Sot në zyrat e Federatës së Futbollit të Kosovës është hedhur shorti i Kupës së Kosovës.
Në këtë short janë mësuar ndeshjet gjysmëfinale, shkruan Rilindjashqiptare.
Ballkani do të luajë ndaj Dukagjinit, kurse Ferizaj ndaj Llapit.
Ndeshjët e para zhvillohen më 8 prill, kurse ato kthyese më 22 prill.
Klubi anglez, Liverpool, raportohet se është i gatshëm të bëjë një investim të madh brenda kampionatit vendor për të përforcuar mbrojtjen me një qendërmbrojtës të ri, duke synuar një transferim të ngjashëm me atë të Virgil van Dijk disa vite më parë.
Sipas gazetarit të futbollit, Sebastien Vidal, Liverpooli po shqyrton një ofertë prej 69 milionë funtesh (rreth 80 milionë euro) për qendërmbrojtësin Murillo, i cili vlerësohet shumë për nivelin e tij të performancës.
Ndërkohë, thuhet se Manchester United po e monitoron nga afër situatën e 23-vjeçarit te Nottingham Forest dhe mund të hyjë në garë për transferimin e tij.
Murillo u bashkua me Nottingham Forest përpara sezonit 2023/24 të Ligës Premier dhe pati një sezon të shkëlqyer, duke fituar çmimin e Lojtarit të Sezonit të klubit për performancat e tij në zemër të mbrojtjes.
Kontrata e tij me Forestin është e vlefshme deri në qershor të vitit 2029, duke i dhënë klubit një avantazh të fortë në çdo negociatë të mundshme transferimi.
Këtë sezon, mbrojtësi është paraqitur në 30 ndeshje në të gjitha garat, duke kontribuar me dy gola, ndërsa vazhdon të tërheqë interesin e klubeve kryesore të Anglisë.
Është hedhur shorti i çerekfinales së FA Cup, duke sjellë përballje shumë interesante. Vëmendja kryesore do të jetë te dueli mes Manchester City dhe Liverpool, një përballje mes dy gjigantëve të futbollit anglez.
Ndërkohë, lideri i Premier League, Arsenal, do të përballet me Southampton.
Ndeshjet e çerekfinales pritet të zhvillohen më 4 dhe 5 prill.
Sinjali – aty ku e vërteta flet para lajmit!
/GazetaSinjali/
The post Shorti i FA Cup dhuron spektakël, përplasen Manchester City dhe Liverpool appeared first on Sinjali.
Natën e 7-8 marsit, gjeniu argjentinas ndihmoi Inter Miamin të siguronte fitoren e dytë radhazi, duke mposhtur DC United 2-1 në transfertë.
Pika kryesore e takimit ishte goli i Messit, i cili tani e vendos atë në prag të një arritjeje të jashtëzakonshme. Ky gol shënoi golin e 899-të zyrtar të karrierës së shkëlqyer të Leos. Në sezonin aktual të MLS, Messi ka shënuar tashmë tre herë – më parë, ai shënoi dy gola kundër Orlando City.
Fitorja për të besuarit e Javier Mascheranos u sigurua falë përfundimeve të shkëlqyera nga yjet argjentinas: përkrah Messit, edhe Rodrigo De Paul gjeti rrjetën.
Vendasit mundën të kundërpërgjigjeshin vetëm me një gol të vetëm nga Tai Baribo, i cili nuk mjaftoi për të ndaluar Herons të merrnin të tre pikët dhe të ngjiteshin në vendin e tretë në renditjen e Konferencës Lindore.
Mundësia e radhës për të parë golin historik të 900-të të Messit mund të vijë që më 12 mars, kur Inter Miami përballet me Nashville në raundin e 16-të të Kupës së Kampionëve CONCACAF. Fillimi është planifikuar për në orën 00:30 me kohën e Evropës Qendrore.
Skaudra e Cruzeiro ka shënuar fitore në finalen e play-offit “Mineiro” ndaj Ateltico-MG me shifrat minimale 1:0.
Por kjo ndeshje nuk u mbyll siç i ka hije, pasi futbollistët e dy skuadrave filluan një përleshje të çmendur në fushë.
Në fillim s’patëm informacione se sa kartonë u dhanë në këtë përleshje nga gjyqtari i ndeshjes
.
Dhe tashmë numri i saktë është zbuluar, duke shkruar një histori në futbollin brazilian.
Plotë 23 kartona direkt të kuq u dhanë pas përleshjes në ndeshjen finale të play-offit.
Të gjithë këtë sherr e filloi portieri, Everson – i cili filloi të godiste lojtarin kundërshtar.
Megjithatë, ishte po ai që e pësoi më së keqti gjatë këtij sherri.
