rilindja.albeniplast.com

Blog

  • Morën ambient me qira në Shkodër për fshehjen e drogës, dy të arrestuar

    Morën ambient me qira në Shkodër për fshehjen e drogës, dy të arrestuar

    Një rast i përdorimit të ambienteve me qira për të fshehur dhe shitur lëndën narkotike është zbuluar në Shkodër.

    Gjatë operacionit “Target Group” u arrestuan në flagrancë N. F. (18 vjeç) dhe K. Z. (20 vjeç), të dy banues në Shkodër, ndërsa u shpall në kërkim bashkëpunëtori i tyre, L. A. (23 vjeç), i cili kishte marrë me qira ambientin ku fshihej droga, shkruan rtsh.al.

    Ata u arrestuan në lagjen “Manush Alimani”, me doza të lëndëve të dyshuara narkotike kokainë dhe Cannabis Sativa, të cilat i posedonin me qëllim shitjen, kryesisht tek moshat e reja.

    Edhe ambienti i marrë me qira ishte marrë po në lagjen “Manush Alimani”, nga bashkëpunëtori i tyre L. A., 23 vjeç, ku bashkë me dy të arrestuarit, fshihnin lëndën narkotike dhe e përgatitnin në doza për shitje.

    Në cilësinë e provës materiale u sekuestruan një sasi e madhe dozash të lëndëve të dyshuara narkotike kokainë dhe Cannabis Sativa, qindra qese farmaceutike për paketimin e tyre, 5 peshore elektronike, 2 celularë, 1 armë e ftohtë (shkop metalik), 1 motomjet që përdorej për këtë veprimtari kriminale dhe një shumë parash e dyshuar e përfituar prej saj.

    Vijon puna për kapjen e shtetasit në kërkim dhe për dokumentimin e plotë të kësaj veprimtarie kriminale.

    Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme hetimore.

  • Mbi 1 mijë e 700 gjoba dhe 63 aksidente në 24 orët e fundit në Kosovë – një me fatalitet

    Mbi 1 mijë e 700 gjoba dhe 63 aksidente në 24 orët e fundit në Kosovë – një me fatalitet

    Mos respektimi i rregullave të komunikacionit është një ndër arsyet e aksidenteve të shumta që po ndodhin çdo ditë. E një prej mënyrave të zakonshme për parandalimin e këtyre aksidenteve, është gjobitja e atyre që shkelin rregullat në trafik, shkruan Gazeta Sinjali.

    Statistikat tregojnë se mijëra gjoba shqiptohen çdo ditë në vendin tonë.

    Vetëm në 24-orëshin e fundit janë shënuar 1,795 gjoba trafiku të shqiptuara nga Policia e Kosovës.

    Siç bëhet e ditur në raportin policor, gjatë ditës së djeshme nuk është shënuar asnjë aksident trafiku me fatalitet, 27 aksidente trafiku me persona të lënduar, si dhe 36 aksidente me dëme materiale.

    Sa i përket sigurisë publike, janë arrestuar 13 persona, ndërsa 10 persona janë dërguar në mbajtje. Gjatë kësaj periudhe nuk është raportuar asnjë rast i ndalimit policor.

  • Barcelona vendos objektivat e merkatos, disa emra për të përforcuar skuadrën

    Barcelona vazhdon të hulumtojë tregun e transferimeve, për të përforcuar skuadrën gjatë merkatos verore.

     

     

    Skuadra katalunase tashmë ka disa objeltiva për sezonin e ardhshëm, pasi klubi kërkon një qendërmbrojtës, një sulmues krahu dhe një sulmues qendre.

    Në media janë përmendur disa emra deri tani, që janë në listën e “blaugranëve”.

    Një nga emrat më të përfolur është Bernardo Silva, i cili është në vitin e fundit të kontratës me Manchester City-n.

     

     

    Rafael Leao i Milanit dhe Pedro Neto i Chelseas, janë po ashtu nën vëzhgim nga Barcelona.

