Kryeministri i Shqipërisë, Edi Rama, ka ndarë sot me ndjekësit e tij një pamje të mrekullueshme dimërore nga Lura, e mbuluar me një shtresë të bardhë bore.
Përmes një postimi në ‘Facebook’, ai ka uruar qytetarët.
“Mirëmëngjes dhe me këtë pamje përrallore nga Lura, ju uroj një ditë të mbarë”, ka shkruar Rama.
Policia e Kosovës ka shqiptuar 2231 gjoba për kundërvajtësit e trafikut brenda 24 orëve të fundit.
Në 24 orët e fundit janë raportuar 51 aksidente trafiku me dëme materiale, 21 aksidente trafiku kanë përfunduar me të lënduar.
Policia e Kosovës ka arrestuar 18 persona, 15 janë dërguar në mbajtje.
Pavarësisht se 83% e shqiptarëve janë përdorues të internetit çdo ditë, kur vjen puna për blerje apo kryerje të transaksioneve bankare, parapëlqejnë rrugët tradicionale.
Gjatë vitit 2024, sipas Eurostat, vetëm 16.3% e shqiptarëve (grupmosha 16-74 vjeçarë) kanë porositur mallra ose shërbime në internet, të fundit në Europë. Ndërsa në Holandë, në rajonin qendror të Utrecht, regjistrohet përqindja më e lartë në BE, ku 91.5% e njerëzve porosisnin online produkte apo shërbime gjatë 2024.
Shqipëria renditet e fundit edhe sa i përket përdorimit të bankingut online, me vetëm 15.1% të popullsisë që përdori internetin për shërbime bankare në 2024, kundrejt mesatares së BE-së prej 67.2%. Përdorues ditorë të internetit përkufizohen si persona të moshës 16 deri në 74 vjeç që përdorin internetin në shtëpi, në punë ose gjetkë, për qëllime private apo profesionale, pavarësisht pajisjes apo llojit të lidhjes që përdorin.
Në vitin 2024, pothuajse 9 nga çdo 10 persona të moshës 16–74 vjeç në BE përdorën internetin çdo ditë. Në vitin 2024, 88.3% e njerëzve të moshës 16–74 vjeç në BE raportuan se përdornin internetin çdo ditë gjatë 3 muajve që paraprinë anketën e ICT*-së.
Ky nivel ishte 2.4 pikë përqindjeje më i lartë se në vitin 2023 dhe 11.4 pikë më i lartë se në vitin 2019. Në vitet e fundit, sektori bankar i BE-së ka parë një rritje të ndjeshme të shërbimeve online. Konsumatorët tani vizitojnë degët lokale më rrallë ose fare, numri i degëve është tkurrur dhe transfertat online apo pagesat elektronike janë bërë normë.
Bankingu në internet ul nevojën për degë fizike dhe kostot e lidhura me to. Për më tepër, ai shpesh ofron lehtësi më të madhe, duke mundësuar që transaksionet bankare dhe aktivitetet e tjera të kryhen në çdo kohë të ditës dhe nga pothuajse çdo vend. Në vitin 2024, 67.2% e popullsisë së BE-së të moshës 16 deri në 74 vjeç përdori internetin për banking gjatë 3 muajve që paraprinë anketën e ICT-së.
Mbi 90.0% e njerëzve në çdo rajon të Danimarkës, Holandës dhe Finlandës përdorën bankingun online. Në Belgjikë, Çeki, Irlandë, Suedi dhe vendet baltike, shumica e rajoneve regjistruan gjithashtu përqindje relativisht të larta (të paktën 80.0%); e njëjta situatë u vërejt edhe në Qipro.
Në vitin 2024, përqindjet më të ulëta të njerëzve që përdornin bankingun online u regjistruan në Bullgari, Rumani dhe Italinë jugore. Në këto zona ndikojnë disa faktorë: prania e lartë e zonave rurale, niveli i kufizuar i aftësive digjitale dhe një strukturë demografike më e moshuar që preferon pagesat me para në dorë. Shqipëria, me vetëm 15.1%, renditet edhe më poshtë se këto rajone
Në çdo shtëpi, në çdo shoqëri dhe në çdo moment të ditës, ka një tingull që sjell buzëqeshje: hapja e një pakete Vipa. Sepse kur hapet Vipa, fillon festa!
E thjeshtë, e shijshme dhe plot energji kjo është filozofia që e ka bërë Vipa Chips një emër të dashur dhe të besueshëm për konsumatorët.
