Category: SPORT

UEFA ka vendosur gjyqtarët që do të vendosin drejtësi në sfidën Republika Çeke-Shqipëri.

Një emër i madh i arbitrimit është zgjedhur që do të gjykojë këtë sfidë të rëndësishëm për Kombëtaren kuqezi dhe bëhet fjalë për Anthony Taylor.

44-vjeçari anglez cilësohet si arbitri më i mirë në Premier Ligë për momentin, por kontestimet ndaj tij kanë qenë gjithnjë të shumta, si finalja e Ligës së Europës midis Seviljës dhe Romës, që bëri Jose Mourinhon të tërbohej dhe ta priste në parking për ta kritikuar.

Së bashku me Taylor, tre asistentët e tjerë të tij do të jenë anglez. Geri Besvik, Li Bets dhe Kreig Pavson, ndërsa sa i përket dy gjyqtarëve që do të jenë në VAR nuk janë zgjedhur akoma.

Për Anthony Taylor do të jetë hera e parë që gjykon edhe Çekinë, ashtu edhe Shqipërinë.

Kombëtarja shqiptare është gati të nisë përgatitjet për dy ndeshjet e ardhshme të kualifikueseve të kampionatit Europian “Gjermani 2024” me trajnerin Sylvio Mendes Campos Junior që ka shpallur sot edhe me listën me emrat e 25 lojtarëve të ftuar për këto sfida.

Krahasuar me ndeshjet e muajit qershor, këtë herë do të ketë ndryshime në listë, teksa ka emra të rinj, por edhe rikthime të rëndësishme në grupin kuqezi. Dy risitë kryesore janë emrat e sulmuesve Arbnor Muja dhe Mirlind Daku, të cilët ftohen për herë të parë me kuqezinjtë.

Në mesfushë ka ndërkohë dy rikthime të rëndësishme me Klaus Gjasulën dhe Odise Roshin që janë ftuar për dy sfidat e shtatorit, ndërkohë që edhe në mbrojtje ka një tjetër emër që vjen pas një mungese, ai i Arlind Ajetit. Do të mungojë këtë herë mesfushori Armir Abrashi, teksa sa i përket pjesës tjetër të listës nuk ka ndryshime dhe konfirmohet grupi i lojtarëve, që ishte i impenjuar edhe në ndeshjet me Moldavinë dhe Ishujt Faroe në qershor.

Kombëtarja do të nisë zyrtarisht përgatitjet ditën e hënë, datë 4 shtator, me kuqezinjtë që do të grumbullohen në Tiranë dhe stërvitjet do të zhvillohen në Shtëpinë e Futbollit. Sakaq, në prag të grumbullimit trajneri Sylvinho do të dalë në konferencë për mediat ditën e shtunë për të folur në lidhje me zgjedhjet e tij dhe objektivat për dy nga sfidat më të rëndësishme në këto kualifikuese.

Hat-trick për Erling Haaland dhe cinizëm i zakonshëm para portës në ndeshjen që Manchester City fitoi 5-1 ndaj Fulham. Në përfundimin e ndeshjes, sulmuesi norvegjez foli kështu:

“Jam kthyer, nuk ka problem për mua. Unë jam gjithmonë i uritur, është një sezon i ri dhe jam gati. Ne filluam pak vonë dhe në një mënyrë disi neglizhente sepse luajtëm deri në fund të sezonit të kaluar pasi jemi klubi më i mirë. Ne gjithmonë do të përmirësohemi.”

Dy batuta edhe në mikrofonat e kanalit zyrtar të Premier League për Pep Guardiolën, i cili ka munguar në pankinë pas operacionit në shpinë: “Mendoj se na mungon, edhe neve ndonjëherë na mungon, ndaj mezi presim ta kthejmë me ne”.

Kombëtaja e Rumanisë ka publikuar listën me futbollistët e ftuar për ndeshjen ndaj kosovës, e vlefshme për kualifikimet e EURO 2024.

Përzgjedhësi Edward Iordanescu ka ftuar plot 26 futbollistë për dy ndeshjet e muajit shtator, kundër Israelit dhe Kosovës.

Rumania do të përballet me Israelin më 9 shtator, kurse tre ditë më vonë do të luaj ndaj Kosovës.

Kombëtarja rumune të dy këto ndeshje do ti luaj si vendase.

Lista e plotë:

Portierët: Horațiu Moldovan, Ștefan Târnovanu, Marian Aioani.

Mbrojtësit: Andrei Rațiu, Cristian Manea, Andrei Burcă, Adrian Rus, Radu Drăgușin, Bogdan Racovițan, Mario Camora, Nicușor Bancu.

Mesfushorët: Vladimir Screciu, Tudor Băluță, Marius Marin, Darius Olaru, Alexandru Cicâldău, Nicolae Stanciu, Răzvan Marin, Deian Sorescu, Olimpiu Moruțan, Ianis Hagi, Florinel Coman, Valentin Mihăilă.

