Category: AKTUALE

U përkujtua përvjetori i 17/7/1998, kur grupi më i madh i mbërritur nga Shqipëria për në Kosovë, me mbi 1400 pjesëtarë, u ndesh me vështirësitë dhe përballjet për lirinë. Ky grup ka lënë një histori të lavdishme, duke pësuar humbjen e 40 dëshmorëve dhe mbi 200 ushtarë të plagosur.

Për të nderuar këta heronj dhe për të ruajtur kujtimin e sakrificës së tyre, grupi i 17/7/1998 ka marrë emrin simbolik “Shqiponjat e Arta”, si një nderim për dy kolosët e rënë, Hero të pavdekshëm – Zogut Abeja dhe Bedriut, Bekim Berishën dhe Bedri Shalën. Ky emër pasqyron lavdinë dhe respektin që këta dy burra të mëdhenj të Kosovës meritojnë.

Në këtë përvjetor, u nderuan gjithashtu të gjithë heronjtë, dëshmorët dhe ata që dhanë jetën për lirinë e Kosovës. Lavdi e përjetshme për ta!/Rilindja Shqiptare/

Ministri i Mbrojtjes, Ejup Maqedonci, gjatë një konference për media ka komentuar deklaratën e sekretarit të NATO-s, Mark Rutte, i cili rolin e FSK-së e ka cilësuar më shumë si ‘‘rol humanitar’’.

Ai ka thënë se kjo s’është hera e parë që është bërë një deklaratë e tillë pasi që NATO dhe KFOR-i janë neutral ndaj ndryshimeve që janë bërë në vitin 2018 ku FSK-së i është dhënë mandat ushtarak.

Ministri ka deklaruar edhe se, Kosova po ndërton kapacitetet ushtarake të saja me shtetet që kanë njohur këto ndryshime.

‘‘Rreth çështjes së deklaratës së sekretarit të NATO besoj që nuk është hera e parë që NATO dhe KFOR-i janë neutral karshi ndryshimeve kushtetuese të vitit 2018 në raport me mandatin e FSK, pra KFOR njeh FSK-në sipas mandatit, sipas ligjeve që kanë qenë para vitit 2018, në dhjetor të 2018 kuvendi i Kosovës ka votuar për ndryshimin e këtyre ligjeve duke i dhënë mandat ushtarak FSK. Dhe ky mandat është pranuar nga pothuajse të gjitha vendet e NATO-së në aspektin bilateral. Pra ne sot po ndërtojmë kapacitetet ushtarake të FSK pikërisht duke iu referuar raporteve bilaterale që kemi me SHBA-të, Britaninë e Madhe, Turqinë, Gjermaninë me Italinë por edhe me vendet e tjera, që njohin ndryshimet ligjore që i kanë dhënë mandat ushtarak FSK-së. Pra ky është një deklarim që vazhdon të jetë i tillë, dhe dihet që mandati i kaluar i FSK-së ka qenë forcë e armatosur lehtë me qëllim të realizimit të operacioneve të mbrojtëse civile, kurse prej vitit 2018 janë tri detyre kyçe për tëp cilat autorizohet FSK-ja, është mbrojtja e territorit, mbështetja ushtarake për autoritetet civile dhe është pjesëmarrja në operacione paqeruajtëse. Ne do të vazhdojmë që të diskutojmë me partnerët tanë në NATO që edhe NATO të njoh mandatin e ri të FSK-së’’, ka thënë ai mes tjerash.

Një incident i rëndë ka ndodhur në pikën e kontrollit kufitar në Portin e Vlorës, ku një punonjës i Policisë së Kufirit dhe Migracionit është dhunuar fizikisht nga dy drejtuesit e një furgoni pas një debati për kontrollin e imtësishëm të mjetit.

Fillimisht, dy personat kundërshtuan me fjalë efektivin e policisë, duke e fyer dhe sharë, e më pas situata degradoi në dhunë fizike.

Për pasojë, punonjësi i policisë ka pësuar lëndime në trup dhe fytyrë dhe është dërguar për ndihmë mjekësore.

Ndërkohë, autorët e sulmit janë shoqëruar në polici dhe ndaj tyre pritet të merren masa ligjore.

Në një nga mjediset e Kompleksit turistik Grand Blue FAFA, nën drejtimin e administratorit të këtij kompleksi, Fatos Çerenishti, dhe me ndihmën e dy artistëve të njohur, regjisorit Leka Bunga dhe aktorit Bujar Kapexhiu, është themeluar shoqata “Vatra e Artistëve”.

Ky organizëm i ri jofitimprurës do të funksionojë me një program të posaçëm, duke ofruar një gamë të gjerë veprimtarish. Gjithashtu, do të shërbejë si një vend krijimtarie, festiv dhe relaksi për artistët, nga muaji shtator deri më 1 qershor të çdo viti, duke i dhënë mundësi atyre të zhvillojnë projektet dhe ide të reja.

“Jam shumë i gëzuar që sot arritëm atë që kishim nisur që para një viti me miqtë e mi artistë, krijimin e këtij organizmi të ri, që do të ketë si rezidencë dhe qendër të veprimtarisë së saj mjediset e FAFA –s. Personalisht ndihem mirë që po vë një tullë në respekt të vepres së artistëve dhe të kulturës shqiptare” – shtoi ndër të tjera Fatos Çerenishti.
FAFA është pa dyshim një brand i vërtetë dhe i njohur në industrinë e shërbimit turistik në Shqipëri.

Ajo nuk është vetëm një vend ku mund të gjesh çdo gjë bashkëkohore, klas, luks, art dhe përsosmëri, por gjithashtu ofron diçka që është e vështirë të gjesh diku tjetër – dimensionin human, ngrohtësinë, dashamirësinë dhe një mikpritje të vërtetë, ku dera dhe zemra janë gjithmonë të hapura për të gjithë, duke reflektuar traditat e një shtëpie tipike shqiptare.
Kjo shtëpi është e tillë falë administratës së një njeriu me cilësi të veçanta njerëzore, një kavalier i vërtetë, filantrop, mecenat i artit dhe besimtar i devotshëm – Fatos Çerenishti.
FAFA ka mbajtur gjithmonë derën e hapur, si në ditët e mira, ashtu edhe në ato të vështira.

Ky kompleks ka ofruar strehë për ata që kanë pasur nevojë, duke hapur dyert e tij jo njëherë, por disa herë. Ditët e Tërmetit dhe të pandemisë Covid-19 nuk do të harrohen, kur në këtë kompleks u strehuan për muaj të tërë qindra njerëz, duke ofruar fjetje, ushqim dhe argëtim. Gjithashtu, veprimtaritë bamirëse të shoqatave për njerëzit me aftësi ndryshe janë zhvilluar shpesh në këtë vend, duke dëshmuar angazhimin e vazhdueshëm për ata që kanë nevojë.

Nuk harrohet ajo që bën Fatos Çerenishti për vëndlindjen e tij, për mësuesit e Skraparit që mblidhen e festojnë çdo 7 Mars këtu, në mjediset e FAFAS, apo shoqata “Tomorri” Durrës, që e ndez dhe e gjallëron FAFA-n herë pas here me veprimtaritë e saj mbresëlënëse./RilindjaShqiptare/

Mirënjohje, Fatos Çerenishti!