Vipa Chips nuk është thjesht një snack është shoqëruesi i momenteve të mira. Çdo produkt përgatitet me kujdes, me lëndë të para cilësore dhe standarde të larta, për të sjellë në treg atë që konsumatorët presin: kualitet, freski dhe shije unike.
Shije që nuk i harron
Kvalitet në çdo paketë
Inovacion në çdo produkt
Më shumë se snack një përvojë
Me një gamë të gjerë shijesh, cilësi të pakompromis dhe kreativitet që rritet vazhdimisht, Vipa Chips ka dëshmuar se nuk është thjesht një snack është pjesë e momenteve tona më të mira. Çdo paketë sjell energji, buzëqeshje dhe atmosfera pozitive, duke e bërë çdo shije një përjetim dhe çdo hapje një festë të vogël.
Sepse kur hapet Vipa, fillon festa dhe festa nuk ndalet kurrë.
Komisioni Qendror i Zgjedhjeve mbajti dje mbledhjen e 87-të në këtë vit, të kryesuar nga kryesuesi, Kreshnik Radoniqi.
Në këtë mbledhje, KQZ-ja mori vendime të veçanta për certifikimin e 22 subjekteve politike për pjesëmarrje në zgjedhjet e parakohshme për Kuvendin e Republikës së Kosovës, të cilat do të mbahen më 28 dhjetor 2025.
Gjatë periudhës 7-ditore (24 nëntor – 30 nëntor 2025) 24 subjekte politike, prej të cilave 18 parti politike, 3 koalicione, 2 iniciativa qytetare dhe 1 kandidat i pavarur, kanë plotësuar online formularin e certifikimit për pjesëmarrje në zgjedhjet e parakohshme për Kuvendin e Kosovës.
Sipas vendimit të KQZ-së, këto janë subjektet politike të certifikuara:
Partitë politike:
Koalicionet:
Iniciativat qytetare:
Kandidat i pavarur:
Në mesin e subjekteve politike që kanë aplikuar është dhe NISMA SOCIALDEMOKRATE – NISMA. Sipas njoftimit nga Zyra për Regjistrim, Certifikim dhe Kontrollin Financiar të Subjekteve Politike, ky subjekt politik i ka përmbushur të gjitha kriteret tjera, përveç listës së nënshkrimeve. Pas plotësimit të listës së nënshkrimeve, subjekti politik do t’i nënshtrohet certifikimit nga KQZ-ja. Subjektit politik, i është dhënë afat për plotësim të listës së nënshkrimeve deri 3 dhjetor 2025, në orën 12:00.
Ndërkaq, rekomandimi për certifikimin e partisë politike Srpska Lista, nuk mori votat e nevojshme për t’u certifikuar.
Pas disa ditësh pezullimi, Trafiku Urban dhe transportuesit privatë do të rikthehen nesër në qarkullim. Vendimi për rifillim është marrë edhe pse borxhi që komuna u ka ndaj operatorëve nuk do të shlyhet plotësisht.
Kryeshefi i Trafikut Urban, Qëndrim Vitija, ka bërë të ditur për KOHËN se autobusët do të kthehen në linja, duke shtuar se situata mbetet e brishtë për shkak të mungesës së pagesave të plota.
Të njëjtin qëndrim e ka konfirmuar edhe Avdyl Brajshori, përfaqësues i transportuesve privatë, i cili ka theksuar se edhe sektori privat do të rifillojë punën, megjithëse obligimet financiare ndaj tyre ende nuk janë përmbushur.
Ndërkohë, Komuna e Prishtinës ka njoftuar pasditen e sotme se Ministria e Financave ka kryer vetëm një alokim të pjesshëm të të hyrave vetanake. Sipas njoftimit, komuna ka marrë 2.7 milionë euro nga 25 milionë që i takojnë për vitin fiskal 2024.
Moscertifikimi i Listës Serbe, Hargreaves: Cënohet reputacioni i Kosovës si një demokraci multietnike
Ambasadori i Mbretërisë së Bashkuar në Kosovë, Jonathan Hargreaves tha se është i shqetësuar për moscertifikimin e Listës Serbe për zgjedhjet e 28 dhjetorit.
Përmes një reagimi, Hargreaves shkroi se veprime të tilla kërcënojnë ta shkatërrojnë reputacionin e Kosovës si një demokraci multietnike, shkruan Klankosova.tv
Derisa, shtoi se ky veprim mund edhe t’i dëmtojë marrëdhëniet me partnerët e saj të ngushtë.
