuzuarit kishin rol aktiv dhe njohuri për sulmin, i cili sipas saj kishte për qëllim destabilizimin dhe aneksimin e veriut të Kosovës.

Shtatë komisione parlamentare do të mbajnë sot mbledhjet e rregullta në Kuvendin e Kosovës, ku në fokus do të jenë shqyrtimi i projektligjeve, raporteve dhe çështjeve me interes publik.

Në rend dite përfshihet shqyrtimi i Statutit të ri të Universitetit “Hasan Prishtina”, projektligje nga fusha e ekonomisë dhe energjisë, si dhe raporti vjetor i ARKEP-it.

Po ashtu, disa komisione do të trajtojnë tema që lidhen me të drejtat e njeriut, personat e zhdukur dhe çështjet e komuniteteve, ndërsa Komisioni për mjedis do të shqyrtojë shqetësimet e banorëve për burimet ujore në Prishtinë.

Në agjendë është edhe bashkëpunimi ndërkombëtar, me takimin e Komisionit për punë të jashtme me përfaqësues të Senatit të Çekisë.

Mbahet mbledhja e Qeverisë së Kosovës. (Ndërtesa e Qeverisë, ora 08:00)

Komisioni për Çështje të Sigurisë dhe Mbrojtjes shqyrton Projektligjin për Shtetësinë si dhe Projektligjin për Lendet Plasëse. (Kuvendi i Kosovës, N-302, ora 09:00)

Këshillit Gjyqësor të Kosovës mban mbledhjen e radhës. (KGJK, ora 09:00)

Fjalët përfundimtare të mbrojtëse së të akuzuarve për sulmin në Banjskë, Blagoje Spasojeviq, Vladimir Toliq dhe Dushan Maksimoviq. (Gjykata Themelore, Prishtinë, ora 09:30)

Komisioni për Arsim, Shkencë dhe Teknologji shqyrton Projektligjin pёr Provimin e Maturës Shtetërore. (Kuvendi i Kosovës, N-204, ora 10:00)

Komisioni për Buxhet vazhdon shqyrtimin e Raportit vjetor të shpenzimeve të Kuvendit të Kosovës për vitin 2025. (Kuvendi i Kosovës, C-203, ora 11:00)

Mbledhja e Kryesisë së Kuvendit të Kosovës mban mbledhjen e radhës. (Kuvendi i Kosovës, C-301, ora 11:00)

Komisioni për Ekonomi, Industri, Ndërmarrësi, Tregti dhe Inovacion shqyrton raportin me amendamente për Projektligjin për Masat e përkohshme të produkteve themelore në raste të veçanta të destabilizimit në treg. (Kuvendi i Kosovës, N-225, ora 14:00)

Hapet ekspozita “Kronologjia e Lirisë” nga autori i fotografive dokumentare Ridvan Slivova. “Ditës së Dëshmorëve të Prishtinës”, dhe ne “27 vjetorin e masakrës se Gollakut te 1999”. (Biblioteka Kombëtare e Kosovës, ora 14:00)

Komuna e Prishtinës tash e tri javë po shqipton gjoba për qytetarët që po hedhin mbeturina inerte dhe vëllimore në kryeqytet. Vlera e gjobave është nga 200 deri në 800 euro, e tashmë janë dhjetëra të shqiptuara. Por, kryeshefi i ndërmarrjes “Pastrimi”, ka dyshime për hedhjen e tyre në qendër të qytetit.

Ndonëse si destinacion është i ndaluar për hedhje të mbeturinave, përshtypje s’po iu bën.

Si ky qytetar gjatë javës u identifikuan dhjetëra raste tilla që hodhën mbeturina inerte nëpër kryeqytet.

Ani pse për këto kryetari Rama ka caktuar një lokacion në rrugën “Qendresa”, qendra e qytetit mbeti prapë zgjidhje për disa.

Më shumë për planin e Komunës dhe për masat që po ndërmerren, foli Alban Ymeri, shef i rendit komunal.

“Tash është java e tretë rresht që ne jemi me plan të inspektimit të veçant me gjithsej pesë ekipe në terren ku jemi duke inspektu edhe nëpër fshatra dhe jemi duke marr masa sanksionuese për të gjithë ata që po hudhin mbeturina inerte apo çfarëdo lloji tjetër”, ka deklaruar Alban Ymeri, shef i rendit komunal.

Ymeri bëri të ditur se në bashkëpunim me Policinë po verifikojnë shkeljet.

“Në kohën kur nuk kemi ekipe kujdestare në terren në bashkëpunim me policin po verifikojmë përmes targave të automjeteve që në mënyrë që t’i shqiptojmë gjoba, ne vazhdojmë të jemi në terren dhe për të gjitha shkeljet do të ketë gjoba”, ka deklaruar Ymeri.

Por, kryeshefi i ndërmarrjes, “Pastrimi”, Petrit Reçica, ka dyshime sepse thotë se mbeturinat që janë hedhur nëpër qendër të qytetit kanë qenë paraprakisht në deponi të caktuara.