Presidentja e Kosovës, Vjosa Osmani, të shtunën do t’ia dorëzojë detyrën kryeparlamentares Albulena Haxhiu, ka bërë të ditur zyra e Presidencës për media në një komunikatë të premten në mbrëmje.
Sipas njoftimit, ceremonia e pranim-dorëzimit të detyrës do të mbahet në kabinetin e Presidencës në orën 16:00.
Kryeparlamentarja Haxhiu do të jetë ushtruese e detyrës së presidentes, pasi Kuvendi ende nuk ka zgjedhur presidentin e ri. Ajo maksimalisht mund ta mbajë këtë post për 6 muaj.
Deputeti i Lidhjes Demokratike të Kosovës, Besian Mustafa ka bërë të ditura detajet e përplasjes me deputetin e Vetëvendosjes, Egzon Azemi, gjatë seancës së sotme në Kuvend.
Mustafa ka thënë se Azemi iu drejtua atij me fjalët: “mos u bo kastravec ktu”. Ai ka theksuar se nuk e duron ofendimin nga askush, e më së paku nga dikush si Azemi.
“Të nderuar qytetarë, Sot, isha duke diskutuar me z. Gola që po udhëhiqte seancën. Erdhi Egzon Azemi dhe na ndërhyri. I kërkova të mos na ndërhyjë deri ta përfundojmë diskutimin z. Gola dhe unë. Mu kthye “mos u bo kastravec ktu”. Nuk e duroj ofendimin nga askush, më së paku nga dikush si ai. Nga natyra jam shumë i qetë, por dinjitetin tim s’ia kam borxh askuj. Nuk është e lehtë të përballesh me nivel të tillë që përfaqësojnë njerëz si ai.”, shkroi ai.
Rezoluta e propozuar nga Lidhja Demokratike e Kosovës (LDK) për uljen e akcizës dhe TVSH-së për naftën, e mbështetur edhe nga Partia Demokratike e Kosovës (PDK) dhe Aleanca për Ardhmërinë e Kosovës (AAK), nuk u hodh fare në votim gjatë seancës së sotme të Kuvendit.
Në seancë ishin të pranishëm vetëm 27 deputetë, ndërsa diskutimet u përcollën me tensione dhe përplasje mes përfaqësuesve të pushtetit dhe opozitës.
Ndërsa, nënkryetari i Kuvendit, Ardian Gola tha se votimi i kësaj rezolute do të shtyhet për seancën e ardhshme.
Rezoluta nuk u përkrah nga Lëvizja Vetëvendosje në pushtet, me arsyetimin se ulja e akcizës do të kishte efekt të vogël për qytetarët, por do të shkaktonte humbje të mëdha për buxhetin e shtetit.
Propozimi parashihte uljen e përkohshme të akcizës për naftën nga 36 centë për litër në 20 centë, deri në stabilizimin e çmimeve, si dhe uljen e TVSH-së për karburantet nga 18% në 8%. Po ashtu, rezoluta parashihte subvencionimin e çmimeve të naftës për sektorët më të ndjeshëm të ekonomisë, duke përfshirë bujqësinë, transportin publik dhe prodhuesit vendorë.
Partia Demokratike e Kosovës ka shprehur shqetësim të thellë për papërgjegjësinë dhe mungesën e seriozitetit të Qeverisë së Kosovës përballë krizës ekonomike që po prek çdo familje në vend.
Në një komunikatë zyrtare, PDK thekson se gjatë seancës së jashtëzakonshme të Kuvendit për rritjen e çmimit të naftës, shërbimeve, tatimeve dhe inflacionit, kryeministri, ministrat dhe deputetët e shumicës parlamentare kanë bojkotuar pjesën më të madhe të seancës.
Sipas PDK-së, ky veprim përbën “shpërfillje të hapur ndaj qytetarëve që çdo ditë përballen me rritje të kostos së jetesës dhe varfërim në rritje”.
Sipas njoftimit, çmimi i naftës në Kosovë ka arritur 2 euro e 3 cent, duke ndikuar direkt në rritjen e çmimeve të produkteve dhe shërbimeve bazë. Partia kritikon gjithashtu qeverinë për kohën e shfrytëzuar nga kryeministri në lojëra fjalësh dhe interesa partiake, në vend që të ofronte “zgjidhje konkrete për lehtësimin e barrës së qytetarëve”.