“Jam seriozisht i shqetësuar për përpjekjen e fundit nga aktorët politikë për të penguar Listën Serbe të marrë pjesë në proceset zgjedhore. Veprime të tilla kërcënojnë të shkatërrojnë reputacionin e fituar me mund të Kosovës si një demokraci multietnike dhe të dëmtojnë marrëdhëniet me partnerët e saj të ngushtë. Shpresoj që Paneli i Ankesave dhe Parashtresave Zgjedhore do ta vlerësojë përsëri kërkesën e Listës Serbe për certifikim sipas ligjeve dhe rregulloreve të Kosovës”, shkroi ai. / Klankosova.tv
Nesër Prishtinës do t’i kthehet normaliteti i transportit publik.
Trafiku Urban dhe transportuesit privatë do të operojnë me orar të rregullt.
Kështu bëri të ditur kryesindikalisti Ilmi Gashi.
“Po, kemi vendosur të kthehemi në punë nesër. Do të punohet me orare të rregullta nga ora 5:30 e mëngjesit. Uroj që qytetarët të kenë transport sa më të mirë”, deklaroi ai.
Sot, Ministria e Financave, e ka bërë alokimin prej 2.7 milionë eurosh në llogarinë e Komunës së Prishtinës, të nevojshme për pagesën e operatorëve të transportit publik, sipas vendimit të Kuvendit të Prishtinës për të hyrat vetanake.
Sipas mediave italiane, ish-Përfaqësuesja e Lartë e Bashkimit Evropian për Politikën e Jashtme, Federica Mogherini, është arrestuar së bashku me një diplomat të lartë italian, Stefano Sannino, dhe një menaxher të një institucioni akademik, në kuadër të një hetimi mbi parregullsi në dhënien e një programi trajnimi të financuar nga Bashkimi Evropian me vlerë 990,000 euro.
Krimet e dyshuara përfshijnë ndërhyrje dhe mashtrim në prokurimin publik, korrupsion, konflikt interesi dhe shkelje të sekretit profesional, sipas Zyrës së Prokurorit Publik Evropian (EPPO). Hetimi ka të bëjë me favorizime të dyshuara në dhënien e fondeve për një program trajnimi për diplomatët e ardhshëm evropianë dhe lidhet me periudhën nga viti 2021.
Për të arrestuar Mogherinin dhe Saninon, gjyqësori ka kërkuar dhe siguruar heqjen e imunitetit diplomatik. Hetimi u inicua nga Zyra e Prokurorit Publik Federal në Bruksel dhe u zhvillua më tej nga EPPO, e cila merret me mashtrimet që përfshijnë fondet e Bashkimit Evropian.
Sipas hetuesve, informacioni për kriteret e përzgjedhjes së tenderit mund të ketë qenë i disponueshëm paraprakisht për përfituesit e mundshëm, duke shkelur rregullat për konkurrencën e drejtë dhe duke favorizuar një kandidat të caktuar. Hetuesit po shqyrtojnë gjithashtu nëse përfaqësuesit e institucioneve të përfshira ishin të vetëdijshëm për këtë informacion dhe nëse kanë ndërhyrë në mënyrë të paligjshme.
Përveç arrestimeve, autoritetet belge kryen kontrolle në zyrat dhe banesat e tre të dyshuarve. Një zyrtar i BE-së i tha Agjencisë France Presse se hetimi nuk ka të bëjë me aktivitetet e Bashkimit Evropian pas vitit 2024, kur Kaja Kallas mori detyrën si Përfaqësuese e Lartë për Punët e Jashtme.
Zëdhënësja e Komisionit Evropian, Paula Pinho, tha se institucionet nuk po komentojnë mbi hetimin ndërsa ai vazhdon, duke shtuar:
“Ne nuk po komentojmë ndërsa një hetim gjyqësor është duke u zhvilluar.”
Nënkryetari i LDK-së Lutfi Haziri, ka njoftuar se i ka vdekur vëllau, Bedriu.
Haziri tha se ai ishte duke u trajtuar në spitalin universitar të Zurichut, pasi vuante nga një sëmundje e rëndë.
“Ka qenë më i miri mes nesh, por Zoti e deshi më shumë se ne. Shpirti i tij bën dritë nga sonte. Do të kujtojmë përjetë për shpirtin e bardhë e njerëzinë!”, shkroi në njoftimin e tij Haziri.
Ish-kryetari i Gjilanit shtoi se detajet e varrimit dhe të pameve do të bëhen të ditura me kohë.