Blog

Të gjithë e kujtojmë 14 tetorin e vitit 2014, kur tifozët serbë eskaluan dhe tentuan të sulmojnë futbollistët e Kombëtares së Shqipërisë, në stadiumin e Beogradit.

Që nga ajo kohë, tifozët serb në vazhdimësi në ndeshjet e organizuara nga UEFA, në stadium shfaqin flamuj serb me hartën e Kosovës, e nuk munguan as thirrjet nacionaliste ”Kosova është Serbi”.

E njëjta episodë u shfaq edhe mbrëm, në ndeshjen Serbi – Angli, ku ”Tre Luanët” fituan me rezultat 5-0, edhe pse stadiumi ishte i mbyllur pjesërisht, pas dënimit të UEFA-s.

Por me 11 tetor Serbia do të jetë nikoqire e Shqipërisë, në ndeshjen kualifikuese të Kampionatit Botëror.

Sipas raportimeve në mediat serbe, thirrjet e mbrëmshme të tifozëve në ndeshjen ndaj Anglisë, do ti kushtojnë shtrenjtë federatës së Serbisë.

Gazeta ”Allo” raporton se UEFA pritet të ketë një dënim të rënd, ku stadiumi ”Rajko Mitiq” pritet të jetë i mbyllur plotësisht për tifozët.

Federata e Futbollit e Serbisë pritet të dënohet për thirrjet “Kosova është Serbi” në ndeshjen Serbi – Angli e zhvilluar të martën mbrëma në Beograd.

Në një fitore historike 93-79, Finlanda triumfoi në çerekfinalen e EuroBasket 2025 përballë Gjeorgjisë dhe për herë të parë në histori siguron një vend në gjysmëfinalet e këtij kompeticioni madhor.

Që nga minuta e parë, ekipi finlandez dominoi ndeshjen dhe tregoi kontroll të plotë të lojës – në të dyja anët e fushës.

Mikael Jantunen shquhet me 19 pikë, ndërsa Lauri Markkanen shtoi 17 pikë, duke udhëhequr ofensivën me siguri dhe përvojë.

Edon Maxhuni nuk mungoi në momentet vendimtare: me 15 pikë dhe 4 asistime, ai kontribuoi me stil dhe shkëlqim për të përcaktuar rezultatin në favor të Finlandës.

Pas kësaj historie të shkruar, Finnët tani presin në gjysmëfinale fituesin e duelit mes Gjermanisë dhe Sllovenisë.

Kjo arritje përbën një kulm pas sukseseve ndaj Serbisë dhe Gjeorgjisë në fazat përmbyllëse të kupës – një rrugë e shkëlqyer që po i çon drejt medaljes europiane. /AsistiOnline.com/

Dhjetë kombëtaret e Amerikës së Jugut u rikthyen në fushë për ndeshjet kualifikuese të Kupës së Botës, duke dhuruar befasi të mëdha dhe rezultate interesante.

Ekuadori mposhti kampionët e botës, Argjentinën, me shifrat 1-0. Golin vendimtar e realizoi Enner Valencia nga pika e bardhë e penalltisë. Ndeshja u tensionua më tej, pasi të dyja skuadrat e mbyllën me nga dhjetë lojtarë pas kartonëve të kuq për Caicedo dhe Otamendi.

Leo Messi nuk u paraqit fare në këtë ndeshje, me trajnerin Scaloni që vendosi ta pushonte atë.

Edhe Brazili dështoi në udhëtim, duke u mundur nga Bolivia me të njëjtin rezultat minimal 1-0. Goli erdhi nga Migelito, i cili shënoi saktë nga penalltia, duke fundosur “Seleçaon”.

Spektakël i vërtetë u pa në Venezuelë, ku Kolumbia triumfoi 6-3 në një ndeshje plot gola dhe ritëm të lartë. Kolumbianët treguan forcën e tyre sulmuese dhe morën tre pikë të rëndësishme.

Nga ana tjetër, Peruja u dorëzua përballë Paraguait, duke humbur me shifrat 1-0. Një gol i vetëm mjaftoi që paraguajasit të gëzonin në këtë përballje të fortë.

Ndërkohë, dueli i pritur mes Kilit dhe Uruguait nuk prodhoi fitues. Përballja u mbyll pa gola, duke ndarë nga një pikë për secilën kombëtare.

Anglia sonte fitoi me rezultat 0:5 kundër Serbisë, duke i shkatërruar totalisht në mes të Beogradit.

Me këtë humbje, Serbia bie në vendin e 3-të me 7 pikë, pas 4 ndeshjeve.

Me 11 tetor, Serbia luan kundër Shqipërisë, ndeshje që mund të jetë vendimtare për pozitën e dytë të grupit.

Kombëtarja e Shqipërisë ka marrë fitore shumë të rëndësishme ndaj Letonisë me rezultat minimal 1-0.

Ishte minuta e 24-të e ndeshjes, kur Qazim Laçi fitoi penallti për Shqipërinë, pasi mbrojtësi letonez luajti me dorë pas harkimit të tij.

I saktë nga pika e bardhë u tregua Kristjan Asllani që realizoi për 1-0.

Përkundër se Shqipëria vazhdoi duke dominuar dhe duke krijuar raste, gola më nuk pati në 45 minutat e para.

Kësisoj skuadrat shkuan në pushim mes pjesëve me epërsinë minimale të kuqezinjve 1-0.

Edhe në pjesën e dytë ishte Shqipëria që pati më shumë nga loja, duke krijuar më shumë raste.

Rast të artë iu dha kapitenit Berat Gjimshiti, por qendërmbrojtësi dështoi të shënonte nga afërsia duke gjuajtur jashtë portës.

Letonezët kanë mundur të barazojnë rezultatin në 1-1, por Mario Mitaj në minutën e 86-të largoi topin nga vija fatale.

Deri në fund nuk pati më gola dhe Shqipëria mori fitoren e dytë në kualifikimet për Kampionatin Botërorë.

Me këto tre pikë, kuqezinjtë shkojnë në kuotën e tetë pikëve në Grupin K dhe janë në pozitën e dytë, shtatë pikë më pak se lideri Anglia që ka 15 pikë.

Ndeshja e ardhshme e Shqipërisë është në muajin tetor ndaj Serbisë në udhëtim.

Arsenali tashmë po punon për afatin kalimtar dimëror, gjatë të cilit londinezët pritet të ndahen nga dy lojtarët e tyre.

Këta janë lojtarët sulmues Gabriel Jesus dhe Leandro Trossard, koha e të cilëve në Emirates duket se ka mbaruar, pohon Football Insider.

Mikel Arteta dëshiron ta rinovojë skuadrën e tij, dhe Jesus është tashmë 29 vjeç dhe Trosard është 30 vjeç.

Sezonin e kaluar, Jesus shënoi 7 gola dhe bëri 2 asiste në 27 ndeshje për Arsenalin, ndërsa Trossard kishte 10 gola dhe 10 asiste në 56 ndeshje.

Kosova U21 ka humbur në shtëpi nga Spanja U21 në kualifikueset për Kupën e Botës.

Spanjollët kaluan në epërsi përmes Joel Roca-s në minutën e 11-të.

Po 11 minuta më vonë Dardanët barazuan përmes  një supergoli të Arianit Hasanit.

Sidoqoftë, spanjollët u kthyen në epërsi në minutën e 70-të falë golit të Iker Bravos.

Rezervisti Adrian Nino vulosi fitoren e Furisë së Kuqe në minutën e 95-të.

Pas dy xhirosh, Kosova ndodhet e katërta në grupin A me një pikë.