Category: SPORT

Bayern Munich është bërë zyrtarisht skuadra e parë në pesë ligat kryesore evropiane që arrin kuotën e 100 golave këtë sezon, duke konfirmuar dominimin e saj të jashtëzakonshëm në Bundesliga.

Gjigantët bavarezë tashmë ndodhen vetëm një gol larg barazimit të rekordit historik të golave në këtë kampionat.

Diferenca mes liderëve gjermanë dhe rivalëve të tyre në Evropë mbetet e konsiderueshme.

Barcelona renditet në vendin e dytë me 80 gola të shënuar në La Liga, plot 20 gola më pak se Bayern.

Në vendin e tretë qëndron Interi me 71 gola në Serie A.

Lista e skuadrave më produktive në pesë ligat kryesore evropiane për sezonin 2025/26:

100 gola – Bayern Munich

80 gola – Barcelona

71 gola – Inter

64 gola – Real Madrid

61 gola – Arsenal

61 gola – Paris Saint-Germain

60 gola – Manchester City

60 gola – Borussia Dortmund

58 gola – Bayer Leverkusen

56 gola – Manchester United

56 gola – Stuttgart

Me këtë ritëm, Bayern mbetet favorit absolut për të thyer rekorde të reja, ndërsa mbetet për t’u parë nëse ndonjë nga ndjekësit do të mund të afrohet në javët e mbetura të sezonit.

Fitorja e Mallorcas kundër Real Madridit nuk do të mbahet mend vetëm për rezultatin, por edhe për mënyrën se si ndodhi, shkruan Marca.

Sulmuesi kosovar Vedat Muriqi shënoi golin e fitores në sekondat e fundit, por momenti që la mbresa më të thella ishte reagimi i tij emocional pas golit: ai qau para tifozëve në stadiumin Son Moix, duke çliruar dhimbjen dhe stresin që kishte grumbulluar gjatë javëve të fundit.

Lotët e tij ishin një moment çlirmi, ndërsa stadiumi shpërtheu në delir dhe brohoriti emrin e tij, shkruan mediumi i njohur spanjoll.

Ky moment erdhi pas një periudhe të vështirë për Muriqin. Penalltia e humbur kundër Elches e kishte lënë ekipin në zonën e rënies nga kategoria dhe ëndrra e tij për të luajtur në një Kupë Bote me Kosovën ishte shuar pas ndeshjes kundër Turqisë.

Por goli spektakolar ndaj Real Madridit jo vetëm që ngriti Mallorkën nga vendi i fundit, por edhe riktheu besimin dhe shpresën për mbijetesën në La Liga.

Trajneri argjentinas i Mallorcas, Demichelis, lavdëroi sulmuesin pas ndeshjes, duke vënë në dukje karakterin dhe forcën e tij.

Muriqi po vuan, por është një luftëtar. Historia e tij që nga fëmijëria tregon se ai di të përballojë presionin dhe vështirësitë. Pas penalltisë kundër Elches, ai u rikuperua shpejt dhe performanca e tij ishte e jashtëzakonshme”, deklaroi ai.

Muriqi ka kaluar një fëmijëri shumë të vështirë në Prizren, Kosovë, pak para shpërthimit të Luftës së Kosovës, kujton Marca.

Ai e njohu urinë dhe dhimbjen, duke filluar të luante futboll që në moshën pesëvjeçare. Në moshën 15-vjeçare, la shkollën për të punuar dhe për të luajtur futboll, ndërsa dy vjet më vonë nisi karrierën e tij profesionale në Turqi, duke i dhënë hov të vërtetë karrierës së tij.

Pas golit ndaj Real Madridit, Muriqi u shpreh i emocionuar: “Edhe pse nga jashtë mund të dukem i ashpër dhe i shëmtuar, unë jam gjithashtu njeri dhe ndonjëherë emocionet dhe nervat më mposhtin”.

Ky moment tregon se edhe luftëtarët më të fortë kanë të drejtë të qajnë dhe se lotët e tyre nuk vlejnë vetëm për ndjenjat, por edhe për triumfin e arritur.

