Mbrëmë u zhvillua ndeshja miqësore mes Zvicrës dhe Kosovës, ku rezultati përfundimtar ishte 1-1.
E për futbollistin me prejardhje shqiptare, Granit Xhaka, kjo ishte ndeshja e 100-të me fanellën e Kombëtares së Zvicrës, shkruan lajmi.net.
Ai madje përpara lojës mori një poster nga klubi duke e nderuar për 100 ndeshjet e zhvilluara, e madje kjo ishte edhe më e veçantë pasi po luan kundër Kosovës, vendit të prindërve e rrënjëve të tij.
Ky moment e ka bërë krenare edhe bashkëshorten e tij, tanimë një emër i njohur në showbizin shqiptar, Leonita Lekajn.
Bashkëshortja e tij e ka shpërndarë këtë moment në “Instastory”, ku edhe ka shkruar: Shumë krenare me ty.
Ndryshe futbollisti është i martuar me Leonitën prej disa vitesh dhe bashkë kanë dy vajza.
Xhaka momentalisht është një lojtar shumë i rëndësishëm i Zvicrës duke marrë pjesë në Kampionate Evropiane dhe Botërore me këtë ekip.
Granit Xhaka, Xherdan Shaqiri dhe Andi Zeqiri do të luajnë sot për herë të parë kundër shtetit të tyre amë.
Një artikull te veçantë për këtë fakt e ka shkruar sot gazeta e madhe zvicerane “Blick” që e cilëson këtë përballje të yjeve të tyre nga Kosova si përballje me “rrënjët e tyre” .
“Sot do të jetë një lojë shumë e veçantë për Andi Zeqirin, Granit Xhakën dhe Xherdan Shaqirin. Yjet e kombëtares sonë për herë të parë në karrierën e tyre luajnë kundër Kosovës, vendit të prindërve, rrënjëve të tyre”, shkruan “Blick”, transmeton Rilindja Shqiptare.
“Xhaka, i cili luan ndeshjen e 100-të për Zvicrën kundër Kosovës, Shaqiri dhe Zeqiri mezi presin takimin special. Një lojë miqësore që kërkon miqësi. Zvicra dhe Kosova ndajnë një miqësi të madhe”, vazhdon artikulli i gazetës zvicerane.
Ndryshe, që të tre, Xhaka, Zeqiri dhe Shaqiri kanë deklaruar para ndeshjes se do të japin maksimumin për të marrë fitore kundër Kosovës.
Përballja mes Zvicrës dhe Kosovës do të zhvillohet sot me fillim nga ora 18:00.
Aksionari më i madh i klubit të FC Prishtinës, Rrahman Haradini ka theksuar se klubi i tyre i ka dhuruar nënshkrimet vetëm Gramoz Vokrrit dhe askujt tjetër në garën për kryetar të FFK’së.
“Nënshkrimet e Prishtinës janë shumë në rregull, tek ne është bërë ndërrimi i delegatëve para se të bëhen zgjedhjet për kryetar Federate. Delegatët e Prishtinës nuk i kanë dhënë nënshkrim kërkujt perveç Gramoz Vokrrit. Jemi në përkrahje 100% të Gramoz Vokrrit. Ne e kemi marrë konfirmimin e delegatëve – per mua dhe Artan Osmanin”, tha Rrahman Haradini për Kanal10.
“Gramozi i ka dorëzu vetëm nenshkrimin tim dhe të Artanit, nuk ka shansa të ketë dy nënshkrime”, vazhdoi ai.
Në fund Haradini potencoi se FC Prishtina është gati të largohet edhe nga gara nëse vazhdohet t’i cenohet e drejta e tyre.
“Ne qoftëse vendos vetëm një njëri në Kosovë dhe e cenon mënyren e të drejtën e zgjedheve, jemi të gatshëm të largohemi edhe nga garat nëse na cenohet çdo e drejtë për kandidatin tonë”, përfundoi ai.
Vlen të potencohet se sot, FFK nuk e ka certifikuar Gramoz Vokrrin për garën për kryetar, me arsyen se ka tri nënshkrime jo-valide, kurse Agim Ademit i ka dhënë të drejtë për të bërë një gjë të tillë.
