rilindja.albeniplast.com

Category: AKTUALE

  • Ekskluzive | Bixhozi ilegal në katër qytete: këta janë 21 të arrestuarit – u kapën me 170 mijë euro, vetura dhe armë

    Pas aksionit të zhvilluar mbrëmë në Mitrovicë, Vushtrri, Prishtinë dhe Istog, janë zbuluar detaje të reja lidhur me operacionin e madh kundër lojërave të fatit.

    Ngjarja lidhet me një hetim të gjerë të zhvilluar nga Drejtoria për Hetimin e Krimit të Organizuar dhe Krimeve të Rënda, në koordinim me Prokurorinë Themelore në Mitrovicë.

    Siç mëson Sinjali, gjatë operacionit janë arrestuar gjithsej 21 persona, të dyshuar për përfshirje në organizimin e skemave piramidale dhe bixhozit të paligjshëm.

    Të arrestuarit janë:
    Dardan Sahiti (34 vjeç), Arbër Berani (37 vjeç), Fahredin Mujka (55 vjeç), Andi Maxhuni (23 vjeç), Flamur Sahiti (36 vjeç), Bujar Muli (41 vjeç), Xhevat Syla (52 vjeç), Besim Islami (53 vjeç), Raif Sylaj (41 vjeç), Albert Miftari (29 vjeç), Shaban Ahmeti (46 vjeç), Nexhat Maloku (54 vjeç), Behxhet Syla (44 vjeç), Arsim Islami (51 vjeç), Fisnik Deberlluka (48 vjeç), Mensur Selmani (36 vjeç), Blerim Berisha (42 vjeç), Daut Maloku (30 vjeç), Nexhmedin Haziri (49 vjeç), Atdhe Rexhepi (49 vjeç) dhe Bahtir Maxhuni (52 vjeç).

    Operacioni është realizuar pas urdhëresës së Gjykatës Themelore në Mitrovicë, ku janë kontrolluar 22 lokacione, përfshirë lokale dhe banesa të të dyshuarve.

    Gjatë bastisjeve janë sekuestruar:

    • rreth 170,000 euro para të gatshme
    • 5 vetura
    • telefona celularë dhe pajisje të tjera
    • 2 armë zjarri (pistoleta)

    Disa nga të dyshuarit janë kapur në flagrancë gjatë ushtrimit të veprimtarisë ilegale.

    Lidhur me armët, njëri nga të dyshuarit ka pranuar pronësinë, ndërsa pas intervistimit është liruar në procedurë të rregullt.

    Hetimet janë duke vazhduar nën dyshimet për veprën penale “Organizimi i skemave piramidale dhe bixhozit të paligjshëm”.

    Rasti mbetet në zhvillim.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

  • 13 vjet nga Marrëveshja e Brukselit, moment kyç në dialogun Kosovë–Serbi

    Sot bëhen 13 vjet nga nënshkrimi i Marrëveshjes së parë të Brukselit mes Kosovës dhe Serbisë, një dokument i rëndësishëm që synonte normalizimin e marrëdhënieve ndërmjet dy vendeve.

    Më 19 prill 2013, atëherë kryeministri i Kosovës, Hashim Thaçi, dhe homologu i tij serb, Ivica Daçiq, nënshkruan marrëveshjen 15-pikëshe me ndërmjetësimin e Bashkimit Evropian.

    Marrëveshja përfshinte një sërë pikash kyçe, përfshirë themelimin e Asociacionit të Komunave me Shumicë Serbe, integrimin e strukturave të sigurisë dhe drejtësisë në veri në kuadër të institucioneve të Kosovës, si dhe organizimin e zgjedhjeve lokale në përputhje me ligjet e Kosovës dhe standardet ndërkombëtare.

    Dokumenti parashihte gjithashtu që të dyja palët të mos pengojnë njëra-tjetrën në rrugën drejt integrimit evropian, ndërsa me ndërmjetësimin e BE-së u krijua edhe një mekanizëm për zbatimin e marrëveshjes.

    Edhe pas më shumë se një dekade, Marrëveshja e Brukselit mbetet një pikë referimi në procesin e dialogut Kosovë–Serbi, ndonëse zbatimi i saj ka qenë i shoqëruar me sfida dhe debat të vazhdueshëm politik.

  • Sot akademi përkujtimore për Betejën e Koshares dhe heroin Sali Çekaj

    Në Prishtinë sot do të mbahet një akademi përkujtimore në nderim të Ditës së Veteranëve të Betejës së Koshares dhe përvjetorit të rënies së heroit të Kosovës, Sali Çekaj.

    Aktiviteti do të zhvillohet në Sallën e Kuqe të Pallatit të Rinisë, me fillim nga ora 12:00, ku pritet të marrin pjesë përfaqësues institucionalë, ish-luftëtarë, familjarë të dëshmorëve dhe qytetarë.