Futbollistet e Kosovës do të zhvillojnë dy ndeshje kundër Bullgarisë këtë muaj. E para luhet më 14 prill në udhëtim, ndërsa e dyta më 18 prill në Prishtinë, në kuadër të Grupit 2 të Ligës C të kualifikimeve për Botërorin 2027.

Për këto dy ndeshje, përzgjedhësi i Kosovës, Sami Sermaxhaj, publikoi të hënën listën me 24 futbolliste të grumbulluara.

“Dardanet” vijnë pas dy fitoreve të radhës. Ato mposhtën Gjibraltarin 6-0 dhe fituan edhe ndaj Kroacisë në udhëtim 1-0 më 7 mars, duke synuar ta kryesojnë grupin në Ligën C të kualifikimeve.

Nga Liga C nuk ka kualifikim të drejtpërdrejtë për Kampionatin Botërorin. Fitueset e gjashtë grupeve shkojnë në play-off, ndërsa dy përfaqësueset më të mira nga vendet e dyta gjithashtu avancojnë.

Nëse Kosova kryeson grupin, ajo do të kalojë në Ligën B për edicionin e ardhshëm të Ligës së Kombeve.

Ndërkohë, Bullgaria më 3 mars pësoi humbje 1-0 nga Kroacia në Sofje, ndërsa më 7 mars triumfoi 5-0 ndaj Gjibraltarit.

Çdo pikë është vendimtare për Juventusin në garën për një vend në Champions League. Sonte, skuadra e drejtuar nga trajneri do të përballet me Genoa-n në një ndeshje që nis në orën 18:00.

Pas rezultateve të fundit, “Bianconerët” ndodhen nën presion për të ruajtur shanset e tyre për vendet e para katër, dhe çdo gabim mund të ndikojë rëndë në objektivin për tu kualifikuar në Ligën e Kampionëve.

Tifozët e Juventusit presin një paraqitje të fortë dhe triumf që do të forconte pozitat e skuadrës në renditje.

Sofascore ka publikuar formacionin e javës në Bundesliga.

Në këtë 11-she nuk është futur asnjë lojtar shqiptar edhe pse Fisnik Asllani shënoi një gol të bukur ndaj Mainzit, shkruan Indeksonline

Në sulm, është vendosur lojtari i Wolfsburgut, Wind.

Ky është formacioni i plotë i javës në Bundesliga:

Team of the Week provided by Sofascore

Skuadra e Fenerbahces ka shënuar fitore të madhe ndaj Besiktasit me shifrat 1:0 në ndeshjen e vlefshme për javën e 28-të në Superligë.

Golin e vetëm në këtë ndeshj e shënoi lojtari turk, Akturkoglu.

Futbollisti turk shënoi nga pika e bardhë e penalltisë në sekondat e fundit të ndeshjes.

Penallti e akorduar ka “ndez” debatet në rrjetet sociale mes tifozëve.

Shumica e tyre mendojnë se gjyqtari bëri gabim të madh që lejoi këtë 11-metërsh.

Mallorca ka shënuar një fitore të rëndësishme 2-1 ndaj Real Madridit në Son Moix, duke marrë tre pikë jetike në luftën për mbijetesë.

Protagonist i ndeshjes ishte sulmuesi kosovar Vedat Muriqi, i cili realizoi golin e tij të 19-të në La Liga këtë sezon.

Pas ndeshjes, klubi i Mallorcas publikoi një mesazh ironik në rrjetet sociale: “90 minuta janë të gjata në Son Moix”, duke iu referuar deklaratës së mëparshme të Real Madridit për stadiumin Santiago Bernabeu.

Kjo fitore i jep shpresë të madhe Mallorcas për të siguruar mbijetesën, ndërsa Muriqi vazhdon të jetë një nga lojtarët kyç të skuadrës këtë sezon.

Pronari i Manchester United, Sir Jim Ratcliffe, ka identifikuar tetë lojtarë të ekipit të parë që mund të largohen këtë verë për të siguruar fonde dhe ulur pagat e larta.

Emra si Marcus Rashford, Joshua Zirkzee, Manuel Ugarte dhe André Onana janë në listë, me synimin për të rikuperuar rreth 100 milionë paund dhe për të krijuar hapësirë për transferime të reja.