Tag: sport

Një gol i Vedat Muriqit në sekondat e fundit të ndeshjes, i siguroi një barazim Kosovës ndaj Zvicrës, në ndeshjen kualifikuese për Kampionatin Evropian.

Ndeshja e cila u zhvillua në stadiumin “Fadil Vokrri” në Prishtinë, përfundoi me barazim 2-2.

Kjo pikë është tepër e vlefshme për “Dardanët”, të cilët ëndërrojnë kualifikimin në EURO 2024.

Por goli i vonshëm i Vedat Muriqit, si duket i ka zënë në “gjumë” faqen zyrtare të “UEFA EURO 2024”, të cilët e kanë barazimin e Kosovës ndaj Zvicrës e kanë llogaritur humbje.

Në një foto e cila është publikuar menjëherë pas ndeshjes, shihet tabela e Grupit I, me Zvicrën e cila ka 13 pikë, por që në fakt duhej të ishte 11, ndërsa Kosova e cila ka 4 pikë me barazimin e mbrëmshëm, në atë fotografi ka 3 pikë.

Për çudi, edhe pse kanë kaluar mbi 12 orë nga publikimi i kësaj fotografie, faqja zyrtare e UEFA, ende nuk e ka fshirë këtë postim.

All to play for 👊#EURO2024 pic.twitter.com/7M6QHurlgN

— UEFA EURO 2024 (@EURO2024) September 9, 2023

Kosova ka barazuar në shtëpi nga Zvicra me rezultat 2-2 në kuadër të kualifikuesve për Euro 2024.

Selektori i Kosovës ka Primoz Gliha ka bërë përzgjedhjen e fundit me futbollistët e ftuar për ndeshjen e sotme kundër Zvicrës.

Në faqen zyrtare të UEFA-së është publikuar lista me 23 futbollistët e Kosovës.

Gliha gjatë grumbullimit për ndeshjet e muajit shtator ka ftuar plot 27 futbollist, ndërsa katër prej tyre nuk janë në list për ndeshjen e sotme.

Zymer Bytyqi, Kreshnik Hajrizi, Andi Hoti dhe Valon Zumberi janë futbollistët që nuk janë ftuar nga tekniku slloven.

Ndeshja Kosovë – Zvicër është e vlefshme për kualifikimet e Kampionatin Evropian “Euro 2024”, dhe zhvillohet në stadiumin “Fadil Vokrri” në Prishtinë, më fillim nga ora 20:45.

Kosova dhe Zvicra sot do të ballafaqohen në kuadër të kualifikimeve për Kampionatin Evropian.

Ndeshja do të zhvillohet në stadiumin “Fadil Vokrri”, duke filluar nga ora 20:45.

Biletat nga tifozët për ta parë këtë takim u shitën brenda tri orëve, pasi kërkesat ishin shumë të larta.

Vëmendje kësaj i ka kushtuar edhe gazeta zvicerane Blick, duke shkruar se biletat në tregun e zi po shkojnë deri në 500 euro.

Ndërkohë, biletat në fillim kushtonin nga 10 euro, ndërsa në zonën VIP kushtonte 80 euro.

Gazeta zvicerane kujtoi se pagat në Kosova janë rreth 300 euro, teksa biletat po kushtojnë edhe më shumë.

Kombëtarja e Kosovës do t’i zhvillojë këtë muaj dy ndeshjet e radhës në kuadër të kualifikimeve për Kampionatin Evropian “Euro 2024”.

“Dardanët” do të jenë nikoqirë të Zvicrës më 9 shtator, kurse pas tre ditësh do të luajnë në udhëtim ndaj Rumanisë, shkruan Gazeta Express.

Në prag të ndeshjes ndaj “Helvetikëve”, në konferencë për media u paraqit sot përzgjedhësi i Kosovës, Primoz Gliha.

Trajneri slloven deklaroi: “Nëse dëshiron të kesh sukses, duhet të jeni në gjendje të punoni nën presion. Duhet ta përballoni presionin. Nëse dëshironi të gjeni alibi për ndonjë dështim, mund ta merrni presionin si alibi. Mbase ju kujtohet ndeshja në Greqi, unë para lojës kam thënë se kemi ardh për fitore. Morëm një pikë, por mund të fitonim. Në futboll duhet të niseni gjithmonë për të marrë maksiumin duke u bazuar në mendimet pozitive.

Rreth mundësisë për befasi në formacion, duke luajtur me Albion Rrahmanin ose Meriton Korenciës, Gliha tha: “Ata janë të ri, por janë të mirë dhe kjo është e rëndëishme. Duhet ta dim faktin se përgjegjësia është shumë e madhe për ta në një ndeshje ndaj një kundërshtari të fortë si Zvicra. Të shohim cilat do të jenë vendimet, kemi disa probleme me lëndime. Nuk mund të flasë më shumë. Por, mund të them se do të jetë e vështirë për të gjithë ata që do të luajnë”.