    Në mbrojtje, po vëzhgohet futbollisti i Osasunës, Victor Monuz. 22-vjeçari po ashtu mund të riktheht te Real Madridi, derisa Barcelona fillimisht po kërkon një lojtar me më shumë eksperiencë.

  • Ulje e lehtë e çmimeve të derivateve në Kosovë

    Ulje e lehtë e çmimeve të derivateve në Kosovë

    Ministria e Industrisë, Ndërmarrësisë, Tregtisë dhe Inovacionit ka publikuar çmimet e derivative për 24-orët e ardhshme.

    Nafta ka pësuar një rënie të lehtë dhe do të shitet me 1.65 euro/centë për një litër.

    Për dy centë ka rënë edhe çmimi i benzinës dhe do të shitet për 1.39 centë, ndërsa gazi me 0.88 centë për litër.

     

  • Ylli i PSG-së takon Rihannën, i dhuron fanellën e Marokut

    Mbrojtësi i PSG-së dhe i kombëtares së Marokut, Achraf Hakimi, ka publikuar në Instagram fotografi me këngëtaren e njohur nga Barbadosi, Rihanna.

    Takimi mes Hakimit dhe Rihannës është zhvilluar në një atmosferë miqësore, ku të dy kanë pozuar së bashku për një foto.

    Gjatë këtij takimi, Hakimi i ka dhuruar Rihannës një fanellë të ekipit kombëtar të Marokut, të nënshkruar nga ai vetë.

    Në rrjetet sociale, tifozët kanë vënë re edhe një tallje të lehtë nga Hakimi ndaj Rihannës, pasi ajo është një mbështetëse e madhe e kombëtares së Nigerisë, e cila u eliminua nga Maroku në gjysmëfinalet e Kupës së Afrikës së Jugut pas një serie dramatike penalltish.

  • Irani jep qëndrim të ri për Kupën e Botës 2026

    Ahmad Donyamali, Ministri i Sportit dhe Rinisë së Iranit, ka dhënë një qëndrim të përditësuar mbi pjesëmarrjen e vendit në Kupën e Botës 2026, pas deklaratës së presidentit të FIFA-s, Gianni Infantino, i cili kishte pohuar se kombëtarja iraniane “do të marrë pjesë me siguri”.

    Kupa e Botës 2026 pritet të nisë pas vetëm 51 ditësh, me të gjitha 48 kombëtaret pjesëmarrëse tashmë të konfirmuara.

    Megjithatë, për shkak të tensioneve të vazhdueshme mes SHBA-së, Izraelit dhe Iranit, pjesëmarrja e Iranit mbetet ende e pasigurt.

    Në muajt e fundit, disa figura të njohura kanë komentuar mbi situatën. Presidenti i SHBA-së, Donald Trump, ka deklaruar se Irani është “i mirëpritur” në turne, por njëkohësisht i ka këshilluar ata të mos udhëtojnë “për sigurinë e tyre”.

    Federata iraniane e futbollit më pas ka kërkuar që ndeshjet e saj të zhvendosen në Meksikë, një nga bashkëorganizatorët e turneut. Aktualisht, të tre ndeshjet e grupit të Iranit, ndaj Belgjikës, Egjiptit dhe Zelandës së Re, janë planifikuar të luhen në Shtetet e Bashkuara.

    “Ne kemi zhvilluar një diskutim për vetë kombëtaren dhe kushtet e saj, dhe kemi formuar gjithashtu një komitet. Sot kemi një takim tjetër në kuadër të këtij diskutimi dhe po përmbushim detyrat tona ligjore”.

    “Duhet të jemi të përgatitur. Në çdo rast, mund të vendoset të mos shkojmë. Dhe nëse vendoset të shkojmë, duhet të jemi gati për një paraqitje të fortë. Por vendimmarrja varet nga kushtet aktuale, nga qeveria dhe ndoshta Këshilli i Sigurisë Kombëtare”, ka deklaruar Donyamali.

