Category: AKTUALE

Një ngjarje e rëndë ka ndodhur sot në Malishevë, ku tre persona kanë humbur jetën pas shpërthimit të një zjarri në një banesë në lagjen “Mirdita”.

Burime të IndeksOnline bëjnë me dije se viktimat janë babai dhe dy fëmijet e tij të moshës 30, 11 dhe 9 vjeçar.

Sipas këtyre burimeve, viktimat janë nga fshati Gurbardh i kësaj komune.

Zëdhënësi i Policisë Rajonale të Gjakovës, Sheremet Elezi, ka bërë të ditur se rreth orës 12:55 policia është njoftuar për incidentin.

Një burrë dhe dy fëmijë kanë humbur jetën si pasojë e një zjarri që ka shpërthyer në një banesë në Malishevë.

Sipas informacioneve të Klanit, viktima është një burrë rreth 35 vjeç, ndërsa fëmijët janë të moshës 9 dhe 12 vjeç. Zjarri ka shpërthyer rreth orës 12:55 në lagjen “Mirdita”.

“Menjëherë pas pranimit të informacionit, në vendin e ngjarjes kanë dalë njësitë kompetente policore, zjarrfikësit dhe ekipet emergjente. Në këtë banesë janë gjetur tre persona të gjinisë mashkullore (një i rritur dhe dy fëmijë), të cilët janë dërguar në Qendrën e Mjekësisë Familjare në Malishevë ku është konstatuar se të njëjtit ishin pa shenja jete”, tha zëdhënësi i policisë për rajonin e Gjakovës, Sheremet Elezaj.

“Zjarri është lokalizuar dhe nuk është raportuar për pasoja të tjera. Lidhur me rastin është njoftuar edhe prokurori i shtetit dhe aktualisht janë duke u ndërmarrë të gjitha veprimet e nevojshme hetimore për të sqaruar rrethanat dhe shkaqet e kësaj ngjarjeje”, deklaroi ai.

Inspektorati Policor i Kosovës, përmes Departamentit të Hetimeve, ka rekomanduar suspendimin e dy zyrtarëve të Policisë së Kosovës në dy raste të ndara, të cilët dyshohen për kryerje të veprave penale gjatë ushtrimit të detyrës.

Sipas njoftimit të IPK-së, rasti i parë ka ndodhur më 15 prill 2026 në rajonin e Gjilanit, ku një zyrtar policor me gradën rreshter dyshohet se ka kryer veprën penale “Keqpërdorim i pozitës apo autoritetit zyrtar”.

“Pas hetimeve fillestare, me urdhër të Prokurorit të Shtetit nga Prokuroria Themelore në Gjilan, ndaj tij është iniciuar rast penal”, ka thënë IPK-ja.

Ndërkaq, rasti i dytë është raportuar më 16 prill 2026 dhe ka të bëjë me një zyrtar policor me gradën toger në rajonin e Prishtinës. Sipas IPK-së, gjatë intervistimit në ambientet e Inspektoratit Policor të Kosovës, ai është hasur duke incizuar pa autorizim hetuesit dhe procesin e intervistimit.

Në lidhje me këtë rast, me urdhër të Prokurorit të Shtetit nga Prokuroria Themelore në Prishtinë është iniciuar procedurë penale për veprën “Fotografimi dhe incizimet tjera të paautorizuara”.

IPK ka rekomanduar suspendimin e të dy zyrtarëve policorë, ndërsa hetimet lidhur me këto raste janë në vazhdim.

Komisioni Disiplinor i Trepça Sh.A. ka mbajtur më 16 prill 2026 shqyrtimin publik lidhur me rastet e dy punonjësve, me inicialet Xh.Q. dhe I.H., të cilët akuzoheshin për shkelje të rënda të detyrave të punës.

Pas shqyrtimit të plotë të çështjes dhe analizës së provave të administruara, Komisioni ka konstatuar se të njëjtit kanë kryer shkelje në përputhje me nenin 10, paragrafi 1, nënparagrafët 1.10, 1.23, 1.26 dhe 1.27 të Rregullores për Përgjegjësinë Disiplinore dhe Materiale të Punëtorëve të Trepça Sh.A

Sipas kësaj rregulloreje, shkelje të rënda konsiderohen mungesat e pajustifikuara nga puna, paraqitja e pasaktë e evidencave të punës, si dhe manipulimi i sistemit të evidencës së prezencës.

Më poshtë postimi i plotë dhe video ku tregon se punëtorët u skanuan dhe ecën në shtëpi:

🚨 N J O F T I M

Më datë 16.04.2026, Komisioni Disiplinor i Trepça Sh.A. ka mbajtur shqyrtimin publik lidhur me rastet e punonjësve z. Xh.Q. dhe z. I.H.

Pas shqyrtimit të plotë të çështjeve dhe provave të administruara, Komisioni ka konstatuar se të njëjtit kanë kryer shkelje të rënda të detyrave të punës, në përputhje me nenin 10, paragrafi 1, nënparagrafët 1.10, 1.23, 1.26 dhe 1.27 të Rregullores për Përgjegjësinë Disiplinore dhe Materiale të Punëtorëve të Trepça Sh.A.