Gramoz Vokrri është përzgjedhur si kandidat për Kryetar të Federatës së Futbollit të Kosovës nga opozita e Agim Ademit. Burime të “Insportit” bëjnë të ditur se tashmë janë pajtuar që Gramoz Vokrri do të jetë ai që do ballafaqohet me Agim Ademin në garën për të karrigen e të parit të FFK-së.
Gramoz Vokrri është djali i legjendës së futbollit shqiptar, Fadil Vokrri. Fadil Vokrri ishte kryetar i FFK-së që nga viti 2006.
Karrigen e të parit të FFK-së po e synon edhe djali i tij, Gramozi, me mbështetjen e fuqishme të opozitës së kryetarit aktual, Agim Ademit.
Opozizta përbëhet nga kandidatët që kanë synuar po ashtu udhëheqjen e FFK-së.
Arianit Ahmeti, Remzi Ejupi, Nexhat Dumnica, Bekim Shotani, Afërdita Fazliu dhe së fundmi edhe Eroll Salihu, i cili mbrëmë në “Debat Plus” deklaroi se nuk do të jetë kandidat pas suspendimit të bërë nga FFK-ja.
Presidenti i FC Prishtinës, Remzi Ejupi dhe Arianit Ahmeti ditë më parë në emisionin “Pressing” të televizionit “T7”, konfirmuan se janë pajtuar që të jetë vetëm një kundër-kandidat.
“Agim Ademi do të ketë kundër-kandidat, shumë shpejtë do ta kuptoni. Ditët në vijim, vetëm prisni”- ishte deklarata e Ahmetit.
“Insporti” ka kontaktuar me Gramoz Vokrrin, i cili ka deklaruar se për momentin është në rolin e shikuesit dhe se nuk ka biseduar ende me klubet.
“Nuk e di çka të them. Mundet me u përfol gjithçka. Tash kandidatura nuk mundet me u shpallë në studio televizive, pa i pas 15 nënshkrime. Kandidatura buron prej klubeve, nëse nuk kanë dëshirë prej klubeve normalisht që nuk ka kandidatur. Momentalisht nuk kam biseduar me klubet, më shumë jam duke i përcjell ngjarjet ligjore, statutare, ka me të vërtetë shumë pa qartësi por besoj që në momentin e duhur nëse ka dëshirë prej klubeve, normal që ulem e bisedojmë. Për momentin nuk ka asgjë”.
Megjithatë, po i njëjti burim i “Insportit” bënë të ditur se opozita dhe Gramoz Vokrri tashmë kanë siguruar 15 nënshkrimet, që ia mundësojnë kandidimin për Kryetar të FFK-së.
Gramoz Vokrri në të kaluarën ka qenë pjesë e FFK-së por që është larguar nga Agim Ademi në mars të vitit 2019.
Zgjedhjet për kryetar të Federatës së Futbollit të Kosovës do të mbahen më 6 prill. Kështu është vendosur të mërkurën e javës së kaluar nga Komiteti Ekzekutiv i FFK-së.
Agim Ademi udhëheq FFK-në që nga vera e vitit 2018 dhe do ta kërkojë edhe një mandat. Ademi është pasardhësi i Fadil Vokrrit, i cili vdiq me 9 qershor të 2018.
Megjithatë, vendimin e KE për shpalljen e zgjedhjeve opozita e FFK-së e quan të jashtëligjshëm.
Arianit Ahmeti thotë se Agim Ademi nuk e ka respektuar qëllimisht statutin e FFK-së, për shkak të frikës nga një kundër-kandidat dhe kjo është arsyeja se pse ka ardhur deri te ky organizim i fshehtë për të mbajtur kuvendin pa i respektuar normat e saj.
Një gol të jashtëzakonshëm ka shënuar mbrojtësi Lucao në një ndeshje të kampionatit brazilian.
Mbrojtësi realizoi nga gjysma e tij e fushës, ndërsa goli po bën bujë nëpër botë.
Ai realizoi me vollej, ndërsa distanca ishte më e madhe sesa goli i shënuar nga Patrick Schick për Çekinë kundër Skocisë në Evropianin 2020 .
Goli i Lucaos po shihet si kandidat edhe për çmimin “Puskas”.