    Kjo ditë shënon një nga betejat më të rëndësishme të luftës së Ushtrisë Çlirimtare të Kosovës, ndërsa kujtimi për Sali Çekajn mbetet simbol i sakrificës dhe përkushtimit për lirinë e vendit.

    Organizatorët kanë theksuar rëndësinë e ruajtjes së kujtesës historike dhe nderimit të atyre që dhanë jetën për çlirimin e Kosovë

  • Selina me fjalë të ndjera për DJ Gimbon në natën finale

    Selina me fjalë të ndjera për DJ Gimbon në natën finale

    Finalja e Big Brother VIP Albania po sjell rrëfime emocionale nga finalistët, teksa Selina ka ndarë disa fjalë të veçanta për DJ Gimbon.

    Ajo u shpreh se rrugëtimi i saj drejt finales është lehtësuar shumë edhe falë tij, duke e falënderuar për mbështetjen dhe afërsinë gjatë gjithë eksperiencës në shtëpi.

    Selina theksoi se gjithçka mes tyre nisi si një shoqëri e sinqertë, por me kalimin e kohës u kthye në një ndjenjë më të thellë, duke e përshkruar si një histori që përfundoi në dashuri.

  • Mateos i ndodh papritura në mbrëmjen e finales

    Mateos i ndodh papritura në mbrëmjen e finales

    Finalisti i ‘Big Brother VIP Albania 5’, Mateo, sonte ka përjetuar emocione të forta.

    Ai nga studio e emisionit ka parë për herë të parë reagimin e babait të tij nga nata kur ka hyrë në Big Brother.

    Pastaj edhe i ati i tij, Sasha, ka shkuar për ta surprizuar atë, i cili është takuar për herë të parë me Brikenën.

  • Gjyqi në Hagë, Qerkini thotë se provat janë në anën e mbrojtjes

    Në Gjykatën Speciale në Hagë pritet vendimi përfundimtar në gjyqin ndaj Hashim Thaçit dhe të tjerëve. Avokati Artan Qerkini vlerëson se provat janë në anën e mbrojtjes dhe kërkon pafajësi, ndërsa nga Gjykata nuk japin detaje nëse vendimi mund të merret brenda 90 ditëve.

    Fjalët përmbyllëse në gjyqin ndaj Hashim Thaçit, Kadri Veselit, Rexhep Selimit dhe Jakup Krasniqit përfunduan më 18 shkurt, ndërsa më 19 maj bëhen 90 ditë nga mbyllja zyrtare e rastit. Tashmë, gjithçka mbetet në duart e trupit gjykues, në pritje të vendimit final.

    Avokati Artan Qerkini thotë se, ndonëse vlerësimi final i provave bëhet gjatë vendimmarrjes, një pjesë e tyre është analizuar edhe gjatë gjykimit. Qerkini thekson se drejtësia është më e rëndësishme sesa shpejtësia e procesit.

    “Marrë parasysh faktin se trupi gjykues ka pasur vetëm këtë çështje në trajtim, besoj se një pjesë eprovave janë vlerësuar edhe gjatë gjykimit. Por vlerësimi përfundimtar bëhet në fazën e vendimmarrjes. Nëse nevojitet kohë shtesë, është e natyrshme që ajo të merret për të siguruar një vendim të drejtë”, tha ai për RTK.

    Sipas Qerkinit, edhe pse prokuroria ka paraqitur numër të madh provash dhe dëshmitarësh, cilësia e tyre mbetet e diskutueshme.

    “Prokuroria është munduar ta zëvendësojë mungesën e cilësisë me sasi. Ka thirrur rreth 150 dëshmitarë, ndërsa mbrojtja vetëm 8, por me cilësi shumë të lartë. Prandaj mendoj se cilësia e provave është në anën e mbrojtjes dhe vendimi i vetëm i ligjshëm është pafajësia”, shtoi ai.

    Në anën tjetër, zëdhënësi i Gjykatës Speciale, Michael Doyle, tha se ende nuk dihet nëse trupi gjykues do ta shpallë vendimin brenda tre mujorit te parë.

    “Pas mbylljes së çështjes, Trupi Gjykues ka 90 ditë kohë për të shqyrtuar me kujdes provat dhe argumentet e paraqitura dhe për të arritur në një vendim. Nëse u nevojitet më shumë kohë për shqyrtimet e tyre, këto 90 ditë mund të zgjaten. Deri më tani, nuk ka informacion publik nëse shqyrtimet do të zgjasin përtej periudhës fillestare 90-ditore”, pohoi ai.

    Ndër të tjera, avokati Qerkini, kritikon edhe vazhdimin e paraburgimit për Hashim Thaçin, Kadri Veselin, Rexhep Selimin e Jakup Krasniqin, duke e cilësuar si të pajustifikueshëm në këtë fazë. Deri në vendimin përfundimtar katër të akuzuarit do të vazhdojnë të qëndrojnë në Qendrën e Paraburgimit në Holandë.

