Category: SPORT

Ylli i AC Milanit Rafael Leao e ka vlerësuar Cristiano Ronaldon si lojtarin më të mirë në historinë e futbollit.

Leao luan pranë Ronaldos te kombëtarja e Portugalisë, ndërsa ëndërrojnë trofeun e Kupës së Botës në verën e këtij viti.

Në një intervistë së fundmi, lojtari “rossoner” deklaroi se pavarësisht çfarë ndodhë në Kupën e Botës, Ronaldo do të mbetet më i miri në histori.

“A është e drejtë që Lionel Messi të jetë më i miri në histori sepse e ka fituar Kupën e Botës? Jo, nuk mendoj ashtu. Sigurisht, Kupa e Botës është e rëndësishme për Cristiano Ronaldon sepse është titulli i vetëm që nuk e ka fituar më parë”.

“Por, nuk ka rëndësi. Cristiano Ronaldo do të jetë më i miri në historinë e futbollit”, deklaroi ai.

Ronaldo ndërkohë po vazhdon të shkëlqejë te Al Nassr dhe pritet të merr ftesë nga Portugalia për Kupën e Botës 2026./Telegrafi

Kupa e Kosovës hyn në fazën vendimtare, me katër përballje emocionuese që premtojnë rivalitet të ashpër dhe luftë për një vend në gjysmëfinale.

Federata e Futbollit të Kosovës ka zyrtarizuar çiftet e çerekfinaleve, ku skuadrat e Superligës do të përballen me ato që kërkojnë befasi në këtë fazë.

Vëmendja kryesore do të jetë në Suharekë, ku Ballkani do të ndeshet me Gjilanin, një duel mes dy emrave të njohur të futbollit kosovar, që pritet të ofrojë intensitet dhe emocion deri në fund.

Në Podujevë, Llapi pret Malishevën. Vendasit synojnë të shfrytëzojnë përvojën dhe terrenin e tyre, ndërsa mysafirët vijnë me ambicie të qarta për të vazhduar rrugëtimin në Kupë.

Në Klinë, Dukagjini do të përballet me Feronikelin ‘74 në një duel ku të dy ekipet synojnë historinë. Një ndeshje e hapur, ku detajet pritet të bëjnë diferencën dhe ku kualifikimi mbetet i paparashikueshëm.

Një tjetër përballje interesante zhvillohet mes Ferizajt dhe Vushtrrisë, ku përballen dy skuadra me objektiva të ndryshme, por me të njëjtin synim: kalimin në gjysmëfinale.

Me këto çifte, Kupa e Kosovës konfirmon edhe një herë se është gara e befasive. Çdo ndeshje është finale më vete, ndërsa katër skuadrat fituese do të sigurojnë një vend në gjysmëfinale dhe një hap më afër trofeut.

Ekosistemi evropian i futbollit ka pësuar një tjetër tronditje pasi u zbulua se Kylian Mbappe i ka sugjeruar Real Madridit transferimin e Michael Olise.

Ylli francez synon të rrethohet me cilësi të lartë teknike për të ndërtuar një epokë të re dominimi absolut në Santiago Bernabeu sezonin e ardhshëm. Ky rekomandim vjen pas nivelit fenomenal të treguar nga sulmuesi i Bayern Munich, i cili është shndërruar në një nga figurat më të spikatura të futbollit botëror.

Sulmuesi francez imagjinon një repart ofansiv ëndrrash, ku bashkëkombësi i tij do të integrohej përkrah Vinicius Junior, për të formuar një treshe sulmuese që do të frikësonte gjithë kontinentin.

Real Madridi po e analizon me kujdes këtë propozim, duke kuptuar se profili i Olise do të sillte një alternativë taktike shumë të veçantë dhe do të rriste ndjeshëm balancën dhe kreativitetin në krahë.

Pak më shumë se një muaj pas largimit nga Real Madrid, Xabi Alonso ka refuzuar ofertën për të marrë drejtimin e Marseille.

Sipas mediave franceze, ish-trajneri 44-vjeçar ka vendosur të marrë një pushim nga menaxhimi, duke konsideruar ambientin te Marseille “tepër kaotik”.

Ky refuzim vjen pas largimit të Roberto De Zerbi dhe tregon vendosmërinë e Alonso për të mos u rikthyer menjëherë në stolin e një klubi.

Sulmuesi brazilian është kthyer shpejt në një “forcë disiplinore” plot humor te Lyon pas huazimit nga Real Madrid, me një video virale nga stërvitja që tregon 19-vjeçarin duke pritur shokët që mbërrijnë me vonesë dhe duke u kërkuar gjobë prej 100 eurosh.

Në pamje, Endrick shihet me krahët e kryqëzuar, duke kontrolluar orën dhe duke treguar nga sahati teksa lojtarët vijnë me vonesë.

Kur përballen me të, ai u thotë me vendosmëri: “Do të paguani, nuk ka justifikime”.

Sulmuesi është përshtatur menjëherë me jetën në Francë, duke lënë përshtypje pozitive si brenda ashtu edhe jashtë fushës.

Ai ka folur me tone pozitive për ambientin e ri, duke vlerësuar strukturën dhe intensitetin te Lyoni si faktorë që e kanë ndihmuar të përshtatet shpejt.

Në fushë, shifrat flasin qartë: Endrick ka realizuar tre gola dhe ka dhënë një asist në vetëm katër paraqitje, duke u shndërruar shpejt në një kërcënim serioz në sulm dhe duke dëshmuar pse Real Madridi investoi kaq shumë tek ai që në moshë të re./

Talenti i ri i Barcelonës, Lamine Yamal, ka nisur agjërimin e muajit të Ramazanit, ndërsa stafi i klubit katalanas ka përgatitur një plan të posaçëm ushqimor për ta mbështetur gjatë kësaj periudhe.

Barcelona ka disa lojtarë që mund të largohen nga ‘Spotify Camp Nou’ gjatë afatit kalimtar veror. Marc-Andre Ter Stegen dhe Marc Casado janë disa nga emrat që mund të jenë në listën e largimeve, ndërsa ka mundësi që edhe Gerard Martin të kërkojë mundësi për t’u larguar.

Martin ka pasur një rol të rëndësishëm këtë sezon, më shumë si qendërmbrojtës sesa si mbrojtës i majtë.

Hansi Flick e vlerëson si një opsion të besueshëm për repartin defensiv, ndërsa Milani ka shfaqur interes për të transferuar atë gjatë verës.

Skuadra italiane e sheh atë si një përforcim të vlefshëm, dhe pasi nuk është titullar i rregullt te Barcelona, mundësia e një marrëveshjeje duket e realizueshme.

Sonte zhvillohen ndeshjet e play-offit të dy kompeticioneve të UEFA Europa League dhe UEFA Europa Conference League.

Në këtë të fundit janë në garë dy skuadra shqiptare, ndaj vëmendja kryesore për publikun shqiptar është e përqendruar pikërisht te këto përballje.

Nga ora 21:00, Drita zbret në fushë në stadiumin “Fadil Vokrri”, ku përballet me skuadrën sllovene Celje.

Një super përforcim nga Igli Tare.

Igli Tare nuk ka kohë për të humbur dhe ka filluar nga puna për të konkretizuar lëvizjet e para që do bëjë në merkaton e verës.

Sipas Calciomercato, Tare synon transferimin e Lorenzo Pellegrinit me parametra zero.

Mesfushorit italian i skadon kontrata me Romën në verë dhe Allegri e ka dhënë dritën jeshile për transferimin e tij.

Milan do t’i ofrojë Pellegrinit kontratë tre vjeçare me pagë prej 3 milionë eurove në sezon.