Ndeshja mes Kosovës dhe Zvicrës do të zhvillohet nga ora 20:45, në stadiumin “Fadil Vokrri”.

Kombëtarja e Kosovës nesër duke filluar nga ora 20:45 do të zhvillojë një ndeshje jashtëzkonisht të rëndësishme, shkruan Ballkani.info

Dardanët do ta kenë përballë Zvicrën në sfidën që zhvillohet në kuadër të eliminatoreve për Kampionatin Evropian. Një fitore e mundshme e Kosovës do ta kthente në garë për kualifikim, derisa çdo rezultat tjetër i humbë gjitha shpresat për “Euro 2024”.

Trajneri Primozh Gliha, ka bërë disa ndryshime në listën e të ftuarve, duke e rikthyer Bernard Berishën, ndërsa për herë të parë e ka ftuar edhe Ismajl Beka e Kreshnik Hajrizin.

Ky është formacioni i mundshëm i Kosovës në ndeshjen e nesërme.

Shqipëria arriti të merrte një pikë të çmuar në transfertë ndaj Çekisë, duke barazuar me rezultatin 1-1, falë supergolit të Nedim Bajramit. Me këtë barazim, kuqezinjtë e Silvinjos ngjiten në kuotën e 7 pikëve, duke mbajtur vendin e dytë në Grupin E, me një pikë më pak se Çekia kryesuese. Ndërkohë në vend të tretë ndodhet Polonia me 6 pikë.

Kujtojmë që polakët triumfuan ndaj Ishujve Faroe me rezultatin 2-0, falë dopietës së Levandovskit. Në vend të katërt ndodhet Moldavia me 5 pikë, ndërsa tabela mbyllet nga Ishujt Faroe me vetëm 1 pikë në 4 ndeshje. Një renditje që i jep edhe më shumë vlerë sfidës së 10 shtatorit kundër Polonisë.

Një përballje që do të jetë si një finale, pasi luhet një pjesë e madhe e kualifikimit, ndonëse pas kësaj sfide mbeten për t’u luajtur edhe tri takime të tjera, me kuqezinjtë që do të sfidojnë sipas radhës më tej Çekinë në shtëpi më 12 tetor, Moldavinë në transfertë më 17 nëntor, për ta mbyllur grupin me ndeshjen në shtëpi, më 20 nëntor kundër Ishujve Faroe.

Kështu përballja me Poloninë ka një rëndësi të madhe për Kombëtaren tonë, e cila edhe në rast barazimi do t’i mbante pas polakët në renditje, pa nënvlerësuar as Moldavinë që të dielën luan në transfertë kundër Ishujve Faroe. Ndërsa një fitore për kuqezinjtë e Silvinjos do të përkthehej në një hap galopant drejt kualifikimit për në Kampionatin Europian “Gjermani 2024”.

Kombëtarja shqiptare sonte përballet me Çekinë në Pragë, ndeshje kjo që luhet në kuadër të kualifikueseve për EURO 2024.

Të besuarit e brazilianit Sylvinho, mbrëmë kanë zhvilluar stërvitjen e fundit para duelit me çekët.

Kombëtarja shqiptare pritet të startoj më këtë formacion:

Berisha -Hysaj-Ismajli-Gjimshiti-Mitaj Asllani-Ramadani Asani-Bajrami-Uzuni Cikalleshi

Kombëtarja e Shqipërisë sot do të luaj kundër Çekisë, ndeshje kjo e vlefshme për kualifikimet e Kampionatit Evropian “EURO 2024”.

Kuqezinjët e Sylvinhos kanë 6 pikë nga tre ndeshje të zhvilluara deri më tani dhe renditen në pozitën e dytë të Grupit E, një më pak se Çekia.

Ndeshja zhvillohet në stadiumin “Fortuna Arena” të Pragës, më fillim nga ora 20:45.

Kjo ndeshje do të transmetohet në platformëm Artmotion, në kanlalin Sport 1, si dhe përmes platformës Digitalb, në kanalin Supersport2.

Kampionati i nivelit maksimal dhe ai i divizionit të dytë në Bolivi është ndaluar.

Arsyeja janë bastet teksa presidenti i Federatës, Fernando Costa denoncoi disa ndeshje të dyshuara si të trukuara duke u detyruar në këtë formë për të marrë vendimin ekstrem.

Nën hetim janë drejtues klubesh, lojtarë si dhe një pjesë e madhe e arbitrave.

Tashmë, për të zgjedhur fituesin e kampionatit, do të organizohet një mini-turne që do të zgjasë për dy muaj, nga tetori në dhjetor.

Ndërkohë, kjo pauzë do t’i japë kohë Federatës për të dalë në përfundime më të saktë dhe të rinisë sërish aktivitetin, këtë herë duke pretenduar një kampionat të pastër, në vitin 2024.