Topi ra te Lucao dhe mbrojtësi goditi me vollej në tentim për të larguar topin. Por ai e goditi topin me aq shumë forcë sa që arriti të parabolonte portierin kundërshtar.
Bashkëlojtarët nxituan të uronin atë ndërsa kundërshtarët mbetën të shtangur.
Në rrjete sociale ka bërë bujë.
Një përdorues shkroi: “Edhe referi shkoi të festonte”.
Salgueiro garon në kategorinë e katërt të Brazilit.
Salgueiro e mposhti Sete de Setembro me rezultatin 4:0.
Gjyqtari që përfundoi para kohe ndeshjen e Kupës së Afrikës mes Malit dhe Tunisisë ka thënë se këtë e bëri pasi ishte gati të vdiste nga nxehtësia e madhe.
Gjyqtari nga Zambia, Janny Sikazwe shkaktoi polemika pasi që e përfundoi ndeshjen në minutën e 85-të, para se ta bëjë këtë edhe një herë në minutën e 90-të.
Zyrtari nga Zambia, Sikazwe fillimisht fishkëlleu për përfundimin e ndeshjes në minutën e 85-të, para se ta përmirësonte gabimin por Sikazëe përsëri i dha fund ndeshjes para se të bëhej minuta e 90-të.
Megjithatë, Sikazwe beson se vendimi i tij për ta përfunduar ndeshjen më herët ishte një bekim nga Zoti.
“Kam parë njerëz që shkojnë jashtë vendit për punë dhe rikthehen në arkivol. Isha gati të bëhesha një nga ta”, u tha gjyqtari gazetarëve pasi u rikthye në Zambia.
“Isha me fat që nuk kalova në komë. Do të kishte qenë një histori krejt ndryshe. Mjekët më thanë se trupi im nuk po ftohej. Do të nevojitej vetëm pak kohë para se të kaloja në komë dhe ai do të kishte qenë fundi. Mendoj se Zoti më tha ta përfundoj ndeshjen. Ai më shpëtoi mua”, deklaroi ai.
Kur u konfrontua me lojtarët dhe stafin e Tunisisë, Sikazëe i qëndroi prapa vendimit dhe u shoqërua nga sigurimi.
Ndeshja ishte 1:0 për Malin, teksa Tunisia tentonte të barazonte shifrat.
Ndonjëherë nuk e dimë çfarë është më keq: Alarmi në 6:00 për në punë apo fakti që pas një dite super të lodhshme të duhet të shkosh në palestër. Sigurisht, kjo e fundit është përveç të tjerave terapi për shkarkim energjie, por këtë e themi zakonisht pasi kemi mbaruar.
Gjithsesi, e zëmë se jeni plotësisht të motivuar, një nga dilemat më të mëdha në lidhje me ushtrimet është: Cila është koha më e mirë për të bërë palestër? Mëngjesi apo darka?
Pavarësisht çfarë mund të keni dëgjuar, nuk ka një kohë më të mirë për ata që duan të ushtrohen. E gjitha varet nga preferencat dhe rutina juaj.
Deri më tani, nuk ka mjaftueshëm studime që tregojnë se të ushtrohesh në mëngjes ka më shumë rezultate se në mbrëmje. Njerëzit do t’i përshtasin oraret sipas stilit të tyre të jetesës.
Përveç kësaj, aktiviteti fizik i mbrëmjes dhe i mëngjesit kanë përfitime unike që mund të ndikojnë më tej tek zgjedhja juaj.
Ata që ushtrohen në mëngjes kanë tendencën ta kthejnë palestrën në rutinë të përditshme dhe të mos tundohen për ta lënë, e ndërsa mbrëmja vjen më pak dembele. Plus, aktiviteti në mëngjes ju ndihmon të përmirësoni gjumin dhe nivelet e energjisë.
Përsa i përket përfitimeve fizike, ushtrimet e mëngjesit ju japin shansin të vazhdoni të digjni kalori aktive gjatë ditës dhe ta furnizoni trupin mjaftueshëm për masë muskulare. Nga ana tjetër, palestra në mbrëmje ju jep kohë të shlodheni dhe të çlironi gjithë stresin e mbledhur gjatë ditës.