Everson u godit disa herë nga futbollistët kundërshtarë. Madje një herë ra në shtyllë dhe mori shqelma fytyrës.
Mallorca ka luajtur baras me rezultat 2-2 në udhëtim ndaj Osasunas në kuadër të xhiros së 27-të në elitën e futbollit spanjoll.
Protagonisti kryesor në këtë takim si shpeshherë këtë edicion për mysafirët ishte sulmuesi kosovar Vedat Muriqi.
Ylli dardan edhe njëherë tjetër konfirmoi formën spektakolare që po kalon këtë edicion, duke realizuar të dy golat.
Kjo paraqitje e tij bëri që në fund ai të shpallet ‘Lojtari i Ndeshjes’ nga Sofascore me një notë vlerësimi prej 8.6.
Për 90 minuta të luajtura Muriqi pati gjithsej tri gjuajtje në drejtim të portës, ku dy prej tyre e arritën cakun.
Ai gjithashtu pati pesë duele të fituara si dhe kompletoi rreth nëntë pasime të sakta.
Pas 27 xhirove në kampionat, sulmuesi 31-vjeçar numëron 18 gola të realizuar, ndërsa ka edhe një asistim.
Barcelona ka arritur fitoren e radhës në La Liga.
Ata mposhtën Athletic Bilbaon si mysafir në “San Mames”, me rezultat minimal 0-1.
Lamine Yamal ishte heroi i kampionëve të Spanjës, i cili shënoi golin e vetëm të ndeshjes në minutën e 68-të
Me këtë fitore, Barcelona mbetet në krye të La Ligës me 67 pikë, 4 më shumë se Reali në vend të dytë.
FC Barcelona është duke zhvilluar negociata të avancuara me Manchester United për ta bërë të përhershëm transferimin e sulmuesit anglez Marcus Rashford.
Rashford aktualisht është pjesë e klubit katalunas në formë huazimi për sezonin 2025/26, ndërsa marrëveshja mes dy klubeve përfshin një opsion blerjeje që kap vlerën rreth 30 milionë euro.
Paraqitjet e tij të mira gjatë këtij sezoni kanë bindur drejtuesit e Barcelonës që të punojnë për ta mbajtur atë edhe përtej verës.
Sulmuesi anglez ka qenë një element i rëndësishëm në repartin ofensiv të Barcelonës, duke kontribuar me gola dhe asistime, gjë që ka shtyrë klubin të përshpejtojë bisedimet për transferimin e përhershëm.
Nëse marrëveshja finalizohet, Rashford pritet të nënshkruajë kontratë disa vjeçare me Barcelonën, ndërsa klubi spanjoll do të aktivizojë klauzolën e blerjes që është përfshirë në marrëveshjen e huazimit me Manchester United.
Viti 2026 i Cristiano Ronaldos hapet me një ndalesë të papritur që bën Al Nassr dhe përfaqësuesen portugeze që të dridhen.
Pavarësisht moshës 41 vjeçare që sapo i mbushi, ylli luzitan i futbollit i ishte drejtuar një kufiri legjendar; artë të 1000 golave të shënuar në karrierë dhe rekordit me 6 edicione të Kupës së Botës, por një problem fizik rrezikon që t’ia ndërpresë këtë rrugëtim.
Sirenat e alarmit u ndezën nga trajneri Jorge Jesus që e përkufizoi dëmtimin e pësuar nga Ronaldo në 28 shkurt si më të rëndë nga sa u parashikua. Ekzaminimet mjekësore konfirmuan një dëmtim në tendinën e gjurit duke e detyruar yllin portugez të futbollit të udhëtojë me urgjencë për në Madrid për të nisur trajtimin me fizioterapistin e tij personal. Një trajtim specifik për të tentuar një rikuperim në kohë rekord dhe për të mos kompromentuar një sezon që për të mbetet historikisht vendimtar.
Sulmuesi francez Kylian Mbappe pritet të mungojë në ndeshjen e parë të përballjes mes Real Madrid dhe Manchester Cityt.
Sipas asaj që raporton ”The Athletic”, ylli i madrilenëve nuk pritet të jetë i gatshëm për këtë përballje të rëndësishme evropiane.
Mbappe ka qenë një nga lojtarët kyç të Real Madridit këtë sezon dhe mungesa e tij do të ndikonte ndjeshëm në repartin ofensiv të “Los Blancos”.
Stafi mjekësor i klubit po monitoron gjendjen e tij, ndërsa mbetet për t’u parë nëse sulmuesi francez do të arrijë të rikuperohet në kohë për ndeshjen e kthimit.
Përballja mes Real Madridit dhe Manchester Cityt pritet të jetë një nga duelet më të forta të fazës eliminatore, me të dy skuadrat që synojnë kalimin në raundin tjetër të kompeticionit.