    Në total, 78 nga 104 ndeshjet e turneut do të luhen në SHBA, ndërsa pjesa tjetër në Meksikë dhe Kanada.

  • Florida nis ‘hetim penal’ ndaj ChatGPT në një sulm vdekjeprurës në universitet

    Florida nis ‘hetim penal’ ndaj ChatGPT në një sulm vdekjeprurës në universitet

    Florida ka përshkallëzuar mosmarrëveshjen me OpenAI dhe mjetin ChatGPT të martën, ndërsa shteti po shqyrton akuza të mundshme penale të lidhura me rolin e chatbot-it në një të shtënë vdekjeprurëse në kampusin e Universitetit Shtetëror të Floridës vitin e kaluar.

    Prokurori i Përgjithshëm i shtetit, James Uthmeier, ka thënë se hetimi ndaj OpenAI në Florida është zgjeruar sepse një “hetim penal është i nevojshëm”, pasi prokurorët kanë vlerësuar se ChatGPT “i ofroi këshilla të rëndësishme” personit të dyshuar për të shtënat në FSU.

    Shteti ka lëshuar thirrje gjyqësore për firmën teknologjike të martën, ka thënë Uthmeier, duke sinjalizuar se “veprime ligjore” pritet të ndërmerren së shpejti.

    “Nëse ky do të ishte një person në anën tjetër të ekranit, ne do ta akuzonim për vrasje”, ka thënë Uthmeier gjatë një eventi në Tampa.

    Uthmeier, një i emëruar republikan i Guvernatorit Ron DeSantis, më herët gjatë këtij muaji kishte sinjalizuar se Florida do të hetonte OpenAI dhe ChatGPT për shqetësime mbi sigurinë publike dhe sigurinë kombëtare. Të martën, ai ka dhënë detaje mbi hetimin, duke thënë se Florida tani po ndjek hetime penale dhe civile ndaj OpenAI lidhur me të shtënat në FSU, materialet e abuzimit seksual me fëmijë dhe inkurajimin e vetëvrasjes dhe vetëlëndimit.

    Megjithatë, zbulimet e reja nga të shtënat në FSU pritet të kenë rol qendror në hetimin penal.

    I dyshuari për vrasjen në FSU, Phoenix Ikner, 20 vjeç në kohën e të shtënave në prill 2025, dyshohet se ka komunikuar shpesh me ChatGPT lidhur me një sulm në kampus. Sipas hetimeve, ai ka kërkuar informacion për përdorimin e armëve dhe municioneve, reagimin e mundshëm të vendit dhe vendet ku mund të gjente më shumë studentë. Ikner akuzohet për vrasjen e dy personave dhe plagosjen e gjashtë të tjerëve dhe po pret gjyqin për akuza të shumta për vrasje dhe tentativë vrasjeje.

    “Vetëm pse ky është një chatbot në inteligjencën artificiale nuk do të thotë se nuk ka fajësi penale”, ka thënë Uthmeier të martën.

    Për këtë qëllim, zyra e Uthmeier ka kërkuar nga OpenAI dhjetëra të dhëna, përfshirë politikat dhe materialet e trajnimit ndër vite lidhur me kërcënimet për vetëlëndim ose dëmtim të të tjerëve, si dhe mënyrën se si kompania bashkëpunon me zbatimin e ligjit. Uthmeier gjithashtu kërkon të dijë si OpenAI ka reaguar pas të shtënave në FSU dhe detaje mbi drejtuesit e kompanisë dhe rolet e tyre.

    Hetimi për një chatbot të inteligjencës artificiale është pjesë e përpjekjeve të Floridës për të ndikuar në politikat teknologjike në nivel shtetëror. DeSantis ka udhëhequr nismën për rregullimin e teknologjisë gjatë vitit të tij të fundit në detyrë dhe ka kërkuar rishikimin e mbrojtjes së inteligjencës artificiale për fëmijët dhe konsumatorët.