📌 Sipas kësaj rregulloreje, shkelje të rënda konsiderohen:

• mungesat e pajustifikuara nga puna

• paraqitja e pasaktë e evidencave të punës

• manipulimi i sistemit të evidencës së prezencës

📊 Nga raportet zyrtare dhe analiza e sistemit elektronik të evidencës, është konstatuar se:

➡️ Punonjësve në fjalë kanë evidentuar një numër shumë të lartë të mungesave të pajustifikuara nga puna ( I.H. 194 ditë dhe XHQ 188 ditë me mungesë në punë),

➡️ në shumë raste kanë kryer vetëm skanim të hyrjes pa dalje, apo nuk kanë evidentuar fare prezencën,

➡️ ndërkohë që pagesat janë realizuar sikur të kishin qenë të pranishëm në vendin e punës.

💰 Si pasojë e këtyre veprimeve, është shkaktuar dëm financiar ndaj ndërmarrjes në vlerë prej mijëra eurosh.

⚖️ Në bazë të këtyre fakteve dhe provave të dokumentuara, Komisioni Disiplinor ka marrë vendim për:

➡️ NDËRPRERJEN E MARRËDHËNIES SË PUNËS ndaj të dy punonjësve.

🎥 Në kuadër të provave, është shqyrtuar edhe një dëshmi video (01.04.2026), e cila ilustron një nga rastet e mosprezencës në vendin e punës

 

Politikani shqiptar, Bujar Nallbani, ish kandidat për kryetar të Partisë Demokratike të Shqipërisë, i është referuar si “në kufi me Serbinë”, Tropojës, qytetit verior shqiptar që nga vendasit njihet edhe si Malësia e Gjakovës.

Në një debat mbrëmë në Report TV ku po flisnin për zhvillimet në PD dhe kryetarin e kësaj partie, Sali Berisha, Nallbani pati një përplasje me gazetarin Isa Myzyraj.

“Lider s’quhet ai [Sali Berisha], sepse merret vesh se nga vjen. Ata që vijnë nga andej nga kufi me Serbinë nuk quhen liderë për mua”, tha Nallbani.

Gazetari Myzyraj i regoi, duke i kërkuar ta “mbajë gojën”.

“E para, mbaj gojën, se andej nga kufi me Serbinë vij edhe unë…”

“Nuk të njoh, nuk e di… Ti s”flet si Saliu, prandaj…”, ia ktheu Nallbani.

Gazetari i tha atij se s’mund të shprehej ashtu dhe se duhet të kërkonte falje.

Ministri i Mbrojtjes së Greqisë, Nikos Dendias, ka zhvilluar një takim me kryeministrin e Kosovës, Albin Kurti, në Prishtinë.

Drejtoria Rajonale e Policisë Mitrovicë e Veriut, në vazhdën e pranimit të informatave nga ana e qytetarëve, në disa lokacione në Komunën e Zubin- Potokut në fshatin Banovë dhe Prevllak, sot ka gjetur armë, municion si dhe mjete të tjera ilegale.

Si rezultat, janë ndërmarrë veprime policore duke kryer kontroll në rastet si në vijim:

RASTI I

Njësitë policore kanë kryer kontroll në një shtëpi të pabanuar, janë gjetur dhe janë sekuestruar:

– 4 pushkë të ndryshme,

– 3 radio lidhje,

– 1 kamerë,

– 223 fishekë të ndryshëm, uniforma ushtarake si dhe pajisje për pastrimin e armëve.

RASTI II

Njësitë policore kanë kryer kontroll në një shtëpi, ku gjatë kontrollit kanë gjetur dhe kanë sekuestruar:

– 1 pushkë pa leje,

– 3 fishekë.

Në këtë lokacion është hasur personi M. R. (1972) i cili është shoqëruar në stacion policor ku është intervistuar dhe pas intervistimit me urdhër të prokurorit të shtetit ai është liruar, ndërsa do të hetohet për veprën panel “armëmbajtje pa leje”.

RASTI III

Njësitë policore gjatë kontrollit në një shtëpi tjetër të pabanuar kanë gjetur dhe kanë sekuestruar:

– 1 armë AK-47,

– 3 karikatorë,

– 88 fishekë të armës së gjatë,

– 1 granatë dore M75 (prodhim jugosllav).

Rasti IV

Njësitë policore gjatë kontrollit në një shtëpi të pabanuar kanë gjetur dhe kanë sekuestruar:

– 1 armë AK-47

– 19 fishekë

Rasti V

Njësitë policore gjatë kontrollit në një shtëpi të pabanuar kanë gjetur dhe kanë sekuestruar:

– 1 pushkë M48 (e çmontuar)

– 1 pushkë të gjuetisë

– 33 fishekë

Rasti VI

Njësitë policore gjatë kontrollit në një hambar kanë gjetur dhe kanë sekuestruar:

–  1 mekanizëm i armës së gjatë M-48,

–  1 thikë – bajonetë,

–  uniforma ushtarake.

Në vendin e ngjarjes, në rastin III, kanë dalë edhe njësitë për trajtimin e mjeteve eksplozive (EOD), të cilat kanë tërhequr mjetin eksploziv në mënyrë të kontrolluar.

Policia bën me dije se të gjitha veprimet policore janë ndërmarrë në koordinim të plotë me prokurorin e shtetit, i cili ka udhëzuar inicimin e rasteve për veprën penale: “Mbajtje në pronësi, kontroll ose posedim të paautorizuar të armëve”.

“Policia e Kosovës falënderon qytetarët për bashkëpunimin dhe i fton ata që të vazhdojnë të ndajnë informacione që ndihmojnë policinë në ruajtjen e rendit dhe sigurisë publike. Çdo informacion mund të raportohet në numrin 192”, thuhet në njoftimin e policisë.