Category: SPORT

Barcelona ka vazhduar me formën impresive në këtë sezon në La Liga, duke e arritur fitoren e radhës ditën e sotme.

Blaugranasit kanë mposhtur rivalin e qytetit, Espanyol, me rezultat 3-1.

Të tre golat e vendasve erdhën gjatë pjesës së parë, me mysafirët që u ‘ngushëlluan’ me golin e nderit në pjesën e dytë.

Një dygolësh nga Olmo (12′ 23′) dhe një nga Raphinha (31′), i dhanë një fitore të radhës katalanasve.

Skuadra e Hansi Flick qëndron bindshëm e para në tabelë me 33 pikë të mbledhura, duke fituar tani 11 nga 12 ndeshjet e para të këtij sezoni, në përjashtim të humbjes nga Osasuna.

Dy ndeshje tejet interesante zhvillohen sot në kuadër të javës së 12-të në Superligën e Kosovës në futboll.

Vëmendja kryesore do të jetë në ndeshjen Suhareka – Drita, shkruan indeksinline.

Verdhezinjtë janë në venidn e katërt me 17 pikë, një më pak se kaltërebardhët të cilët renditen në vendin e tretë.

Ndeshje tjetër interesante është edhe ajo mes Prishtinës dhe Ferizajit.

Skuadra nga kryeqyteti renditet në vendin e pestë me 16 pikë, ndërsa Ferizaji e shtata me 14 pikë.

Të dy ndeshjet zhvillohen nga ora 13:00.

Erik Ten Hag të hënën e kësaj jave është shkarkuar nga posti i trajnerit të Manchester United.

Akoma pa u bërë 24 orë nga komunikata e tyre shokuese lidhur me largimin nga të gjitha garat që organizohen nën ombrellën e Federatës së Futbollit të Kosovës, klubi i Feronikelit ’74 ka njoftuar se janë tërhequr nga vendimi i tyre.

Presidenti i klubit, Erlind Krasniqi, në një konferencë për media të mbajtur sot, ka deklaruar se Feronikeli ’74 do të mbetet në Superligë.

Ai ka thënë se janë tërhequr nga vendimi që kanë marrë dje.

Lidhur me vendimin e klubit është deklaruar edhe kapiteni i skuadrës, Lapidar Lladrovci.

Ai pret dhe shpreson se FFK-ja do të reflektojë pas këtij vendimi.

“Shpresojmë që FFK të reflektojë, sepse nuk po ndodh vetëm sivjet. Kemi qenë edhe vitin e kaluar një nga skuadrat më të dëmtuara në ligë”, ka thënë Lladrovci.

Feronikeli ’74 ishte tërhequr si pasojë e paknaqësive me ndarjen e drejtësisë nga gjyqtarët e FFK-së. Si shkak kryesor i këtij vendimi ishte ndeshja e fundit ndaj Llapit, e cila u mbyll me barazim 2:2.

Përpos Feronikelit, kritika të mëdha me ndarjen e drejtësisë këtë sezon kanë pasur pothuajse të gjitha klubet.

Real Madridi i drejtoi gishtat UEFA-s se ishte përgjegjës për humbjen e Vini Jr në Topin e Artë të 2024 nga Rodri.

Los Blancos besojnë se shtëpia e futbollit pati ndikim në rezultat për shkak se klubi spanjoll po tenton formimin e Superligës Evropiane.

UEFA ka reaguar ndaj Los Blancos për akuzat teksa ata kanë lëshuar në një komunikatë.

“Nëse ata thonë diçka të tillë, kjo thotë gjithçka për ta. Dhe pastaj ai nuk meriton më koment nga ana jonë”, është reagimi i shkurtër nga UEFA.

UEFA ka bashkëpunuar me presidentin e Real Madridit, Florentino Perez gjatë viteve të fundit që kur plani i Superligës Evropiane u hartua nga ky i fundit.

Vini Jr ishte padyshim i zhgënjyer për humbjen e Topit të Artë pasi ishte gati ta fitonte atë deri në ditën kur ndodhi ceremonia.

“Gjithçka që mund të bëjë është të punojë edhe më shumë për ta arritur vitin e ardhshëm”, ishin fjalët e brazilianit.

Lionel Messi ka zhvilluar së fundmi një intervistë me ekspertin e transferimeve, Fabrizio Romano.

Mes tjerash, gazetari italian e ka pyetur legjendën argjentinase se çfarë superfuqie do dëshironte ta posedonte.

“Ne e dimë që ju jeni një adhurues i personazheve superhero – çfarë superfuqie do të dëshironit të kishit?”, Messi u pyet gjatë intervistës së tij me Romanon.

Argjentinasi u përgjigj: “Padukshmëri, padukshmëri ose fluturim, por padukshmëria është më afër”.

Messi dihet se feston golat e tij në Inter Miami duke imituar veprimet e superheronjve të ndryshëm.

Në një rast, ai bëri gjeste si Spiderman për të festuar golin e tij.