Category: SPORT

Mesfushori kroat Luka Modric vazhdon të shkruajë emrin e tij me shkronja të arta në historinë e Real Madridit.

Luka Modric fitoi trofeun e tij të 28-të si lojtar i Real Madridit pas fitores 3-0 ndaj Pachuca-s në finalen e Kupës Ndërkontinentale FIFA.

Ai tani është lojtari më i trofeshëm i Los Blancos i të gjitha kohërave, pasi ka fituar më shumë trofe se çdo lojtar tjetër.

Mesfushori kroat ka një trofe më shumë se Dani Carvajal , i cili nuk mundi të luante në Kupën Ndërkontinentale për shkak të një dëmtimi.

Ai gjithashtu ka kaluar me lehtësi lojtarët si Nacho Fernandez, Marcelo dhe Karim Benzema për sa i përket trofeve të fituara.

Modric ka fituar gjashtë trofe të Ligës së Kampionëve dhe katër tituj të La Ligës që kur mbërriti te Real Madrid.

Sulmuesi i Kosovës, Albion Rrahmani është shpërblyer me çmimin “Lojtari më i mirë i huaj” në Rumani për sezonin 2023/24.

Atëkohë, Rrahmani ishte pjesë e Rapidit të Bukureshtit, për të cilin ishte ndër lojtarët kyç të skuadrës.

Për këtë nder të bërë, foli edhe Albion Rrahmani, përmes një postimi në rrjetin social “Facebook”.

Sulmuesi kosovar u tregua mirënjohës për fitimin e këtij çmimi.

Pep Guardiola ka thënë se puna e tij tek Manchester City nuk është e sigurt përkundër faktit që rinovoi së fundmi kontratën e tij. 

‘Qytetarët’ kanë fituar vetëm një nga 10 ndeshjet e tyre të fundit në të gjitha garat, duke pësuar po aq humbje sa kishin pësuar në 105 ndeshjet e kaluara në total. 

Ata momentalisht gjenden nëntë pikë mbrapa liderit Liverpoolit në Ligën Premier, teksa aspak mirë situata e tyre nuk është as në Ligën e Kampionëve pas humbjes me rezultat 2-0 nga Juventusi së fundmi. 

“Rezultatet nuk janë të mira, ndeshja nuk ishte e mirë. E di situatën, e kuptoj, por ky është realiteti”. 

“Ata duhet ta dinë se këto situata ndodhin. Brenda zonës ju duhet të jeni të kujdesshëm”, ka thënë Guardiola. 

“Nuk ka të bëjë me Matheus (Nunes), ai ka luajtur me të vërtetë mirë në një pozicion që nuk është natyral për të”. 

“Nuk ka të bëjë me këtë, por ne duhet të luajmë më mirë. Ky rezultat do të na ndihmojë që të rikthehemi tek më e mira, por momentalisht nuk e kemi këtë”. 

“Unë nuk jam mjaftueshëm i mirë. Unë jam trajneri, unë duhet të gjejë zgjidhje dhe deri më tani nuk e kam bërë. Ky është realiteti. Ne duam të luajmë mirë, të krijojmë raste, por për momentin nuk është e mundur”, përfundoi ai./Telegrafi/

Futbollisti i kombëtares së Kosovës, Albion Rrahmani, ka shënuar në garat e Champions League.

Ai u paraqit nga minuta e parë për Spartën e Pragës.

Feyenood si vendas fitoi me rezultat 4:2 ndaj Spartës.

Rrahmani ka shënuar në minutën e 43-të për Spartën.

Liverpooli ka serinë qind për qind të pikëve në Champions League në futboll.

Gjashtë ndeshje pop aq fitore dhe kryesojnë renditjen.

Katër skuadra janë me nga 13 pikë.

Liverpooli kryeson me 18 pikë, pasojnë Bayer 13, Aston Villa 13, Inter 13, Brest 13, Barcelona 12, Dortmund 12, Bayern Munih 12, Atalanta 11, Arsenal 10. Monaco 10, Sporting 10, LIlle 10, Benfica 9, Atletico 9, Milan 9, Real 9, Celtic 9, Manchester City 8 pikë etj.

Drejtori sportiv i Manchester United, Dan Ashworth, ka lënë detyrën e tij pas vetëm pesë muajsh. Disa burime me njohuri për situatën kanë thënë se Ashworth u njoftua për këtë vendim pas humbjes së United nga Nottingham Forest në shtëpi të shtunën. Lajmi për largimin e 53-vjeçarit u raportua fillimisht nga The Athletic.

Një deklaratë e klubit tha se vendimi u mor pas një marrëveshje të ndërsjellë. “Do të donim ta falenderonim Danin për punën dhe mbështetjen e tij gjatë një periudhe kalimtare për klubin dhe i urojmë suksese në të ardhmen,” thuhej në deklaratën e klubit.

Ashworth u pa duke kaluar nëpër dhomën e konferencave për shtyp me shefen e operacioneve të klubit, Collette Roche, pas ndeshjes së shtunës. Sipas burimeve, ai ishte në rrugë për në një takim ku u konfirmua largimi i tij. Ai u bashkua zyrtarisht me klubin më 1 korrik, pas pesë muajsh pushimi nga Newcastle.