    Megjithatë, propozimet e tij deri tani nuk kanë gjetur mbështetje të gjerë në legjislaturë, kryesisht për shkak të mbështetjes së udhëheqësve të Dhomës së Përfaqësuesve të Floridës për thirrjen e administratës Trump për një kuadër kombëtar për inteligjencën artificiale.

  • Pankartë gjigante për Vedat Muriqin nga tifozët e Mallorcas

    Mallorca po luan në shtëpi ndaj Valencias në kuadër të javës së 33-të në elitën e futbollit spanjoll.

    Vendasit vijnë në këtë ndeshje pas dy fitoreve radhazi ndaj Real Madridit dhe Rayo Vallecanos, me rezultat 2-1 dhe 3-0 respektivisht.

    Para fillimit të ndeshjes me Valencian, tifozët vendas kanë përgatitur një pankartë gjigante me foton e Vedat Muriqit, ku shkruhej “Ishulli i Piratit”.

    Ky gjest nga tifozët e Mallorcas tregon edhe një herë lidhjen e fortë që sulmuesi dardan ka krijuar me tifozët e klubit, duke u shndërruar në një idhull të tyre.

    Në rast fitoreje ndaj Valencias, Mallorca do të forconte gjasat e saj për të siguruar mbijetesën në La Liga.

  • Përdoruesit në rrezik, kushtet e fshehura të platformave online

    Përdoruesit në rrezik, kushtet e fshehura të platformave online

    Shumë njerëz nuk i lexojnë kushtet kur hapin një llogari në rrjetet sociale, por duke i pranuar ato, u japin kompanive të drejtë të mbledhin dhe të përdorin të dhënat e tyre personale, si dhe shpesh kufizojnë mundësinë për t’i paditur në gjykatë në rast problemesh.

    Një studim i ri nga Universiteti i Harvardit tregon se këto dokumente ligjore janë bërë gjithnjë e më të vështira për t’u kuptuar nga përdoruesit. Sipas analizës, rreth 86% e politikave të privatësisë kërkojnë nivel leximi universitar, çka do të thotë se shumica e njerëzve e kanë të vështirë t’i kuptojnë plotësisht.

    Studimi thekson gjithashtu se shumë platforma po i shmangin gjykatat publike për zgjidhjen e problemeve. Në vend të tyre, ato përdorin një proces privat të quajtur arbitrazh, ku vendimi merret nga një palë e tretë. Në shumë raste, vetë kompanitë zgjedhin edhe personin që merr vendimin, duke e kufizuar më tej të drejtën e përdoruesit për të shkuar në gjykatë.

    Gjithashtu, disa platforma dhe shërbime teknologjike nuk lejojnë padi kolektive, që do të thotë se përdoruesit duhet të ndjekin çështjet individualisht dhe jo në grup, edhe nëse kanë të njëjtin problem.

    Ky zhvillim vjen në një kohë kur disa vende europiane po diskutojnë masa të reja për përdorimin e rrjeteve sociale, sidomos për fëmijët, për shkak të shqetësimeve për sigurinë dhe ndikimin e tyre në jetën e përditshme.

  • Haaland tregon se çfarë bën gjatë një dite të plotë, i shënon gol Arsenalit edhe në “FIFA”

    Erling Haaland i shënon gol Arsenalit edhe në lojën e famshme “FIFA”.

     

     

    Në një video të publikuar në Youtube, sulmuesi i Manchester Cityt ka treguar se çfarë bën gjatë një dite të plotë, shkruan Indeksonline

    Ai e kalon një pjesë të kohës edhe duke luajtur lojëra të ndryshme.

    Kujtojmë se lojtari norvegjez gjatë vikendit të kaluar arriti të shënonte gol ndaj “topçinjëve” në ndeshjen e vlefshme për javën e 33-të në Premier League.