PDK vlerëson se kjo qasje është jo vetëm “e papranueshme, por edhe e dëmshme për stabilitetin ekonomik dhe social të vendit” dhe i bën thirrje qeverisë të hartojë urgjentisht një pako emergjente ekonomike.
Sipas partisë, kjo duhet të përfshijë masa konkrete për uljen e barrës financiare ndaj qytetarëve dhe mbështetje për familjet dhe bizneset.
“Qytetarët e Kosovës kanë nevojë për veprime të menjëhershme”, përfundon njoftimi i PDK-së.
Në fundjavë zhvillohen ndeshjet e javës së 27-të Superligës së Kosovës në futboll.
Sot është hedhur shorti sot në selinë e FFK-së për delegimin e gjyqtarëve.
Një nga ndeshjet më interesane është ajo mes Ballkanit dhe Dukagjinit, e cila zhvillohet të shtunen nga ora 15:00.
Gjyqtar krysor i kësaj ndeshjeje do të jetë Erdall Zasella.
Kjo përballje do të gjykohet nga Egzon Dakaj.
Ministria e Punëve të Brendshme ka dalë me një reagim publik për të sqaruar legjislacionin në lidhje me përdorimin e xhamave të errët në automjete.
Sipas MPB-së, përdorimi i xhamave të errët është “i rregulluar qartë me Ligjin Nr. 05/L-132 për Automjete dhe me Udhëzimin Administrativ (MPB) Nr. 12/2024 për Plotësimin dhe Ndryshimin e Udhëzimit Administrativ (MPB) Nr. 04/2023 për Regjistrimin e Mjeteve, konkretisht me nenin 7 të këtij udhëzimi.”
Ministria sqaron se lejohet përdorimi i xhamave të errët vetëm për automjetet “që janë të prodhuara si të tilla nga prodhuesi.” Vendosja e letrës ngjitëse për hijezim të xhamave është e ndaluar, përveç rasteve të jashtëzakonshme që mund të lejohet vetëm me vendim të Ministrit të Punëve të Brendshme, pas paraqitjes së kërkesës së arsyetuar dhe dokumentacionit mbështetës.
Kia ka thyer një tjetër rekord shitjesh, me shitjet e tremujorit të parë të vitit 2026 që janë rritur me 4.1% nga viti në vit.
Deri më tani, Kia ka shitur 207,015 automjete këtë vit krahasuar me 198,850 gjatë muajve të parë të vitit 2025.
Sportage vazhdon të jetë modeli më i shitur i markës, me shitje që u rritën me 8.2 përqind në 44,704.
K4 është automjeti i dytë më i shitur i Kia-s.
Prodhuesi i automjeteve shiti 37,220 K4 tremujorin e kaluar, krahasuar me 35,928 SUV Telluride, me të dy modelet që shënuan rritje të shitjeve nga viti në vit.
Ndërkohë, automjetet elektrike të Kia-s, EV6 dhe EV9, panë rënie të shitjeve tremujorin e kaluar, duke rënë përkatësisht me 46.5 përqind dhe 27.1 përqind.
Astronauti i NASA-s dhe komandanti i Artemis II, Reid Wiseman, bëri një fotografi të Tokës nga dritarja e anijes kozmike Orion.
Wiseman e shkrehu fotografinë pasi përfundoi djegien me injeksion transhënor.
Ka dy aurora (sipër djathtas dhe poshtë majtas) dhe drita zodiakale (poshtë djathtas) është e dukshme ndërsa Toka eklips Diellin.
Kjo dhe një foto tjetër e Tokës janë imazhet e para të dërguara nga astronautët e anijes Artemis II.
Misioni 10-ditor i NASA-s nisi dje dhe synon që, për herë të parë pas më shumë se 50 vitesh, të dërgojë njerëz në Hënë.
Gjykata e Apelit e ka vërtetuar dënimin me burgim të përjetshëm ndaj Jeton dhe Nexhat Vllasaliut, të akuzuar për vrasjen e biznesmenit Bedri Rexhepi.
Apeli, në njoftimin për media, ka bërë të ditur se i ka refuzuar si të pabazuara ankesat e mbrojtësve së të akuzuarve dhe ka vërtetuar aktgjykimin e shkallës së parë.