  • Shqiptari vret ish-gruan, partnerin e saj e më pas edhe veten në Itali

    Shqiptari vret ish-gruan, partnerin e saj e më pas edhe veten në Itali

    Një ngjarje tragjike ka ndodhur Cossombraton në Itali, ku një shqiptar 59-vjeçar ka kryer një vrasje të trefishtë, duke vrarë ish-gruan e tij, partnerin e saj dhe më pas ka bere vetvrasje.

    Sipas mediave italiane, Astrit Koni, 59-vjeç, ka kryer krimet me thikë, ndërsa shkaku i vrasjes ka qenë xhelozia.

    Vrasësi, Astrit Koni, ishte origjinë nga Shqipëria dhe kishte jetuar në Itali për shumë vite. Gruaja e tij, Drita Koni, gjithashtu shqiptare, kishte kaluar 20 vjet në Itali.

    Alarmi ishte dhënë nga vëllai i Dritës, i cili kishte shqetësime sepse nuk kishte mundur të kontaktonte me motrën e tij. Gjatë hetimeve, karabinierët gjetën gjithashtu një mjet bujqësor, të cilin dyshohet se është përdorur për të rrahur dhe vrarë partnerin e Dritës.

    Hetimet janë ende në vazhdim për të përcaktuar rrethanat e sakta të ngjarjes dhe për të zbuluar më shumë detaje rreth krimit.

  • Mateo zbulon planet për 100 mijë eurot nëse fiton BBVA5

    Mateo zbulon planet për 100 mijë eurot nëse fiton BBVA5

    Finalja e “Big Brother VIP Albania” po afrohet dhe bashkë me të edhe diskutimet mbi çmimin e madh prej 100 mijë eurosh, i cili mund të ndryshojë jetën e fituesit.

    Gjatë intervistës në Big Brother Radio, finalisti Mateo Borri ka zbuluar planet e tij konkrete nëse do të arrijë të fitojë çmimin e madh, duke treguar se ka menduar çdo hap.

    I pyetur se çfarë do të bënte me shumën, ai është përgjigjur: “Fillimisht do të paguaja një kredi, të blija një shtëpi, pastaj thashë të hapja një biznes timin. Ëndrrën time e kam thënë se çfarë biznesi dua të hap… 100 mijë euro nuk mjaftojnë, por rruga është e gjatë.”

    Mateo theksoi gjithashtu ambicien dhe vendosmërinë e tij për të ndërtuar diçka më të madhe në të ardhmen: “Unë jam ai njeri që hap sa më shumë dyer dhe sa më shumë të përballem, i përballoj të gjitha…”

    Megjithatë, për të, fitorja nuk matet vetëm me çmimin financiar, por edhe me mbështetjen e publikut: “Të fitoja çmimin e madh… por fitorja akoma më e madhe është të jesh fituesi i publikut, do të ishte ëndërr me sy hapur…”

  • Laboratori i drogës në Pejë, i kyçur ilegalisht në rrjetin elektrik

    Laboratori i drogës në Pejë, i kyçur ilegalisht në rrjetin elektrik

    Një laborator i madh i drogës u zbulua sot në një fshat të Pejës bashkë me kapjen e një sasie të substancave narkotike.

    Për këtë Prokuroria e Pejës dhe njësiti antidrogë nisën një aksion. Përveç tyre, në vend të ngjarjes shkoi edhe ekipi i KEDS meqë laboratori ishte i kyçur ilegalisht në rrjetin elektrik.

  • Në veri përsëri kapen armë e pajisje luftarake, Sveçla publikon pamje (video)

    Në veri përsëri kapen armë e pajisje luftarake, Sveçla publikon pamje (video)

    Ministri i Punëve të Brendshme, Xhelal Sveçla, ka bërë të ditur se gjatë ditës së sotme janë gjetur armë, pajisje ushtarake dhe granata dore në veri të vendit.

    Përmes një postimi në Facebook, ai njoftoi se ato janë zbuluar në dy lokacione të ndryshme në Zubin Potok.

    “Beteja kundër çdo celule terroriste nuk ndalet. Si dje, edhe sot. Sërish, në dy lokacione në komunën e Zubin Potokut u gjet armatim, granata dore dhe pajisje të tjera ushtarake. Nga kushtetutshmëria cep më cep, te kontrolli pëllëmbë për pëllëmbë. Nuk do të ndalemi deri në çrrënjosjen totale të secilit element kriminal”, ka shkruar Xhelal Sveçla.
    Kliko linkun video:


    https://www.facebook.com/share/r/1CULVM3feQ/?mibextid=wwXIfr