Sulmuesit: George Pușcaș, Denis Alibec, Daniel Bîrligea.

https://twitter.com/FootRoumain/status/1697937168491053319/photo/1?ref_src=twsrc%5Etfw%7Ctwcamp%5Etweetembed%7Ctwterm%5E1697937168491053319%7Ctwgr%5Eaabb8eb3d1ee60103752851e32991d1922026cf4%7Ctwcon%5Es1_&ref_url=https%3A%2F%2Findeksonline.net%2Frumania-publikon-listen-me-lojtaret-e-ftuar-kunder-kosoves%2F

Pak orë pasi u bë publike shitja e biletave online, janë shitur pothuajse të gjitha për ndeshjen e datës 9 shtator ndërmjet Kosovë dhe Zvicrës e cila zhvillohet në stadiumin “Fadil Vokrri” në Prishtinë dhe është e vlefshme për kualifikimet e Kampionatit Evropian “EURO 2024”.

Stadiumi “Fadil Vokrri” ka kapacitet prej 13 mijë e 980 ulëseve dhe shitja e të gjithë biletave tregon interesimin e madh për të ndjekur nga afër këtë ndeshje.

Grupi i tifozëve të Kosovës “Dardanët”, kanë berë të ditur se posedojnë bileta por jo për të gjithë.

Ata në një postim kanë thënë se biletat do të shpërndahen për anëtarët e anëtarësuar dhe jo për VIP-at që hajnë fara, përcjell IndeksOnline.

“Grupi “Dardanët” posedojnë bileta, por vetëm për anëtarët e anëtarësuar dhe ata besnikë/fanatikë që mbështesin kombëtaren për 90 minuta dhe assesi për VIP-a që gjatë ndeshjes konsumojnë fara e i kanë duart e zëna për të duartrokitur e kënduar.

FORCA KOSOVË!

Plotësim; Dardanët posedojnë vetëm biletat e sektorit Veriu, dhe duhet të paraqitni kartelën e antarësisë për tu pajisur me biletë”, thuhet në njoftimin e tyre.

Federata e Futbollit e Kosovës ka njoftuar se biletat për ndeshjen Kosovë – Zvicër, në kuadër të kualifikimeve për EURO 2024, e cila zhvillohet më datë 9 shtator 2023, në orën 20:45, në stadiumin “Fadil Vokrri”, dalin në shitje sot në orën 13:00. Ato mund t’i blihen përmes platformës online.

Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro.

Ky është linku për blerjen e biletave:

https://eu.ebileta.al/biglietteria/trans/restore.do

Lazio dhe Olimpique Marseille kanë rënë dakord për transferimin e Mattéo Guendouzi.

Skuadra Italiane do të paguaj 1 milionë euro për huazim një vjeçar dhe detyrim blerje për 12 milionë euro në fund të sezonit.

Mesfushori pritet të arrij në Itali të martën për të kryer procedurat e transferimit.

15% të shumës së transferimit do të shkojnë në arkat e Arsenalit që është aksionar në pronëisnë e lojtarit.

https://www.facebook.com/fabrizioromanoherewego/posts/891508742776618?ref=embed_post

Chelsea dhe Roma kanë rënë dakord për kushtet për Romelu Lukakun.

Lukaku është gati të kalojë te Giallorossi në një huazim për një sezon.

Roma do të paguajë 5 milionë euro për marrëveshjen 12 mujore pa përfshirë opsionin e përhershëm, thotë Sky Italia.

Roma i ka ofruar Lukakut një marrëveshje me vlerë 7 milionë euro, ndërsa ai kërkon 8.5 milionë euro për të bërë këtë lëvizje.

Megjithatë, pritet të arrihet një kompromis për 7.5 milionë euro.

Superliga e Kosovës ka kompletuar tashmë edhe xhiron e tretë të të edicionit të saj të ri garues 2023/24.

Në fakt, jo të gjitha skuadrat i kanë luajtur nga tri ndeshje, kjo për shkak të shtyerjeve të tyre për një atusë apo tjetër.

Ballkani, Drita, Gjilani dhe Fushë Kosova, janë skuadra që kanë nga një ndeshje më pak të zhvilluar.

Gjithsesi, pas xhiros së tretë, tabela e Superligës së Kosovës kryesohet nga Prishtina me shtatë pikë, e ndjekur nga Malisheva, Ballkani dhe Llapi që kanë nga gjashtë sosh.

Vendi i pestë i takon Dritës që ka mbledhur katër pikë, e ndjekur në vendin e gjashtë nga Feronikeli me tri dhe Liria si e shtata me dy pikë.

Tri pozitat e fundit mbahen nga Gjilani që ka një pikë në vendin e tetë, aq sa ka edhe Dukagjini në të nëntin, kurse e fundit mbetet Fushë Kosova pa pikë.

https://www.sofascore.com/tournament/football/kosovo/superliga-e-kosoves/9413