Kolegji i Apelit ka vlerësuar se gjykata e shkallës së parë ka paraqitur arsye të qarta dhe të plota duke dhënë arsye të duhura se cilat fakte konsiderohen të vërtetuara në këtë çështje penale, përkitazi me veprat penale të cilat i vihen në barrë të akuzuarve, e po ashtu ka paraqitur saktësinë e provave nga shkresat e lëndës, ka dhënë arsye të qarta për vendin, kohën, mënyrën e kryerjes së veprës penale, mënyrën se si ka ardhur deri të kryerja e kësaj vepre penale të cilat janë vërtetuar nga provat personale dhe ato materiale.
Sipas vendimit të Apelit dënimi me burgim të përjetshëm do të parandalojë personat tjerë nga kryerja e veprave penale dhe do të shpreh gjykimin shoqëror për veprën penale.
Jeton e Nexhat Vllasaliu akuzoheshin nga Prokuroria Themelore në Prishtinë për veprën penale Vrasje e rëndë në bashkëkryerje dhe Dëmtimi i varreve apo kufomave.
Këshilli për Mbrojtjen e të Drejtave dhe Lirive të Njeriut (KMDLNj) ka reaguar lidhur për zhvillimet e fundit lidhur me Gjykatën Speciale me ç’rast ka thënë “se opinioni në Kosovë dhe çdo kund ku jetojnë shqiptarët është i shqetësuar me veprimet e fundit të Prokurorisë Raciste të Specializuar që edhe pas afatit të përcaktuar me ligj po dërgon materiale në GjRS kundër të akuzuarve, duke ndërhyrë brutalisht në parimin e prezumimit të pafajësisë”.
Këshilli për Mbrojtjen e të Drejtave dhe Lirive të Njeriut (KMDLNj) ka reaguar lidhur për zhvillimet e fundit lidhur me Gjykatën Speciale. Me këtë rast KMDLNj ka thënë se opinioni në Kosovë dhe çdo kund ku jetojnë shqiptarët “është i shqetësuar me veprimet e fundit të Prokurorisë Raciste të Specializuar që edhe pas afatit të përcaktuar me ligj po dërgon materiale në GjRS kundër të akuzuarve, duke ndërhyrë brutalisht në parimin e prezumimit të pafajësisë”.
“Instrumentet e kësaj Gjykate monstruoze e që maskohet se është e Kosovës, Prokuroria e Kriminalizuar Speciale ka filluar ta bëjë vlerësimin e pasurisë së Hashim Thaçit, Jakup Krasniqit, Kadri Veselit dhe Rexhep Selimit, pa asnjë vendim të Gjykatës në emër kinse të kompensimit të viktimave e në realitet paraqet presion të drejtpërdrejtë në vendimmarrje të Gjykatës Speciale Raciste”, thuhet në reagim.
“Në rastin Sali Mustafa vlerësimi i pronës është bërë vetëm pas vendimit të plotëfuqishëm ndërsa në rastin e udhëheqësve kryesorë të luftës çlirimtare të Kosovës dhe shtetit kjo po bëhet për të ndikuar te GJRS e cila ende nuk ka marrë asnjë vendim”, thuhet tutje në reagim.
Po ashtu, KMDLNJ-ja thotë se Gjykata Speciale është në të njëjtat valë me ZPS-ën e që zbehë, pamundëson dhe dhunon të drejtën për një gjykim të drejtë, të paanshëm dhe të pandikuar nga politika ndërkombëtare dhe pushteti aktual në Kosovë si dhe nga grupet e interesit.
“Kjo Gjykatë monstruoze ka për qëllim rishkrimin e historisë, kriminalizimin e luftës çlirimtare në bashkëpunim me Serbinë dhe mbetjet e tyre njerëzore, ‘kombëtare’, politike dhe morale nën patronatin e institucioneve aktuale në Kosovë”, thuhet tutje në reagim.
KMDLNj thekson se është i shqetësuar për shkelje të drejtave të njeriut të personave të privuar nga liria që po mbahen si pengje në burgun e Hagës, të gjithë shqiptarë dhe të gjithë shtetas të Kosovës përmes mohimit të një gjykimi të pavarur dhe të drejtë. “Ky monstrum juridik askujt nuk i jep llogari, nuk lejon monitorim të pavarur dhe nuk e di çka është transparenca dhe llogaridhënia. Po sillet si Gjykatë tipike kolonialiste dhe abuzuese me drejtësinë”.
“Kur t’i kemi parasysh këto ‘fakte’ të prokurorisë dhe Gjykatës në Hagë nuk është aspak e vështirë të parashihet vendimmarrja”, thuhet në përfundim të reagimit të KMDLNJ-së.